ថ្មីៗនេះប្រព័ន្ធផ្សព្វផ្សាយតៃវ៉ាន់បានរាយការណ៍ថា Liu Yifei អាយុ៣៧ឆ្នាំកំពុងមានទំនាក់ទំនងស្នេហាជាមួយលោក Yu Chengdong អាយុ៥៥ឆ្នាំ ដែលជា CEO របស់ក្រុមហ៊ុន Huawei។ ពាក្យចចាមអារ៉ាមនេះបានចាប់ផ្តើមនៅពេលដែល Liu Yifei និង CEO រូបនេះ Follow គ្នាទៅវិញទៅមកនៅលើ Weibo កាលពីប៉ុន្មានថ្ងៃមុន។

អ្នកជំនួញដ៏ល្បីរូបនេះ ក៏បានចែករំលែកវីដេអូនៃរថយន្ត Huawei របស់ខ្លួនដែលតុបតែងដោយផ្កាកុលាបពណ៌លឿងជាច្រើន។ តាំងពីថតរឿង The Tale of Rose មក Liu Yifei តែងតែទាក់ទងជាមួយផ្កាកុលាបពណ៌លឿង ដូច្នេះហើយពាក្យចចាមអារ៉ាមបានលេចចេញមក។ ចំពេលមានពាក្យចចាមអារ៉ាមដែលកំពុងបង្កចលាចលក្នុងមតិសាធារណៈ អ្នកជំនួញ Yu Chengdong បានបញ្ជាក់ថាលោកមិនដែលជួប Liu Yifei ទេ។ សំខាន់ជាងនេះទៅទៀតប្រព័ន្ធផ្សព្វផ្សាយ Sohu ក៏បាននិយាយដែរថា CEO Huawei បានរៀបការជាយូរណាស់មកហើយ និងមានគ្រួសារដ៏មានសុភមង្គលខ្លាំងណាស់។

ទន្ទឹមនឹងនេះរូបភាពនៃរថយន្តរបស់លោកដែលត្រូវបានតុបតែងលម្អដោយផ្កាកុលាបពណ៌លឿងជាច្រើននៅជុំវិញគឺគ្រាន់តែជា «ឈុតខ្លីៗ» សម្រាប់ការសហការគ្នារវាងក្រុមហ៊ុន Huawei និង Liu Yifei ។ ដូច្នេះហើយ ព័ត៌មានដែលរាយការណ៍ដោយប្រព័ន្ធផ្សព្វផ្សាយតៃវ៉ាន់ ត្រូវបានបដិសេធទាំងស្រុង ខណៈក៏មិនមានព័ស្តុតាងជាក់ស្តែងណាមួយដែរ។

ក្នុងរយៈពេលកន្លះឆ្នាំមកនេះ Liu Yifei មានពាក្យចចាមអារ៉ាមស្នេហាជាច្រើន។ Liu Yifei ធ្លាប់ត្រូវបានគេសង្ស័យថាបានណាត់ជួប Li Xian Liu Jianan ហើយថ្មីៗនេះមានពាក្យចចាមអារ៉ាមជាមួយនឹង CEO Huawei ទៀត។ ទោះបីជាយ៉ាងណាក៏ដោយ មិនមានព័ស្តុតាងណាមួយបញ្ជាក់ពីជីវិតស្នេហារបស់ Liu Yifei នោះទេ ហើយនាងក៏មិនបានផ្តល់ការឆ្លើយតបជាផ្លូវការណាមួយដែរ។

គេដឹងថា Liu Yifei មានទំនាក់ទំនងស្នេហាជាសាធារណៈជាមួយតារាសម្ដែងកូរ៉េ Song Seung-heon ម្តងគត់ក្នុងឆ្នាំ២០១៥ ហើយបន្ទាប់ពីស្រលាញ់គ្នាជាង២ឆ្នាំពួកគេក៏បែកគ្នាទៅ។ ជិតដប់ឆ្នាំបានកន្លងផុតទៅហើយ Liu Yifei មិនបានបង្ហាញអ្វីអំពីជីវិតឯកជនរបស់នាងម្តងទៀតឡើយ។ ក្រៅពីផ្ដោតលើការងារ អ្នកគាំទ្រឃើញតែនាងដើរលេងជាមួយក្រុមគ្រួសារ និងមិត្តភ័ក្ដិហើយមិនមានណាត់ជាមួយនរណាម្នាក់បង្ហញជាផ្លូវការឡើយ៕

តារារ៉េបជនជាតិអាម៉េរិក Doechii អាយុ ២៧ ឆ្នាំត្រូវបាន Billboard ផ្តល់កិត្តិយសជា ស្ត្រីឆ្នើមប្រចាំឆ្នាំ (Woman of the Year) សម្រាប់ភាពច្នៃប្រឌិត និងទេពកោសល្យរបស់នាងនៅក្នុងវិស័យតន្ត្រី។ តារារ៉េបរូបនេះទើបមានការសហការជាមួយនឹង Jennie សមាជិក BLACKPINK ហើយទទួលបាននូវការចាប់អារម្មណ៍យ៉ាងខ្លាំងនៅអាស៊ី។

