ប្រទេសថៃ ៖ ទំព័រហ្វេសប៊ុករបស់ថៃឈ្មោះ «រឿងឡៅ ឆៅនី» បានចុះផ្សាយថា អ្នកប្រកបរបរលក់កញ្ឆាដែលជាជនបរទេសបានដើរបាញ់ផ្សែងកញ្ឆានៅតាមផ្លូវ ដើម្បីទាក់ទាញភ្ញៀវទេសចរនៅតំបន់ឆ្នេរសមុទ្រប៉ាតង និងជាការផ្សព្វផ្សាយពាណិជ្ជកម្មហាងកញ្ឆារបស់ពួកគេ ។ ក្រោយពីទទួលបានពាក្យបណ្តឹងពីពលរដ្ឋ មន្ត្រីសមត្ថកិច្ចបានចុះត្រួតពិនិត្យលិខិតអនុញ្ញាត និងឱ្យពួកគេអនុវត្តតាមបទប្បញ្ញត្តិដែលបានកំណត់ បន្ទាប់មក ក៏នាំខ្លួនពួកគេមកសាកសួរបន្ថែម មុននឹងចាត់ការតាមផ្លូវច្បាប់បន្តទៀត ។

កាលពីថ្ងៃទី១៧ ខែសីហា ឆ្នាំ២០២៣ ពលរដ្ឋថៃរស់នៅម្តុំផ្លូវបាងឡាប៉ាតង ប្តឹងថា មានការបាញ់ផ្សែងកញ្ឆានៅតាមផ្លូវយ៉ាងអនាធិបតេយ្យដាក់ភ្ញៀវទេសចរ ដើម្បីផ្សព្វផ្សាយពីហាងលក់កញ្ឆានៅខេត្តភូកេត ។ ក្រោយមក កម្លាំងសមត្ថកិច្ច និងភ្នាក់ងារពាក់ព័ន្ធបានចុះមកត្រួតពិនិត្យនៅតាមទីកន្លែងផ្សេងៗតាមការប្តឹងរបស់ពលរដ្ឋឃើញថា អ្នកដើរបាញ់ផ្សែងកញ្ឆានៅតាមផ្លូវនេះ គឺជាជនបរទេស ព្រោះចង់ផ្សព្វផ្សាយហាងលក់កញ្ឆាថ្មីរបស់ខ្លួននៅជិតអាកាសយានដ្ឋានភូកេត ។

សមត្ថកិច្ចឱ្យដឹងថា នឹងធ្វើការសាកសួរពួកគេបន្ថែមទៀត មុននឹងចាត់ការតាមផ្លូវច្បាប់ប្រទេសថៃ ព្រោះការបាញ់ផ្សែងកញ្ឆាយ៉ាងអនាធិបតេយ្យនេះបានធ្វើឱ្យប៉ះពាល់ និងរំខានដល់ពលរដ្ឋរស់នៅក្នុងតំបន់ ។ ពួកគេបាញ់ផ្សែងកញ្ឆាដាក់មនុស្សម្នាដែលដើរនៅតាមផ្លូវបាងឡាប៉ាតង ព្រោះផ្លូវនេះសម្បូរភ្ញៀវទេសចរមកកម្សាន្តច្រើន ប៉ុន្តែពួកគេមិនមែនបើកហាងកញ្ឆានៅតំបន់នេះទេ ។

ពលរដ្ឋថៃនៅតំបន់នេះនិយាយថា ៖ «ពួកគេមកផ្សព្វផ្សាយហាងលក់កញ្ឆារបស់ខ្លួនដែលប្រុងនឹងបើកថ្មី ប៉ុន្តែពួកគេមិនដឹងពីច្បាប់ទម្លាប់នៅប្រទេសថៃ ។ ដូច្នេះ សមត្ថកិច្ចត្រូវអនុវត្តការងារឱ្យបានច្បាស់លាស់ជាងនេះ ជាពិសេស រឿងកញ្ឆា ។ អាជ្ញាធរត្រូវកំណត់ថា តើឱ្យពួកគេលក់កញ្ឆាទៅឱ្យអតិថិជននៅកន្លែងណាឱ្យច្បាស់លាស់ ហើយមិនមែនមកដើរផ្សព្វផ្សាយតាមកន្លែងសាធារណៈធ្វើឱ្យប៉ះពាល់គេឯងបែបនេះទេ» ។

