ប្រទេសថៃ ៖ នៅថ្ងៃទី១១ ខែមេសា លោក Don Pramutwinai រដ្ឋមន្ត្រីក្រសួងការបរទេសថៃបង្ហាញថា ក្រសួងការបរទេសបានរៀបចំកិច្ចប្រជុំដើម្បីដោះស្រាយបញ្ហាបរិយាកាសអាប់អួរជាមួយមន្ត្រីរដ្ឋាភិបាលថ្នាក់តំបន់ រួមទាំងមន្ត្រីជាន់ខ្ពស់រួចទៅហើយ ហើយនៅប្រទេសជិតខាង ក៏ប្រឈមនឹងបញ្ហាបរិយាកាសកខ្វក់ដូចគ្នាដែរ ។

រដ្ឋមន្ត្រីក្រសួងការបរទេសថៃបន្តថា ប្រទេសថៃបានចែករំលែកបទពិសោធន៍របស់ខ្លួនទៅកាន់ប្រទេសជិតខាង ពាក់ព័ន្ធនឹងរឿងការដុតចម្ការរបស់កសិករ ។ រីឯវិធានការមិនទទួលទិញផលិតផលបានមកពីការដុតចម្ការ គឺជាវិធានការរបស់ប្រទេសមួយចំនួនដែលបានអនុវត្តកាលពីពេលកន្លងមក ប៉ុន្តែប្រទេសថៃបានព្យាយាមរកវិធីដោះស្រាយបញ្ហានេះ ហើយរឿងទិញ ឬមិនទិញផលិតផលដោយសារការដុតចម្ការ វាជាដំណាក់កាលបន្តទៀត ។

ចំណែកករណីពលរដ្ឋថៃនាំគ្នាចុះហត្ថលេខាលើលិខិតមួយដើម្បីប្តឹងនាយករដ្ឋមន្ត្រីថៃ ខណៈរដ្ឋាភិបាលមិនអាចដោះស្រាយបញ្ហាបរិយាកាសកខ្វក់នេះ លោក Don Pramutwinai បញ្ជាក់ថា បញ្ហានេះកើតឡើងជាយូរមកហើយ ហើយវាជាបញ្ហាដែលរដ្ឋាភិបាលបានព្យាយាមដោះស្រាយជាបន្តបន្ទាប់ក្នុងអំឡុងការឆ្លងរាតត្បាតនៃជំងឺកូវីដ-១៩ ដែលធ្វើឱ្យថៃអាចកាត់បន្ថយបរិយាកាសកខ្វក់នៅពេលនេះ ប៉ុន្តែបច្ចុប្បន្ន ប្រទេសថៃត្រូវប្រឈមនឹងបរិយាកាសកខ្វក់ម្តងទៀត ។ លើសពីនេះ មិនមែនប្រទេសថៃតែមួយទេ ដែលត្រូវដោះស្រាយបញ្ហានេះ ប្រទេសជិតខាង ក៏ត្រូវដោះស្រាយដូចគ្នាដែរ ។ ដូច្នេះ យើងត្រូវរួមសហការគ្នាចាត់វិធានការរយៈពេលខ្លី និងរយៈពេលវែង ។ចំពោះការសហការគ្នាដោះស្រាយបញ្ហាបរិយាកាសកខ្វក់ជាមួយប្រទេសជិតខាង លោក Don Pramutwinai ថ្លែងថា លោកបានពិភាក្សាជាមួយប្រទេសឡាវរួចហើយ ហើយលោកនឹងយកបញ្ហានេះទៅពិភាក្សាក្នុងកិច្ចប្រជុំតំបន់អាស៊ានផងដែរ ៕ ប្រភព ៖ beartaiBRIEF

ប្រទេសអារ៉ាប៊ីសាអូឌីត ៖ នៅថ្ងៃទី១១ ខែមេសា គេបានរៀបចំពិធីសម្តែងមួយដើម្បីបង្ហាញពីកីឡា Muay Thai ដែលប្រទេសថៃចាត់ទុកថា វាជាក្បាច់គុនការពារខ្លួនប្រចាំជាតិ នៅមុខស្ថានទូតថៃប្រចាំទីក្រុងរីយ៉ាដ ប្រទេសអារ៉ាប៊ីសាអូឌីត ។

បច្ចុប្បន្ននេះ ប្រទេសថៃខំព្យាយាមជំរុញកីឡា Muay Thai ឱ្យក្លាយទៅជា soft power របស់ខ្លួន និងបង្កើនការផ្សព្វផ្សាយទៅកាន់ប្រទេសនានាលើពិភពលោក ដោយថៃចង់បង្ហាញថា វាមានប្រភពមកពីប្រទេសថៃ ។ លើសពីនេះ ប្រទេសថៃអះអាងថា មានជនបរទេសជាច្រើននាក់ចាប់អារម្មណ៍ចង់រៀនកីឡា Muay Thai នៅតាមសាលាបង្រៀន Muay Thai នៅក្រៅប្រទេស ខណៈជនបរទេសខ្លះបានជិះយន្តហោះមករៀនដល់ប្រទេសថៃទៀតផង ។

មន្ត្រីថៃអះអាងថា អារ៉ាប៊ីសាអូឌីត គឺជាប្រទេសមួយក្នុងចំណោមប្រទេសជាច្រើនដែលចាប់អារម្មណ៍មកលើកីឡា Muay Thai ។ ហេតុនេះ មន្ត្រីអារ៉ាប៊ីសាអូឌីតបានស្នើឱ្យស្ថានទូតថៃប្រចាំប្រទេសអារ៉ាប៊ីសាអូឌីត រៀបចំកម្មវិធីសម្តែងសិល្បៈ Muay Thai និងវិធីតស៊ូការពារខ្លួនផងដែរ ដោយមានកិច្ចសហប្រតិបត្តិការរវាងសហព័ន្ធ Muay Thai ប្រចាំប្រទេសអារ៉ាប៊ីសាអូឌីត និងអាជ្ញាធរកីឡាប្រទេសថៃ ។ គេបានដាក់ឈ្មោះកម្មវិធីនេះថា Royal Thai Embassy Inaugural Gala ដើម្បីអបអរសាទរគម្រប់ខួប១ឆ្នាំនៃទំនាក់ទំនងរវាងប្រទេសទាំងពីរ ។

