រាជធានីភ្នំពេញ៖ សម្តេចតេជោ ហ៊ុន សែន ផ្តល់យោបល់ឲ្យនាយករដ្ឋមន្រ្តីនិងរាជរដ្ឋាភិបាលកម្ពុជាពិចារណាផ្អាកការធ្វើដំណើរឆ្លងកាត់ព្រំដែនទៅមក ដោយឲ្យពលរដ្ឋកម្ពុជាដែលកំពុងនៅប្រទេសថៃបន្តនៅស្នាក់នៅប្រទេសថៃ ចំណែកពលរដ្ឋថៃដែលនៅក្នុងប្រទេសកម្ពុជា ត្រូវបន្តស្ថិតនៅកម្ពុជារហូតបទឈប់បាញ់ត្រូវបានអនុវត្តពេញលេញ។ នេះបើតាមប្រសាសន៍របស់សម្ដេចនៅលើទំព័រហ្វេសប៊ុក។

នៅរសៀលថ្ងៃសៅរិ៍ ទី១៣ ខែធ្នូ ឆ្នាំ២០២៥ សម្ដេចតេជោ ហ៊ុន សែន បានជូនជាយោបល់ក្នុងនាមជាប្រធានព្រឹទ្ធសភាកម្ពុជា ផ្ញើទៅកាន់នាយករដ្ឋមន្ត្រីនិងរាជរដ្ឋាភិបាលឲ្យធ្វើការពិចារណាលើការ«ផ្អាក»រាល់ការធ្វើដំណើររបស់ប្រជាជនកម្ពុជានិងប្រជាជនថៃឆ្លងកាត់ព្រំដែន។

សម្ដេចតេជោបានបញ្ជាក់ថា ចំពោះពលរដ្ឋកម្ពុជាដែលកំពុងស្ថិតក្នុងប្រទេសថៃ គឺត្រូវបន្តរស់នៅនិងធ្វើការនៅក្នុងប្រទេសថៃ រីឯពលរដ្ឋថៃដែលកំពុងរស់នៅនិងធ្វើការនៅកម្ពុជា គឺត្រូវបន្តស្ថិតនៅកម្ពុជារហូតបទឈប់បាញ់ត្រូវបានអនុវត្តពេញលេញ។ វិធានការនេះគឺដើម្បីធានាសុវត្ថិភាពប្រជាជនកម្ពុជានិងប្រជាជនថៃកុំឲ្យមានគ្រោះថ្នាក់ពេលធ្វើដំណើរពិសេសពេលធ្វើដំណើរឆ្លងកាត់ព្រំដែន ដូច្នេះសម្ដេចសង្ឃឹមថាទាំងប្រជាជនខ្មែរ និងប្រជាជនថៃនឹងមានការយោគយល់។

ក្នុងពេលជាមួយគ្នានេះផងដែរ សម្ដេចតេជោបានឆ្លៀតបន្ថែមនូវឃ្លាដ៏ចាក់ដោតមួយ ដែលសូមឲ្យរាជរដ្ឋាភិបាលកម្ពុជាជួយការពារសុវត្ថិភាពប្រជាជនថៃ ដែលកំពុងរស់នៅកម្ពុជា កុំឲ្យពួកគេរងគ្រោះដោយសារគ្រាប់កាំភ្លើងឬគ្រាប់បែកឬផ្សែងពុលរបស់ថៃ។ ឃ្លានេះបើយើងគិតឲ្យដល់ គឺប្រៀបបាននឹងការចម្អន់របស់សម្ដេចទៅកាន់ប្រទេសថៃ ក៏ដូចជាការបកអាក្រា.តអំពីទង្វើដ៏អមនុស្សធម៌របស់ថៃជាសាធារណផងដែរ។

យ៉ាងណាគួរជម្រាបថា ប្រសាសន៍របស់សម្ដេចតេជោខាងលើនេះ ធ្វើឡើងក្រោយសម្ដេចបានសង្កេតឃើញថា កងទ័ពថៃបានឈ្លានពានវាយប្រហារនិងសម្លាប់ប្រជាជនកម្ពុជាដោយគ្មានការរើសមុខនិងរើសទីកន្លែង សូម្បីតែស្ពាន ថ្នល់ សាលារៀន វត្តអារាមក៏ពួកគេប្រើកាំភ្លើងធំនិងយន្តហោះវាយបំផ្លាញចោល។ផ្សែងពុលគ្រាប់បែកចង្កោម ត្រូវបានប្រើប្រាស់ជាច្រើនកន្លែងរាប់ទាំងកន្លែងដែលមានពលរដ្ឋថៃរស់នៅនិងធ្វើការនៅក្នុងទឹកដីកម្ពុជាផងដែរ។

សកម្មភាពប្រើប្រាស់អាវុ.ធធុនធ្ងន់របស់យោធាថៃវា.យប្រហា.រចូលទឹកដីកម្ពុជាទាំងដែលបានដឹងហើយថា តំបន់ខ្លះមានប្រជាជនខ្លួនរស់នៅដល់រាប់មុឺននាក់នោះ បានបង្ហាញយ៉ាងច្បាស់ថា ប្រទេសនេះគឺជារដ្ឋពា.លដែលល្មោ.ភសង្រ្គា.ម ចង់បានទឹកដីរបស់អ្នកដទៃដោយមិនចេះអៀនខ្មាស និងសុខចិត្តធ្វើគ្រប់យ៉ាងដើម្បីបំពេញមហិច្ចតាលោ.ភលន់របស់ខ្លួន ដោយមិនគិតពីសុខទុក្ខរបស់ជាតិសាសន៍ខ្លួនឯងដែលកំពុងរស់នៅក្នុងទឹកដីគេ៕

