ដំឡូងជ្វា ជាអាហារសម្រន់ដ៏ពេញនិយមមួយ ដែលខ្មែរយើងចូលចិត្តបរិភោគណាស់ ជាពិសេសតាមស្រុកស្រែចំការ និងជនបទនានា។ ដំណាំមើមមានសាច់ច្រើនពណ៌ ដូចជា លឿង ស ស្វាយ ហើយរសជាតិវិញក៏ផ្អែមឆ្ងាញ់ ក្រៅពីឆ្ងាញ់វាក៏មានគុណសម្បត្តិ ជួយដល់សុខភាពរាងកាយបានច្រើនទៀតផង។ .png)
នេះបើយោងតាម Hello-គ្រូពេទ្យ ដំឡូងជ្វាផ្តល់អត្ថប្រយោជន៍ជាច្រើនដូចជា៖
១.ពង្រឹងប្រព័ន្ធភាពស៊ាំ៖ ដំឡូងជ្វា ប្រមូលផ្តុំដោយបេតាការ៉ូតែន ដែលជាអង់ទីអុកស៊ីដង់ដ៏ធំ រួមទាំងវីតាមីន C វីតាមីន B រ៉ែដែក និងផូស្វ័រ ដែលពង្រឹងប្រព័ន្ធភាពស៊ាំប្រយុទ្ធប្រឆាំងជំងឺ និងការឈឺចាប់ច្រើនរាប់មិនអស់។
២.ទប់ទល់ការរលាក៖ ដំឡូងជ្វា ជួយប្រឆាំងនិងព្យាបាលអាការៈរលាកទាំងក្នុង និងក្រៅខ្លួន ដោយផ្សំបញ្ចូលគ្នារវាង បេតាការ៉ូតែន ម៉ាញេស្យូម និងវីតាមីន C។
៣.គ្រប់គ្រងជំងឺរលាកសន្លាក់៖ ដំឡូងជ្វាសម្បូរទៅដោយបេតាការ៉ូតែន ម៉ាញេស្យូម ស័ង្កសី និងក្រុមវីតាមីន B ហើយមានសមត្ថភាពចាត់ចែង និងដោះស្រាយបញ្ហារលាកសន្លាក់បាន។ ទឹកដែលនៅសល់បន្ទាប់ពីស្ងោរដំឡូងជ្វា អាចយកទៅលាបត្រង់បរិវេណសន្លាក់ឈឺ ដើម្បីបន្ធូរអាការៈឈឺបាន។
៤.កាត់បន្ថយរោគសញ្ញាហឺត៖ ដោយសារតែក្លិនក្រអូប ដំឡូងជ្វាអាចកាត់បន្ថយតឹងច្រមុះ ដែលជះឥទ្ធិពលដល់ច្រមុះ ទងសួត និងសួតបាន។ ចំពោះអ្នកកើតជំងឺសួត ក្លិនពីដំឡូងជ្វា អាចជួយឱ្យធូរស្រាលបានមួយកម្រិត។
.png)
៥.ជួយដល់ការរំលាយអាហារ៖ ដំឡូងជ្វា ជាពពួកអាហារសម្រន់សម្បូរដោយកាកសរសៃ រ៉ែខនិជ និងម៉ាញេស្យូម អាចជួយប្រព័ន្ធរំលាយអាហារឱ្យកិនបានល្អ។ វាស្រួលញ៉ាំ ហើយឆាប់រំលាយបានល្អ និងមិនធ្វើទុក្ខសម្រាប់អ្នកឈឺក្រពះ ពោះវៀន ក៏ដូចជាជួយឱ្យការបន្ទោបង់ស្រួលផងដែរ។
៦.ជួយប្រយុទ្ធប្រឆាំងមហារីក៖ ដំឡូងជ្វា ជារោងចក្រផលិតថាមពលនៃជាតិបេតាការ៉ូតែន អង់ទីអុកស៊ីដង់ដ៏អស្ចារ្យ និងប្រឆាំងមហារីកបានទៀតផង។ ពេលផ្សំបញ្ចូលគ្នាជាមួយវីតាមីន C អាចធ្វើឱ្យដំណើរការបានល្អ ក្នុងការព្យាបាលមហារីកច្រើនប្រភេទ ជាពិសេសមហារីកក្នុងពោះវៀនធំ ពោះវៀនតូច ក្រពេញប្រូស្តាត តម្រងនោម ឬសរីរាង្គខាងក្នុងដទៃទៀត។
៧.ជួយកាតបន្ថយជំងឺទឹកនោមផ្អែម៖ ដំឡូជ្វាអាចជួយដល់ការបញ្ចេញអ័រម៉ូន អាំងស៊ុយលីន ដើម្បីគ្រប់គ្រង និងតម្រូវកម្រិតជាតិស្ករក្នុងឈាម ហើយអាចញ៉ាំជំនួសបាយក៏បាន បើយើងទម្លាប់៕
