មានទាំងភស្តុតាង មានទាំងសាក្សី! សារព័ត៌មានអន្តរជាតិលំដាប់ពិភពលោក «រ៉យទ័រ» បានចុះផ្សាយពីផ្នែកខ្មៅងងឹតរបស់ប្រទេសថៃថា ប្រទេសនេះបានក្លាយជាមជ្ឈមណ្ឌលដឹកជញ្ជូនដ៏សំខាន់នៅក្នុងឧស្សាហកម្មឆបោ.កតម្លៃរាប់ពាន់លានដុល្លារ ដែលជនរងគ្រោះភាគច្រើនត្រូវបានគេជួញដូរយកទៅប្រទេសមីយ៉ាន់ម៉ា និងបង្ខំឱ្យបោកប្រាស់មនុស្សតាមអ៊ីនធឺណិតក្រោមការគំរាមកំហែងនៃអំពើហិង្សា។

ដោយផ្អែកតាមបទសម្ភាសន៍ជាមួយជនរងគ្រោះចំនួន 9នាក់ដែលមកពីទ្វីបអាហ្រ្វិក អាស៊ីខាងត្បូង និងអាស៊ីអាគ្នេយ៍ដែលត្រូវបានជួញដូររវាងឆ្នាំ 2022 និង 2025 រ៉យទ័របានរកឃើញថា មន្ត្រីអន្តោប្រវេសន៍ថៃនៅអាកាសយានដ្ឋាន ត្រូវបានចោ.ទប្រកាន់ថាបានដើរតួនាទីយ៉ាងសំខាន់ក្នុងការអមដំណើរជនរងគ្រោះដែលត្រូវបានគេជ្រើសរើស មុនពេលពួកគេត្រូវបានក្រុមឧក្រិដ្ឋជនដឹកជញ្ជូនឆ្លងកាត់ព្រំដែន។ ប៉ូលិសថៃ អាជ្ញាធរអន្តោប្រវេសន៍ និងមន្ត្រីអាកាសយានដ្ឋានសូមមិនបានឆ្លើយតបនឹងសំណើសុំការអត្ថាធិប្បាយទេ។

របាយការណ៍ទាំងអស់ទាក់ទងនឹងការឆបោ.កមនុស្សនេះបានបង្ហាញថា ជនរងគ្រោះភាគច្រើនត្រូវបានគេទាក់ទាញដោយការសន្យាថានឹងផ្ដល់ការងារដែលមានប្រាក់ខែខ្ពស់ឲ្យ ជាហេតុធ្វើឲ្យពួកគេធ្វើដំណើរមកទីនេះដោយគ្មានការបង្ខិតបង្ខំ។ ជនរងគ្រោះ 9នាក់បាននិយាយថា នៅពេលមកដល់ប្រទេសថៃ មន្ត្រីថៃបានអមដំណើរពួកគេផ្ទាល់តាមអាកាសយានដ្ឋានបាងកក។

ឯកអគ្គរដ្ឋទូតកេនយ៉ាប្រចាំប្រទេសថៃ លោកស្រី Lindsay Kiptiness បាននិយាយថា ពលរដ្ឋរាប់រយនាក់បានរាយការណ៍ពីបទពិសោធន៍ស្រដៀងគ្នានេះ ប៉ុន្តែអាជ្ញាធរថៃមិនបានចាត់វិធានការលើព័ត៌មាននេះទេ។ ក្រៅពីនេះ ប្រទេសចិនបាននិយាយថា ខ្លួនកំពុងសហការជាមួយមីយ៉ាន់ម៉ា និងប្រទេសដទៃទៀត ដើម្បីរុះរើប្រតិបត្តិការឆបោ.កជាប្រព័ន្ធនេះ ដោយការវា.យឆ្មក់។

ករណីដ៏ល្បីមួយកាលក្នុងខែមករាកន្លងទៅ គឺពាក់ព័ន្ធនឹងតារាប្រុសចិនម្នាក់ត្រូវបានចាប់ពង្រត់ បានបង្កឱ្យមានប្រតិបត្តិការបង្រ្កាបពហុជាតិសាសន៍ ដែលក្រោយមកជួយរំដោះបានជនរងគ្រោះរាប់ពាន់នាក់។ មនុស្សប្រហែល 2,000 នាក់ត្រូវបានជួយសង្គ្រោះដោយកងជីវពល ហើយពួកគេភាគច្រើនមានឯកសារមិនគ្រប់គ្រាន់ និងសុខភាពមិនល្អ។