Doechii នឹងទទួលបានពានរង្វាន់ក្នុងព្រឹត្តិការណ៍ Women in Music នៅថ្ងៃទី២៩ ខែមីនា នៅរោងភាពយន្ត YouTube រដ្ឋ California។ នាងគឺជាតារាចម្រៀងរ៉េបទីពីរដែលសម្រេចបាននូវស្នាដៃនេះបន្ទាប់ពី Cardi B ក្នុងឆ្នាំ ២០២០។ កាលពីពីរឆ្នាំមុន នាងបានឈ្នះពានរង្វាន់ Rising Star ហើយបានក្លាយជាសិល្បករទី៣ ដែលបានឈានជើងពីពានរង្វាន់នោះទៅ Woman of the Year បន្ទាប់ពី Lady Gaga និង Ariana Grande ។

Doechii មានឈ្មោះពេញថា Jaylah Ji’mya Hickmon កើតក្នុងឆ្នាំ១៩៩៨ នៅ Tampa សហរដ្ឋអាម៉េរិក។ ឪពុកនិងពូរបស់នាងសុទ្ធតែជាអ្នករ៉េប។ កាលនៅក្មេង Doechii ចូលចិត្តសរសេរកំណាព្យ រៀនរាំរបាំបាឡេ រាំលេង សម្ដែង កាយសម្ព័ន្ធ និងលេងបាល់ទាត់។ នាងបានចាប់ផ្តើមអាជីពតន្ត្រីរបស់នាងជាមួយនឹងបទចម្រៀង Girls ដែលបានបង្ហោះនៅលើ SoundCloud ក្នុងឆ្នាំ ២០១៦ ។ បន្ទាប់ពីបានចេញផ្សាយ On the Places You’ll Go ក្នុងឆ្នាំ ២០២០ Doechii កាន់តែល្បីនៅលើ TikTok ។ មុននឹងក្លាយជាអ្នកសិល្បៈនាងបានប្រឹងប្រែងរកស៊ី ហើយត្រូវគេបណ្ដេញចេញពីការងារតែមិនបោះបង់ក្ដីស្រមៃ។

Doechii បានទទួលជោគជ័យមួយឆ្នាំជាមួយនឹងបទចម្រៀងក្នុងអាល់ប៊ុម Alligator Bites Never Heal ដែលត្រូវបានចេញផ្សាយនៅចុងខែសីហា ឆ្នាំ២០២៤ ហើយត្រូវបានបំផុសគំនិតដោយបទពិសោធន៍របស់នាង។ យោងតាមអ្នកវាយតម្លៃសរុបការទទួលបាន Woman of the Year គឺនាងទទួលបាន ៧៩/១០០ ពិន្ទុ។ Rolling Stone បានសរសើរ Doechii សម្រាប់ភាពប៉ិនប្រសប់របស់នាងក្នុងការរ៉េប ដែលមានឥទ្ធិពលដោយរចនាប័ទ្ម R&B ។ ទំនុកច្រៀងនៃបទចម្រៀងបង្ហាញពី Doechii នៅពេលដែលក្មេងស្រីព្យាយាមបង្កើតខ្លួនឯងនៅក្នុងឧស្សាហកម្មតន្ត្រី។

នៅថ្ងៃទី ២ ខែកុម្ភៈ Doechii បានឈ្នះពានរង្វាន់ Grammy សម្រាប់អាល់ប៊ុមចម្រៀងល្អបំផុតជាមួយអាល់ប៊ុមរបស់នាងខាងលើនេះ។ នៅក្នុងពិធីប្រគល់ពានរង្វាន់ នាងបានសម្តែងបទចម្រៀងពីរបទហើយ Billboard បានអធិប្បាយថាជាការសម្តែងដ៏ល្អបំផុតនៃកម្មវិធី។ លើសពីនេះទៀត នាងបានទទួលការតែងតាំងសម្រាប់សិល្បករថ្មីល្អបំផុត និងការសម្តែងរ៉េបល្អបំផុត។

ថ្មីៗនេះ នាងបានធ្វើឱ្យអ្នកគាំទ្ររីករាយពេលនាងបានសហការក្នុងបទ ExtraL របស់តារាចម្រៀង Jennie ។ អ្នកគាំទ្របានបញ្ចេញមតិថាសំឡេងរបស់នាងសមនឹង Jennie ដែលធ្វើឱ្យបទចម្រៀងកាន់តែទាក់ទាញ។ Women in Music គឺជាព្រឹត្តិការណ៍ប្រចាំឆ្នាំ ដែលរៀបចំដោយ Billboard ។ ពានរង្វាន់ស្ត្រីឆ្នើមប្រចាំឆ្នាំត្រូវបានបង្ហាញជាលើកដំបូងក្នុងឆ្នាំ ២០០៧ ដើម្បីទទួលស្គាល់ការរួមចំណែក និងឥទ្ធិពលរបស់សិល្បការិនី។ Taylor Swift , Billie Eilish, Selena Gomez, Madonna, Olivia Rodrigo សុទ្ធតែទទួលបានកិត្តិយសនេះ៕

