ពិតជាមិនធម្មតានោះទេទើបតែចូលប្រឡូកលើវិថីសិល្បៈប៉ុន្មានឆ្នាំបន្ទាប់ពីក្លាយជាម្ចាស់ពានក្នុងកម្មវិធីរ៉េបពេលនេះ យូហៃ ត្រៀមចេញទៅសម្តែងនៅលើទឹកដីសហរដ្ឋអាម៉េរិកជាលើកដំបូង។ កាលពីឆ្នាំមុនការប្រគំតន្រ្តី Sabaidee Fest គឺមានវត្តមាន វណ្ណដា វណ្ណថាន និងកញ្ញា ឡូរ៉ា ម៉ម ចូលរួមហើយទទួលបានការគាំទ្រយ៉ាងខ្លាំងពីទស្សនិកជននៅទីនោះ ខណៈប្រមូលផ្តុំទៅដោយសិល្បករមកពីប្រទេសផ្សេងទៀតជាច្រើនចូលរួម។

នៅថ្ងៃទី១៧ កុម្ភៈ ខាងកម្មវិធី Sabaidee Fest បានប្រកាសថា តារាចម្រៀងរ៉េប យូហៃ ដែលជាម្ចាស់ពានក្នុងកម្មវិធី The Rapper Cambodia រដូវកាលទី១ នឹងមានវត្តមានក្នុងមហោស្រពតន្រ្តីនេះ Sabaidee Fest នៅ Gloria Molina Grand Park ទីក្រុង Los Angeles សហរដ្ឋអាម៉េរិកនាថ្ងៃទី ១២ និង ១៣ ខែកក្កដា ឆ្នាំ ២០២៥ ខាងមុខនេះ។

ក្នុងនោះក៏បានបញ្ជាក់ថា នេះជាលើកទីមួយរបស់ យូហៃ ដែលបានទៅសម្តែងបទរបស់ខ្លួននៅទីនោះហើយ វាជាក្តីស្រមៃដ៏ធំមួយរបស់លោក។ ជាមួយគ្នានេះ យូហៃ ក៏បានថ្លែងអំណរគុណដល់អ្នកគាំទ្រទាំងអស់ដែលតែងតែស្រលាញ់គាំទ្រលោកតាំងពីថ្ងៃទីមួយដែលលោកបានឈានចូលវិស័យសិល្បៈនិងសង្ឃឹមថាពេញចិត្តជាមួយការវិវត្តន៍របស់លោកនៅក្នុងវិស័យតន្ត្រីដែលនឹងមានជាបន្តបន្ទាប់។

គេចាំបានថា កាលពីខែមិថុនា ឆ្នាំ២០២៤ តារាចម្រៀងរ៉េប វណ្ណដា វណ្ណថាន និងឡូរ៉ា ម៉ម ចូលរួមក្នុងកម្មវិធីខាងលើនេះរួមទាំងអ្នកសិល្បៈខ្មែរមួយចំនួនទៀត។ វត្តមានរបស់សិល្បករចូលរួមគឺទទួលបានការគាំទ្រយ៉ាងខ្លាំងពីទស្សនិកជននៅទីនោះ។

ចុងក្រោយនេះ យូហៃ បានចេញបទចម្រៀង ជាមួយតារាចម្រៀង រ៉េត ស៊ូហ្សាណា មានចំណងជើងថា «2AM» ដែលធ្វើឱ្យទស្សនិកជនចាប់អារម្មណ៍យ៉ាងខ្លាំងជាពិសេសគឺទំនាក់ទំនងរបស់អ្នកទាំងពីរ។ ទន្ទឹមនឹងបទនេះបទផ្សេងទៀតរបស់ យូហៃ ដែលទទួលបានការចាប់អារម្មណ៍មានដូចជា ស៊ីជម្ពូ ជាមួយ Jady , ម្តងហើយម្តងទៀត ជាមួយ GMENGz , ១ណា ជាមួយនិរទ្ធ ជាដើម៕

អ្នកបង្កើតមាតិកា Q Win បានចេញមកបញ្ជាក់ចំពោះពាក្យសម្តីថា «ចាំទេកាល Q Win reaction JO II ស៊ីឈ្នួលគេមិនរករឿងផង» ។ លោកថាលោកមិនបានដឹងរឿងអ្វីនោះទេទៅលើរឿង Diss Track គ្នាហើយការសរសេរឈ្មោះបែបនេះធ្វើឱ្យមានការយល់ច្រឡំហើយខម្មិនជេរលោក។