ទោះបីជាមានការគាបសង្កត់ពីអន្តរជាតិក៏ដោយ ក៏មន្ត្រីថៃនៅតែមិនទទួលស្គាល់ ហើយបានច្រានចោលដោយនិយាយថា៖ មជ្ឈមណ្ឌលឆបោកជាច្រើននៅតែសកម្មក្នុងប្រទេសមីយ៉ាន់ម៉ា ដែលធ្វើឱ្យជនរងគ្រោះនៃការជួញដូររាប់ពាន់នាក់ជាប់គាំង។ ចំណែកក្រសួងការបរទេសថៃបាននិយាយថា ខ្លួនមិនបានទទួលរបាយការណ៍ផ្លូវការអំពីករណីឆបោ.កច្រើនទេ ប៉ុន្តែថៃមានឆន្ទៈក្នុងការស៊ើបអង្កេតរកភស្តុតាងដែលអាចជឿទុកចិត្តបាន។

គួរជម្រាបថា កន្លងមកថៃតែងចោ.ទប្រកាន់កម្ពុជាថាជាសំបុកនៃឧក្រិដ្ឋកម្មជួញដូរមនុស្សនៅអាសុី។ ប៉ុន្តែនៅក្នុងរបាយការណ៍របស់រ៉យទ័រខាងលើនេះ គឺមិនឃើញមានការលើកឡើងអំពីកម្ពុជាបន្តិចណាឡើយ។ ត្រង់ចំណុចនេះ វាបង្ហាញកាន់តែច្បាស់ពីការភូតកុហករបស់ប្រទេសថៃ ដែលកន្លងមកតែងយកលេសថាទប់ស្កាត់បទល្មើសឆបោ.កជួញដូរមនុស្ស ដើម្បីបិទច្រកព្រំដែនជាមួយកម្ពុជា។ ប៉ុន្តែពេលនេះ ត្រូវបានទីភ្នាក់ងារព័ត៌មានអន្តរជាតិលាតត្រដាងការពិតដ៏គួរឲ្យអាម៉ាសនេះអស់ខ្ទិចគ្មានសល់៕

ប្រធានសភាពាណិជ្ជកម្មម៉ាឡេស៊ីនៅប្រទេសកម្ពុជា បានណែនាំឱ្យវិស័យឯកជនម៉ាឡេស៊ីនាំចេញទំនិញមកកាន់ទីផ្សារកម្ពុជា ក្នុងពេលមានជម្លោះព្រំដែនរវាងកម្ពុជា-ថៃ និងការធ្វើពហិការឈប់ទិញទំនិញថៃរបស់ពលរដ្ឋខ្មែរមានសន្ទុះខ្លាំង ដោយសារការឈ្លានពានចង់បានទឹកដីរបស់កងទ័ពថៃ ។ វាជាឱកាសដ៏ល្អរបស់ក្រុមហ៊ុនម៉ាឡេស៊ីក្នុងការនាំចេញទំនិញមកកម្ពុជា ខណៈពលរដ្ឋខ្មែរស្រឡាញ់ និងចាត់ទុកម៉ាឡេស៊ីជាមិត្តដ៏ល្អ ។

លោក តាន់ ឃីមេង ប្រធានសភាពាណិជ្ជកម្មម៉ាឡេស៊ីនៅកម្ពុជា និយាយថា ស្ថានការណ៍បច្ចុប្បន្នរវាងកម្ពុជា-ថៃ គឺជាឱកាសល្អសម្រាប់ក្រុមហ៊ុនម៉ាឡេស៊ីនាំចេញទំនិញមកកាន់ទីផ្សារកម្ពុជា ។ បើទោះជាមានការឈប់បា.ញ់នៅតំបន់ព្រំដែនកម្ពុជា-ថៃក្តី ប៉ុន្តែពលរដ្ឋខ្មែរបានពហិការឈប់ទិញទំនិញថៃមានសន្ទុះខ្លាំង ។ ម្យ៉ាងទៀត ពលរដ្ឋខ្មែរស្រឡាញ់ម៉ាឡេស៊ីដែលបានជួយដោះស្រាយជម្លោះព្រំដែនជាមួយថៃ ហើយពួកគេជាមិត្តដ៏ល្អរបស់ម៉ាឡេស៊ី ។

