ខេត្តបន្ទាយមានជ័យ៖ តុល្យការចុងក្រោយ នៅវេលាម៉ោង២រសៀល ថ្ងៃទី២៩ ខែធ្នូ ឆ្នាំ២០២២នេះ ករណីអគ្គិភ័យវាយប្រហារអគារកាស៉ីណូដាយមិន ស្ថិតក្នុងភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ កម្លាំងសមត្ថកិច្ចអាចគ្រប់គ្រងបានទាំងស្រុង ប៉ុន្ដែភ្លើងមិនទាន់អស់រងើកនៅឡើយទេ ដែលបណ្តាលឱ្យមនុស្សស្លាប់កេីនដល់១៩នាក់ និងរបួស ស្រាល៥០នាក់  និងរបួសធ្ងន់២៣នាក់ជាង។

លោក អ៊ុំ រាត្រី អភិបាលខេត្ដបន្ទាយមានជ័យ បានថ្លែងប្រាប់បណ្ដាញព័ត៌មានឲ្យដឹងថា កម្លាំងជួយសង្គ្រោះនៅបន្ដប្រតិបត្តិការស្រាវជ្រាវរុករកជនរងគ្រោះ ដែលជាប់គាំង ក្នុងអគារដែលត្រូវភ្លើងឆេះដដែល ដោយមិនទាន់បិទបញ្ចប់នៅឡើយទេ។

យ៉ាងណាមិញយើងក៏បានឃើញការអះអាងរបស់បុគ្គលិកស្រីម្នាក់ដែលបម្រើការក្នុងកាស៊ីណូនោះ មានគណនីហ្វេសប៊ុកឈ្មោះ Mak Aiden​ បានសរសេររៀបរាប់យ៉ាងដូច្នេះថា៖ «បើសិនអោយពួកគាត់ឆាប់ចុះមកប្រហែលគ្មានគ្រោះថ្នាក់ដល់ជីវិតទេ ខ្ញុំខឹងណាស់សូម្បីពួកខ្ញុំក៏វាឃាត់អត់អោយចុះដែល ខ្លាចខាតការងារវា យកជីវិតគេមកលេងសើច ទំរាំបានវាអោយចុះមកពួកខ្ញុំញ័រដៃជើងអស់ ដាច់ភ្លើង ទៀត អារម្មណ៍អ្នកនៅក្នុងហេតុការណ៍នឹងបានយល់នឹកកូននឹកម៉ែនៅផ្ទះ សំណាងទឹកដោះម្តាយថ្លៃដែលពួកខ្ញុំបានចុះទាន់ពេលមិនទាន់ឆេះខ្លាំងបើបន្តការងារទៀតពួកខ្ញុំប្រហែលរត់មិនរួចទេយប់មិញនេះចូលរួមសោកស្តាយបងបងដែលមិនបានរួចផុត»។

ប៉ុន្តែទោះជាយ៉ាងណាក៏ដោយយើងនៅពុំទាន់ដឹងថាករណីមិនប្រក្រតីនេះតើពិតប្រាកដឬក៏យ៉ាងណានោះទេ  ដូច្នេះហើយមានតែរង់ចាំតាមដានព័ត៌មានបន្តទៀត។

សូមបញ្ជាក់ថា អគ្គិភ័យនេះ បានកើតមានតាំងពីវេលាម៉ោង ១១៖៣០នាទីយប់ថ្ងៃទី២៨ ខែធ្នូ ឆ្នាំ២០២២ ខណៈមូលហេតុ ត្រូវបានគេរាយការណ៍ជំហានដំបូងថា ឆ្លងចរន្ដអគ្គិសនីនៅទីតាំងហ្គេមជាន់ក្រោម ហើយបានរីករាលដាលតែម្ដង ៕

បើអ្នកកំពុងរកឃើញថា ខ្លួនឯងមានចំណុចទាំងនេះ បង្ហាញថាអ្នកកំពុងមានចិត្តលើមនុស្សម្នាក់ច្បាស់ហើយ។

១ ពេលនៅជាមួយគ្នា មានអារម្មណ៍ថាមានក្តីសុខ
បើពេលអ្នកនៅជាមួយគេ អ្នកយល់ថាខ្លួនឯងមានសុវត្ថិភាព និយាយគ្នាដោយគ្មានសម្ពាធ មានតែភាពរីករាយ នោះបង្ហាញថាគេជាមនុស្សពិសេសសម្រាប់អ្នក។ អ្នកនិងគេ ជជែកគ្នាពីនេះពីនោះដោយមិនមានអារម្មណ៍ទើសទាល់គ្នា ហើយមិនតែប៉ុណ្ណោះ នៅពេលមានបញ្ហាណាមួយ អ្នកអាចប្រាប់គេបាន ហើយគេក៏រីករាយស្តាប់ព្រមទាំងឲ្យយោបល់ថែមទៀត។ នេះជាសញ្ញា 15% ថាអ្នកកំពុងពេញចិត្តគេ។

២ អ្នកចង់ជួបគេញឹកញាប់
នៅសុខៗ អ្នកស្រាប់តែនឹកគេ ហើយបើបានជួបគេផ្ទាល់ទៀតអ្នកកាន់តែរំភើប។ មិនតែប៉ុណ្ណោះ អ្នកចង់ជួបមុខគេរាល់ថ្ងៃ ហើយចង់ជជែកជាមួយគេថែមទៀត។ អ្នកហាក់ចង់ទៅរៀន ឬទៅធ្វើការលឿនជាងមុន នឹងអាលបានជួបមុខគេ។ បេះដូងរបស់អ្នកហាក់មានតែគេម្នាក់ ហើយសញ្ញានេះបង្ហាញថា ៣៥% អ្នកកំពុងលួចស្រលាញ់គេ។

