មហាជនបានស្នើឱ្យសមត្ថកិច្ចពាក់ព័ន្ធស្វែងរកជនដៃដល់ជាបុរសម្នាក់ បានប្រើប្រាស់អំពើហិង្សាទៅលើស្រ្តីម្នាក់ ក្រោយពីមានគណនីហ្វេកប៊ុកមួយបានបង្ហោះនៅលើបណ្តាញសង្គមកាលពីយប់ថ្ងៃទី២៦ ខែមីនា នេះ។

ក្នុងវីដេអូប្រមាណ ៩វិនាទី នៅលើហ្វេកប៊ុកមួយឈ្មោះថា «វណ្ណា ថតរូប» កំពុងធ្វើឱ្យមហាជនប្រតិកម្មយ៉ាងខ្លាំង ព្រោះក្នុងវីដេអូនោះបង្ហាញឱ្យឃើញពីសកម្មភាពបុរសម្នាក់បានប្រើប្រាស់អំពើហិង្សាទៅលើស្រ្តីម្នាក់ដោយបានយកមួកសុវត្ថិភាពវាយដំទៅលើមួកសុវត្ថិភាពស្រ្តីកំពុងពាក់ វាយឡើងដំណំ។

តាមការបញ្ជាក់របស់ហ្វេកប៊ុកខាងលើ ហេតុការណ៍នេះបានកើតឡើងនៅស្តុបសន្ធរម៉ុក ដោយមិនដឹងថាអ្នកទាំងពីរមានបញ្ហាអ្វីជាមួយគ្នាឡើយ ប៉ុន្តែបុរសដែលបានប្រើអំពើហិង្សានោះគឺជិះម៉ូតូជាមួយគ្នា ហើយចុះពីម៉ូតូវាយស្រ្តីនោះតែម្តង។

ការប្រើអំពើហិង្សាខាងលើនេះ មហាជនបានស្នើឱ្យសមត្ថកិច្ចស្វែងរកជនដៃដល់ដើម្បីចាត់វិធានការទៅតាមនីតិវិធីច្បាប់ ព្រោះវាជាអំពើដែលសង្គមកំពុងលុបបំបាត់មិនឱ្យកើតមានទាំងក្នុងគ្រួសារ និងសង្គម។

គួរបញ្ជាក់ផងដែរថា តាមការឱ្យដឹងពីលោកស្រី គ្រី ស៊ុយហៀង នាយិកាអង្គការនារីដើម្បីសន្តិភាព បាននិយាយថា កម្ពុជាមានស្រ្តីម្នាក់ក្នុងចំណោម៥ម្នាក់ (១/៥នាក់) ទទួលអំពើហិង្សាទាំងផ្លូវកាយនិងផ្លូវភេទ ខណៈស្ត្រី១/៣នាក់ ទទួលរងអំពើហិង្សា ជារួមនៅលើសកលលោក៕

នៅលើបណ្តាញសង្គមទាំងហ្វេកប៊ុក និង ទិកតុក ផ្ទុះការរិះគន់មិនសំចៃទៅលើនារីមួយក្រុមបានរាំក្នុងពិធីមង្គលការមួយដោយពួកគេបញ្ចេញក្បាច់រាំបែបអឺរ៉ុប twerk ទាំងប្រាណដល់កម្រាលព្រំតែម្តង។ អ្នកប្រើប្រាស់បណ្តាញសង្គមបានលើកឡើងថា ការរាំដល់ថ្នាក់នេះពេកពិតជាមានផលប៉ះពាល់ខ្លាំងណាស់ក្នុងនាមជាស្រ្តីខ្មែរ។