ពលរដ្ឋខ្មែរចាត់ទុកទំនិញ និងចំណីអាហារម៉ាឡេស៊ីមានគុណភាពល្អ និងមានសុវត្ថិភាព ដូច្នេះ ក្រុមហ៊ុនម៉ាឡេស៊ីអាចនាំចេញទំនិញមកកម្ពុជាតាមរយៈរថភ្លើងប្រទេសឡាវ ។ ប៉ុន្តែកន្លងមក ការចំណាយលើថ្លៃដឹកជញ្ជូន និងបង់ពន្ធ បានធ្វើឱ្យទំនិញម៉ាឡេស៊ីមានតម្លៃខ្ពស់ជាងទំនិញថៃ វៀតណាម និងចិន ។

បច្ចុប្បន្ន ការពហិការឈប់ទិញទំនិញថៃកាន់តែមានសន្ទុះខ្លាំងនៅកម្ពុជា ហើយការទិញប្រេងឥន្ធនៈ ឧស្ម័នធម្មជាតិ ផលិតផលកសិកម្ម បន្លែ ផ្លែឈើ និងចំណីអាហារ គឺកម្ពុជាបានទិញពីប្រទេសផ្សេងវិញ ។ ក្នុងពេលពលរដ្ឋខ្មែរកំពុងពហិការទំនិញថៃ គឺធ្វើឱ្យវៀតណាមមានប្រៀបជាងគេក្នុងការនាំចេញទំនិញមកកម្ពុជា ដូចជា ៖ ផលិតផលកសិកម្ម អាហារ និងថាមពលរបស់វៀតណាមនាំចេញមកកម្ពុជាបានកើនឡើងខ្លាំង ។ នេះបើតាមការលើកឡើងរបស់ប្រធានសភាពាណិជ្ជកម្មម៉ាឡេស៊ី ។

តាមទិន្នន័យរបស់ក្រសួងឧស្សាហកម្ម និងពាណិជ្ជកម្មវៀតណាម គឺតម្លៃពាណិជ្ជកម្មរវាងវៀតណាម-កម្ពុជា ស្មើទឹកប្រាក់៦,២០០លានដុល្លារ ក្នុងរយៈពេល៦ខែឆ្នាំ២០២៥ ឬកើនឡើង១៦.៨% បើធៀបប្រចាំឆ្នាំ ។ ការនាំចេញទំនិញវៀតណាមមកកាន់ទីផ្សារកម្ពុជា កើនឡើង៤.៦% ហើយតួលេខនេះនឹងកើនឡើងបន្ថែមទៀត ។

គួរបញ្ជាក់ថា ការលើកឡើងរបស់លោក តាន់ ឃីមេង ប្រធានសភាពាណិជ្ជកម្មម៉ាឡេស៊ីដែលណែនាំឱ្យក្រុមហ៊ុនម៉ាឡេស៊ីនាំចេញទំនិញមកកម្ពុជា ត្រូវបានសារព័ត៌មានថៃយកទៅផ្សព្វផ្សាយនៅថ្ងៃទី១៩ ខែកញ្ញា ឆ្នាំ២០២៥ ដើម្បីឱ្យក្រុមហ៊ុនថៃមើលឃើញពីការបាត់បង់ទីផ្សារកម្ពុជា ។ ពលរដ្ឋខ្មែរពហិការឈប់ទិញទំនិញថៃកាន់តែច្រើន ដោយងាកមកគាំទ្រទំនិញក្នុងស្រុក ហើយនេះជាការបាត់បង់ប្រាក់ចំណូលយ៉ាងច្រើនសម្រាប់ជំរុញសេដ្ឋកិច្ចថៃ ៕

បញ្ហានៅភូមិព្រៃចាន់កាន់តែកើនកម្ដៅខ្លាំងឡើងៗ ក្រោយទំព័រហ្វេសប៊ុកផ្លូវការរបស់កងទ័ពភូមិន្ទថៃ បានចេញសេចក្ដីប្រកាសព័ត៌មានស្ដីពីការផាកពិន័យជាទឹកប្រាក់ និងការដាក់ទណ្ឌកម្មផ្លូវច្បាប់យ៉ាងឃោ.ឃៅចំពោះពលរដ្ឋខ្មែរដែលបង្កការរំខាននៅភូមិព្រៃចាន់ ដែលទោសទាំងនោះមានចាប់ពីការផាកពីន័យជាប្រាក់ រហូតដល់ការប្រ.ហារជីវិត ឬជាប់ពន្ធនាគារអស់មួយជីវិត។ នេះបើយោងតាមសារព័ត៌មាន The Nation។

