រយៈពេលចុងក្រោយនេះតារារ៉េប វណ្ណដា បានបញ្ចេញសកម្មភាពខុសពីមុនដែលធ្វើឱ្យ អ្នកគាំទ្រមានការចាប់អារម្មណ៍យ៉ាងខ្លាំង។ ជាមនុស្សមិនសូវសម្ងែងសម្ភារៈនិយមស្រាប់តែ វណ្ណដា ចេញមកបង្ហោះពីការទិញរថយន្តថ្មីជាពិសេសបានសងសឹកវិញជុំវិញការផ្លែផ្កា ពីអ្នកមួយចំនួនថាលោកជួលរថយន្តទំនើបទៅចូលរួមកម្មវិធី។

កាលពីថ្ងៃទី២៣ ឧសភា វណ្ណដា បានបង្ហោះរូបប៉ុន្មានសន្លឹកក្នុងការទិញរថយន្តស៊េរីទំនើប អមជាមួយនឹងសម្តីថា «ថ្ងៃសុក្រ ថ្ងៃល្អ ទិញដែក ទិញដាច់ អត់បង់រំលោះ អត់ខ្ចីគេ អត់អីទាំងអស់»។ ការបង្ហោះពីការទិញរថយន្តទំនើបក្រោយពីចប់កម្មវិធី ប្រគំតន្រ្តីធំរបស់ខ្លួនត្រូវបានអ្នកមួយចំនួនថាលោកសល់លុយច្រើនពីកម្មវិធីប៉ុន្តែ វណ្ណដា បានបញ្ជាក់ថា «មិនទាន់បានបើកលុយ concert ទេ»។

មិនត្រឹមតែប៉ុណ្ណោះ វណ្ណដា បានសងទាំងដើមទាំងការវិញរាល់ពាក្យសម្តីរបស់អ្នកមួយ ចំនួនដែលបានផ្លែផ្កាឱ្យលោកកន្លែងមកក្នុងពេលដែលចុះពីរថយន្តទំនើបទៅចូលរួមកម្មវិធី ចុះកុងត្រាថ្មីហើយមានពាក្យសម្តីថា ជួលឡានគេ មិនមែនជាឡានរបស់ខ្លួនឯង។ ពាក្យសម្តីដែលកន្លងផុតជាច្រើនខែមកនេះ វណ្ណដា ទ្រាំមិនមាត់កបានសងទាំងដើមទាំង ការវិញជាមួយនឹងសម្តីថា «មួយជាតិនេះគ្មានប្រវត្តិជួលឡានលោកបងលោកអូនណាទេ មានតែគេយកមកទទួលបើកកម្មវិធី រឿងពិតរៀងចត់ រឿងពិតក៏ហត់ខ្ជិលចង់បកស្រាយ»។

ស្របពេលដែល វណ្ណដា បង្ហាញពីឡានថ្មីរាប់សិបម៉ឺនដុល្លារនេះ ម្ចាស់បទ«សុវណ្ណភូមិ» បានបញ្ជាក់ថាលោកមិនមែនអួតអ្វីនោះទេព្រោះមុននឹងក្រោយទស្សនិកជនគង់តែដឹង។ វណ្ណដា បានសរសេរថា «អត់ចេះអួតទេ មុនក្រោយគង់តែដឹង ប្រាប់តតគ្នាផង ផុសប្រាប់អោយហើយខ្លាចគេលាបពណ៌»។

គួរបញ្ជាក់ផងដែរថា វណ្ណដា ក៏បានបង្ហើបពីគម្រោងថ្មីមួយទៀតរបស់ខ្លួនចង់ដឹងពី ចំណាប់អារម្មណ៍របស់អ្នកគាំទ្រខណៈលោកកំពុងអង្គុយគិតនិងសិក្សាអំពី:
« ត្រីវិស័យ-TREYVISAI ORCHESTRA អកេះស្ត្រា» ដែលនឹងរៀបចំ ឱ្យមានចំណីអារម្មណ៍ថ្មីមួយ លាយជាមួយឧបករណ៍ភ្លេងខ្មែរទាំងអស់នាពេលអនាគត៕