ក្រៅពីចង្វាក់ប្រពៃណីខ្មែរ ក៏រាំបែបចង្វាក់បែបលោកខាងលិចប្រជាជនខ្មែរក៏មានចំណង់ចំណូលចិត្តដូចគ្នាដើម្បីឱ្យពិធីជប់លៀងកាន់តែសប្បាយរីករាយជាពិសេសយុវវ័យតែម្តង។ យ៉ាងណាមិញ នៅលើបណ្តាញសង្គមបានផ្ទុះការមិនពេញចិត្តនិងរិះគន់យ៉ាងខ្លាំងទៅលើនារីមួយក្រុមដែលបានរាំប្រដេញគ្នាក្នុងចង្វាក់អឺរ៉ុប twerk ទាំងប្រាណដល់កម្រាលព្រំនៅក្នុងកម្មវិធីពិធីមង្គលការមួយដែលបានបែកធ្លាយនៅលើបណ្តាញសង្គម។

អ្នកនិយមលេងអ៊ីនធឺណិត បានចូលទៅខំមិនរិះគន់កប់ៗមាត់ថា ការរាំរបស់ក្រុមនារីខាងលើពិតជាមានផលប៉ះពាល់ខ្លាំងណាស់ក្នុងនាមជាស្រ្តីខ្មែរ ការរាំបែបនេះគឺលក្ខណៈហួសប្រមាណដូចបំផ្លាញវប្បធម៌របស់ខ្លួន។

អ្នកខ្លះទៀតលើកឡើងថា អាសូរតម្លៃស្រ្តីខ្មែរណាស់ មានមុខមាត់ស្អាតបាតតែមិនគិតពីប្រពៃណីទំនៀមទម្លាប់ខ្មែរមកបំផ្លាញដូចនេះ បើរាំធម្មតាទៅគេមិនរិះគន់នោះទេ តែការរាំនេះដូចជាជ្រុលពេកហើយ ពិបាកទទួលយកណាស់។

ទន្ទឹមនឹងមានការរិះគន់ពីសំណាក់មហាជន ក្នុងនោះក៏មានការស្នើឱ្យមានការអប់រំព្រមានក្រុមនារីនោះផងដែរ ទោះបីនេះជាសម័យជឿនលឿនយ៉ាងណា ជាសិទ្ធិសេរីរបស់ពួកគេយ៉ាងណា មិនគួររាំដល់ថ្នាក់នេះទេ…។

ទាំងនេះគឺជាការលើកឡើងរបស់អ្នកលេងបណ្តាញសង្គម សម្រាប់ប្រិយមិត្តយល់យ៉ាងណាចំពោះក្រុមនារីនេះគឺទៅតាមការគិតរបស់លោកអ្នក៕

ក្បនដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បានទៅដល់ទីក្រុងម៉ានីល ដឹកដីប្រទេសហ្វីលីពីនហើយ តាមជើហោះហើរ Philippines Airlines នៅព្រឹកថ្ងៃទី២៥ ខែមីនា ឆ្នាំ២០២៣ បន្ទាប់ពីបញ្ចប់ដោយជោគជ័យប្រទេសវៀតណាម។

ក្នុងបេសកកម្មដ៏ពិសេសនេះ ជាការដឹកនាំដោយឯកឧត្តម ហោ សារុន គណៈប្រតិភូតំណាងគណៈកម្មាធិការជាតិ CAMSOC-CAMAGOC ដោយទទួលស្វាគមន៍យ៉ាងកក់ក្ដៅពីសំណាក់ ឯកឧត្តម ផន ពៅ ឯកអគ្គរាជទូតកម្ពុជា ប្រចាំប្រទេសហ្វីលីពីន ព្រមទាំងសហការី និងលោក ខាល អ៉ីវីង សាំប្រាណូ (Carl Irving Sambrano) អគ្គលេខាធិការរងទទួលបន្ទុករដ្ឋបាលនិងជាប្រធានកីឡា Skateboard។