នាយប់ថ្ងៃព្រហស្បត្តិ៍ ទី១៨ ខែកញ្ញា ឆ្នាំ២០២៥ ប្រភពខាងលើនេះបានឲ្យដឹងថា ដើម្បីបង្កានិងប្រឆាំងតបតនឹងសកម្មភាពតវ៉ារបស់ពលរដ្ឋខ្មែរនៅ បានណងយ៉ាកែវ ខេត្តស្រះកែវ ដែលបង្កភាពអសណ្ដាប់ធ្នាប់ កងទ័ពភូមិន្ទថៃបានចេញនូវសេចក្ដីព្រ.មានផាកពិន័យដល់ពលរដ្ឋខ្មែរដូចខាងក្រោម៖
1. ការចូលដោយខុសច្បាប់: ដាក់ពន្ធនាគាររហូតដល់ ២ឆ្នាំ ឬពិន័យជាប្រាក់រហូតដល់ ២០,០០០បាត (២,៥២០,០០០រៀល)
2. ការបំផ្លាញទ្រព្យសម្បត្តិរបស់រដ្ឋាភិបាល (ដូចជាការរុះរើលួសបន្លា) : ដាក់ពន្ធនាគាររហូតដល់ ៥ឆ្នាំ និងពិន័យជាប្រាក់រហូតដល់ ១០០,០០០បាត (១២,៦០០,០០០រៀល)
៣.លួចទ្រព្យសម្បត្តិរដ្ឋ (យកបន្លាលួស): ដាក់ពន្ធនាគារពី១ឆ្នាំដល់៧ឆ្នាំ និងពិន័យជាប្រាក់ពី២០.០០០ទៅ១៤ម៉ឺនបាត (១២.៦០០.០០០-១៧.៦២០.០០០រៀល)
4. ការវាយដំលើមន្ត្រី: ដាក់ពន្ធនាគាររហូតដល់ ២ឆ្នាំ និងពិន័យជាប្រាក់រហូតដល់ ៤០,០០០បាត (៥,០៤០,០០០រៀល)
5. សកម្មភាពប្រឆាំងនឹងអធិបតេយ្យភាពថៃ: ទោសប្រហារជីវិត ឬដាក់ពន្ធនាគារអស់មួយជីវិត
ទោសទណ្ឌសរុប៖ ចាប់ពី ១៦ឆ្នាំ ដល់ដាក់ពន្ធនាគារអស់មួយជីវិត/ទោសប្រហារជីវិត បូករួមទាំងពិន័យជាប្រាក់រហូតដល់ ៣០០,០០០បាត (៣៧,៨០០,០០០រៀល)។

សេចក្ដីព្រ.មានខាងលើនេះ ត្រូវបានគាំទ្រសាទរយ៉ាងខ្លាំងក្លាពីសំណាក់ក្រុមជ្រុលនិយម និងពលរដ្ឋថៃជាច្រើន ដោយពួកគេម្នាក់ៗជឿតាមការផ្សព្វផ្សាយភូតកុហករបស់រដ្ឋាភិបាលពួកគេថាតំបន់ដែលពលរដ្ឋខ្មែរនាំគ្នាតវ៉ាទាំងយប់ទាំងថ្ងៃនេះ គឺជាទឹកដីថៃដែលធ្លាប់ផ្ដល់ឲ្យជនភៀសខ្លួនកម្ពុជាស្នាក់នៅបណ្ដោះអាសន្នកាលពីសម័យសង្រ្គា.ម។

ស្របពេលជាមួយគ្នានេះ ក្ដីបារម្ភ កំហឹ.ង និងភាពឈឺចាប់របស់បងប្អូនប្រជាជនខ្មែរដែលកំពុងរងគ្រោះ ដោយសារការឈ្លានពានរបស់ទាហានថៃ រំលោ.ភយកដីផ្ទះ ស្រែចម្ការ មានទំហំធំជាងភាពភ័យខ្លាចដែលថៃកំពុងតែគំរា.មកំហែ.ង។ ការតស៊ូក្រាញ់ននាល ការពារទឹកដីរបស់ពួកគាត់ បានធ្វើឲ្យប្រជាជនខ្មែរគ្រប់រូបក្ដុ.កក្ដួលនិងឈឺចាប់ជំនួសជាពន់ពេក។

ទោះជាយ៉ាង រាជរដ្ឋាភិបាលកម្ពុជាក៏កំពុងតែស្វែងរកដំណោះស្រាយយ៉ាងស្រាក់ស្រាំដើម្បីជម្នះបញ្ហាខាងលើជាមួយភាគីថៃ។ ដោយឈរលើគោលជំហរសន្តិភាព មនុស្សធម៌ និងគោរពតាមកិច្ចព្រមព្រៀងបទឈប់បា.ញ់ ថ្នាក់ដឹកនាំកម្ពុជាបានដាក់លិខិតទៅកាន់ប្រធានអាស៊ាន មេដឹកនាំពិភពលោកនានា និងបណ្ដារប្រទេសនៅលើឆាកអន្តរជាតិ ជួយជំរុញឲ្យភាគីថៃបញ្ឈប់សកម្មភាពហិង្សារបស់ខ្លួន និងងាកមកចរចាគ្នាដោយសន្តិវិធី ស្របតាមគោលការណ៍នៃច្បាប់អន្តរជាតិ៕

