ក្បនដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បានទៅដល់ទីក្រុងម៉ានីល ដឹកដីប្រទេសហ្វីលីពីនហើយ តាមជើហោះហើរ Philippines Airlines នៅព្រឹកថ្ងៃទី២៥ ខែមីនា ឆ្នាំ២០២៣ បន្ទាប់ពីបញ្ចប់ដោយជោគជ័យប្រទេសវៀតណាម។

ក្នុងបេសកកម្មដ៏ពិសេសនេះ ជាការដឹកនាំដោយឯកឧត្តម ហោ សារុន គណៈប្រតិភូតំណាងគណៈកម្មាធិការជាតិ CAMSOC-CAMAGOC ដោយទទួលស្វាគមន៍យ៉ាងកក់ក្ដៅពីសំណាក់ ឯកឧត្តម ផន ពៅ ឯកអគ្គរាជទូតកម្ពុជា ប្រចាំប្រទេសហ្វីលីពីន ព្រមទាំងសហការី និងលោក ខាល អ៉ីវីង សាំប្រាណូ (Carl Irving Sambrano) អគ្គលេខាធិការរងទទួលបន្ទុករដ្ឋបាលនិងជាប្រធានកីឡា Skateboard។

បន្ថែមពីនេះ គណៈប្រតិភូបេសកជនពិសេសនៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ បាននាំយកនូវព្រះអគ្គីកីឡា មកតម្កល់ទុកនៅក្នុងស្ថានទូតកម្ពុជា ដើម្បីត្រៀមធ្វើពិធីដង្ហែនៅព្រឹកថ្ងៃទី ២៧ ខែមីនា នាទីក្រុងតាហ្គាតៃ ប្រទេសហ្វីលីពីន។

សូមបញ្ជាក់ថា កម្ពុជាបានកំណត់យកថ្ងៃចេញដំណើរនៃពិធីដង្ហែភ្លើងគប់ស៊ីហ្គេម ពីថ្ងៃទី២១ ខែមីនា រហូតដល់ថ្ងៃទី៥ ខែឧសភា ឆ្នាំ២០២៣ ដោយផ្តើមដង្ហែក្បួនចេញពីខេត្តសៀមរាប ទៅកាន់ប្រទេសដែលជាសមាជិកអាស៊ានទាំង១០ មុនត្រឡប់មកកម្ពុជាវិញនៅពហុកីឡដ្ឋានជាតិមរតកតេជោ៕

ទន្ទឹមនឹងខាងរដ្ឋាករទឹក សុំការយោគយល់ សន្យា ដោះស្រាយបញ្ហាខ្វះទឹកស្អាតប្រើប្រាស់ជូនពលរ ជាជំហានៗចាប់ពីខែឧសភា ឆ្នាំ២០២៣ ខាងរដ្ឋាករទឹកស្វយ័តក្រុងភ្នំពេញបានលើកឡើងទៀតថា ចាប់ពីដើមឆ្នាំ២០២៤ ពលរដ្ឋរស់នៅរាជធានីភ្នំពេញ និង ក្រុងតាខ្មៅ នឹងមានទឹកស្អាតប្រើគ្រប់គ្រាន់។

ក្នុងសេចក្តីជូនស្តីពីការផ្អាកការផ្គត់ផ្អង់ទឹកនៅក្នុងបណ្តាខណ្ឌមួយចំនួននៅរាជធានីភ្នំពេញកាលពីថ្ងៃទី២៣ ខែមីនា ខាងរដ្ឋាករទឹកបានឱ្យដឹងទៀតថា តាមរបាយការណ៍សិក្សាបានបង្ហាញថារាជធានីភ្នំពេញមាននិន្នាកាខ្វះទឹកស្អាតប្រើប្រាស់នាឆ្នាំ២០១៦ និងឆ្នាំ២០១៧ និងចាប់ផ្តើមខ្វះទឹកប្រើប្រាស់ ចាប់ពីឆ្នាំ២០១៨ រហូតដល់ឆ្នាំ២០២៣។
ក្នុងនោះ តម្រូវការទឹកប្រើប្រាស់បានកើនឡើង ជាង៨៩ម៉ឺនម៉ែត្រគូបក្នុងមួយថ្ងៃក្នុងឆ្នាំ២០២៣ ខណៈដែរការផលិតទឹកមានប្រមាណ ៦៤ម៉ឺនម៉ែត្រគូបក្នុងមួយថ្ងៃតែប៉ុណ្ណោះ មានន័យថាខ្វះទឹកផ្គត់ផ្គង់ចំនួន ២៥ម៉ឺនម៉ែត្រគូបក្នុងមួយថ្ងៃ។

