កាលពីម្សិលមិញនេះគឺជាពិធីរៀបអាពាហ៍ពិពាហ៍ធំជាងគេមួយនៅស្រុកខ្មែរ និងជាមង្គលការត្រកូលអភិជនដ៏កក្រើកនាចុងឆ្នាំ២០២៤។ ជាមួយគ្នានោះ មហាជនខ្មែរជាច្រើនហាក់មានការចាប់អារម្មណ៍ និងចង់ដឹងទៅលើសាវតារបស់កូនកំលោះនិងកូនក្រមុំ ដែលជាគូរដ៏សាកសមនេះ។

ពិធីមង្គលការអភិជន ដែលបានរៀបចំឡើងកាលពីថ្ងៃទី ១១ ខែធ្នូ ឆ្នាំ២០២៤នេះ បង្កឲ្យមហាជនខ្មែរទូទាំងប្រទេសមានការស្ងើចសរសើរទាំងទៅលើការរៀបចំកម្មវិធីដ៏ប្រណិត ក៏ដូចជាភាពសាកសមគ្នានិងរូបសម្បត្តិល្អឥតទាស់របស់កូនកំលោះនិងកូនក្រមុំ រហូតដល់មានការចែកចាយពេញបណ្តាញសង្គម។

ជាការពិតណាស់ កូនកំលោះនិងកូនក្រមុំគឺជាកូនរបស់រដ្ឋមន្ត្រីចំនួន ២រូបនៃប្រទេសកម្ពុជា។កូនក្រមុំនាម អូន ព័ន្ធមណីលក្ស្មី ដែលត្រូវជាកូនស្រី ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងលោកជំទាវ អ៊ឹម ប៉ូលីកា។ចំណែកកូនកំលោះមាននាម ឡាំ ជុងហាវ គឺជាកូនប្រុសរបស់ ឯកឧត្តម ឡាំ ហេងហួត រដ្ឋមន្ត្រីប្រតិភូអមនាយករដ្ឋមន្ត្រី និងជាអនុប្រធានគណៈកម្មាធិការជាតិគ្រប់គ្រងគ្រោះមហន្តរាយ និងលោកជំទាវ ស៊ឹម ជួង។

សូមជម្រាបថា អ្នកទាំងពីរបានភ្ជាប់ពាក្យ ភ្ជាប់និស្ស័យជាមួយគ្នាតាំងពីឆ្នាំ ២០២០ មកម្លេះ ដែលនេះគឺមានរយៈពេល ៥ ឆ្នាំហើយ ដែលពួកគេសម្រេចឈានចូលរោងជ័យជាមួយគ្នានាថ្ងៃទី១១ ខែធ្នូ ឆ្នាំ២០២៤។ ទោះយ៉ាងណា តាមរយៈពិធីមង្គលការនិងភាពសាកសមគ្នានេះ ហាក់អង្រួនបេះដូងមហាជនជាច្រើនមានការស្ញើចសរសើរនិងចែករំលែកពេញបណ្តាញសង្គមអំពីរូបថតអនុស្សាវរីយរបស់អ្នកទាំងពីរជាហូរហែរ បើទោះបីជាកម្មវិធីបញ្ចប់ទៅដោយរលូនហើយក្តី៕

ស្ពានតម្លៃ៦០លានដុល្លារ ត្រៀមលេចរូបរាងឡើង ជួយកាត់បន្ថយការកកស្ទះនៅចំណុចស្ពានព្រះមុនីវង្ស
ស្ពានឆ្លងទន្លេបាសាក់ ចាក់អង្រែក្រោម-ព្រែកប្រា ដែលជាស្ពានថ្មីមួយ គ្រោងនឹងបញ្ចប់ការសាងសង់នោឆ្នាំ២០២៧ ដោយតភ្ជាប់ពីចាក់អង្រែក្រោម ក្នុងខណ្ឌមានជ័យ នៅត្រើយខាងលិច និងព្រែកប្រា ខណ្ឌច្បារអំពៅ នៅត្រើយខាងកើត។

