កាលពីពេលថ្មីៗនេះ ក្រុមហ៊ុនបច្ចេកវិទ្យាដ៏ធំរបស់ចិន Huawei បានបញ្ចេញទូរសព្ទអេក្រង់បត់របស់ខ្លួន ម៉ូឌែល Huawei Mate X3 ដែលក្រុមហ៊ុនគិតថាល្អជាងiPhone 14 Pro Max ឆ្ងាយណាស់។
Mate X3 នេះ គឺស្តើងជាង និងស្រាលជាង ព្រមទាំងមានអេក្រង់ធំជាង iPhone 14 Pro Max។ មិនតែប៉ុណ្ណោះ Huawei ក៏បានយកស្មាតហ្វូនថ្មីគឺ P60 ទៅប្រៀបធៀបផងដែរ ដោយអះអាងថា កាមេរ៉ាថ្មីរបស់ស្មាតហ្វូននេះ នឹងផ្តល់ពន្លឺច្រើនជាងកាមេរ៉ា iPhone 14 Pro Max ដល់ ១៩១%។ ចំណែកការថតពេលយប់ ក៏ផ្តល់ពន្លឺខ្ពស់ជាង iPhone 14 Pro Max រហូតដល់ ៤៨៨%។
Huawei ក៏បានសង្កត់ធ្ងន់ដែរថា៖ “បរិបទកូវីដបានបញ្ចប់ហើយ ពេលនេះជាពេលដែលត្រូវក្តោបកាន់កាប់ទីផ្សារបច្ចេកវិទ្យាឡើងវិញ ហើយយើងគិតថា Samsung និង iPhone នឹងបាត់មុខចេញទីផ្សារ”៕
ប្រភព៖ Toms guide