បន្ថែមពីនេះ គណៈប្រតិភូបេសកជនពិសេសនៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ បាននាំយកនូវព្រះអគ្គីកីឡា មកតម្កល់ទុកនៅក្នុងស្ថានទូតកម្ពុជា ដើម្បីត្រៀមធ្វើពិធីដង្ហែនៅព្រឹកថ្ងៃទី ២៧ ខែមីនា នាទីក្រុងតាហ្គាតៃ ប្រទេសហ្វីលីពីន។

សូមបញ្ជាក់ថា កម្ពុជាបានកំណត់យកថ្ងៃចេញដំណើរនៃពិធីដង្ហែភ្លើងគប់ស៊ីហ្គេម ពីថ្ងៃទី២១ ខែមីនា រហូតដល់ថ្ងៃទី៥ ខែឧសភា ឆ្នាំ២០២៣ ដោយផ្តើមដង្ហែក្បួនចេញពីខេត្តសៀមរាប ទៅកាន់ប្រទេសដែលជាសមាជិកអាស៊ានទាំង១០ មុនត្រឡប់មកកម្ពុជាវិញនៅពហុកីឡដ្ឋានជាតិមរតកតេជោ៕

ទន្ទឹមនឹងខាងរដ្ឋាករទឹក សុំការយោគយល់ សន្យា ដោះស្រាយបញ្ហាខ្វះទឹកស្អាតប្រើប្រាស់ជូនពលរ ជាជំហានៗចាប់ពីខែឧសភា ឆ្នាំ២០២៣ ខាងរដ្ឋាករទឹកស្វយ័តក្រុងភ្នំពេញបានលើកឡើងទៀតថា ចាប់ពីដើមឆ្នាំ២០២៤ ពលរដ្ឋរស់នៅរាជធានីភ្នំពេញ និង ក្រុងតាខ្មៅ នឹងមានទឹកស្អាតប្រើគ្រប់គ្រាន់។

ក្នុងសេចក្តីជូនស្តីពីការផ្អាកការផ្គត់ផ្អង់ទឹកនៅក្នុងបណ្តាខណ្ឌមួយចំនួននៅរាជធានីភ្នំពេញកាលពីថ្ងៃទី២៣ ខែមីនា ខាងរដ្ឋាករទឹកបានឱ្យដឹងទៀតថា តាមរបាយការណ៍សិក្សាបានបង្ហាញថារាជធានីភ្នំពេញមាននិន្នាកាខ្វះទឹកស្អាតប្រើប្រាស់នាឆ្នាំ២០១៦ និងឆ្នាំ២០១៧ និងចាប់ផ្តើមខ្វះទឹកប្រើប្រាស់ ចាប់ពីឆ្នាំ២០១៨ រហូតដល់ឆ្នាំ២០២៣។
ក្នុងនោះ តម្រូវការទឹកប្រើប្រាស់បានកើនឡើង ជាង៨៩ម៉ឺនម៉ែត្រគូបក្នុងមួយថ្ងៃក្នុងឆ្នាំ២០២៣ ខណៈដែរការផលិតទឹកមានប្រមាណ ៦៤ម៉ឺនម៉ែត្រគូបក្នុងមួយថ្ងៃតែប៉ុណ្ណោះ មានន័យថាខ្វះទឹកផ្គត់ផ្គង់ចំនួន ២៥ម៉ឺនម៉ែត្រគូបក្នុងមួយថ្ងៃ។

