សារមនី្ទរជាតិកម្ពុជា បានធ្វើការស្នើសុំទៅដល់អាជីវករ សុំការអនុញ្ញាតពីសារមន្ទីរជាតិ មុននឹងបញ្ចូលទីតាំងសារមនី្ទរជាតិជាផ្នែកមួយនៃសេវាកម្មជូនអតិថិជនក្នុងការជួលសម្លៀកបំពាក់និងថតរូបជៀសវាងប្រាសចាកទម្រង់ដើម ព្រោះកន្លងមកមានករណីប្រើប្រាស់សម្លៀកបំពាក់បុរាណខុសឆ្គងមួយចំនួន ជាពិសេសទៅលើការប្រើប្រាស់ពណ៌ ការ រចនាគ្រឿងអលង្ការ ម្កុដ និងស្បៃបន្ថែមលើឈុតបុរាណ ។ ក្នុងករណីអាជីវករបានប្រើប្រាស់ស្ថាប័នរដ្ឋក្នុងការផ្តល់សេវាកម្មសម្រាប់ប្រយោជន៍ផ្ទាល់ខ្លួនដោយគ្មានការអនុញ្ញាត ហេតុនេះ សារមនី្ទរជាតិចាំបាច់ត្រូវមានវិធានការណ៍ទប់ស្កាត់មួយចំនួន រាប់ទាំងការហាមឃាត់ ឬផ្អាកសកម្មភាពថតផ្ទាល់តែម្ដង រហូតដល់សារមនី្ទរជាតិបានទទួលការណែនាំ ឬអនុញ្ញាតពីក្រសួងវប្បធម៌ និងវិចិត្រសិល្បៈជាមុនសិន។

