ភ្នំពេញ៖ ដើម្បីជំរុញការនាំចេញ​«ម្រេច»កម្ពុជា ឱ្យពិភពលោកស្គាល់តែច្បាស់ពីរសជាតិ និងគុណភាពនោះ ក្រុមហ៊ុន Sela Pepper​ នឹងដាក់លក់ផលិតផលនេះនៅលើវេបសាយ Alibaba។ ការដាក់លក់នេះ នឹងធ្វើឡើងបន្ទាប់ពីកម្ពុជា-ចិន ឯកភាពគ្នាលើលក្ខខណ្ឌបច្ចេក​ទេសភូតគាមអនាម័យ នៅដើមឆ្នាំ២០២៣។

Sela Pepper (សិលា ផិបភើរ) ជាក្រុមហ៊ុនក្នុងស្រុកមួយដែល​ផលិត និងកែច្នៃម្រេច សម្រាប់ផ្គត់ផ្គង់ទីផ្សារជាតិ-អន្តរជាតិ។ ក្រុមហ៊ុននេះនឹងពង្រីកទីផ្សាររបស់ខ្លួនទៅកាន់ប្រទេសចិន តាមរយៈការដាក់លក់ម្រេចនៅលើវេបសាយAlibaba។ បើតាម កញ្ញា​ ស៊ឹង សុផា នាយិកា​ក្រុមហ៊ុន Sela Pepper ផែនការដាក់លក់ម្រេចនៅលើAlibabaនេះ គឺ ក្រោយពីរដ្ឋបាលគយនៃប្រទេសចិន បានអនុញ្ញាតឱ្យកម្ពុជានាំម្រេចចូលប្រទេសខ្លួន ដែលស្របតាមលក្ខខណ្ឌបច្ចេកទេសភូតគាមអនាម័យ។​

«តាមពិតទៅ! ពួកខ្ញុំបានចុះឈ្មោះក្នុងAlibabaយូរដែលហើយដែរ! គ្រាន់ថាពេលនោះ ពួកខ្ញុំអត់ទាន់មានលទ្ធភាពក្នុងការនាំចេញ ឬលក់នៅទីផ្សារចិនបាន ព្រោះនៅចាំកម្ពុជាចុះ កិច្ចព្រមព្រៀងពាណិជ្ជកម្មសេរីជាមួយចិន និងការអនុញ្ញាតពីគយចិន»​។ នេះជាការលើកឡើងរបស់កញ្ញា សុផា​ ដោយបន្តនិយាយប្រាប់សារព័ត៌មានថ្មីៗ(THMYETHMEY) នាថ្ងៃទី២៦ធ្នូថា ៖« ពេលកម្ពុជាយើងមានទាំងអស់នោះហើយ! យើងក៏មានផែនការធ្វើយ៉ាងម៉េចដាក់លក់ម្រេចយើង នៅលើAlibaba នៅឆ្នាំ២០២៣​»។

​អត្ថបទទាក់ទង កម្ពុជា គ្រោងយកគ្រាប់ស្វាយចន្ទី និងម្រេច ដាក់លក់នៅលើគេហទំព័រក្រុមហ៊ុន Alibaba
ការចូលទីផ្សារប្រទេសចិនក្នុងឆ្នាំទីមួយតាមរយៈAlibabaនេះ កញ្ញា សុផា មិនរំពឹងថា មានការបញ្ជាទិញច្រើនកុងតឺន័រនោះទេ ប៉ុន្តែ អ្វីដែលកញ្ញារំពឹងខ្ពស់នោះ គឺម៉ាកឈ្មោះផលិតផលម្រេចកម្ពុជា មានវត្តមាននៅលើវេបអនឡាញដ៏ធំមួយក្នុងពិភពលោកនេះ​។ « អ្វីដែលយើងរំពឹងខ្លាំងមែនទែននោះ គឺនៅឆ្នាំ២០២៤។ មានន័យថា ការងារដែលយើងវិនិយោគនៅឆ្នាំ២០២៣ វានឹងឱ្យផលយើងនៅឆ្នាំ២០២៤ ដោយសង្ឃឹមថា ផលិតផលម្រេច Sela Pepper នឹងត្រូវបាននាំចេញទៅប្រទេសចិន គឺពេញកុងតឺន័រជារៀងរាល់ខែ»។ កញ្ញា សុផា បានបង្ហាញសុទិដ្ឋនិយមខ្ពស់បែបនេះ ដោយសារមើលឃើញពីការកើនឡើងនៃតម្រូវការទីផ្សារអន្តរជាតិ ជាពិសេសផលិតផលម្រេចខ្មែរ ត្រូវបានបរទេសស្គាល់កាន់តែទូលំទូលាយជាច្រើនជាមុនពីគុណភាព និងរសជាតិ។

