តារាសម្តែងដ៏មានប្រជាប្រិយភាពប្រចាំប្រទេសកម្ពុជាកញ្ញា ស៊ីន យូប៊ីន បានធ្វើឱ្យអ្នកគាំទ្ររំភើបចិត្តជាខ្លាំងបើទោះបីជាស្ថានភាពជើងនាងនៅមិនទាន់ជាសះស្បើយក្តី នៅតែមានភាពជឿជាក់ដើរនៅលើកម្រាលព្រំក្រហមចូលរួមជាភ្ញៀវកិត្តិយសសម្ពោធរឿង «Monster» នៅមហោស្រពភាពយន្ត Cannes លើកទី ៧៦ នៅប្រទេសបារាំង។ ហើយនេះបញ្ជាក់ឱ្យយើងឃើញថា ស៊ីន យូប៊ីន តារាស្រីខ្មែរតែម្នាក់មានឱកាសចូលរួមកម្មវិធីលំដាប់អន្តរជាតិនេះ។

មិនតិចដងទេ ដែលកំពូលតារាសម្តែង ស៊ីន យូប៊ីន ជាតារាខ្មែរម្នាក់មានឱកាសចូលរួមកម្មវិធីធំៗលំដាប់អន្តរជាតិជាច្រើនបានជួបសុទ្ធតែតារាល្បីៗ។ ជាក់ស្តែងថ្មីៗនេះ តារាស្រីរូបនេះ បានចូលរួមសម្ពោធរឿង «Monster» នៅមហោស្រពភាពយន្ត Cannes លើកទី ៧៦
ដែលប្រារព្ធឡើងនៅ Palais des Festivals ប្រទេសបារាំង អមជាមួយឈុតយ៉ាងស្រស់ស្អាតមិនចាញ់តារាហូលីវូដ។ ដ្បិតថាការចូលរួមកម្មវិធីនេះ ស៊ីន យូប៊ីន ត្រូវការជំនួយពីឈើច្រត់ ដោយសារមានបញ្ហារបួសជើងនៅមិនទាន់ជាសះស្បើយ។

យ៉ាងណារឿងនេះមិនបានធ្វើឱ្យនាងអាក់ខានចូលរួម ពោល ស៊ីន យូប៊ីន ជាតារាមួយរូបសមជាមួយកេរ្តិ៍ឈ្មោះទោះជាមានបញ្ហាយ៉ាងណានៅតែមានទំនុកចិត្តបញ្ចេញទៅកាន់ទស្សនិកជន បង្អួតរាងយ៉ាងស្រស់ស្អាតនៅលើកម្រាលព្រំក្រហមលើទឹកដីប្រទេសបារាំង។អ្វីដែល កាន់តែធ្វើឱ្យអ្នកគាំទ្របង្ហាញអារម្មណ៍មោទកភាព តួឯកស្រីរូបនេះជាតារាស្រីខ្មែរតែម្នាក់ដែលមានឱកាសដើរលើកម្រាកព្រំក្រហមក្នុងកម្មវិធីមហោស្រពភាពយន្តខាងលើនេះ។

គួរបញ្ជាក់ផងដែរថា រយៈពេលចុងក្រោយនេះ ស៊ីន យូប៊ីន លេចមុខច្រើននៅក្នុងកម្មវិធីក្រៅប្រទេស ដោយកាលពីដើមឆ្នាំ២០២៣ ត្រូវបានផ្ដល់កិត្តិយសយ៉ាងពិសេស ចូលរួមក្នុងព្រឹត្តិការណ៍បង្ហាញម៉ូដផលិតផលម៉ាក «Dior»ព្រមទាំងបានថតរូបរួមជាមួយកំពូលតារាសម្តែង Chompoo Araya ។ មិនត្រឹមតែប៉ុណ្ណោះ កាលពីថ្ងៃទី១០ ខែឧសភា តារាស្រីរូបនេះក៏ទទួលបានការអញ្ជើញចូលរួមនៅក្នុងកម្មវិធី Calvin Klein Collection នៅទីក្រុងសេអ៊ូល ប្រទេសកូរ៉េខាងត្បូង ដែលធ្វើឱ្យនាងមានឱកាសជួបតារាល្បីៗជាច្រើនរូប ដូចជា Jennie សមាជិក BLACKPINK, Jungkook សមាជិក BTS, រួមទាំងតារាល្បីៗជាច្រើនរូបទៀត៕

