សម្ដេចពិជ័យសេនា ទៀ បាញ់ បានមានប្រសាសន៍ថា កម្ពុជាគ្រោងចុះហត្ថលេខាទទួលសិទ្ធិធ្វើ ជាម្ចាស់ផ្ទះរៀប ចំការប្រកួតកីឡាអូឡាំពិកយុវជនអាស៊ីឆ្នាំ២០២៩ (The 5th Asian Youth Games 2029)។
បើតាមសម្ដេចពិជ័យសេនា ទៀ បាញ់ នេះជាកិត្តិយស សម្រាប់ប្រទេសកម្ពុជាធ្វើជាម្ចាស់ផ្ទះ ដែលជាការបន្ត និរន្តរភាព នៃការអភិវឌ្ឍសេដ្ឋកិច្ចសង្គម តាមរយៈវិស័យកីឡា ក្រោយ កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។
ព្រឹត្តិការណ៍កីឡាយុវជនអាស៊ី (AYG) ដែលរៀបចំដោយក្រុមប្រឹក្សាអូឡាំពិកអាស៊ី (OCA) ចាប់ផ្តើមពីឆ្នាំ២០០៩មក នៅប្រទេសសិង្ហបុរី បន្ទាប់មកពីនៅក្រុងណានជីង (ចិន) នាឆ្នាំ២០១៣។ ព្រឹត្តិការណ៍ ដែលគ្រោងរៀបចំនៅក្រុង Hambantota (ស្រីលង្កា) បន្ទាប់មកក្រុងហ្សាការតា (ឥណ្ឌូណេស៊ី) នាឆ្នាំ២០១៧ ត្រូវបានរំសាយចោល។
ព្រឹត្តិការណ៍លើកទី៣ នឹងរៀបចំនៅក្រុង Shantou (ចិន) នាឆ្នាំ២០២២, លើកទី៤នៅក្រុង Tashkent (អ៊ូសបេគីស្ថាន) នាឆ្នាំ២០២៥ និងលើកទី៥នៅរាជធានីភ្នំពេញ នាឆ្នាំ២០២៩៕