កញ្ញា ស៊ឹង សុផា នាយិកាក្រុមហ៊ុន Sela Pepper នាំផលិតផលខ្លួន តាំងពិព័រណ៍នៅរាជធានីភ្នំពេញ​នាកន្លងមក។ រូបថត៖ Sela Pepper​

បើតាម កញ្ញា សុផា នៅឆ្នាំ២០២៣ ក្រុមហ៊ុនSela Pepper មិនត្រឹមវាយលុយតែទីផ្សារចិនប៉ុណ្ណោះទេ​ តែក៏វាយលុកចូលទីផ្សារប្រទេសកូរ៉េបន្ថែមផងដែរ។ នាអំឡុងខែមិថុនា ឆ្នាំ២០២៣ ក្រុមហ៊ុនក្នុងស្រុកមួយនេះ នឹងយកផលិតផលម្រេចខ្មែរដាក់តាំងពិព័រណ៍ នៅទីក្រុងសេអ៊ូល ដើម្បីបង្កើនការផ្សព្វផ្សាយ​ម្រេចខ្មែរនៅកាន់ទីផ្សារដ៏មានសក្កនុពលមួយនេះ​។​

ឆ្នាំ២០២២ ក្រុមហ៊ុន Sela Pepper​ បាននាំចេញម្រេចទៅកាន់ទីផ្សារអន្តរជាតិប្រមាណ១០០តោន។ ប្រទេសដែលជាទីផ្សារធំរបស់ក្រុមហ៊ុននេះ មានប្រទេសប៉ូឡូញ ជប៉ុន កូរ៉េខាងត្បូង និងតៃវ៉ាន់ ជាដើម៕

ភ្នំពេញ៖ នៅទូទាំងប្រទេសក្នុងថ្ងៃឆ្លងឆ្នាំសកល២ថ្ងៃ មានភ្ញៀវសរុបប្រមាណ២,០២២,៩២០នាក់ ក្នុងនោះភ្ញៀវជាតិ២,០០៦,១១៧នាក់ និងភ្ញៀវបរទេស១៦,៨០៣នាក់។

យោងតាមក្រសួងទេសចរណ៍បានឲ្យដឹងថា គោលដៅទេសចរណ៍សំខាន់ៗមួយចំនួន រួមមាន៖* រាជធានីភ្នំពេញ ៤៥៥,៨៣២នាក់* ខេត្តព្រះសីហនុ ៣៣៨,៥៥២នាក់* ខេត្តសៀមរាប ៣៣៧,៧៦៩នាក់* ខេត្តកំពត ៣៣០,៦៥៩នាក់* ខេត្តបាត់ដំបង ១៥៨,១១០នាក់* ខេត្តកែប ៨៨,៣៥៦នាក់* ខេត្តត្បូងឃ្មុំ ៨៤,៦៨៣នាក់* ខេត្តកំពង់ចាម ៧៦,៩០១នាក់។

តួលេខខាងលើមានការកើនឡើង៧៦.៦៥% ធៀបនឹងពិធីឆ្លងឆ្នាំសកលឆ្នាំ២០២២។

ចំពោះរាជធានីភ្នំពេញមានប្រជាពលរដ្ឋប្រមាណជាង៤៥ម៉ឺននាក់ បានដើរកម្សាន្តនៅគោលដៅសំខាន់ៗ ដូចជានៅតំបន់កោះពេជ្រ មាត់ទន្លេមុខព្រះបរមរាជវាំង តំបន់កម្សាន្តជ្រោយចង្វារ តំបន់វិមានឈ្នះឈ្នះ ពហុកីឡដ្ឋានមេរតកតេជោជាដើម។

