អាជីពរបស់តារាសម្តែង Cheng Yi ស្ថិតក្នុងវិបត្តិ

រឿង «The Journey of Legend» របស់ Cheng Yi គឺជារឿងប្រវត្តិសាស្ត្រគួរឱ្យកត់សម្គាល់បំផុតនៅពេលនេះ។ ផ្ទុយពីថវិកាវិនិយោគដ៏ច្រើនភាពយន្តនេះធ្វើឱ្យទស្សនិកជនធុញទ្រាន់ជាមួយនឹងបញ្ហាជាបន្តបន្ទាប់ជាមួយនឹងការតុបតែងមុខ ការកាត់តមិនល្អ ក្រោយការផលិតដ៏ច្របូកច្របល់និងធ្វេសប្រហែស។

បច្ចុប្បន្ននេះប្រជាប្រិយភាពរបស់ «The Journey of Legend» បានឈានដល់ជាង ៨,០០០ពិន្ទុនៅលើវេទិកា iQIYI និង ២៦,០០០ពិន្ទុនៅលើវេទិកា Tencent ។ ចំនួននៃការមើលភាពយន្តបានធ្លាក់ចុះក្នុងរយៈពេល២ ថ្ងៃគឺពី ៤៦លានទៅ ៣៨ លានដែលស្មើនឹង ២៦% នៃចំណែកទីផ្សារភាពយន្តអនឡាញ។ នៅលើគេហទំព័រពិនិត្យភាពយន្តអន្តរជាតិ IMDb បានធ្លាក់ចុះពី ៤.០ មក ៣.៤ ពិន្ទុ ដោយភាគច្រើននៃការពិនិត្យគឺផ្កាយ ១ និង២។

ប្រព័ន្ធផ្សព្វផ្សាយចិន Sohu ជឿជាក់ថាបន្ទាប់ពីរឿង «Mysterious Lotus Casebook»កាលពីឆ្នាំ២០២៣ ការអំពាវនាវរបស់ Cheng Yi បានថយចុះយ៉ាងខ្លាំងដោយសារតែតួនាទីស្រដៀងគ្នា ខ្វះភាពថ្មីថ្មោង។ ទាំងការសម្ដែងនិងសំឡេងរបស់តារារូបនេះក៏មិនមានភាពប្រសើរឡើងដែរ។ ជាពិសេសទស្សនិកជនថែមទាំងរិះគន់តារាប្រុសរូបនេះថាខ្ជិល ហើយតែងតែយកស្គ្រីបតាមឈុត។ ទោះបីជា Cheng Yi មានការអញ្ជើញជាច្រើនឱ្យសម្ដែងក្នុងខ្សែភាពយន្តក៏ដោយ ប៉ុន្តែភាគច្រើននៃរឿងទាំងនោះគឺជាភាពយន្តក្បាច់គុនបុរាណ ដែលវិនិយោគ និងផលិតដោយក្រុមហ៊ុនគ្រប់គ្រងផ្ទាល់ខ្លួនរបស់លោក ។

នេះមិនត្រឹមតែរារាំងដល់ការអភិវឌ្ឍន៍អាជីពរបស់ Cheng Yi ប៉ុណ្ណោះទេ ថែមទាំងធ្វើឱ្យកេរ្តិ៍ឈ្មោះរបស់លោកធ្លាក់ចុះកាន់តែខ្លាំង។ ថ្មីៗនេះ គម្រោងភាពយន្តថ្មីរបស់ Cheng Yi ស្រាប់តែបានប្រកាសពន្យារពេលថ្ងៃបើកសម្ពោធដោយមិនដឹងមូលហេតុដែលធ្វើឱ្យអ្នកគាំទ្រព្រួយបារម្ភ។ទោះជាយ៉ាងណាក៏ដោយ មតិខ្លះទៀតបាននិយាយថា នេះគឺជាពេលវេលាដ៏មានតម្លៃសម្រាប់ Cheng Yi ដើម្បីតម្រង់ទិសអាជីពសម្តែងរបស់លោកឡើងវិញ។

នៅចុងឆ្នាំនេះ Cheng Yi នៅតែមានភាពយន្តចំនួនពីរដែលគ្រោងនឹងចាក់ផ្សាយប្រសិនបើតារាប្រុសវ័យ ៣៥ឆ្នាំរូបនេះបន្តបរាជ័យនោះ Cheng Yi នឹងប្រឈមមុខនឹងវិបត្តិដ៏ធំបំផុតក្នុងអាជីពរបស់ខ្លួន៕