ប្រទេសថៃ ៖ មន្ត្រីច្រកព្រំដែនខេត្តចាន់បុរី ប្រទេសថៃ បានច្រានចោលព័ត៌មានខេត្តចាន់បុរីបើកច្រកព្រំដែនឱ្យពលរដ្ឋខ្មែរចេញ-ចូលសេរី ដោយមន្ត្រីច្រកព្រំដែនបញ្ជាក់ថា ព្រំដែនទាំងអស់នៅខេត្តចាន់បុរីនៅតែបិទទ្វារតាមបទបញ្ជា គឺអនុញ្ញាតឱ្យតែពលរដ្ឋខ្មែរ-ថៃធ្វើដំណើរទៅប្រទេសវិញរៀងៗខ្លួនប៉ុណ្ណោះ ។ រីឯព័ត៌មានចចាមអារ៉ាមថា ខេត្តចាន់បុរីបើកព្រំដែនឱ្យពលរដ្ឋខ្មែរចេញ-ចូលនោះ ពុំមែនជាការទេ ។

កាលពីថ្ងៃទី១៨ ខែកញ្ញា ឆ្នាំ២០២៥ កងទ័ពជើងទឹក មន្ត្រីច្រកព្រំដែន និងកងទ័ពនៅខេត្តចាន់បុរី បញ្ជាក់ថា ព្រំដែនកម្ពុជា-ថៃក្នុងខេត្តចាន់បុរីនៅតែបន្តបិទទ្វារតាមបទបញ្ជា ។ រីពាក្យចចាមអារ៉ាមបើកព្រំដែនឱ្យពលរដ្ឋខ្មែរចេញ-ចូលសេរីនៅខេត្តចាន់បុរី គឺពុំពិតឡើយ ។ ខេត្តចាន់បុរីបានរឹតបន្តឹងការឆ្លងដែនគ្រប់ប្រភេទ ដូចជា ៖ ហាមយានជំនិះទាំងអស់ឆ្លងដែន, ហាមមនុស្សឆ្លងដែនចេញ-ចូល, ហាមធ្វើពាណិជ្ជកម្ម រួមទាំងហាមភ្ញៀវទេសចរថៃ និងអន្តរជាតិឆ្លងដែន ។

ខេត្តចាន់បុរីអនុញ្ញាតឱ្យតែពលរដ្ឋខ្មែរ-ថៃឆ្លងដែនត្រឡប់ទៅប្រទេសរៀងៗខ្លួនប៉ុណ្ណោះ ដោយពុំអនុញ្ញាតឱ្យពលរដ្ឋប្រទេសទាំងពីរឆ្លងដែនចេញ-ចូលដោយសេរីទេ ។ រីឯពេលវេលាបើក-បិទគ្រប់ច្រកព្រំដែន គឺចាប់ពីម៉ោង៩ព្រឹក ដល់ម៉ោង៣រសៀល ប៉ុន្តែនឹងអនុញ្ញាតឱ្យឆ្លងដែនសម្រាប់ករណីមនុស្សធម៌ និងការងារចាំបាច់ ។

កងទ័ពជើងទឹក និងកងទ័ពនៅខេត្តចាន់បុរី បានប្រជុំណែនាំមន្ត្រីគ្រប់ច្រកព្រំដែនឱ្យអនុវត្តតាមបទបញ្ជាបិទព្រំដែន ព្រមទាំងឱ្យមន្ត្រីតាមដានស្ថានការណ៍នៅព្រំដែនកម្ពុជាយ៉ាងដិតដល់ ។ មន្ត្រីត្រូវរាយការណ៍បើមានហេតុការណ៍បន្ទាន់កើតឡើង និងត្រូវទំនាក់ទំនងគ្នារយៈពេល២៤ម៉ោង ដូច្នេះ សំណូមពរឱ្យពលរដ្ឋជឿជាក់លើព័ត៌មានផ្លូវការប៉ុណ្ណោះ ។