គោលដៅទេសចរណ៍នានាទូទាំងប្រទេសសុទ្ធតែទទួលបានចំនួនភ្ញៀវទេសចរយ៉ាងផុសផុល។ បន្ទប់សណ្ឋាគារ ផ្ទះសំណាក់ រីស៊ត និងបឹងហ្កាឡូ ត្រូវបានភ្ញៀវកក់ស្ទើរពេញ១០០%។

ដោយឡែក ប្រជាពលរដ្ឋមួយចំនួនបានជ្រើសរើសយកការជួបជុំនៅតាមគេហដ្ឋាន (ហូបចុក ច្រៀងកម្សាន្តជាលក្ខណៈគ្រួសារ និងមិត្តភក្តិ)។ ខ្លះទៀតបានចេញទៅដើរកម្សាន្ត និងជួបជុំឆ្លងឆ្នាំនៅតាមភោជនីយដ្ឋាន កន្លែងកម្សាន្តមនុស្សពេញវ័យ និង Sky Bar ជាដើម៕

ភ្នំពេញ៖ សម្តេចតេជោ​ ហ៊ុន សែន នាយករដ្ឋមន្រ្តី នៃកម្ពុជា មានប្រសាសន៍តាមទំព័រហ្វេសបុកថា ដើម្បីដឹងច្បាស់​​តើជាប្រពន្ធ​ស្របច្បាប់​ ឬជាស្រីយកប្តីគេ សម្តេចបង្ខំចិត្តប្រើផេកផ្លូវការរបស់ខ្លួន សួរបញ្ជាក់ទៅហ៊ុន ជា ទើបច្បាស់។

សម្តេចតេជោ​ ហ៊ុន សែន មានប្រសាសន៍តាមទំព័រហ្វេសបុកផ្ទាល់ខ្លួន កាលពីល្ងាចថ្ងៃទី១ ខែមក ឆ្នាំ២០២៣ ថា «​ល្ងាចនេះ​ឃើញហ្វេសបុក ហ៊ុន ជា បង្ហោះ រូបថតជាមួយស្រីម្នាក់ ដែលខ្ញុំចូលទៅសួរជាប្រពន្ធ ហ៊ុន ជា ឬជាស្រីហ៊ុន ជា? ពុំមាន​ចម្លើយ​ណាមួយជាក់លាក់ទេ រាប់ទាំង ហ៊ុន ជា ក៏មិនចេញមកបំភ្លឺដែរ។ ដើម្បីដឹងច្បាស់ តើជាប្រពន្ធស្របច្បាប់ ឬជាស្រីយកប្តីគេ​ខ្ញុំបង្ខំ​ចិត្ត​ប្រើផេកផ្លូវការរបស់ខ្ញុំ ដើម្បីសួរបញ្ជាក់ទៅ ហ៊ុន ជា ទើបច្បាស់»។

«រឿងដែលគួរឱ្យឆ្ងល់គឺ កាលពីឆ្នាំ១៩៩៥ ស្រឡាញ់កូនក្រមុំគេដែលជាប្រពន្ធដើម។ ម្តាយគេមិនឱ្យ ហ៊ុន ជា ចាប់ជំរត់ទៅកំពង់ចាមហើយជាប់ឃុំនៅទីនោះ។ ខ្ញុំជាឪពុកមាត្រូវសម្រួលជាមួយម្តាយនិងគ្រួសារខាងស្រីកុំឲ្យគេប្តឹងនិងសុំឲ្យបានរៀបការ។ គ្រួសារខាងស្រីយោគយល់ព្រមឲ្យរៀបការដែលខ្ញុំចេញចំណាយរៀបការឲ្យក្មួយ។ ស្រាប់តែមិនឃើញប្រពន្ធដែលរៀបការពេញច្បាប់បែជាចេញស្រីផ្សេងទាំងប្រពន្ធដើមនិងកូនត្រូវរស់យ៉ាងឈឺចាប់ទៅវិញ។ ខ្ញុំនៅតែទទួលស្គាល់ក្មួយប្រសារដែលរៀបការពេញច្បាប់ដែលតាមស្រាវជ្រាវមិនមានការលេងលះគ្នាទេ។ ច្បាប់យើងប្តីមួយប្រពន្ធមួយ។ ឃើញហ្វេសបុកស្រីនោះក៍បង្ហោះរូបថតដូច ហ៊ុន ជាដែរតើនាងចង់ឲ្យ ហ៊ុន ជា អស់ផ្កាយពីស្មាមែនទេ?។ ខ្ញុំមានសិទ្ធឈឺឆ្អាលព្រោះខ្ញុំចង់ថែទាំត្រកូលហ៊ុន»៕