គម្រោងស្ថាបនាស្ពានចាក់អង្រែក្រោម-ព្រែកប្រា មានតម្លៃប្រមាណ ៦០លានដុល្លារ ត្រូវប្រើរយៈពេលសាងសង់ ៤២ខែ ដោយប្រើឥណទានសម្បទានពីប្រទេសចិន។

ស្ពានេះ ជាប្រភេទស្ពានបេតុងភ្លោះ មានប្រវែង ៨៤៥,៧ម៉ែត្រ ទទឹងប្រវែងសរុប ២៧ម៉ែត្រ ៤គន្លងរថយន្ត ២កន្លងម៉ូតូ និង២គន្លងថ្មើរជើង។

ក្រោយសាងសង់រួច ស្ពាននេះនឹងជួយកាត់បន្ថយការកកស្ទះចរាចរណ៍លើស្ពានព្រះមុនីវង្សឆ្លងកាត់ទន្លេបាសាក់ ភ្ជាប់ផ្លូវជាតិលេខ១ នៅខណ្ឌច្បារអំពៅ។

លើសពីនេះទៀត ស្ពាននេះ នឹងជួយពង្រឹងដល់ទំនាក់ទំនងសេដ្ឋកិច្ចសង្គម រវាងរាជធានីភ្នំពេញប៉ែកខាងត្បូង ព្រលានយន្តហោះអន្តរជាតិតេជោក្រុងតាខ្មៅ ជាពិសេសធ្វើឱ្យប្រសើរឡើងដល់ប្រសិទ្ធភាពនៃការដឹកជញ្ជូន និងភស្តុភារកម្មនៅក្នុងតំបន់រាជធានីភ្នំពេញ៕

កាលពីយប់ថ្ងៃទី១១ ខែធ្នូ ឆ្នាំ២០២៤ ក្រុមគោព្រៃកម្ពុជា បានរងបរាជ័យ១ទល់នឹង២ ក្រោមថ្វីជើងម្ចាស់ផ្ទះសិង្ហបុរី ក្នុងពានរង្វាន់ ASEAN Mitsubishi Electric Cup ឆ្នាំ២០២៤។

នៅក្នុងការប្រកួតនេះ គេឃើញថា២គ្រាប់របស់ក្រុមម្ចាស់ផ្ទះ កើតឡើងដោយសារកំហុសអ្នកចាំទី ដែលធ្វើឱ្យ អ្នកគាំទ្របាល់ទាត់កម្ពុជាយល់ឃើញថា មានការគិតលទ្ធផលទុកជាមុន ឬមានការលក់គ្រាប់បាល់។

ពាក់ព័ន្ធនឹងករណីនេះ កីឡាករខ្មែរ-អាមេរិក Nick Taylor ចាត់ទុកថា វាជាកំហុសបច្ចេកទេសគឺជារឿងធម្មតានៅក្នុងពិភពបាល់ទាត់ មិនមែនជាការគិតលទ្ធផលទុកមុននោះទេ។

កីឡាករ Nick Taylor បានសង្កត់ធ្ងន់ថា៖” កីឡាករទាំងអស់បានខំប្រឹងប្រយុទ្ធ និងចង់ឈ្នះដើម្បីប្រទេសជាតិ ហើយកំហុសកើតឡើងជារឿងធម្មតាក្នុងបាល់ទាត់។ ខ្ញុំជឿជាក់ និងគាំទ្រ លើអ្នកចាំទី វីរៈ ដារ៉ា ១០០ភាគរយ”។

គួរបញ្ជាក់ថា កម្ពុជានៅសល់២ក្រួតទៀត នៅក្នុងព្រឹត្តិការណ៍ ASEAN Mitsubishi Electric Cup ២០២៤ ដោយត្រូវជួបប្រទេសទីម័រ នៅពុហកីឡដ្ឋានជាតិ មុននឹងបិទឆាកជួបប្រទេសថៃ៕