នៅសេចក្តីជូនដំណឹងពីក្រសួងវប្បធម៌នៅថ្ងៃទី១០ ខែឧសភា បានឱ្យដឹងថា កាលពីពេលថ្មីៗកន្លងមកមានអាជីវករ ជួលសម្លៀកបំពាក់បុរាណមួយចំនួនបានលើកសំនួរនៅលើបណ្ដាញសង្គមថា៖ “តើសារមនី្ទរជារបស់អ្នកណា? ជារបស់ជាតិ ឬក៏របស់ឯកជន។ កត្តានេះអាចធ្វើឲ្យសាធារណជនយល់ច្រឡំថា សារមនី្ទរជាតិកម្ពុជាមិនគាំទ្រដល់វិស័យឯកជនក្នុងការ ផ្សព្វផ្សាយលើកតម្លៃវប្បធម៌ខ្មែរ។ សារមនី្ទរជាតិកម្ពុជាសូមបញ្ជាក់ជូនថា កន្លងមកជំហររបស់ថ្នាក់ដឹកនាំសារមនី្ទរជាតិតែង សម្របសម្រួលជូនសាធារណជនអាចចូលប្រើប្រាស់ទីតាំងសារមនី្ទរជាតិបាន ប្រសិនបើមានការពិភាក្សា ឬស្នើសុំជាមុន និង ទទួលបានការអនុញ្ញាតពីក្រសួងវប្បធម៌ និងវិចិត្រសិល្បៈ។ ការដែលសារមនី្ទរជាតិរឹតត្បិតចំពោះអាជីវករមួយចំនួន ដែលផ្តល់ សេវាជួលសម្លៀកបំពាក់បុរាណមកថតរូបក្នុងបរិវេណសារមនី្ទរជាតិកន្លងមក ដោយហេតុថា៖
១. អាជីវករមិនបានទាក់ទងស្នើសុំការអនុញ្ញាតពីសារមន្ទីរជាតិ មុននឹងបញ្ចូលទីតាំងសារមនី្ទរជាតិជាផ្នែកមួយន សេវាកម្មជូនអតិថិជនក្នុងការជួលសម្លៀកបំពាក់និងថតរូប។
២. អាជីវករបានប្រើប្រាស់ស្ថាប័នរដ្ឋក្នុងការផ្តល់សេវាកម្មសម្រាប់ប្រយោជន៍ផ្ទាល់ខ្លួនដោយគ្មានការអនុញ្ញាត ហេតុនេះ សារមនី្ទរជាតិចាំបាច់ត្រូវមានវិធានការណ៍ទប់ស្កាត់មួយចំនួន រាប់ទាំងការហាមឃាត់ ឬផ្អាកសកម្មភាពថតផ្ទាល់តែម្ដង រហូតដល់សារមនី្ទរជាតិបានទទួលការណែនាំ ឬអនុញ្ញាតពីក្រសួងវប្បធម៌ និងវិចិត្រសិល្បៈជាមុនសិន ដើម្បីជៀសវាង នូវការរិះគន់ពីមហាជនក៏ដូចជាការស្តីបន្ទោសពីថ្នាក់ដឹកនាំក្រសួង សារមនី្ទរជាតិស្នើសុំក្រុមអាជីវករចាំបាច់ត្រូវ ទាក់ទងទៅក្រសួងជំនាញ (ក្រសួងវប្បធម៌ និងវិចិត្រសិល្បៈ) ដើម្បីសុំការឯកភាពលើគំរូម៉ូតសម្លៀកបំពាក់ដែលត្រូវ ប្រើប្រាស់សម្រាប់ជួលដល់អតិថិជន។
៣. កន្លងមកមានករណីប្រើប្រាស់សម្លៀកបំពាក់បុរាណខុសឆ្គងមួយចំនួន ជាពិសេសទៅលើការប្រើប្រាស់ពណ៌ ការ រចនាគ្រឿងអលង្ការ ម្កុដ និងស្បៃបន្ថែមលើឈុតបុរាណ ហេតុនេះទើបសារមនី្ទរជាតិស្នើឲ្យមានការឆ្លងយោបល់ពី អ្នកជំនាញរបស់ក្រសួងវប្បធម៌និងវិចិត្រសិល្បៈ ដើម្បីជៀសវាងកំហុសឆ្គងក្នុងការផ្សព្វផ្សាយ ដែលប្រាសចាកទម្រង់ ដើមនិងគ្មានមូលដ្ឋានច្បាស់លាស់។
ជាមួយគ្នានេះ សារមនី្ទរជាតិកម្ពុជាទទូចស្នើសុំអាជីវករទាក់ទងទៅក្រសួងជំនាញដើម្បីសុំឆ្លងយោបល់លើគំរូម៉ូត សម្លៀកបំពាក់ដែលនឹងដាក់ជួលថត ឬស្លៀកពាក់ និងសុំការអនុញ្ញាតចូលថតរូបក្នុងបរិវេណខាងមុខអគារសារមនី្ទរជាតិ។ ប្រសិនបើ អាជីវករ គោរពតាមលក្ខខណ្ឌនេះ សារមនី្ទរជាតិរីករាយស្វាគមន៍៕

ប្រទេសថៃ៖ ប្រាក់បៀវត្សរ៍ប្រចាំខែ គឺជាថ្លៃស្បៀងដែលព្រះមហាក្សត្រប្រោសប្រទានដល់ព្រះសង្ឃនិងសិក្ខាកាម។
កាលពីអតីតកាលព្រះមហាក្សត្រទ្រង់មានជំនឿក្នុងការប្រគេនអាហារដល់ព្រះសង្ឃមន្ត្រីរាជការនិងផ្តល់ប្រាក់ឧបត្ថម្ភប្រចាំឆ្នាំដល់ព្រះសង្ឃ។ ប៉ុន្តែក្នុងរជ្ជកាលព្រះបាទសម្ដេចព្រះបរមរាជា ព្រះបាទយ៉ូតហ្វាចូឡាឡុក ទ្រង់បានលុបចោលប្រាក់ឧបត្ថម្ភប្រចាំឆ្នាំដល់ព្រះសង្ឃ ហើយប្តូរទៅបុព្វលាភប្រចាំខែជំនួសវិញ។