គួរបញ្ជាក់ថា ព័ត៌មានក្លែងក្លាយជាច្រើនពាក់ព័ន្ធនឹងស្ថានការណ៍ព្រំដែនកម្ពុជា-ថៃត្រូវបានបង្កើតឡើងនៅប្រទេសថៃដើម្បីឱ្យមានការយល់ច្រឡំ និងបំប៉ោងស្ថានការណ៍កាន់តែធ្ងន់ធ្ងរ ។ ព័ត៌មានទាំងនេះញុះញង់ចែកចាយពេញបណ្តាញសង្គម និងជាប្រភពធ្វើឱ្យពលរដ្ឋថៃមានគំនិតស្អប់ខ្ពស់ជាតិសាសន៍ដោយខ្វះការពិចារណា ។ ទោះជារដ្ឋាភិបាលថៃសន្យាទប់ស្កាត់ ប៉ុន្តែនៅតែមានការបង្កើត ចែកចាយព័ត៌មានក្លែងក្លាយពេញប្រទេសក្នុងបំណងបង្កចលាចល ៕

ប្រទេសម៉ាឡេស៊ី ៖ ក្រោយពីសមត្ថកិច្ចថៃបានប្រព្រឹត្តអំពើហិ.ង្សាមកលើពលរដ្ឋខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បណ្តាលឱ្យដួលសន្លប់ និងរងរបួសធ្ងន់ស្រាលជាច្រើននាក់កាលពីថ្ងៃទី១៧ ខែកញ្ញា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានសុំការគាំទ្រពីប្រធានអាស៊ាន និងថ្នាក់ដឹកនាំពិភពលោក ដើម្បីជំរុញការអនុវត្តបទឈប់បា.ញ់រវាងកម្ពុជា-ថៃឱ្យមានប្រសិទ្ធភាព ។ ជាការឆ្លើយតប នាយករដ្ឋមន្ត្រីម៉ាឡេស៊ី លោក Anwar Ibrahim បានស្នើថៃឈប់ឈ្លានពាននៅភូមិព្រៃចាន់ និងដោះស្រាយបញ្ហាព្រំដែនក្នុងកិច្ចប្រជុំ JBC ។

សារព័ត៌មាន New Straits Times របស់ម៉ាឡេស៊ីរាយការណ៍ថា នាយករដ្ឋមន្ត្រីម៉ាឡេស៊ី លោក Anwar Ibrahim បានបង្ហាញក្តីបារម្ភចំពោះហេតុការណ៍ដែលកើតឡើងនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលបង្កឡើងដោយកងទ័ពឈ្លានពានថៃកាលពីថ្ងៃទី១៧ ខែកញ្ញា ព្រមទាំងស្នើឱ្យថៃឈប់បង្កសកម្មភាពឈ្លានពាននៅភូមិព្រៃចាន់ ។ លោកសំណូមពរឱ្យកម្ពុជា-ថៃដោះស្រាយបញ្ហាព្រំដែនដោយសន្តិវិធីក្នុងកិច្ចប្រជុំ JBC នាពេលខាងមុខ ។

នាយករដ្ឋមន្ត្រីម៉ាឡេស៊ី លោក Anwar បានពិភាក្សាតាមទូរស័ព្ទជាមួយនាយករដ្ឋមន្ត្រីថៃ លោក អនុថីន ឆាន់វីរៈគូន ដោយលោក Anwar បានសង្កត់ធ្ងន់លើសារៈសំខាន់នៃការរក្សាសន្តិសុខនៅតំបន់ព្រំដែនកម្ពុជា-ថៃ និងការពារកុំឱ្យជម្លោះព្រំដែនរីករាលដាលកាន់តែខ្លាំង ។

លោក Anwar បានសរសេរក្នុងហ្វេសប៊ុកថា ៖ «ខ្ញុំបានពិភាក្សាពីស្ថានការណ៍នៅតាមបណ្តោយព្រំដែនកម្ពុជា-ថៃ និងសំណូមពរឱ្យប្រទេសទាំងពីរដោះស្រាយបញ្ហាព្រំដែនដោយសន្តិវិធី និងពុំគួរបង្កើនភាពតានតឹងដែលពុំចាំបាច់ ។ ម៉ាឡេស៊ីសំណូមពរឱ្យប្រទេសទាំងពីរដោះស្រាយបញ្ហាព្រំដែនក្នុងកិច្ចប្រជុំទ្វេភាគី JBC ដែលជាការចរចាស្វែងរកសន្តិភាព និងស្ថិរភាពក្នុងតំបន់អាស៊ានយូរអង្វែង» ។