ថ្មីនេះៗមានការលើកឡើងជាច្រើនជុំវិញពីមេដឹកនាំគណបក្សចលនាឆ្ពោះទៅមុខ ( Move Forward )មានខ្សែស្រឡាយខ្មែរ ដែលធ្វើឱ្យមានមតិវែកញែកជាច្រើននៅលើបណ្តាញសង្គម។ ជាមួយគ្នានេះ លោក ហ៊ុយ យ៉ាឡេង ដែលជាផលិតករភាពយន្តមួយរូបបានលើកឡើងថា បើជារឿងពិតមែនបើហើយលោក Pita Limjaroenrat ឈ្នះឆ្នោតឈរតំណាងរាស្រ្ត សូមឱ្យ ជួយពន្យល់ខាងផ្នែកប្រវត្តិសាស្រ្តថៃឱ្យច្បាស់ កុំចេះតែចោទប្រទេសខ្មែរចម្លងសិល្បៈវប្បធម៌ថៃ ព្រោះសិល្បៈវប្បធម៌ខ្មែរមានឆ្លាក់នៅជញ្ជាំងប្រាសាទច្បាស់ណាស់។

នៅព្រឹកថ្ងៃទី១៨ ខែឧសភា ឆ្នាំ២០២៣ នៅលើហ្វេកប៊ុករបស់លោក ហ៊ុយ យ៉ាឡេង ដែលជាម្ចាស់ផលិតកម្មកថាជ័យភាពយន្ត និងជាផលិតករ មួយរូបបានបង្ហោះរូបលោក ភ្ជាប់ជាមួយរូបលោក Pita ព្រមទាំងរៀបរាប់យ៉ាងដូច្នេះថា «ចប់ស៊ីហ្គេមហើយបើសិនគាត់ពិតជាជាប់ខ្សែស្រឡាយត្រកូលអភ័យវង្សតាធ្លាប់នៅបាត់ដំបងមែនហើយបើសិនគាត់ជាប់ឆ្នោតឈរតំណាងរាស្រ្តមែនសូមបងពន្យល់ប្រវត្តិសាស្រ្តខាងបងឱ្យច្បាស់កុំចេះតែចោទថាខាងខ្ញុំចម្លងបងសិល្បៈ វប្ប ធម៌ខ្ញុំមានឆ្លាក់នៅជញ្ជាំងប្រាសាទច្បាស់ណាស់»។

លោកបន្តទៀតថា «តបតាមទង្វើខាងបងបង្ហាញក្នុងព្រឹត្តិការណ៍ស៊ីហ្គេមល្មមដល់ពេលដែលខ្ញុំតបតខ្លះហើយ ចាប់ពីថ្ងៃនេះទៅខ្ញុំឈប់គាំទ្រផលិតផលអ្នកហើយ លាហើយម៉ូកៈថៈបែបថៃ រឿងភាគនិងភាពយន្តនិងប្រដាប់ប្រើប្រាស់ដែលអ្នកផលិតខ្ញុំត្រឡប់មកគាំទ្រអ្នកវិញលុះត្រាអ្នកកែប្រែទទួលស្គាល់ប្រវត្តិសាស្រ្តខ្លួនឱ្យបានត្រឹមត្រូវសិន»។ ការលើករបស់លោក ហ៊ុយ យ៉ាឡេង ធ្វើឡើងបន្ទាប់ពីមានព័ត៌មានជាបន្តបន្ទាប់ថាអ្នកនយោបាយខាងលើនេះមានឈាមជ័រខ្មែរ។

គួរបញ្ជាក់ផងដែរ លោក Pita Limjaroenrat បច្ចុប្បន្នមានវ័យ៤៣ឆ្នាំ ដែលកំពុងមានឈ្មោះបោះសំឡេងខាងនយោបាយ ដែលជាមេដឹកនាំគណបក្សចលនាឆ្ពោះទៅមុខ ថែមទាំងមានសំឡេងគាំទ្រច្រើនពីប្រជាជនថៃ អាចជាអនាគតនាយករដ្ឋមន្រ្តីថ្មីបន្ទាប់ពីលោក ប្រាយុទ្ធ ចាន់អូចា ៕