ដូច្នេះហើយបច្ចុប្បន្នប្រទេសថៃគ្រោងនឹងផ្តល់ជូន ប្រាក់ខែទៅបព្វជិតឡើងវិញ ឱ្យសមស្របទៅនឹងលក្ខខណ្ឌសេដ្ឋកិច្ច និងសង្គមក្នុងសម័យកាលនីមួយៗ ដែលអនុម័តដោយគណៈរដ្ឋមន្ត្រី។ ដើម្បីគាំទ្រដល់ការអនុវត្តសាសនា ការគ្រប់គ្រង ការសិក្សាសាសនា ការផ្សព្វផ្សាយព្រះពុទ្ធសាសនា និងកន្លែងសាធារណៈ ហើយក៏ជាថ្លៃអាហារធម្មតាតាមការសមរម្យ ដែលជាការថែរក្សា និងលើកស្ទួយព្រះពុទ្ធសាសនាឱ្យបានគង់វង្ស និងមានស្ថិរភាព។

គួរបញ្ជាក់ដែរថា អត្រាប្រាក់បៀវត្សរ៍សម្រាប់ព្រះសង្ឃ នៅពេលបច្ចុប្បន្នគឺប្រើសំដៅទៅលើ ព្រះសង្ឃ ដែលមានឋានៈចាប់ពី ឧត្តមព្រះសង្ឃ ដល់ លេខាព្រះចៅអធិការ។ ដោយក្នុងនោះមាន៖
-សម្តេចព្រះសង្ឃរាជទទួលបាន ៣៧.៧០០បាត (ជាង១ ពាន់ដុល្លារ) ជារៀងរាល់ខែ។
-លេខាព្រះសង្ឃរាជ ១០.៣០០ បាត (ជាង៣ រយដុល្លារ) ជារៀងរាល់ខែ។
-គណៈសង្ឃនាយក ២៣.៩០០បាត (ជាង៧ រយដុល្លារ) ជារៀងរាល់ខែ។
-ចៅអធិការរងតំបន់ ១៣.៧០០បាត (ជាង៤ រយដុល្លារ) ជារៀងរាល់ខែ។
-ព្រះចៅអធិការ អនុគណៈកម្មការ ១៣.៧០០បាត (ជាង៤ រយដុល្លារ) ជារៀងរាល់ខែ។
-ព្រះធម៌ទេសនា ១៣.៧០០ បាត (ជាង៤ រយដុល្លារ) ជារៀងរាល់ខែ…៕ ប្រភព៖sanook

នៅក្នុងប្រព័ន្ធព្រះអាទិត្យ ភពដែលតូចជាងគេគឺភពពុធ និងភពដែលធំជាងគេគឺភពព្រហស្បតិ៍ ។ ដូច្នេះហើយតើភពមួយណាដែលចំណាស់ជាងគេបំផុតនៅក្នុងប្រព័ន្ធព្រះអាទិត្យ?

ប្រហែល ៥ ពាន់លានឆ្នាំមុន ព្រះអាទិត្យបានចាប់ផ្តើមបំលែងអ៊ីដ្រូសែនទៅជា អេលីយ៉ូម នៅក្នុងស្នូលរបស់វា ដើម្បីក្លាយជាផ្កាយពេញលក្ខណៈ។ នៅជុំវិញព្រះអាទិត្យគឺជាថាសនៃរូបធាតុ ជាចម្បងអ៊ីដ្រូសែនពី nebula ដែលបង្កើតជាព្រះអាទិត្យ។ អន្តរកម្មនៅក្នុងថាសនេះបង្កើតជាភាគល្អិតនៃទឹកកក និងធូលី ដែលបន្តលូតលាស់ និងមានអន្តរកម្មជាមួយភាគល្អិតផ្សេងទៀត។ ម៉ាស់ឧស្ម័ននៃអង្គធាតុរាវក៏ចាប់ផ្តើមបំបែកចេញពីកន្លែងដែលនៅសល់ បន្ទាប់មកភពនានាក៏បានបង្កើតឡើងជាបណ្តើរៗ។