ប្រិយមិត្តតាមដានវិស័យបវរកញ្ញាជ្រាបមកហើយថា ពេជ្រ វត្តីសារ៉ាវឌ្ឍី ដែលជាបវរកញ្ញាល្បីឈ្មោះសម្រេចចិត្តបោះជំហានម្តងទៀតក្នុងការប្រកួតដណ្តើមមកុដដើម្បីតំណាងប្រទេសកម្ពុជាប្រកួតនៅលើឆាកអន្តរជាតិ។ កាលពីមុន ពេជ្រ វត្តីសារ៉ាវឌ្ឍី ក៏ធ្លាប់ប្រកួតកម្មវិធីនេះកាលពីមុនដូចគ្នាប៉ុន្តែមិនទទួលបានជោគជ័យនោះទេ។

បន្ទាប់ពីមានការសំណូមពរពីហ្វេនៗជាច្រើនជំរុញឱ្យ ពេជ្រ វត្តីសារ៉ាវឌ្ឍី បោះជំហានម្តងទៀតក្នុងការប្រកួតបវរកញ្ញាម្តងទៀត ពេលនេះអតីត Miss Grand Cambodia 2022 បានសម្រេចតបការសំណូមពររបស់ហ្វេនៗដោយនាង បានបង្ហាញខ្លួនជាបេក្ខភាពផ្លូវការក្នុងការប្រកួតបវរកញ្ញាក្រវាលកម្ពុជាឆ្នាំ២០២៥ និងបានទទួលឈៀងជាផ្លូវការហើយក្នុងចំណោមបេក្ខភាពសរុបទាំងអស់ចំនួន២០រូប។

ទោះធ្លាប់ឈ្នះការប្រកួតក្នុងកម្មវិធីបវរកញ្ញាផ្សេងនិងបានឈរតំណាងប្រទេសកម្ពុជាទាំងមូលឈរនៅលើឆាកអន្តរជាតិទទួលបានលទ្ធផលចូល TOP នៅក្នុងការប្រកួតក្តីប៉ុន្តែនាង មិនអាចធ្វេសប្រហែលឡើយព្រោះឆ្នាំនេះមានការប្រកួតប្រជែងគ្នាខ្លាំងសុទ្ធតែមានអ្នកមានឈ្មោះបោះសំឡេងនៅក្នុងអាជីពសិល្បៈ។ ថ្វីបើឆ្នាំនេះ ពេជ្រ វត្តីសារ៉ាវឌ្ឍី ត្រូវប្រកួត ក្នុងចំណោមបេក្ខភាពដែលមានភាពលេចធ្លោច្រើន ប៉ុន្តែបេក្ខភាពរូបនេះធ្លាប់បានបង្ហាញ ទៅកាន់អ្នកគាំទ្ររបស់ខ្លួនហើយថានាងនឹងចូលប្រកួតម្តងទៀតលុះត្រាតែនាងត្រៀមលក្ខណៈរួចរាល់ហ្វឹកហាត់សមត្ថភាពខ្លួនឯងឱ្យខ្លាំងជាងមុន ដែលនេះអាចបញ្ជាក់បានថា ពេជ្រ វត្តីសារ៉ាវឌ្ឍី បានត្រៀមខ្លួនរួចរាល់ហើយក្នុងការប្រកួតប្រជែងដណ្តើមមកុដយក Miss Universe Cambodia 2025 ។

កាលពីមុន ពេជ្រ វត្តីសារ៉ាវឌ្ឍី ធ្លាប់ប្រាប់អ្នកគាំទ្ររបស់ខ្លួនដែរថាបើនាងចចារជាមួយក្រុមហ៊ុនដែលនាងធ្វើជាអ្នកតំណាងបាននាងនឹងចូលរួមប្រកួតម្តងទៀត ខណៈពេលនេះការប្រកួតបវរកញ្ញាចក្រវាលកម្ពុជាឆ្នាំ២០២៥ នឹងក្លាយជាវេទិកាដែលត្រូវតាមដានព្រោះបេក្ខភាពសុទ្ធតែមានអាជីពការងារសិល្បៈនិងធ្លាប់ប្រកួតប្រជែងលើវិស័យបវរកញ្ញាបានចូលរួមប្រកួតដណ្តើមមកុដដើម្បីមានឱកាសនឹងឈរតំណាងស្រ្តីខ្មែរនៅលើឆាកអន្តរជាតិ។