ថ្មីៗនេះអ្នកបង្កើតមាតិកាលើបណ្តាញសង្គមដ៏មានប្រជាប្រិយភាព Q Win បានចេញវីដេអូមួយរយៈពេលជាង៤០វិនាទីបន្ទាប់ពីមានការយល់ច្រឡំមកកាន់រូបលោក។ ក្នុងនោះ Q Win បាននិយាយថា «លោកបានឃើញផុសមួយដែលនិយាយថា ចាំទេកាល Q Win Reaction JO II ស៊ីឈ្នួលគេមិនរករឿងផង លោកមិនដឹងរឿងអ្វីនោះទេដោយសារតែឃើញគេមេនសិនឈ្មោះលោកមកបានលោកចេញវីដេអូនេះ»។ លោកថា ឈ្មោះដូចគ្នាមានច្រើនអាចពិនិត្យមើលឈ្មោះឡើងវិញបានថាអ្នកណាគេឱ្យពិតប្រាកដពីព្រោះនេះមេនសិនឈ្មោះលោកមកគេគិតថាជាលោកគេខម្មិនជេរលោកហើយ»។

អ្នកបង្កើតមាតិការូបនេះបានបន្តទៀតថា តាំងពីគេ Diss Track គ្នាមកលោកមិនដែលទៅប៉ះពាល់ Diss Track ពីមុនឬឥឡូវក៏ដោយគឺលោកមិនដែលទៅប៉ះពាល់ លោកធ្វើវីដេអូតែកំប្លែង ដើរលេងទៅឥណ្ឌា អីទេពីព្រោះលោកក៏មិនសូវដឹងរឿងដែរ ប៉ុន្តែអ្នកខ្លះគេដឹងក៏គេដឹង អ្នកគេមិនដឹងគឺលោកហ្នឹងឯង ហើយពេលបង្ហោះលើកក្រោយអាចពិនិត្យឈ្មោះឡើងវិញសិនកុំឱ្យមេនសិនខុសឈ្មោះ នាំឱ្យម្ចាស់ឈ្មោះត្រូវគេជេរ។

គួរបញ្ជាក់ផងដែរថា សង្គ្រាម Diss Track បទ JO II ពី វណ្ណដា គឺបានទម្លាក់កាលពីឆ្នាំ២០២២ ទៅកាន់តារាចម្រៀង ជី ដេវីត បន្ទាប់មក ជី ដេវីត បានតបវិញតាមរយៈបទ «ចុមអាអូនអត់ដេក»។ រឿងស៊ីឈ្នួល Reaction បានផុសឡើងវិញនេះដោយសារនាដើមឆ្នាំ២០២៥ ជី ដេវីត ទម្លាក់បទ Diss Track ហើយនិយាយថាអ្នកស៊ីឈ្នួល Reaction ក៏មិនឱ្យរួចខ្លួន៕

អ្នកស្នេហាវិស័យបវរកញ្ញាទាំងក្នុងស្រុកនិងក្រៅស្រុកមានការភ្ញាក់ផ្អើលយ៉ាងខ្លាំងបន្ទាប់ពីលោក ណាវ៉ាត់ ម្ចាស់កម្មវិធី Miss Grand International បង្ហោះរូបនៅលើបណ្តាញសង្គមពី Miss Universe ។ បើតាមប្រព័ន្ធផ្សព្វផ្សាយ khaosod English បានបញ្ជាក់ថាលោកបានចំណាយលុយប្រមាណជាង៥លានដុល្លារសម្រាប់ទិញសិទ្ធិគ្រប់គ្រង Miss Universe Thailand រយៈពេល៥ឆ្នាំ។

នៅថ្ងៃទី១៧ កុម្ភៈ បណ្តាញសង្គមលោក nawat itsaragrisil បានបង្ហោះរូបភាព២សន្លឹករបស់ខ្លួនដោយបានដាក់ខេបសិនយ៉ាងខ្លីថា « Miss Universe x MGI Org» ។ ការបង្ហោះរូបភាពនេះបានធ្វើឱ្យអ្នកតាមដានវិស័យបវរកញ្ញាមានការភ្ញាក់ផ្អើលយ៉ាងខ្លាំង ជាពិសេសអ្នកមួយចំនួនបានបង្ហាញការមិនពេញចិត្តក្រោមការគ្រប់គ្រងរបស់លោកទៅកាន់កម្មវិធីធំបវរកញ្ញាចក្រវាល ពីព្រោះតែកម្មវិធី Miss Grand International របស់លោកគឺរងនូវភាពចម្រូងចម្រាសជាញឹកញាប់នៅលើប្រព័ន្ធផ្សព្វផ្សាយតាមរយៈការ Drama ផ្សេងៗ។