ដូច្នេះហើយភពដំបូងបំផុតដែលកើតប្រហែល ៣ លានឆ្នាំមុននៃប្រព័ន្ធព្រះអាទិត្យនោះ គឺភពព្រហស្បតិ៍។ ភពព្រហស្បតិ៍មានថាមពលខ្លាំង និងមានទំហំធំ ជាងភពដទៃទៀត ភពព្រហស្បតិ៍មានម៉ាស ៣១៨ ដងនៃភពផែនដី។ គន្លងរបស់ភពព្រហស្បតិ៍ មិនមែនជាចំណុចកណ្តាលនៃព្រះអាទិត្យនោះទេ ប៉ុន្តែវាស្ថិតនៅខាងក្រៅនៃផ្ទៃ។ ដូច្នេះហើយ ភពព្រហស្បតិ៍ ក៏មិនមានគោចរជុំវិញព្រះអាទិត្យដែរ។
បន្ទាប់ពីភពព្រហស្បតិ៍ ភពសៅរ៍ក៏ចាប់ផ្តើមអភិវឌ្ឍផងដែរ ក្រោយមកទៀតបានមកដល់ភព Neptune និង Uranus រហូតមកដល់ភពផែនដី៕ ប្រភព៖vnexpress

ប្រទេសថៃ ៖ ជនបរទេសជាច្រើននាក់បាននាំគ្នាសួរ ខណៈពួកគេមិនយល់ថា ហេតុអ្វីបានជាជនជាតិថៃត្រូវសំពះឆ្កែដែរ ? ហើយជនបរទេសទាំងនេះបានសូមឱ្យពលរដ្ឋថៃពន្យល់ប្រាប់ពួកគេ ។ ក្រោយពីជនបរទេសបង្ហោះរូបអ្នកឃោសនារកសំឡេងឆ្នោតនៅប្រទេសថៃលើកដៃសំពះឆ្កែ បានធ្វើឱ្យអ្នកលេងបណ្តាញសង្គមនៅថៃចូលមកបញ្ចេញមតិយ៉ាងច្រើន ។

គេសង្កេតឃើញថា ក្នុងអំឡុងពេលបោះឆ្នោតនៅប្រទេសថៃ មានបេក្ខជនមកពីគណបក្សផ្សេងៗដើរមកឃោសនារកសំឡេងឆ្នោតតាមផ្ទះពលរដ្ឋ ។ ដូច្នេះ នៅពេលចុះមកតាមភូមិ បេក្ខជនម្នាក់ៗបានបង្ហាញឥរិយាបថសុភាពរាបសារ ប៉ុន្តែពេលខ្លះគេឃើញថា ពួកគេសម្តែងចរិតស្លូតបូតជ្រុលពេក រហូតដល់ធ្វើឱ្យជនបរទេសងឿងឆ្ងល់ ។

កាលពីថ្ងៃទី១០ ខែឧសភា ឆ្នាំ២០២៣ មានជនបរទេសម្នាក់បានបង្ហោះសារនៅលើគេហទំព័រ reddit ព្រមទាំងបង្ហោះរូបរបស់បុរសឃោសនារកសំឡេងឆ្នោតមកពីគណបក្សនយោបាយមួយ ដែលបុរសនេះបង្ហាញកាយវិការស្រដៀងគ្នានឹងការលើកដៃសំពះឆ្កែ ។ ជនបរទេសខាងលើសរសេរថា គាត់មានអារម្មណ៍ឆ្ងល់ជាខ្លាំង ហើយចង់បានការបកស្រាយថា ហេតុអ្វីបានជាបុរសមកឃោសនារកសំឡេងឆ្នោតធ្វើបែបនេះ ?

ចំណែកអ្នកលេងបណ្តាញសង្គមនៅប្រទេសថៃបានបញ្ចេញមតិជាច្រើន អ្នកខ្លះប្រាប់ថា វាជារឿងកំប្លែងសម្រាប់នៅអំឡុងពេលមុនការបោះឆ្នោត ដែលបេក្ខជនទាំងឡាយត្រូវធ្វើខ្លួនឱ្យសុភាពជាមួយគ្រប់គ្នា និងគ្រប់ឋានៈទាំងអស់ ដើម្បីទិញទឹកចិត្តពលរដ្ឋឱ្យបានច្រើនបំផុត ។ ចំណែកអ្នកខ្លះទៀតនិយាយលេងសើចថា គាត់ធ្វើបែបនេះ ប្រហែលជាកុំឱ្យឆ្កែខាំគាត់ ។