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានឯកភាពសំណើសុំលាលែងចេញពីក្របខ័ណ្ឌ នៃកងយោធពលខេមរភូមិន្ទ របស់តារាចម្រៀង ព្រាប សុវត្ថិ ក្នុងឋានន្តរសក្ដិ “វរសេនីយ៍ឯក”។

មុននឹងក្លាយជាតារាចម្រៀងជួរមុខនៅក្នុងប្រទេស ឧកញ៉ា ព្រាប សុវត្ថិ បានដាក់ពាក្យបម្រើកងទ័ពក្នុង១៩៩១ អំឡុងពេលលោកបន្តការសិក្សាបរិញ្ញាបត្រច្បាប់ និងសេដ្ឋកិច្ច នៅសកលវិទ្យាល័យសេដ្ឋកិច្ច ។ លុះដល់ឆ្នាំ ១៩៩២ លោកក៏បានចូលធ្វើទាហាន នៅអគ្គស្នងការនយោបាយ។

នៅក្នុងឆ្នាំនោះ ឧកញ៉ា ព្រាប សុវត្ថិ ច្រើនឡើងច្រៀងក្នុងកម្មវីធីជប់លៀង និងតាមបារប៊ីហ្គាដេន។ ក្រោយមករំលងបានប៉ុន្មានឆ្នាំ លោកក៏បានទៅច្រៀងឱ្យ ផលិតកម្ម រស្មីហង្សមាស ក្នុងឆ្នាំ ១៩៩៥ ពេលនោះ លោក បានបោះជំហ៊ានឈានចូលក្នុងវិស័យសិល្បះយ៉ាងពេញលេញជាលើកដំបូង។

ក្រោយពីជ្រកក្នុងផលិតកម្មរស្មីហង្សមាស អស់រយៈពេល២០ឆ្នាំជាង កាលពីខែសីហា ឆ្នាំ២០២០ លោកបានចាកចេញ ទៅចូលផលិតកម្ម Galaxy Navatra ក្រោយទទួលបានគោរមងារជា”ឧកញ៉ា” នៅក្នុងខែមេសា ឆ្នាំ២០២២។

ចំពោះមូលហេតុ នៃការលាលែងចេញពីក្របខ័ណ្ឌកងយោធពលខេមរភូមិន្ទនេះ មិនត្រូវបានលោក ព្រាប សុវត្ថិ បញ្ជាក់ពីមូលហេតុនោះទេ៕

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានឯកភាពសំណើសុំលាលែងចេញពីក្របខ័ណ្ឌ នៃកងយោធពលខេមរភូមិន្ទ របស់តារាចម្រៀង ព្រាប សុវត្ថិ ក្នុងឋានន្តរសក្ដិ “វរសេនីយ៍ឯក”។

មុននឹងក្លាយជាតារាចម្រៀងជួរមុខនៅក្នុងប្រទេស ឧកញ៉ា ព្រាប សុវត្ថិ បានដាក់ពាក្យបម្រើកងទ័ពក្នុង១៩៩១ អំឡុងពេលលោកបន្តការសិក្សាបរិញ្ញាបត្រច្បាប់ និងសេដ្ឋកិច្ច នៅសកលវិទ្យាល័យសេដ្ឋកិច្ច ។ លុះដល់ឆ្នាំ ១៩៩២ លោកក៏បានចូលធ្វើទាហាន នៅអគ្គស្នងការនយោបាយ។

នៅក្នុងឆ្នាំនោះ ឧកញ៉ា ព្រាប សុវត្ថិ ច្រើនឡើងច្រៀងក្នុងកម្មវីធីជប់លៀង និងតាមបារប៊ីហ្គាដេន។ ក្រោយមករំលងបានប៉ុន្មានឆ្នាំ លោកក៏បានទៅច្រៀងឱ្យ ផលិតកម្ម រស្មីហង្សមាស ក្នុងឆ្នាំ ១៩៩៥ ពេលនោះ លោក បានបោះជំហ៊ានឈានចូលក្នុងវិស័យសិល្បះយ៉ាងពេញលេញជាលើកដំបូង៕