ដើម្បីដោះស្រាយលើបញ្ហាទាំងនេះ រាជរដ្ឋាភិបាល, ក្រសួងអាណាព្យាល, ក្រុមប្រឹក្សាភិបាល, បានជួយគាំទ្រ រ.ទ.ស.ភ ក្នុងការផ្តល់ទុនវិនិយោគមានលទ្ធភាពសាងសង់រោងចក្រផលិតទឹកថ្មី ដែលមានសមត្ថភាពអាចផលិតទឹកស្អាតបានក្នុងបរិមាណ៤០ម៉ឺនម៉ែត្រគូបក្នុងមួយថ្ងៃ និងបំពង់ចែកទឹកថ្មីជិត១ពាន់គីឡូម៉ែត្រ។
ទន្ទឹមនឹងនេះ ចាប់ពីដើមខែឧសភា ឆ្នាំ២០២៣នេះ រោងចក្រផលិតទឹកស្អាតថ្មី នឹងផលិត ចែកចាយទឹកស្អាតបានក្នុងបរិមាណ ២០ម៉ឺនម៉ែត្រគូបក្នុងមួយថ្ងៃបន្ថែមលើសមត្ថភាពផលិតបច្ចុប្បន្ន ៦៤ម៉ឺន ម៉ែត្រគូបក្នុងមួយដែលសមត្ថភាពផលិតទឹកស្អាតឡើងដល់៨៤ម៉ឺនម៉ែត្រគូបក្នុងមួយថ្ងៃ ធៀបនឹងតម្រូវការ ៨៩ម៉ឺនម៉ែត្រគូបក្នុងមួយថ្ងៃ។

បន្ថែមពីលើនេះ ចាប់ពីដើមឆ្នាំ២០២៤ ខាងរដ្ឋាករទឹកនឹងអាចផលិតទឹកស្អាតបាន ២០ម៉ឺនម៉ែត្រគូបក្នុងមួយថ្ងៃបន្ថែមទៀត ដែលអាចផលិតទឹកស្អាតបានរហូតដល់ជាង១លាន ម៉ែត្រគូបក្នុងមួយថ្ងៃធៀបនឹងការព្យាករណ៍តម្រូវការទឹកដែលមានប្រមាណ ៩០ម៉ឺនម៉ែត្រគូបក្នុងមួយថ្ងៃ ដូចនេះពលរដ្ឋ រស់នៅរាជធានីភ្នំពេញ និងក្រុងតាខ្មៅទាំងអស់មានទឹកប្រើប្រាស់គ្រប់គ្រាន់៕

គណៈប្រតិភូតំណាងគណៈកម្មាធិការជាតិ CAMSOC-CAMAGOC ដឹកនាំដោយឯកឧត្តម ហោ សារុន បានអញ្ជើញមកដល់ទីក្រុងម៉ានីល ប្រទេសហ្វីលីពីនហើយ តាមជើហោះហើរ Philippines Airlines នៅព្រឹកថ្ងៃទី២៥ ខែមីនា ឆ្នាំ២០២៣ បន្ទាប់ពីបញ្ចប់ដោយជោគជ័យពិធីដង្ហៃភ្លើងគប់កីឡា នៅក្រុងហាណូយ ប្រទេសវៀតណាម។

នៅក្នុងឱកាស់នៃការអញ្ជើញដល់អាកាសយានដ្ឋានអន្តរជាតិនីណូយ អាគីណូ ទីក្រុងម៉ានីល ប្រទេសហ្វីលីពីន ក៏មានការទទួលស្វាគមន៍យ៉ាងរាក់ទាក់កក់ក្ដៅពីសំណាក់ ឯកឧត្តម ផន ពៅ ឯកអគ្គរាជទូតកម្ពុជា ប្រចាំប្រទេសហ្វីលីពីន ព្រមទាំងសហការី និងលោក ខាល អ៉ីវីង សាំប្រាណូ (Carl Irving Sambrano) អគ្គលេខាធិការរងទទួលបន្ទុករដ្ឋបាលនិងជាប្រធានកីឡា Skateboard។ បន្តាប់មក គណៈប្រតិភូបេសកជនពិសេសនៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ បាននាំយកនូវព្រះអគ្គីកីឡា មកតម្កល់ទុកនៅក្នុងស្ថានទូតកម្ពុជា ដើម្បីត្រៀមធ្វើពិធីដង្ហែរនៅព្រឹកថ្ងៃទី ២៧ ខែមីនា នាទីក្រុងតាហ្គាតៃ ប្រទេសហ្វីលីពី៕