លោកជឿលើការចរចា និងការយល់ពីគ្នាទៅវិញទៅមក គឺជាវិធីល្អបំផុតក្នុងការរក្សាសន្តិភាព និងសន្តិសុខក្នុងតំបន់ ។ ក្រៅពីនេះ នាយករដ្ឋមន្ត្រីម៉ាឡេស៊ីសង្ឃឹមថា នាយករដ្ឋមន្ត្រីថៃ លោក អនុថីន នឹងធ្វើទស្សនកិច្ចជាផ្លូវការនៅម៉ាឡេស៊ីនាពេលឆាប់ៗក្រោយពីលោកកាន់តំណែងនាយករដ្ឋមន្ត្រី ដើម្បីពង្រឹងទំនាក់ទំនងរវាងប្រទេសទាំងពីរ និងពិភាក្សាពីស្ថានការណ៍ព្រំដែនកម្ពុជា-ថៃ ។

គួរបញ្ជាក់ថា កាលពីថ្ងៃទី១៨ ខែកញ្ញា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានជួបពិភាក្សាតាមទូរស័ព្ទជាមួយលោក Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានប្តូរវេនអាស៊ាន ពាក់ព័ន្ធនឹងការវិវត្តន៍នៃស្ថានការណ៍គួរឱ្យព្រួយបារម្ភនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ក្នុងរយៈពេលប៉ុន្មានថ្ងៃនេះ រហូតដល់មានការប៉ះទង្គិចគ្នារវាងកងកម្លាំងប្រដាប់អាវុធថៃ និងពលរដ្ឋកម្ពុជា ដែលបណ្តាលឱ្យរងរបួសជាច្រើននាក់ ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានស្នើឱ្យលោក Anwar ធ្វើអន្តរាគមន៍ជាបន្ទាន់ ដើម្បីបន្ធូរភាពតានតឹងរវាងកងកម្លាំងប្រដាប់អាវុធថៃ និងពលរដ្ឋកម្ពុជា ដោយឱ្យរក្សាស្ថានភាពដដែល កុំឱ្យមានការរាយបន្លាលួសបន្ថែម ឬធ្វើសកម្មភាពណាមួយដែលពង្រីកវិសាលភាពនៃជម្លោះ និងរង់ចាំដំណោះស្រាយបញ្ហាព្រំដែនពីគណៈកម្មការចម្រុះព្រំដែន (JBC) នាពេលខាងមុខ ស្របតាមការឯកភាពគ្នារវាងភាគីកម្ពុជា-ថៃក្នុងកិច្ចប្រជុំពិសេសគណៈកម្មាធិការព្រំដែនទូទៅ (GBC) កាលពីថ្ងៃទី១០ ខែកញ្ញា ឆ្នាំ២០២៥ កន្លងទៅ ៕

ប្រទេសថៃ ៖ កងទ័ពឈ្លានពានថៃបានចាប់ផ្តើមគម្រោងសាងសង់របងនៅព្រំដែនខេត្តស្រះកែវមុនគេក្រោមហេតុផលពង្រឹងសន្តិសុខ ការពារការល្មើសអធិបតេយ្យ និងផ្តល់ភាពងាយស្រួលសម្រាប់ការយាមល្បាតនៅព្រំដែន ។ ការចាប់ផ្តើមគម្រោងសាងសង់របង គឺក្រោយពីកងទ័ពថៃប្រើប្រាស់អំពើហិ.ង្សាយ៉ាងសា.ហាវព្រៃ.ផ្សៃមកលើពលរដ្ឋខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។ នេះបើតាមការផ្សព្វផ្សាយរបស់សារព័ត៌មាន Khaosod នៅថ្ងៃទី១៨ ខែកញ្ញា ឆ្នាំ២០២៥ ។

កាលពីថ្ងៃទី១៧ ខែកញ្ញា សមត្ថកិច្ចថៃបានបា.ញ់កាំភ្លើងគ្រាប់ជ័រ គ្រាប់បែកផ្សែង និងឧបករណ៍បំពងសំឡេងមកលើពលរដ្ឋខ្មែរនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បណ្តាលឱ្យហៀរទឹកភ្នែក ប៉ះពាល់ក្រដាសត្រចៀក និងប្រព័ន្ធខួរក្បាល ។ លើសពីនេះ កងទ័ពថៃបានបង្កអំពើហិង្សាដោយប្រើប្រាស់ឧបករណ៍បង្ក្រាប និងបា.ញ់ជំពាមកៅស៊ូគ្រាប់ឃ្លីបណ្តាលឱ្យពលរដ្ឋខ្មែរដួលសន្លប់ និងរងរបួសធ្ងន់ស្រាលជាច្រើននាក់ ដោយចោទប្រកាន់ពីបទល្មើសអធិបតេយ្យ ។