ព្រះអង្គម្ចាស់ Fahad bin Mansour bin Saad bin Saud Al Saud ជាប្រធានសហព័ន្ធ Muay Thai ប្រចាំប្រទេសអារ៉ាប៊ីសាអូឌីត និងឯកអគ្គរាជទូតថៃ លោក Damp Boontham បានរួមគ្នាបើកពិធីបង្ហាញកីឡាប្រដាល់ថៃលើកនេះ ។ មន្ត្រីថៃចូលរួមលើកឡើងថា កីឡា Muay Thai ទទួលបានការពេញនិយមនៅទូទាំងពិភពលោក ដូចគ្នានឹងក្បាច់គុនការពារខ្លួនផ្សេងទៀតរបស់ថៃផងដែរ ហើយវាបានក្លាយជាកីឡាមួយរបស់ពិភពលោករួចហើយ ដូចជា ការ៉ាតេ យូដូ និងតេក្វាន់ដូ ៕ ប្រភព ៖ ThaiTribune

អាមេរិក៖ លោក Connor Sturgeon អាយុ ២៥ ឆ្នាំបានបាញ់សម្លាប់អ្នកគ្រប់គ្រងធនាគារ ៥ នាក់នៅ Louisville បន្ទាប់ពីត្រូវបានគេប្រាប់ថាគាត់ហៀបនឹងត្រូវបណ្តេញចេញ។
លោក Jacquelyn Gwinn-Villaroel មេប៉ូលីសស្តីទីនៃ Louisville រដ្ឋ Kentucky សហរដ្ឋអាមេរិក បាននិយាយកាលពីថ្ងៃទី ១០ ខែមេសាថាលោក Sturgeon ដែលជាបុគ្គលិកនៅ Old National Bank ត្រូវបានប៉ូលីសបាញ់សម្លាប់លោក បន្ទាប់ពីលោកបានបាញ់សម្លាប់អ្នកគ្រប់គ្រងជាន់ខ្ពស់នៅកន្លែងធ្វើការ។

ប្រភពពីមន្ត្រីអនុវត្តច្បាប់បាននិយាយថា មុនពេលចាប់ផ្តើមការបាញ់ប្រហារ លោក Sturgeon បានបន្សល់ទុកសារមួយទៅកាន់ឪពុកម្តាយ និងមិត្តភ័ក្តិរបស់គាត់ដោយនិយាយថាគាត់ទើបតែបានទទួលពាក្យថាគាត់នឹងត្រូវបណ្តេញចេញ ហើយសម្រេចចិត្តយកកាំភ្លើងទៅធនាគារ។ មិត្តចាស់ម្នាក់កាលពីវិទ្យាល័យបាននិយាយថាលោក Sturgeon ធ្លាប់ជាសិស្សល្អ មកពីគ្រួសារល្អ ហើយមិនដែលប្រព្រឹត្តអំពើហិង្សាខុសពីធម្មតាបែបនេះទេ។
ក្នុងចំណោមនាយកប្រតិបត្តិទាំងបួននាក់ដែលត្រូវបានបាញ់សម្លាប់ដោយលោក Sturgeon មាន Tommy Elliott អាយុ ៦៣ ឆ្នាំជាអនុប្រធានជាន់ខ្ពស់និងលោក Jim Tutt អាយុ ៦៤ ឆ្នាំជាប្រធានទីផ្សាររបស់ធនាគារ។ ហើយលោកSturgeon ក៏បានធ្វើឱ្យមនុស្ស ៨ នាក់ទៀតរងរបួស ដោយពីរនាក់ស្ថិតក្នុងស្ថានភាពធ្ងន់ធ្ងរ។

ហេតុការណ៍បាញ់ប្រហារនេះបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី១០ ខែមេសា ប្រហែល៣០នាទីមុនពេលធនាគារបើក ។ អ្នកគ្រប់គ្រងធនាគារ Rebecca Buchheit-Sims បាននិយាយថាឧបទ្ទវហេតុនេះបានកើតឡើងខណៈពេលដែលបុគ្គលិកកំពុងធ្វើបទសម្ភាសន៍ពេលព្រឹកដោយផ្ទាល់ និងតាមអ៊ីនធឺណិត។ លោកស្រី Rebecca បានឃើញការបាញ់ប្រហារពីអេក្រង់កុំព្យូទ័ររបស់នាង។

គួរបញ្ជាក់ផងដែរ៖ នេះជាការបាញ់ប្រហារលើកទី ១៤៦ នៅ សហរដ្ឋអាមេរិក ក្នុងឆ្នាំ២០២៣នេះ យោងតាមទិន្នន័យពី Gun Violence Archive (GVA) ដែលជាអង្គការមិនរកប្រាក់កម្រៃដែលចងក្រងឯកសារអំពើហិង្សាដោយកាំភ្លើងរបស់សហរដ្ឋអាមេរិក។ GVA កំណត់ការបាញ់ប្រហារថាជាឧប្បត្តិហេតុដែលមនុស្សច្រើនជាងបួននាក់ត្រូវបានបាញ់ ឬសម្លាប់ ដោយមិនរាប់បញ្ចូលអ្នកបាញ់ប្រហារនោះទេ៕ ប្រភព៖vnexpress