ទស្សនិកជនមួយចំនួនដែលតាមដានវិស័យបវរកញ្ញាជ្រាបមកហើយថា អាណា រ៉ូស ល្បីថាចេះច្រើនភាសាសម្រេចចិត្តដាក់ពាក្យចូលរួមកម្មវិធីប្រលងបវរកញ្ញាដើម្បីបំពេញក្តីស្រមៃខ្លួនឯងដោយមិនខ្លាចនឹងពាក្យពេបជ្រាបរបស់អ្នកដទៃ។ ទោះយ៉ាងណា បន្ទាប់ពីបង្ហាញខ្លួនលើកដំបូងក្នុងកម្មវិធី Miss Supranational Cambodia ជាមួយនឹងការចុះកុងត្រាម្ចាស់ Sponsor ទស្សនិកជនមួយចំនួនថាបេក្ខនារីផ្សេងទៀតកុំប្រហែសជាមួយ រ៉ូស ឱ្យសោះ។
កាលពីដើមខែធ្នូ កន្លងមកទស្សនិកជនមានការភ្ញាក់ផ្អើលមិនតិចនោះទេនៅពេលកម្មវិធី Miss Supranational Cambodia 2025 ក្រោមការដឹកនាំថ្មីរបស់លោក ភួង វណ្ណា បានប្រកាសអំពីបេក្ខភាពដែលជាប់វគ្គជម្រុះតាមរយៈរូបថត online លើកដំបូងគឺជា អាណា រ៉ូស ដែលសម្បូរទៅដោយរឿងអាស្រូវជាច្រើននៅលើបណ្តាញសង្គមដាក់ពាក្យចូលរួមប្រកួតក្នុងកម្មវិធីបវរកញ្ញា។ ក្នុងការបង្ហាញ រ៉ូស មានវ័យ២៥ឆ្នាំ កម្ពស់ ១.៦៥ ម៉ែត្រ ចេះ៤ភាសាគឺ ភាសាខ្មែរ ចិន វៀតណាម និងអង់គ្លេស ដែលមានទេពកោសល្យ ច្រៀង សម្តែង និងដើរម៉ូត។
ការប្រកាសនេះបានធ្វើឱ្យអ្នកលេងបណ្តាញសង្គមជាច្រើនមានការភ្ញាក់ផ្អើលយ៉ាងខ្លាំង ខណៈអ្នកមួយចំនួនបានបញ្ចេញមតិវែកញែកអំពីអាយុរបស់ រ៉ូស ដែលទើបមានវ័យ២៥ឆ្នាំជាមួយនឹងការមិនជឿជាក់ចំពោះតួលេខនេះ។ ការសម្រេចចិត្តដាក់ពាក្យចូលរួមប្រកួតកម្មវិធីបវរកញ្ញា រ៉ូស ថានាងធ្វើតាមក្តីស្រមៃខ្លួនឯងមិនខ្លាចនឹងពាក្យគេពេបជ្រាយនោះទេ។
ជាមួយនឹងការភ្ញាក់ផ្អើល រ៉ូស ចូលប្រកួតកម្មវិធីបវរកញ្ញា ថ្មីៗនេះកម្មវិធី Miss Supranational Cambodia បានចុះកុងត្រាជាមួយនឹងម្ចាស់ Sponsor ដោយគេសង្កេតឃើញថា រ៉ូស ក៏បានមកចូលរួមផងដែរចំណែកឯបេក្ខភាព ឈុំ ចាន់ដារ៉ា ក៏មានវត្តមានក្នុងកម្មវិធីតែមួយដូចគ្នា។
ការបង្ហាញខ្លួនរបស់ រ៉ូស លើកដំបូងបន្ទាប់ពីប្រកាសពីវត្តមាននៅលើបណ្តាញសង្គមបានធ្វើឱ្យមានមតិលើកឡើងថា នាងប្លែក រៀបចំខ្លួនបានល្អ និងថាកុំលេងសើចជាមួយនឹង រ៉ូស ជួនកាលបេក្ខនារីល្មមៗអាចចាញ់រ៉ូសក៏ថាបាន។ ទោះបីជាមានការលើកឡើងយ៉ាងនេះក្តី អ្នកលេងបណ្តាញសង្គមមួយចំនួននៅចិញ្ចឹមចិត្តថា ការចូលរួមប្រកួតរបស់ រ៉ូស គឺគ្រាន់តែជាភាពទាក់ទាញនៅក្នុងកម្មវិធី ខណៈភាគច្រើនដឹងស្រាប់ហើយថា រ៉ូស គឺពោរពេញដោយរឿងអាស្រូវនៅលើបណ្តាញសង្គមមានការមិនពេញចិត្តច្រើនទៅកាន់នាង៕