ដើម្បីដោះស្រាយលើបញ្ហាទាំងនេះ រាជរដ្ឋាភិបាល, ក្រសួងអាណាព្យាល, ក្រុមប្រឹក្សាភិបាល, បានជួយគាំទ្រ រ.ទ.ស.ភ ក្នុងការផ្តល់ទុនវិនិយោគមានលទ្ធភាពសាងសង់រោងចក្រផលិតទឹកថ្មី ដែលមានសមត្ថភាពអាចផលិតទឹកស្អាតបានក្នុងបរិមាណ៤០ម៉ឺនម៉ែត្រគូបក្នុងមួយថ្ងៃ និងបំពង់ចែកទឹកថ្មីជិត១ពាន់គីឡូម៉ែត្រ។
ទន្ទឹមនឹងនេះ ចាប់ពីដើមខែឧសភា ឆ្នាំ២០២៣នេះ រោងចក្រផលិតទឹកស្អាតថ្មី នឹងផលិត ចែកចាយទឹកស្អាតបានក្នុងបរិមាណ ២០ម៉ឺនម៉ែត្រគូបក្នុងមួយថ្ងៃបន្ថែមលើសមត្ថភាពផលិតបច្ចុប្បន្ន ៦៤ម៉ឺន ម៉ែត្រគូបក្នុងមួយដែលសមត្ថភាពផលិតទឹកស្អាតឡើងដល់៨៤ម៉ឺនម៉ែត្រគូបក្នុងមួយថ្ងៃ ធៀបនឹងតម្រូវការ ៨៩ម៉ឺនម៉ែត្រគូបក្នុងមួយថ្ងៃ។

បន្ថែមពីលើនេះ ចាប់ពីដើមឆ្នាំ២០២៤ ខាងរដ្ឋាករទឹកនឹងអាចផលិតទឹកស្អាតបាន ២០ម៉ឺនម៉ែត្រគូបក្នុងមួយថ្ងៃបន្ថែមទៀត ដែលអាចផលិតទឹកស្អាតបានរហូតដល់ជាង១លាន ម៉ែត្រគូបក្នុងមួយថ្ងៃធៀបនឹងការព្យាករណ៍តម្រូវការទឹកដែលមានប្រមាណ ៩០ម៉ឺនម៉ែត្រគូបក្នុងមួយថ្ងៃ ដូចនេះពលរដ្ឋ រស់នៅរាជធានីភ្នំពេញ និងក្រុងតាខ្មៅទាំងអស់មានទឹកប្រើប្រាស់គ្រប់គ្រាន់៕

គណៈប្រតិភូតំណាងគណៈកម្មាធិការជាតិ CAMSOC-CAMAGOC ដឹកនាំដោយឯកឧត្តម ហោ សារុន បានអញ្ជើញមកដល់ទីក្រុងម៉ានីល ប្រទេសហ្វីលីពីនហើយ តាមជើហោះហើរ Philippines Airlines នៅព្រឹកថ្ងៃទី២៥ ខែមីនា ឆ្នាំ២០២៣ បន្ទាប់ពីបញ្ចប់ដោយជោគជ័យពិធីដង្ហៃភ្លើងគប់កីឡា នៅក្រុងហាណូយ ប្រទេសវៀតណាម។

នៅក្នុងឱកាស់នៃការអញ្ជើញដល់អាកាសយានដ្ឋានអន្តរជាតិនីណូយ អាគីណូ ទីក្រុងម៉ានីល ប្រទេសហ្វីលីពីន ក៏មានការទទួលស្វាគមន៍យ៉ាងរាក់ទាក់កក់ក្ដៅពីសំណាក់ ឯកឧត្តម ផន ពៅ ឯកអគ្គរាជទូតកម្ពុជា ប្រចាំប្រទេសហ្វីលីពីន ព្រមទាំងសហការី និងលោក ខាល អ៉ីវីង សាំប្រាណូ (Carl Irving Sambrano) អគ្គលេខាធិការរងទទួលបន្ទុករដ្ឋបាលនិងជាប្រធានកីឡា Skateboard។ បន្តាប់មក គណៈប្រតិភូបេសកជនពិសេសនៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ បាននាំយកនូវព្រះអគ្គីកីឡា មកតម្កល់ទុកនៅក្នុងស្ថានទូតកម្ពុជា ដើម្បីត្រៀមធ្វើពិធីដង្ហែរនៅព្រឹកថ្ងៃទី ២៧ ខែមីនា នាទីក្រុងតាហ្គាតៃ ប្រទេសហ្វីលីពី៕