ពលរដ្ឋថៃខ្លះនិយាយថា ក្នុងរដូវកាលរកសំឡេងឆ្នោត អ្នកមកឃោសនាតែងតែសុភាពជ្រុល រហូតដល់ពួកគេលើកដៃសំពះគ្រប់គ្នា រួមទាំងឆ្កែផងដែរ ។ ចំណែកអ្នកលេងបណ្តាញសង្គមថៃម្នាក់ទៀតថា វាជាការគោរពដល់សត្វទាំងអស់ និងគួរឱ្យអស់សំណើច ៕ ប្រភព ៖ khaosod

បរទេស៖ អ្នកបុរាណវត្ថុវិទូបានរកឃើញសាកសពមនុស្សរាប់សិបនាក់ដែលបានកប់នៅក្នុងផ្នូរបុរាណមួយដែលមានជញ្ជាំងថ្ម និងដំបូលក្នុងប្រទេសអូម៉ង់ ឧបទ្វីបអារ៉ាប់។
យោងតាមប្រភពព័ត៌មាន Live Science ដែលបានរាយការណ៍នៅថ្ងៃទី ៨ ខែឧសភា ថា ផ្ទាំងថ្ម catacombs ក្នុងខេត្ត Al Wusta គឺជាសំណង់ដែលបង្កើតដោយមនុស្សចាស់បំផុតមិនធ្លាប់មាននៅក្នុងប្រទេសអូម៉ង់ ដោយកន្លែងបញ្ចុះសពគឺជាវាលខ្សាច់ថ្មដែលមានទីតាំងនៅជិតឆ្នេរសមុទ្រ។

លោក Alžběta Danielisová អ្នកបុរាណវិទូនៅវិទ្យាស្ថានបុរាណវិទ្យានៃសាធារណរដ្ឋឆេកនៃបណ្ឌិត្យសភាវិទ្យាសាស្ត្រឆេក (CAS) បានរកឃើញ “ចង្កោមនៃឆ្អឹង” ជាច្រើននៅក្នុងបន្ទប់បញ្ចុះសព ដោយបង្ហាញថា សាកសពរបស់អ្នកស្លាប់ត្រូវបានអនុញ្ញាតឱ្យរលួយមុនពេលដាក់ចូលទៅក្នុងគ្រីប លលាដ៍ក្បាលរបស់ពួកគេត្រូវបានដាក់នៅជិតជញ្ជាំងខាងក្រៅ ដោយអ្នកបុរាណវត្ថុវិទូគិតថាសាកសពមនុស្សរាប់រយនាក់នេះមានចន្លោះពីឆ្នាំ ៤៦០០ ទៅ ៥០០០ មុនគ.ស។

ក្រុមអ្នកជំនាញក៏បានរកឃើញអដ្ឋិធាតុស្រដៀងគ្នានេះនៅក្នុងគ្រីបដែលនៅជាប់នឹងគ្រីបមេ។ យោងតាមលោក Danielisová បាននិយាយថាអ្នកស្លាប់ត្រូវបានគេបញ្ចុះនៅពេលវេលាផ្សេងៗគ្នា។
ឆ្ពោះទៅមុខបន្តទៀត ក្រុមការងារនឹងអនុវត្តការវាយតម្លៃផ្នែកនរវិទ្យា និងជីវគីមីនៃអដ្ឋិធាតុ ដើម្បីស្វែងយល់បន្ថែមអំពីរបបអាហារ ចលនា និងប្រជាសាស្រ្តនៃវត្ថុដែលបានកប់នៅក្នុងគ្រីប។ ក្រុមការងារក៏សង្ឃឹមដែលថានឹងអាចរកឃើញកន្លែងតាំងលំនៅបុរាណរបស់មនុស្សជំនាន់មុន ដែលមនុស្សបច្ចុប្បន្នប្រហែលជាមិនធ្លាប់រស់នៅ៕ ប្រភព៖vnexpress

