ថ្មីៗនេះ វណ្ណដា និង ស្រីស្អាតម្នាក់ដែលសង្ស័យថាកំពុងមានទំនាក់ទំនងជាមួយគ្នាបានធ្វើឱ្យបណ្តាញសង្គមផ្ទុះកក្រើកយ៉ាងខ្លាំងពីជីវិតឯកជនអ្នកទាំងពីរ។ យ៉ាងណាមិញ គ្រាន់តែបែកធ្លាយល្បីមានទំនាក់ទំនងស្នេហាជាមួយតារាប្រុសជួរមុខរូបនេះស្រាប់តែគណនីIG របស់ស្រីស្អាតខាងលើឡើង Followers លឿនដូចរន្ទះ កើនជិត៥០Kដោយមិនបាច់ boost ។
ជឿថាអ្នកលេងបណ្តាញសង្គមជា្របមកហើយតារារ៉េប វណ្ណដា និងស្រីស្អាតម្នាក់ ត្រូវគេចាប់បានភស្តុតាងជាច្រើនមានរូបភាពនៅទីតាំងតែមួយ ខណៈក៏មានវីដេអូអ្នកទាំងពីរបណ្តើរគ្នាផងដែរ បើទោះបីជាមើលពីក្រោយក៏អាចសន្មតថាជាពួកគេទាំងពីរនាក់។
កាន់តែពិសេសគ្រាន់តែល្បីថាពួកគេទាំងពីរនាក់ទាក់ទងគ្នាស្រាប់តែគណនីIG ស្រីស្អាតរូបនេះដែលមានឈ្មោះថា «𝘓𝘢𝘶𝘳𝘺𝘯» កើន Followers យ៉ាងឆាប់រហ័ស ព្រោះដូចដឹងស្រាប់ហើយថាអ្នកគាំទ្ររបស់ វណ្ណដា មានច្រើនដូច្នេះពួកគេសម្រុកចូលទៅ Follow មិនសំចៃដៃ។
កាលពីព្រឹកថ្ងៃទី២៩ ខែឧសភា ឆ្នាំ២០២៣ ស្រីស្អាតដែលមានគណនីIG ខាងលើមាន Followers ជាង១៨.៦K បន្ទាប់ពីមានការបង្ហោះនៅលើបណ្តាញសង្គមTikTokកាលពីយប់ ខណៈគិតត្រឹមរសៀលថ្ងៃទី៣០ ខែឧសភា ឆ្នាំ២០២៣ គណនី IG របស់នាងបានកើនឡើងឆាប់រហ័សត្រឹមមួយប៉ព្រឹចភ្នែកឡើង Followers ៦៨.៤K។ ដូច្នេះ IG ស្រីស្អាតរូបនេះប្រើពេលខ្លីប៉ុណ្ណោះកើនជិត៥០K ដែលតួលេខនេះអាចនឹងឡើងជាបន្តបន្ទាប់ទៀត។
គួរបញ្ជាក់ផងដែរថា បន្ទាប់ពីផ្ទុះកក្រើកពីទំនាក់ទំនងស្នេហា គេសង្កេតឃើញថា តារាចម្រៀង វណ្ណដា នៅមិនទាន់មានសកម្មភាពអ្វីនៅឡើយទេនៅលើបណ្តាញសង្គម ខណៈឯខាងស្រីវិញ មិនទាន់មានអ្វីបកស្រាយដូចគ្នាពីពាក្យចចាមអារ៉ាមនេះក្រៅពី add Story ញុំា Omakases