ពលរដ្ឋថៃបានបញ្ចេញយោបល់ក្នុងបណ្តាញសង្គមថា ៖ «វាជាផលកម្ម អ្នកដទៃគេមិនចង់ជក់កញ្ឆា ប៉ុន្តែមកទទួលផ្សែងកញ្ឆាដែរ ។ គួរឱ្យខ្លាចណាស់ អ្នកជក់កញ្ឆាដែលបាត់បង់ស្មារតី ហើយនៅថ្ងៃមុខ តើនឹងមានការប្រព្រឹត្តទង្វើអាក្រក់ដាក់គ្នាដែរឬទេ» ។ ពលរដ្ឋថៃម្នាក់ទៀតថា ៖ «ប្រទេសថៃបានដើរមកដល់ចំណុចនេះមែនទេ» ។ ពលរដ្ឋថៃម្នាក់ទៀតថា ៖ «បើផ្សព្វផ្សាយពាណិជ្ជកម្មពីស្រាបៀរ គឺខុសច្បាប់ប្រទេសថៃ ប៉ុន្តែបើផ្សព្វផ្សាយកញ្ឆា បែរជាត្រឹមត្រូវតាមច្បាប់ទៅវិញ» ។ ពលរដ្ឋថៃម្នាក់ទៀតថា ៖ «បើបែបនេះ មិនគួរទៅកម្សាន្តនៅទីនោះទេ» ៕

វៀតណាម៖ យោងតាមស្ថិតិរបស់រដ្ឋបាលទេសចរណ៍ជាតិ (CDL) នៃប្រទេសវៀតណាមបានឱ្យដឹងថា នៅឆមាសទីមួយនៃឆ្នាំ ២០២៣ នេះចំនួនភ្ញៀវអន្តរជាតិទៅកាន់ប្រទេសវៀតណាមបានកើនឡើង ៩.៣ ដង ប្រមាណជិត ៩០% បើធៀបនឹងរយៈពេលដូចគ្នាក្នុងឆ្នាំ ២០២២។ ដូច្នេះហើយបច្ចុប្បន្ន ប្រទេសវៀតណាមកំពុងស្ថិតនៅលើផ្លូវត្រូវទទួលភ្ញៀវអន្តរជាតិចំនួន ៨ លាននាក់បន្ថែមទៀត និងភ្ញៀវក្នុងស្រុកចំនួន ១០២ លាននាក់ ដែលកំណត់ដោយមជ្ឈមណ្ឌលជាតិទេសចរណ៍។

មូលហេតុចម្បងដែលប្រទេសនេះមានកំណើនភ្ញៀវទេសចរគួរឱ្យកត់សម្គាល់គឺដោយសារ ការផ្លាស់ប្តូរឌីជីថលដ៏រឹងមាំក្នុងឧស្សាហកម្មទេសចរណ៍ ការវិនិយោគលើការបណ្តុះបណ្តាលធនធានមនុស្ស ការអភិវឌ្ឍន៍ប្រព័ន្ធអេកូ និងការលើកកម្ពស់ទេសចរណ៍ប្រកបដោយនិរន្តរភាពគឺជាកត្តាសំខាន់ដែលរួមចំណែកដល់កំណើន និងភាពជោគជ័យនៃឧស្សាហកម្មទេសចរណ៍វៀតណាម។