តារាស្រី Seo Ye Ji បាននិយាយថានាងថប់ដង្ហើមហត់ចិត្តខ្លាំងបន្ទាប់ពីរងការរិះគន់ថាមានទំនាក់ទំនងសម្ងាត់ជាមួយតារាសម្ដែង Kim Soo Hyun ហើយបានបញ្ចេញមតិរិះគន់នាង។ តារាស្រីរូបនេះក៏បានស្នើឱ្យបញ្ឈប់ការគិតបែបនេះទាញនាងចូលទៅពាក់ព័ន្ធជាមួយ Kim Soo Hyun។

ស្ថានភាពពេលនេះ Kim Soo Hyun និងក្រុមហ៊ុនគ្រប់គ្រងរបស់ខ្លួនគឺ Gold Medalist គឺមានជាប់ពាក់ព័ន្ធក្នុងរឿងអាស្រូវយ៉ាងធ្ងន់ធ្ងរ។ ប្រភពជាច្រើនបាននិយាយថាក្រុមហ៊ុននេះតាមពិតគឺជា «កន្លែងជ្រើសរើសគូស្នេហ៍» សម្រាប់ Kim Soo Hyun ដែលតារាស្រីភាគច្រើនដែលចូលរួមក្រុមហ៊ុនមានទំនាក់ទំនងស្នេហាជាមួយលោក។ Gold Medalist ត្រូវបានបង្កើតឡើងក្នុងឆ្នាំ២០១៩ ហើយគ្រប់គ្រងដោយ Lee Sa Rang ជាបងប្អូនជីដូនមួយរបស់ Kim Soo Hyun ដែលជាតារាសម្តែងសំខាន់នៅក្នុងក្រុមហ៊ុន។

ក្នុងរយៈពេលពីរថ្ងៃកន្លងមកនេះតារាស្រី Seo Ye Ji ដែលជាអតីតតារាក្នុងក្រុមហ៊ុននេះ បានក្លាយជាចំណុចកណ្តាលនៃការចាប់អារម្មណ៍ ខណៈដែលមនុស្សជាច្រើនបានផ្សព្វផ្សាយព័ត៌មានថានាង «ជ្រៀតជ្រែកក្នុងទំនាក់ទំនងរវាង Kim Soo Hyun និង Kim Sae Ron»។ ដោយសារតែនៅពេលនោះ Soo Hyun ត្រូវបានគេសន្មត់ថាកំពុងណាត់ជួប Sae Ron ។ Seo Ye Ji ក៏មានពាក្យចចាមអារ៉ាមថាកំពុងទាក់ទងជាមួយ Lee Sa Rang បន្ទាប់ពីបែកគ្នាជាមួយ Kim Soo Hyun ។

ក្នុងអត្ថបទមួយដែលបានបង្ហោះនៅថ្ងៃទី១៣ ខែមីនា Seo Ye Ji បានបដិសេធថាមិនមានទំនាក់ទំនងជាមួយ Kim Soo Hyun និង Lee Sa Rang ។ នាងបានសរសេរថា «សួស្តីមិត្តៗ ខ្ញុំក៏ជាមនុស្សដែរ ខ្ញុំពិតជាមានអារម្មណ៍ធ្ងន់ ថប់ដង្ហើម ពិបាកចិត្ត និងសោកសៅដោយសារពាក្យចចាមអារ៉ាម។ ខ្ញុំអត់ធ្មត់សរសេរហើយលុប។ ខ្ញុំសង្ឃឹមថាអ្វីៗនឹងឈប់នៅទីនេះ។ ថ្ងៃនេះខ្ញុំពិតជាបាក់ទឹកចិត្ត»។

Seo Ye Ji និង Kim Sae Ron ធ្លាប់ស្ថិតនៅក្រោមក្រុមហ៊ុនគ្រប់គ្រងដូចគ្នា។ នៅពេលដែល Sae Ron បានទទួលមរណភាពក្នុងខែកុម្ភៈ Seo Ye Ji បានរំលឹកដល់នាងនៅលើបណ្តាញសង្គមផងដែរ។

Seo Ye Ji បានសម្តែងរួមគ្នាជាមួយ Kim Soo Hyun ក្នុងរឿង It’s Okay to Not Be Okay ក្នុងឆ្នាំ២០២0។ នៅពេលនោះ មានអ្នកសរសេរប្លុកមួយចំនួនបានបង្ហោះព័ត៌មាននៃការណាត់ជួបរបស់ពួកគេ ប៉ុន្តែរឿងនេះមិនបានទាក់ទាញការចាប់អារម្មណ៍ខ្លាំងនោះទេ ដោយសារតែមិនមានរូបភាព ឬវីដេអូដើម្បីបញ្ជាក់៕