កែប ៖ លោក ភូ លិ អភិបាលរងខេត្តកែប ត្រូវបាន ក្រុមគ្រួសារ ជនរងគ្រោះ. ប្តឹងចោទប្រកាន់ថា បៀតបៀនលើស្រីម្នាក់ជាប្រពន្ធគេ និងប្រើអំពើហិង្សាលើស្ត្រីម្នាក់ទៀត ដោយគប់នឹងកែវស្រា បណ្ដាលឱ្យបែកក្បាលចំនួន ១៦ថ្នេរ ករណីនេះ បានកើតឡើងកាលពីយប់ថ្ងៃទី២៩ ខែធ្នូ ឆ្នាំ២០២២ម្សិលមិញនេះ នៅក្នុងពិធីជប់លៀងឡើងដំណែងរបស់លោក អ៊ិន សៅ ប្រធានមន្ទីរបរិស្ថានខេត្តកែបថ្មី។នេះបើយោងតាមការអះអាងរបស់ ជនរងគ្រោះ ។
ប្រភពដដែលបានថ្លែងថា ស្ត្រីរងគ្រោះបែកក្បាលមានឈ្មោះ ខូវ ហ៊ុយឡាំង បានរងរបួសបែកក្បាលផ្នែកក្រោមចិញ្ចើម លើត្របកភ្នែកខាងស្ដាំ ដេរចំនួន ១៦ថ្នេរ កំពុងសម្រាកព្យាបាលនៅមន្ទីរពេទ្យ និងស្ត្រីដែលត្រូវរងការបៀតបៀនមានឈ្មោះ ទ.ម.រ។
យោងតាមប្រភពបញ្ជាក់ថា នៅមុនពេលកើតហេតុ ជនរងគ្រោះ និងបងប្អូន បានទៅចូលរួមពិធីជប់លៀងឡើងដំណែងរបស់លោក អ៊ិន សៅ ប្រធានមន្ទីរបរិស្ថានខេត្តកែបថ្មី នៅចំណុចទល់មុខព្រះរាជដំណាក់យានី ស្ថិតនៅភូមិកែប សង្កាត់កែប ក្រុងកែប។
ប្រភពបន្ថែមថា ជនរងគ្រោះ និងបងប្អូន បានហូបអាហាររួមតុជាមួយក្រុមគ្រួសាររបស់លោក អ៊ិន សៅ ស្រាប់តែមួយសន្ទុះក្រោយមក ក៏លេចមុខលោក ភូ លិ អភិបាលរងខេត្តកែប ដែលអង្គុយនៅតុផ្សេង បានដើរមកតុរបស់ជនរងគ្រោះ ក្នុងស្ថានភាពស្រវឹងស្រា និងបានថើបក្បាល ស្រ្តី ឈ្មោះ ទ.ម.រ ដែលត្រូវជាសាច់ញាតិរបស់ជនរងគ្រោះឈ្មោះ ខូវ ហ៊ុយឡាំង (អ្នកបែកក្បាល) ក្នុងបំណងបៀតបៀន។
ភ្លាមៗនោះ ឈ្មោះ ទ.ម.រ បាននិយាយជាមួយលោក ភូ លិ ថា៖ “លោកធ្វើចឹងមិនសមទេ! ខ្ញុំមានប្ដីហើយ កុំធ្វើចឹងមិនត្រឹមត្រូវទេ!”។
ពេលនោះ លោក ភូ លិ ក៏បានដើរចេញទៅតុរបស់លោកវិញមួយភ្លែត ស្រាប់តែដើរត្រលប់មកម្ដងទៀត ទើបជនរងគ្រោះឈ្មោះ ខូវ ហ៊ុយឡាំង និងបងប្អូន ព្រមទាំងឈ្មោះ ទ.ម.រ ផង បានក្រោកដើរចេញពីតុអាហារបម្រុងត្រឡប់ទៅផ្ទះវិញ ស្រាប់តែលោក ភូ លិ យកកែវស្រាគប់លើឈ្មោះ ខូវ ហ៊ុយឡាំង បែកក្បាលឈាមស្រោចខ្លួន និងត្រូវសាច់ញាតិដឹកយកទៅមន្ទីរពេទ្យដេរចំនួន ១៦ថ្នេរ។