ទោះយ៉ាងណាមានការបញ្ជាក់ថា លោកណាវ៉ាត់ គឺគ្រប់គ្រងតែការរៀបចំ បវរកញ្ញាចក្រវាលប្រទេសថៃ តែប៉ុណ្ណោះមិនមែនកាន់កាប់ទាំងមូលនោះទេ ខណៈមានការប្រកាសថាលោក លោកស្រី Anne Jakrajutatip នឹងមានរៀបចំសន្និសីទសារព័ត៌មាននៅថ្ងៃទី១៨ កុម្ភៈ នេះ។ ក្នុងការកាន់កាប់សិទ្ធិបវរកញ្ញាចក្រវាលថៃរបស់លោក ណាវ៉ាត់ លោកស្រី

Piyaporn Pui Sankosik ដែលជាអតីតម្ចាស់កម្មសិទ្ធិបញ្ញានៃកម្មវិធីប្រកួតបវរកញ្ញាចក្រវាលប្រទេសថៃ ក៏បានចេញមកបញ្ជាក់និងជូនពរទៅកាន់អ្នកគ្រប់គ្រងថ្មីដូចគ្នា។

បើតាមទំព័រផេក khaosod English បានឱ្យដឹងថា លោក ណាវ៉ាត់ គឺបានចំណាយលុយ ១៨០លានបាតដែលស្មើនឹងប្រមាណជាង៥.៣លានដុល្លារសម្រាប់ការទិញសិទ្ធិគ្រប់គ្រង Miss Universe Thailand រយៈពេល៥ឆ្នាំ ចាប់ពីឆ្នាំ២០២៥ នេះតទៅ៕

តារាចម្រៀង វ៉ាន់ នីឡា កំពុងប៉ះពាល់ផ្លូវចិត្តយ៉ាងខ្លាំងរហូត Live ទាំងយប់ពោរពេញដោយទឹកភ្នែកឈឺចាប់ព្រោះតែមិនអាចទទួលយកបានទង្វើរបស់បុរសកាន់ផេក អ្នកវិភាគឯករាជ្យ ដែលបានខម្មិនឆ្លងឆ្លើយនូវពាក្យសម្តីមួយចំនួន។ ម្ចាស់ផេកនេះបានបញ្ជាក់ថាលោកមិនបាននិយាយពីតារាចម្រៀងរូបនេះ លោកនិយាយពីការ៉េមហើយនាងរើសដាក់ខ្លួនឯង។

មុននឹងឈានដល់ការ Live នៅយប់ថ្ងៃទី១៦ កុម្ភៈ វ៉ាន់ នីឡា បានបង្ហោះរូបភាព Screenshot មួយសន្លឹក ដោយបានដាក់ខ្លឹមសារថា «បងប្អូនស្គាល់ផេកនេះហើយមែនទេ? ខ្ញុំទើបតែបានឃើញខ្លឹមសាររបសadmin ផេកនេះ , ខ្ញុំពិតជាទទួលយកមិនបានដាច់ខាតនៅពាក្យសំដីបែបនេះ . តើខ្ញុំគួរធ្វើយ៉ាងណា? ហេតុអីក៏ម្នាក់ប្រុសនេះសំដីថោកជាងសត្វតិរច្ឆានបែបនេះ ? តើខ្ញុំបានខុសអី ខ្ញុំធ្វើអីលោកឯង ក្រុមលោកឯង ឬខ្ញុំបានថាឱ្យអ្នកណាគេ ? បងប្អូន ខ្ញុំត្រូវតែរកយុត្តធម៌ឱ្យខ្លួនខ្ញុំឱ្យបាន»។ ពាក្យសម្តីដែលធ្វើឱ្យ តារាចម្រៀងរូបនេះប៉ះពាល់ផ្លូវចិត្តទៅកាន់ម្ចាស់ផេក អ្នកវិភាគឯករាជ្យ នៃរូបភាព Screenshot នោះទេ «វ៉ានីឡា បែកៗ » និងពាក្យ «say that to មី When មីបែកនូត»។