យោងតាម National Geographic គិតត្រឹមរយៈពេលប្រាំពីរខែដំបូងនៃឆ្នាំនេះ វៀតណាមបានស្វាគមន៍ភ្ញៀវទេសចរចិនជាង ៧៣៨.០០០ នាក់ ប្រមាណ៦១% ។ ដូចនេះ ចិនបានក្លាយជាប្រទេសដែលមានចំនួនអ្នកទស្សនាច្រើនជាងគេបំផុតនៅប្រទេសវៀតណាមក្នុងរយៈពេលប៉ុន្មានខែកន្លងមកនេះ។
អាចនិយាយបានថា ឧស្សាហកម្មទេសចរណ៍របស់វៀតណាមកំពុងបង្ហាញសញ្ញាខ្លាំងនៃការងើបឡើងវិញជាមួយនឹងចំនួនភ្ញៀវទេសចរដ៏ច្រើនមកពីជុំវិញពិភពលោក។ ក្រៅពីភ្ញៀវទេសចរចិន វេទិការបស់ប្រទេសនេះក៏បានកត់ត្រាចំនួនភ្ញៀវទេសចរដ៏ច្រើនដែលមកពីប្រទេសថៃ និងឥណ្ឌូណេស៊ី ផងដែរ។

ដូច្នេះហើយ ថ្មីៗនេះប្រទេសវៀតណាម និងក្រុមប្រឹក្សាទេសចរណ៍និរន្តរភាពសកល (GSTC) បានធ្វើការប្តេជ្ញាក្នុងការឧបត្ថម្ភវគ្គបណ្តុះបណ្តាលជាបន្តបន្ទាប់ស្តីពីគោលការណ៍ និងស្តង់ដារទេសចរណ៍ប្រកបដោយនិរន្តរភាពដែលដឹកនាំដោយ GSTC ក្នុងគោលបំណងយកចិត្តទុកដាក់លើនិរន្តរភាព បំពេញតម្រូវការរបស់អ្នកដំណើរ និងធានាថាសេវាកម្មរបស់ពួកគេតែងតែស្របតាមលក្ខណៈវិនិច្ឆ័យរបស់អ្នកប្រើប្រាស់ ដើម្បីគាំទ្រដល់កំណើននៃឧស្សាហកម្មទេសចរណ៍៕
ប្រភព៖cafef.com

កាលពីព្រឹកថ្ងៃទី២៣​ ខែសីហា ឆ្នាំ២០២៣ ប្រទេសសិង្ហបុរី បានទទួលការគំរាមកំហែងពីក្រុមភេវរករ ថានឹងបំផ្ទុះគ្រាប់១៨ទីតាំង ផ្ដោតលើអគាររដ្ឋាភិបាល និងស្ថានទូតសំខាន់ៗទូទាំងប្រទេសិង្ហបុរី។

កងកម្លាំងពិសេសសិង្ហបុរី (SPF) បានបើកការស្រាវជ្រាវ និងរឹតបន្តឹងសន្តិសុខជាខ្លាំង ខណៈការរុករកឱ្យរយៈពេល១ថ្ងៃមិនទាន់មានរកឃើញគ្រាប់បែកណាមួយនោះទេ។

ទាក់ទងនឹងករណីនេះ កងកម្លាំងពិសេសសិង្ហបុរី យល់ឃើញថាវាគ្រាន់តែសារគំរាម ឬការបោកបញ្ឆោតរបស់ក្រុមភេវរករ ដែលបានផ្ញើ E-mail ចូលមកកាន់​​ Mail រដ្ឋបាលភិបាលសិង្ហបុរីតែប៉ុណ្ណោះ។

បើតាមព័ត៌មានដែលបានបែកធ្លាយ បញ្ជាក់ថានៅក្នុង Mail នោះ ក្រុមភេវរករ គ្រោងនឹងបំផ្ទុះអគារក្រសួងនិរន្តរភាព និងបរិស្ថាន។

ប៉ូលីសសិង្ហបុរី (SPF) បន្ថែមថា៖”ប៉ូលីសកំពុងស៊ើបអង្កេតករណីនៃការផ្សព្វផ្សាយព័ត៌មានមិនពិត និងប្រភពនៃ Mail ដែលបានផ្ញើចូលរាជរដ្ឋាភិបាល។ ជនល្មើស ដែលប្រព្រឹត្តិអំពើនេះ នឹងជាប់ពន្ធនាគាររហូតដល់៧ឆ្នាំ ពិន័យជាប្រាក់អតិបរមា ៥០,០០០ដុល្លារសិង្ហបុរី (ស្មើនឹង ៣៦,៨០០ដុល្លារអាមេរិក)៕