ប្រភពបានឱ្យដឹងទៀតថា បន្ទាប់ពីធ្វើសកម្មភាពយ៉ាងជាក់ស្ដែងយ៉ាងណាក៏ដោយ ក៏សមត្ថកិច្ច នៅកន្លែងកើតហេតុ មិនបានឃាត់ខ្លួនលោក ភូ លិ ភ្លាមៗឡើយ ព្រោះលោកជាអភិបាលរងខេត្តកែប ដូច្នេះគ្មានអ្នកណាហ៊ានប៉ះនោះទេ។
ជុំវិញការបង្កហិង្សាលើស្ត្រី ពីសំណាក់លោក ភូ លិ អភិបាលរងខេត្តកែបនេះ. អង្គភាពយើងមិនអាច សុំការបកស្រាយពី លោកអភិបាលរងបាននៅឡើយទេ អង្គភាពយើងរងចាំការបំភ្លឺជានិច្ច។
ចំណែក ឯកឧត្តម ខាន់ សុផល ព្រះរាជអាជ្ញា នៃអយ្យការអមសាលដំបូងខេត្តកែប បានប្រាប់អ្នកសារព័ត៌មានថា មកដល់ថ្ងៃទី៣០ ខែធ្នូ ឆ្នាំ២០២២នេះ នគរបាលយុត្តិធម៌មិនបានឃាត់ខ្លួនលោក ភូ លិ នៅឡើយទេ។
ឯកឧត្តមព្រះរាជអាជ្ញា បានបញ្ជាក់ថា “ខ្ញុំបានដឹងរឿងនេះហើយ។ រឿងនេះកំពុងស្ថិតនៅក្នុងចំណាត់ការរបស់មន្ត្រីនគរបាលយុត្តិធម៌នៅឡើយ។ នគរបាលយុត្តិធម៌ គេកំពុងមានចំណាត់ការ”។
ក្នុងរឿងនេះ មិនមែនតែជនរងគ្រោះឈ្មោះ ខូវ ហ៊ុយឡាំង ដែលបែកក្បាលនោះទេ គឺមានជនរងគ្រោះឈ្មោះ ទ.ម.រ ដែលរងការបៀតបៀនម្នាក់ទៀត ដែលបានដាក់ពាក្យប្ដឹងលោក ភូ លិ អភិបាលខេត្តកែប ដើម្បីឱ្យស្ថាប័នមានសមត្ថកិច្ចជួយរកយុត្តិធម៌។
គួររម្លឹកថា កាលពីកន្លងទៅ ក៏ធ្លាប់មានព្រឹត្តិការណ៍បុរសៗមានបុណ្យស័ក្តិ អំណាច និងលុយ ប្រើប្រាស់ហិង្សាលើស្ត្រី ជាតារា ប៉ុន្តែ ដោយមានការយកចិត្តទុកដាក់ជួយស្វែងរកយុត្តិធម៌ពីសំណាក់សម្តេចអគ្គមហាសេនាតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទើបស្ត្រីរងគ្រោះទទួលបានយុត្តិធម៌ ហើយជនល្មើសត្រូវទទួលទោសតាមផ្លូវច្បាប់។
ក្នុងករណីហិង្សា និងបៀតបៀនលើស្ត្រី ដែលបង្កឡើងដោយលោក ភូ លិ អភិបាលរងខេត្តកែបនេះ ក្រុមគ្រួសារ និងជនរងគ្រោះ ព្រមទាំងមហាជនទូទៅ ក៏សូមសំណូមពរដល់សម្តេចអគ្គមហាសេនាតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្ដេចក្រឡាហោម ស ខេង រដ្ឋមន្ត្រីក្រសួងមហាផ្ទៃ មេត្តាជួយរកយុត្តិធម៌ជូនជនរងគ្រោះ និងចាត់វិធានការលើជនល្មើសទៅតាមផ្លូវច្បាប់ ឱ្យសាកសមនឹងទង្វើដែលជនល្មើសបានប្រព្រឹត្ត៕