កំពូលតារាចម្រៀង ឱក សុគន្ធកញ្ញា គឺជាគ្រាប់ពេជ្ររបស់ផលិតកម្មរស្មីហង្សមាស និងត្រូវជាភរិយាប្អូនម្ចាស់ផលិតកម្មផ្ទាល់ ហើយកំពូលតារាចម្រៀង ពេជ្រ សោភា ក៏ជាតារាចម្រៀងម្នាក់ មានឈ្មោះបោះសំឡេងអាចឈរជើងយ៉ាងរឹងមាំក្នុងទ្រនំនេះដូចគ្នា។ យ៉ាងណាកំពូលតារាចម្រៀងទាំង២ដួងនេះ មិនប្រជែងគ្នាចង់ក្លាយជាតួឯកតែម្នាក់នៅក្នុងទ្រនំឡើយ តែអ្នកទាំងពីរបានបង្ហាញក្តីស្រលាញ់ យកចិត្តទុកដាក់ និងស្និទ្ធស្នាលគ្នាខ្លាំង មើលហើយពិតជាមិនសរសើរមិនបាន។

អាចនិយាយបានថា ប្រសិនបើក្នុងទ្រនំមួយមានជើងខ្លាំង២នាក់ អ្នកមួយចំនួនអាចគិតថាពួកគេនឹងប្រជែងគ្នាដើម្បីយកលេខ១។ ទោះយ៉ាងណា មិនប្រាកដថានៅទ្រនំតែមួយត្រូវប្រកួតប្រជែងគ្នា ហើយមើលមុខគ្នាមិនចំនោះទេ។ តួយ៉ាង កំពូលតារាចម្រៀង ឱក សុគន្ធកញ្ញា និង ពេជ្រ សោភា ពិតជារៀមច្បងគម្រូងដល់អ្នកជំនាន់ក្រោយ ព្រោះពួកគេទាំងពីរនាក់ជាជើងខ្លាំងក្នុងទ្រនំតែមួយ តែមិនប្រកួតប្រជែងគ្នាចង់ឈ្នះចាញ់ឡើយ ផ្ទុយមកវិញអ្នកទាំងពីរស្រលាញ់គ្នាខ្លាំង បង្ហាញកាយវិការដ៏កក់ក្តៅឱ្យគ្នាទៅវិញទៅមក។

នៅក្នុងពិធីបិទព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ នៅពហុកីឡដ្ឋានជាតិមរតកតេជោ គ្រួសារហង្សមាសបានសម្តែងបទចម្រៀងជាពិសេសដល់ទស្សនិកជនដែលទទួលបានការកោតសរសើរយ៉ាងច្រើនពីមហាជន។ អ្វីដែលធ្វើឱ្យអ្នកគាំទ្ររំភើប និងកោតសរសើរនោះ គឺតារាចម្រៀងជួរមុខទាំងពីរដួង រួមមាន ឱក សុគន្ធកញ្ញា និង ពេជ្រ សោភា បង្ហាញការស្រលាញ់ ស្និទ្ធស្នាលយកចិត្តទុកគ្នាខ្លាំង បន្ទាប់ពីបំពេញភារៈកិច្ចរបស់ខ្លួនរួច។
តាមរយៈវីដេអូខ្លីដែលអ្នកនាង ពេជ្រ សោភា បានបង្ហោះបង្ហាញឱ្យយើងឃើញថាអ្នកនាង ឱក សុគន្ធកញ្ញា យកចិត្តទុកដាក់ខ្លាំងដល់ដៃគូរួមអាជីព ដោយបង្ហាញការអរគុណសម្រាប់ការសម្តែងរបស់ ពេជ្រ សោភា នៅក្នុងបទចម្រៀង «We did it» បើទោះបីជាដួលពកក្បាលនៅក្នុងបន្ទប់ទឹកក្តី នៅតែបំពេញតួនាទីរបស់ខ្លួនបានយ៉ាងល្អនៅលើឆាក។ ជាពិសេស កាយវិការអ្នកទាំងពីរបង្ហាញឱ្យដឹងថា ពួកគេស្រលាញ់រាប់អានគ្នាខ្លាំង មិនប្រកួតប្រជែងគ្នាឡើយ ដែលជាគម្រូល្អមួយដល់អ្នកជំនាន់ក្រោយៗទៀត ទោះបីជាកំពូលតារាចម្រៀងនៅក្នុងទ្រនំតែមួយមែនតែមិនប្រកួតប្រជែងគ្នាឡើយ គឺស្រលាញ់រាប់អានយ៉ាងសិទ្នស្នាលក្នុងរង្វង់សិល្បៈ៕

@pichsopheaofficial

♬ original sound – ????????Pich Sophea Official ???????? – Pich Sophea Official