ប្រទេសវៀតណាម ៖ ស្ត្រីវៀតណាមម្នាក់បានរៀបរាប់ថា ម្តាយក្មេករបស់នាងបានប្រើនាងឱ្យលាងចាន ហើយពេលលាងចានរួច ក៏មិនឱ្យនាងសម្រាកដែរ គឺត្រូវរង់ចាំឱ្យចាន និងរបស់របរប្រើប្រាស់ទាំងអស់ស្ងួតសិន ។ ស្ត្រីរូបនេះបានសួរថា តើម្តាយក្មេករបស់នាងធ្វើហួសហេតុពេកទេ ? ដែលធ្វើឱ្យអ្នកលេងបណ្តាញសង្គមនៅប្រទេសវៀតណាមបានបញ្ចេញមតិជាច្រើន ។

កន្លងមក យើងតែងប្រទះឃើញរឿងរ៉ាវជាច្រើនពាក់ព័ន្ធនឹងជម្លោះរវាងម្តាយក្មេក និងកូនប្រសាស្រី បើទោះជារឿងតូចតាចក្តី ប៉ុន្តែវាក៏អាចក្លាយជាបញ្ហាធំបាន ។ កាលពីពេលថ្មីៗនេះ មានស្ត្រីវៀតណាមម្នាក់បានបង្ហោះក្នុងបណ្តាញសង្គមដើម្បីបង្ហាញពីអារម្មណ៍របស់ខ្លួនថា នាងជាកូនប្រសាស្រីពៅ ដោយនាងបានរៀបការ និងចូលមករស់នៅក្នុងផ្ទះខាងស្វាមី ។ នាងបន្តថា តួនាទីរបស់នាង គឺត្រូវលាងចានពេលផ្ទះម្តាយក្មេករៀបចំជប់លៀងផ្សេងៗ ។ ម្តាយក្មេកនាង គឺជាមនុស្សល្អិតល្អន់ណាស់ រហូតដល់នាងមិនពេញចិត្ត ។

នាងរៀបរាប់ថា នៅពេលលាងចានម្តងៗ គឺត្រូវលាងជាមួយទឹកស្អាតជាច្រើនលើក ហើយក្រោយពីលាងរួចរាល់ ក៏នាងមិនអាចសម្រាកបានដែរ គឺត្រូវយកចាន និងរបស់របរផ្សេងៗទៅហាលថ្ងៃ រួចរង់ចាំឱ្យចានទាំងអស់ស្ងួតសិន ទើបនាងប្រមូលទុកដាក់ ។ ក្រៅពីនេះ ម្តាយក្មេកនាងបានរអ៊ូរទាំជាច្រើនរឿងទៀត ហើយធ្វើឱ្យនាងពិបាកចិត្តជាខ្លាំងពេលជួបមុខគាត់ម្តងៗ ។

ស្ត្រីជាកូនប្រសានិយាយថា ៖ «ខ្ញុំជាកូនប្រសាស្រីពៅ ហើយម្តាយក្មេកខ្ញុំជាមនុស្សល្អិតល្អន់ និងមានរបៀបរបបខ្លាំងណាស់ ។ បន្ទាប់ពីខ្ញុំលាងចាន និងចង្កឹះរួចហើយ ខ្ញុំត្រូវអង្គុយរង់ចាំឱ្យរបស់របរទាំងអស់នេះស្ងួតសិន ទើបប្រមូលយកទៅទុកដាក់ ។ គ្រប់ពេលដែលខ្ញុំនិយាយទៅកាន់ម្តាយក្មេក ខ្ញុំមានអារម្មណ៍ពិបាកចិត្តណាស់» ។

រឿងរ៉ាវរបស់ស្ត្រីខាងលើបានធ្វើឱ្យអ្នកលេងបណ្តាញសង្គមនៅវៀតណាមប្រកែកគ្នាទៅវិញទៅមក ខណៈអ្នកខ្លះនិយាយថា ម្តាយក្មេកធ្វើបែបនេះបង្កការលំបាក និងដាក់សម្ពាធមកលើកូនប្រសាស្រី ។ ប៉ុន្តែអ្នកខ្លះបាននិយាយកាន់ជើងម្តាយក្មេកថា ទម្លាប់ស្អាតបាតគឺជារឿងល្អ ហើយកូនប្រសាស្រីត្រូវតែរៀនសូត្រ និងធ្វើតាម វាគ្មានខាតបង់អ្វីទេ ៕ ប្រភព ៖ khaosod