ខេត្តសៀមរាប៖ មើលទៅពិតជាចម្លែក និងមិនយល់ថាបើយើងជាអ្នកធ្វើដំណើរតើត្រូវសម្រេចចិត្តយ៉ាងណា? ឈប់ចាំមើលភ្លើងស្តុប រឺបន្តរដំណើទៅធម្មតាតាមទិសរង្វង់មូល?
ទីតាំងនៅរង្វង់មូលទឹកវិល ក្រុងសៀមរាប ខេត្តសៀមរាប បន្ទាប់ពីបានសាកសួរបងប៉ូលិសចរាចរណ៍១រូប ឈរនៅគោលដៅខាងលើ លោកប៉ូលីសរូបនោះ ក៏ឆ្លើយតបថា «ខ្ញុំក៏ឆ្ងល់ដែររឿងហ្នឹង ហេតុអីបានគេដាក់អ៊ីចឹង!» លោកប៉ូលីសរូបនោះក៏បានបញ្ជាក់ផងដែរថា«គាត់បានសួរទៅមេៗថ្នាក់លើគ្រប់គ្នាដែរ ប៉ុន្តែមេៗ ក៏អត់ដឹងដូចគ្នាដែរ» ចប់!

មហាជននៅក្នុងបណ្តាញសង្គមក៏បានបញ្ចេញទស្សនៈផ្សេងៗគ្នាបែបកំប្លែងថា ពួកគាត់សង្ស័យតែមានមេធំជាងគេនៅលើមេឃហើយ បានជាអ្នកនៅលើដី អត់ដឹង។
បើទោះបីជាសម្បូរភ្លើងស្តុប រឺរង្វង់មូលយ៉ាងណាក៏មិនគួរដាក់នៅក្នុងទីតាំងតែមួយឡើយ ព្រោះទង្វើនេះអាចធ្វើអោយអ្នកបើកបរស្រឡាំងកាំង មិនដឹងឈប់ រឺបើកទៅមុខ។ បើលោករង់ចាំដល់ភ្លើងបៃតង ពេលបើកទៅហើយបួងចង្កូតមកឆ្វេង យើងនឹងច្បាស់ជាជិះបុកភ្លើងក្រហមនៃផ្លូវកាត់ទទឹង ព្រោះភ្លើងនៃផ្លូវដែលខ្វែងគ្នា តែងតែលោតឆ្លាស់ពណ៌គ្នា។

ជាបទពិសោធន៍ជាក់ស្តែង តែយើងបើកទៅមុខអាចប្រឈមនិងការផាកពិន័យ កាត់ពិន្ទុ និងខាតបង់លុយនិងពេលវេលាពិសេសខូចអារម្មណ៍។ល។
ជាសំណូមពរ សូមថ្នាក់លើមេត្តាចុះពិនិត្យ កែរសម្រួលផងទាន ព្រោះនៅទីនោះមានសមត្ថកិច្ចឈយាមជាប្រចាំដើម្បីពិនិត្យច្បាប់ចរាចរណ៍៕