ការចាប់ផ្តើមគម្រោងសាងសង់របងព្រំដែន គឺក្រោមហេតុផលបង្កើនប្រសិទ្ធភាពនៃការរក្សាសុវត្ថិភាព និងសន្តិភាពនៅតាមបណ្តោយព្រំដែនជ ។ កាលពីថ្ងៃទី១៨ ខែកញ្ញា កងទ័ពថៃបានដំឡើងកាមេរ៉ាសុវត្ថិភាព CCTV នៅបង្គោលព្រំដែនលេខ៥០ ស្ថិតក្រោយព្រំដែនបានឃ្លងលឹក ស្រុកអារញ្ញប្រាថេត ខេត្តស្រះកែវ (ទល់មុខច្រកទ្វារអន្តរជាតិប៉ោយប៉ែត-ច្រកព្រំដែនអន្តរជាតិប៉ោយប៉ែត ខេត្តបន្ទាយមានជ័យ) ដែលព្រំដែនខេត្តស្រះកែវជាការទទួលខុសត្រូវរបស់កងកម្លាំងបូរ៉ាផា ។

ក្រៅពីការដំឡើងកាមេរ៉ាលើរបងព្រំដែន ក៏មានការដំឡើងប្រព័ន្ធភ្លើងបំភ្លឺ និងសូឡាផងដែរ ដើម្បីផ្តល់ភាពងាយស្រួលដល់ការយាមល្បាតព្រំដែនរបស់កងទ័ពថៃ ។ ក្រៅពីនេះ នឹងមានប្រព័ន្ធចាប់ទិន្នន័យដែលអាចរក្សាទុករូបភាពរហូតដល់៣០ថ្ងៃ ។ ទាហានឈុតខ្មៅបានកាប់ដើមឈើធំៗនៅតំបន់ព្រំដែនកម្ពុជា-ថៃ ដើម្បីឱ្យកាមេរ៉ាលើរបងចាប់រូបភាពបានច្បាស់ ហើយទាហានឈុតខ្មៅថៃនឹងកាប់ដើមឈើធំៗបន្តទៀត ។

គួរបញ្ជាក់ថា គណបក្សភឿថៃរបស់អតីតនាយករដ្ឋមន្ត្រី លោកស្រី ផេថងថាន ស៊ីណាវ៉ាត់ បានប្រគល់អំណាចឱ្យកងទ័ពថៃមានសិទ្ធិសម្រេចចិត្តបើក-បិទព្រំដែនកម្ពុជា-ថៃ និងចាត់វិធានការផ្សេងៗ ។ ពេលនេះ លោក អនុថីន ឆាន់វីរៈគូន មកពីគណបក្សភូមិចៃថៃក្លាយជានាយករដ្ឋមន្ត្រីថ្មី ក៏បានប្រគល់អំណាចឱ្យកងទ័ពថៃមានអំណាចសម្រេចចិត្តលើការងារព្រំដែនដូចគ្នា ។ វាធ្វើឱ្យកងទ័ពថៃកាន់តែខ្លាំងដៃប្រឌិតរឿងចោទប្រកាន់កម្ពុជាល្មើសអធិបតេយ្យ និងបង្កប់មីនថ្មី ខណៈពលរដ្ឋថៃជ្រុលនិយមគាំទ្រសកម្មភាពឈ្លានពានរបស់កងទ័ពខ្លួន ។

កាលពីថ្ងៃទី១៨ ខែកញ្ញា នាយករដ្ឋមន្ត្រីថៃ លោក អនុថីន បាននិយាយមកកាន់សារព័ត៌មាននៅសភាពាណិជ្ជកម្មថា កងទ័ពថៃជាអ្នកចាត់វិធានការនៅព្រំដែនខេត្តស្រះកែវ និងគ្មានការបើកព្រំដែនឡើយ រដ្ឋាភិបាលនឹងស្តាប់មតិកងកម្លាំងនៅព្រំដែន ថៃត្រូវតែរក្សាផលប្រយោជន៍ជាតិ ។ កងទ័ពជាអ្នកចាត់វិធានការ មានសិទ្ធិសម្រេចចិត្ត និងរាយការណ៍ពីបញ្ហានៅព្រំដែនខេត្តស្រះកែវ ពីព្រោះច្បាប់អាជ្ញាសឹកបានប្រកាសនៅតំបន់នេះរួចហើយ ៕