ក្រោយពីបង្ហោះខ្លឹមសារខាងលើនេះ វ៉ាន់ នីឡា បានចេញមក Live និងទ្រហោយំដោយអារម្មណ៍ឈឺចាប់ព្រោះតែខ្លួនទើបតែបានដឹងដោយសារតែបានប្លុកផេក អ្នកវិភាគឯករាជ្យ ជាយូរមកហើយដោយសារតែមិនពេញចិត្ត ដោយបានចោទសួរថាហេតុអ្វីបានជាជាន់នាងខ្លាំងម៉េស ជាន់ដល់បាតទាំងពាក្យសម្តីរបស់នាងបង្ហោះនិយាយពីមូសនិងដាយណូស័រ គឺសម្តៅតែរឿងនេះមិនបាននិយាយប៉ះពាល់ឬចង់សម្តៅទៅកាន់រឿង ទេព បូព្រឹក្ស និង ជី ដេវិត នោះទេ ប៉ុន្តែត្រូវបានគេជាន់យកៗតែប៉ុន្មានថ្ងៃមកនេះនាងព្យាយាមមិនមាត់កអ្វីទាំងអស់។

តារាចម្រៀង វ៉ាន់ នីឡា ថា នាងស្គាល់ ទេព បូព្រឹក្ស តាំងពីក្មេងៗមកម្ល៉េះតាំងពីហៅស្រីនិច្ច រឿងអីនាងទៅនិយាយដៀមដាមនោះ។ វ៉ាន់ នីឡា ថានាងពិតជាមិនអាចទទួលយកបានចំពោះពាក្យសម្តីរបស់ម្ចាស់ផេកនេះនោះទេ។ កន្លងមកនាងបានឃើញពាក្យសម្តីជេរស្តីប្រមាថនាងជាច្រើនប៉ុន្តែនាងមិនអាចទៅប្តឹងមនុស្ស១០០ ២០០នាក់នោះទេពីព្រោះនាងខ្លាចការប្តឹងផ្តល់ខ្លាំងក្នុងមួយជីវិតនាងធ្លាប់ប្តឹងផ្តល់១ធ្វើឱ្យនាងរាងលែងចង់ប្តឹងផ្តល់តទៅទៀតដោយរក្សាភាពស្ងៀមស្ងាត់។

ក្នុងការ Live ដដែល វ៉ាន់ នីឡា បានបញ្ជាក់យ៉ាងមុតមាំថានាំនាងទៅស្បថនៅកន្លែងណាក៏បាននាងមិនបានថាឱ្យអ្នកណានោះទេហេតុអ្វីបានជាធ្វើបាបជាន់នាងដល់ថ្នាក់នេះ នាងពិតជាមិនអាចទទួលយកបានចំពោះពាក្យសម្តីទាំងនេះបានទេ។

បន្ទាប់ពី វ៉ាន់ នីឡា បានបង្ហោះនិង live ងាកទៅកាន់ផេក អ្នកវិភាគឯករាជ្យវិញ បានចេញមកបញ្ជាក់ថា ខ្លួនមិនបានថាឱ្យ វ៉ាន់ នីឡា នោះទេគឺនិយាយពីការ៉េមដែលមានរសជាតិ វ៉ានីឡា ហើយពាក្យសម្តីដែលនិយាយថា បែកណូត គឺមានគណនី HEE SO ចោទប្រកាន់លោក ហើយ វ៉ាន់ នីឡា រើសដាក់ខ្លួនឯងថាលោក និយាយទៅកាន់់នាងថា មីបែកណូត ដោយពាក្យ មី នេះគឺចង់មានន័យថា «ខ្ញុំ» ។ ផេកនេះ ក៏បានបង្ហោះសំណេរមួយទៀតដែរថា «មនុស្សឡូវ ដូចប្លែកៗ..
ផុសនិយាយ ជាមួយអាមួយណាណុះតាំងលើភ្នំ។ ចែនោះមានខ្លួនតែឯងៗ រើសដាក់ខ្លួនយំង៉ោ..ង! អាម៉េចហេ?សំខាន់ប្លុកឯងតាំងកាលអត់ដឹងទៀតហាស!»៕