ប្រភព៖ CNA

ភ្លេចៗខ្លួនចំណងស្នេហ៍របស់តារាចម្រៀង ថុល សុភិទិ និងអ្នកជំនួញអនឡាញ ឡុង ម៉ានីន មានរយៈពេល១ឆ្នាំហើយ ខណៈកន្លងមកនេះអ្នកទាំងពីរជួបព្យុះភ្លៀងរាប់មិនអស់ ឈ្លោះបែកៗ ខឹងងរងក់ដាក់គ្នាជាញយដងក៏មិនបែបគ្នាឡើយ។ មិនត្រឹមតែប៉ុណ្ណោះ ភិទិ បានធ្វើឱ្យគូស្នេហ៍ខ្លួនរំភើបចិត្តឡើងស្រក់ទឹកភ្នែកពេលលោកទៅ Surprise នាងដល់បន្ទប់តែម្តងជាមួយបាច់ផ្កាដ៏ស្រស់ស្អាតរួមជាមួយខំខេក។

ប៉ុន្មានថ្ងៃមុន អ្នកនាង ឡុង ម៉ានីន ដែលគេស្គាល់ថាជាគូស្នេហ៍តារាចម្រៀង ថុល សុភិទិ បានបង្ហោះសារប្លែកៗហាក់ដូចជារូបនាងកំពុងតែមានបញ្ហារកាំរកូសជាមួយ ភិទិ ដែលធ្វើឱ្យមហាជនផ្តើមសង្ស័យថាពួកគេទំនងមានរឿងឈ្លោះទាស់ទែងជាមួយគ្នា។
ទោះបីជាខឹងអន់ចិត្តនឹងគ្នាក្តី ប៉ុន្តែអ្នកទាំងពីរបានធ្វើឱ្យអ្នកគាំទ្រក្តីស្នេហ៍ពួកគេចាប់ផ្តើមមានរស្មីវិញបន្ទាប់ពីគេឃើញ ភិទិ និងគូស្នេហ៍ ប្រារព្ធខួបចំណងស្នេហ៍រយៈពេល១ឆ្នាំជាមួយគ្នា។

ជាមួយគ្នានេះដែរ នៅលើផេករបស់ ភិទិ បានបង្ហោះវីដេអូមួយដែលរូបគេទៅ Surprise ម៉ានីន ទោះបីជាកំពុងប្រឈមបញ្ហាជាមួយគ្នាតែគេមិនភ្លេចថ្ងៃគម្រប់ខួបនៃសេចក្តីស្រលាញ់ដែលមានរយៈពេល១ឆ្នាំនេះដែរ។ ភិទិ ក៏បានសរសេរចំណងជើងដែរថា

«ផុសអោយណាណីម្ដងមើល បើប៉ុណ្ណឹងហើយមិនត្រូវគ្នាទៀត ដឹងនិយាយថាមិច រៀនSurprise លើកដំបូង កុំមើល មុខដូចស្អីមិនដឹង»។

តាមរយៈវីដេអូនោះគេសង្កេតឃើញថា គូស្នេហ៍របស់ ភិទិ រំភើបចិត្តរហូតដល់ស្រក់ទឹកភ្នែកសូម្បីអ្នកដែលបានទស្សនាវីដេអូនោះហើយក៏បានចូលទៅខម្មិនយ៉ាងច្រើនថាពួកគេក៏ស្រក់ទឹកភ្នែកដែរនៅពេលបានទស្សនាវីដេអូ Surprise របស់ភិទិ ទៅកាន់ ម៉ានីន ព្រមទាំងបានខម្មិនជូនពរឱ្យពួកគេស្រលាញ់គ្នាឱ្យបានច្រើនៗផងដែរ៕