៣ អ្នកមិនចូលចិត្តនៅពេលឃើញគេស្និទ្ធស្នាលអ្នកផ្សេង
មិនថាពេលឃើញផ្ទាល់ភ្នែកនៅខាងក្រៅ ឬឃើញគេ Comment FB លេងជាមួយអ្នកផ្សេង ធ្វើឲ្យអ្នកមិនសប្បាយចិត្ត បង្ហាញថា ៥០% អ្នកស្រលាញ់គេ។ ប្រសិនបើអ្នកមានអារម្មណ៍ធម្មតាពេលដឹងថាគេស្និទ្ធស្នាលជាមួយអ្នកផ្សេង គឺមិនចម្លែកនោះទេ ។ ផ្ទុយមកវិញ អ្នកបែរជាបង្កប់អារម្មណ៍ប្រច័ណ្ឌ ឬមិនចូលចិត្ត គឺបង្ហាញថាអ្នកកំពុងលួចចូលចិត្តគេដោយមិនដឹងខ្លួនហើយ។

៤ ចូលចិត្តរំលឹកពីឈ្មោះគេញឹកញាប់
ឲ្យតែមានសាច់រឿងពាក់ព័ន្ធនឹងគេ អ្នកចូលចិត្តរំលឹកឈ្មោះពីមនុស្សម្នាក់នោះ ហើយឲ្យតែលឺឈ្មោះគេពេលណា អ្នកសប្បាយចិត្តដោយមិនដឹងខ្លួន។ នេះគឺ ៧០% បង្ហាញថា អ្នកស្រលាញ់គេ។

៥ អ្នកមានអារម្មណ៍មិនស្រួលក្នុងចិត្តពេលគេតបឆាតអ្នកយឺត
បើអ្នកមានអារម្មណ៍តូចចិត្ត ហើយមិនសប្បាយចិត្តនៅពេលឆាតទៅគេហើយ បែរជាគេតបយឺត។ នោះបង្ហាញថា ៨០% អ្នកស្រលាញ់គេពិត ព្រោះអ្នកចង់រក្សាទំនាក់ទំនង និងបង្កើនភាពស្និទ្ធស្នាលជាមួយគេ តែលទ្ធផលចេញមកធ្វើឲ្យអ្នកខកចិត្ត។ អ្នកកំពុងលួចស្រលាញ់គេខ្លាំងហើយ។

៦ អ្នកមិនចង់ឃើញគេមិនសប្បាយចិត្ត ឬខូចចិត្ត
សញ្ញានេះច្បាស់១០០% ថា អ្នកស្រលាញ់គេ ព្រោះបើមនុស្សដែលអ្នកមិនចាប់អារម្មណ៍ អ្នកច្បាស់ជាមិនខ្វល់ថា ជីវិតគេនឹងប្រទះអ្វីនោះឡើយ។ សម្រាប់មនុស្សដែលអ្នកស្រលាញ់ អ្នកចង់ត្រឹមឃើញគេសប្បាយចិត្ត ហើយចង់ឲ្យគេញញឹមដោយសារអ្នក។ បើពេលគេជួបរឿងឈឺចាប់ ឬទុក្ខព្រួយណាមួយ អ្នកចង់ចូលទៅលើកទឹកចិត្តគេ លួងលោមគេ និងចង់ឲ្យគេមានក្តីសង្ឃឹមឡើងវិញ៕

ផលិតផលក្នុងស្រុកសរុប (GDP) របស់វៀតណាមបានកើនឡើង ៨.០២% ក្នុងឆ្នាំ ២០២២ ដែលជាល្បឿនដ៏លឿនបំផុតប្រចាំឆ្នាំ ចាប់តាំងពីឆ្នាំ ១៩៩៧ ដែលគាំទ្រដោយការលក់រាយ និងការនាំចេញក្នុងស្រុកដ៏រឹងមាំ។

តួលេខនេះ គឺខ្ពស់ជាង គោលដៅកំណើនផ្លូវការ ដែលធ្លាប់គិតថា ពី៦.០% ទៅ៦.៥% ហើយកំណើន កាលពីឆ្នាំមុន មានត្រឹមតែ ២.៥៨% នៅពេលដែលមានការបិទទ្វារប្រទេស  ដោយសារតែ Covid-19 ដែលបានបន្សល់ទុកនូវភាពកខ្វក់លើសេដ្ឋកិច្ច និងប៉ះពាល់ដល់សកម្មភាពរោងចក្រ។

ចំនួនកំណើនប្រចាំឆ្នាំខ្ពស់កើតឡើង បើទោះបីជាមានការភ័យខ្លាចនៃការធ្លាក់ចុះសេដ្ឋកិច្ចសកល និងផលប៉ះពាល់របស់វាទៅលើតម្រូវការសម្រាប់ការនាំចេញពីប្រទេសវៀតណាម ដែលជាក្រុមហ៊ុនផលិតទំនិញសំខាន់ៗដូចជា វាយនភ័ណ្ឌ ស្បែកជើង និងគ្រឿងអេឡិចត្រូនិចសម្រាប់ម៉ាកយីហោអន្តរជាតិល្បីៗ។

ការិយាល័យស្ថិតិទូទៅ (GSO) វៀតណាមបានឲ្យដឹង តាមរយៈរបាយការណ៍មួយថា “ដំណើរការសេដ្ឋកិច្ចមានតម្លៃគួរកត់សម្គាល់ ចំពេលមានភាពមិនច្បាស់លាស់នៃសេដ្ឋកិច្ច និងនយោបាយសកល និងបញ្ហាប្រឈម” ៕

ប្រភព៖ VN Express