នៅលើបណ្តាញសង្គមហ្វេកប៊ុកផ្ទុះការភ្ញាក់ផ្អើលយ៉ាងខ្លាំង និងបានចែករំលែកព្រមទាំងរិះគន់ព្រាត បន្ទាប់ពីមានគណនីហ្វេកប៊ុកមួយឈ្មោះថា «បងតិច» បង្ហោះសារថាប៉ូលិសចរាចរណ៍នៅស្តុបថៃហ្គឺផ្អាកពិន័យបងប្រុសរបស់ខ្លួនចំនួន១០០០ដុល្លារលើការប្រើប្រាស់ឯកសារក្លែងក្លាយ។

ម្ចាស់គណនីខាងលើបានរៀបរាប់ទាំងស្រុងនៅថ្ងៃទី២៤ ខែមីនា នេះថា « នាងខ្ញុំជាម្ចាស់ឡានមានការមិនពេញចិត្តជាខ្លាំង កាលពីថ្ងៃទី២០ខែមីនា ឆ្នាំ២០២៣ បងប្រុសរបស់នាងខ្ញុំបានខ្ចីឡានពីនាងខ្ញុំទៅភ្នំពេញ លុះធ្វើដំណើរទៅដល់ស្ដុបថៃហ្គឺ សង្កាត់ព្រែកឯង រាជធានីភ្នំពេញ មានប៉ូលិស១ក្រុមបានឃាត់ឡានរបស់នាងខ្ញុំហើយសុំមើលបណ្ណ័បើកបរ លុះខាងប៉ូលិសមើល រួចហើយគាត់បានប្រាប់បងប្រុសនាងខ្ញុំថាឡានរបស់នាងខ្ញុំប្រើប្រាស់ឯកសារក្លែងក្លាយ ១.ឈៀក ២.ស្លាកលេខ ៣. លតាប័ត្រ និងពន្ធប្រចាំឆ្នាំ សុទ្ធតែក្លែងក្លាយទាំងឣស់ »។

គណនីហ្វេកប៊ុក បងតិច បញ្ជាក់បន្ថែមទៀតថា បន្ទាប់ពីប្រាប់ថាប្រើប្រាស់ឯកសារ ខាងប៉ុលិសចរាចរណ៍ បានបង្គាប់ឱ្យប្រគល់ប្រាក់១០០០ដុល្លារ នឹងប្រគល់រថយន្តឱ្យវិញ។ ក្នុងនោះបងប្រុសម្ចាស់រថយន្តបានសុំឱ្យខាងប៉ូលិស ៥ម៉ឺនរៀលតែខាងប៉ូលិសមិនព្រម និងចរចាជាច្រើនម៉ោងទើបប៉ូលិសទារប្រាក់១៣៥ដុល្លារវិញ។ ដោយសារ ប្រញាប់ទៅកម្មវិធីបុណ្យ ខាងបងប្រុសម្ចាស់រថយន្តក៏យល់ព្រមប្រគល់លុយចំនួន១៣៥ដុល្លារ។ បន្ថែមលើនេះ ប៉ូលិសចរាចរណ៍ ក៏ហាមឃាត់មិនឱ្យបង្ហោះរូបភាពដែលបានថតពួកគាត់ផងដែរ។

យ៉ាងណាមិញ នារីដែលអះអាងជាម្ចាស់រថយន្តផ្ទាល់បានប្រើប្រាស់គណនីហ្វេកប៊ុក បងតិច បង្ហោះសួរទៅសមត្ថកិច្ចដោយភាពមិនអស់ចិត្ត ថាប៉ូលិសសំអាងទៅលើអ្វីថារថយន្តរបស់នាងប្រើប្រាស់ឯកសារក្លែងក្លាយ ដោយនាងបង្ហោះ ភ្ជាប់ជាមួយឯកសារជាច្រើន និងស្នើឱ្យប៉ូលិសចរាចរណ៍នៅស្តុបថៃហ្គឺប្រគល់លុយឱ្យខ្លួនវិញផងដែរព្រោះមិនចង់មានរឿងវែងឆ្ងាយ។

យ៉ាងណាជុំវិញរឿងនេះក៏ធ្វើឱ្យអ្នកលេងបណ្តាញសង្គមចែករំលែកនិងរិះគន់ចាស់ដៃ ព្រមទាំងទាមទារឱ្យសមត្ថកិច្ចពាក់ព័ន្ធស្រាយបន្លឺលើករណីខាងលើ ព្រោះរូបភាពនេះប្រៀបដូចជញ្ជក់ឈាមទាំងរស់៕