គួរបញ្ជាក់ផងដែរថា ការប្រកួត Miss Universe ឆ្នាំ២០២៤ គឺអ្នកនាង ប្រាសាទ ដាវីន បានតំណាងប្រទេសកម្ពុជាដោយបានបំបែកកំណត់ត្រារបស់បវរកញ្ញាចក្រវាលកម្ពុជាចូល TOP នៅក្នុងការប្រកួតជាលើកដំបូង៕

ទស្សនិកជនជាអ្នកគាំទ្រជ្រាបមកហើយថាតារាចម្រៀង ជី ដេវីត គឺជាមនុស្សម្នាក់ដែល ស្រលាញ់នាឡិកាខ្លាំងហើយបានទិញនាឡិកាជាច្រើនរាប់មិនអស់ខណៈពណ៌ដែលលោកស្រលាញ់គឺជាពណ៌ក្រហម។ ការទិញនាឡិកាទំនើបចុងក្រោយនេះបានធ្វើឱ្យអ្នកលេង បណ្តាញសង្គមចាប់អារម្មណ៍យ៉ាងខ្លាំងព្រោះតែតម្លៃនាឡិកាដែល ទេព បូព្រឹក្ស ទិញឱ្យ ជី ដេវិត គឺមានតម្លៃរាប់ម៉ឺនដុល្លារទិញលុយសុទ្ធមិនបង់រំលោះ។

កាលពីថ្ងៃទី២៤ តារាចម្រៀង ជី ដេវិត បានធ្វើឱ្យអ្នកលេងបណ្តាញសង្គមមានការចាប់អារម្មណ៍យ៉ាងខ្លាំងបន្ទាប់ពីតារាចម្រៀង ទេព បូព្រឹក្ស ជាប្រពន្ធ បាននាំទៅទិញនាឡិកាថ្មីជាកាដូមុនថ្ងៃរៀបមង្គលការមកដល់។ អ្វីដែលកាន់តែពិសេស ទេព បូព្រឹក្ស លេងឈុតធំបានចំណាយប្រាក់រាប់ស៊ិបម៉ឺន ដុល្លារទិញនាឡិកាប្រណីតម៉ាក Richard Mille 11-02 Full Titanium ខណៈដែលតម្លៃវិញត្រូវបានគេទម្លាយថា គឺមានតម្លៃរហូតដល់ ៣០,៥០០០ដុល្លារឯណោះ។

ជាមនុស្សដែលស្រលាញ់នាឡិកាហើយត្រូវបានភរិយាផ្តល់ជាកាដូជាទីគាប់ចិត្តនេះ ជី ដេវិត បានបង្ហាញអារម្មណ៍រំភើបចិត្តយ៉ាងខ្លាំងដោយបានពោលទៅកាន់តារាចម្រៀង ទេព បូព្រឹក្ស ថា «ប្រពន្ធសម្រេចក្តីស្រមៃថ្ងៃអាពាហ៍ពិពាហ៍ »។

អ្វីដែលកាន់តែពិសេស ម្ចាស់ហាងដែលលក់នាឡិកាប្រណីតនេះបានចេញមកបញ្ជាក់ថា នាឡិកា ដែល ទេព បូព្រឹក្ស ទិញឱ្យ ជី ដេវិត នេះគឺប្រើលុយសុទ្ធមិនបង់រំលោះទេ ហើយក្នុងនោះម្ចាស់ហាងក៏បានពោលសរសើរទឹកចិត្តរបស់ ទេព បូព្រឹក្ស ដូចគ្នាដែលសម្រេចក្តីស្រមៃរបស់ ជី ដេវិត៕