រាជធានីភ្នំពេញ៖ ក្រោយបានជួបពិភាក្សាតាមទូរស័ព្ទជាមួយ ឯកឧត្ដម Anwar Ibrahim នាយករដ្ឋមន្ត្រីម៉ាឡេស៊ី និង ប្រធានាធិបតីសហរដ្ឋអាមេរិក លោក Donald Trump សម្ដេចធិបតី ហ៊ុន ម៉ាណែត បានស្នើឲ្យមេដឹកនាំទាំងពីរ ទាញយកព័ត៌មានក៏ដូចជារូបភាពពីផ្កាយរណប ដើម្បីផ្ទៀងផ្ទាត់ថា តើភាគីណាបាញ់មុន។ នេះបើតាមប្រសាសន៍របស់សម្ដេចធិបតីនៅលើទំព័រហ្វេសប៊ុក។

នាព្រឹកថ្ងៃសៅរិ៍ ទី១៣ ខែធ្នូ ឆ្នាំ២០២៥ សម្ដេចធិបតី ហ៊ុន ម៉ាណែត បានសរសេសារបង្ហោះនៅលើទំព័រហ្វេសប៊ុករបស់លោកយ៉ាងដូច្នេះថា៖ ខ្ញុំបានពិភាក្សាតាមទូរស័ព្ទជាមួយ ឯកឧត្ដម Anwar Ibrahim នាយករដ្ឋមន្ត្រីម៉ាឡេស៊ីនៅថ្ងៃព្រហស្បតិ៍ ទី១១ ខែធ្នូ និងកាលពីយប់មិញ ថ្ងៃទី១២ ខែធ្នូ ឆ្នាំ២០២៥ ជាមួយ ឯកឧត្ដម Donald Trump ប្រធានាធិបតីសហរដ្ឋអាមេរិក ដើម្បីស្វែងរកវិធីអោយមានបទឈប់បាញ់រវាងកម្ពុជា-ថៃ ហើយអោយភាគីទាំងពីរវិលត្រលប់ទៅរកការអនុវត្តសេចក្ដីថ្លែងការណ៍រួមទីក្រុងគូឡាឡាំពួរ (Kuala Lumpur Joint Declaration)។

ក្នុងឱកាសនោះ សម្ដេចបានថ្លែងអំណរគុណឯកឧត្ដមទាំងពីរ ចំពោះការខិតខំប្រឹងប្រែងជាបន្តបន្ទាប់ សំដៅសម្រេចឱ្យបាននូវសន្តិភាពយូរអង្វែងរវាងកម្ពុជា និងថៃ និងបង្ហាញពីជំហររបស់កម្ពុជាថា តែងតែប្រកាន់ខ្ជាប់នូវជំហរក្នុងការស្វែងរកការដោះស្រាយជម្លោះដោយសន្តិវិធី ស្របតាមស្មារតីនៃសេចក្ដីថ្លែងការណ៍រួមទីក្រុងគូឡាឡាំពួរ (Kuala Lumpur Joint Declaration) ជានិច្ច។

ចំពោះហេតុការណ៍បាញ់ប្រហារនៅរសៀលថ្ងៃទី៧ ខែធ្នូ ឆ្នាំ២០២៥ ដែលបានបណ្ដាលឱ្យមានការផ្ទុះការប្រយុទ្ធជាថ្មីរវាងប្រទេសទាំងពីរ សម្ដេចធិបតីបានផ្តល់យោបល់ថា កងទ័ព ឬស្ថាប័នជំនាញរបស់សហរដ្ឋអាមេរិក និងប្រទេសម៉ាឡេស៊ី អាចប្រើសមត្ថភាពប្រមូលព័ត៌មានរបស់ពួកគេ ដូចជារូបភាពផ្កាយរណបដែលបានថតអំឡុងពេលនោះ និងក្រោយពេលនោះរយៈពេល ២៤ ម៉ោង ដើម្បីផ្ទៀងផ្ទាត់ថា តើភាគីណាបាញ់មុន។

លោកបានគូសបញ្ជាក់ថា វិធីសាស្រ្តនេះអាចជាវិធីសាស្ត្រងាយស្រួល និងមានតម្លាភាពបំផុត ក្នុងការផ្ទៀងផ្ទាត់ហេតុការណ៍នេះ។ កម្ពុជាត្រៀមខ្លួនសហការ ក្នុងករណីមានតម្រូវការ។

គួរជម្រាបថា បន្ទាប់ពីបានសន្ទនាគ្នាតាមទូរស័ព្ទរួចរាល់ លោកដូ ណាល់ត្រាំ បានជំរុញឲ្យប្រទេសកម្ពុជា និងថៃ បញ្ឈប់ការបាញ់គ្នានៅល្ងាចនេះ ម៉ោងនៅអាមេរិក ត្រូវនឹងព្រឹកថ្ងៃសៅរ៍ ទី១៣ ខែធ្នូ ម៉ោងនៅកម្ពុជា។ តែទោះជាយ៉ាងណាក៏ដោយ ភាគីថៃនៅតែប្រកាន់ជំហរចចេសមិនព្រមបញ្ចប់ការបង្ហូរឈា.មជាដាច់ខាត ដោយនាព្រឹកថ្ងៃទី១៣ មុននេះបន្តិច ពួកគេបានប្រើប្រាស់យន្តហោះ F16 មកទម្លាក់គ្រាប់បែ.កនៅស្ពានមេទឹក ខេត្តពោធិ៍សាត់ បណ្ដាលឲ្យរងការខូចខាតយ៉ាងធ្ងន់ធ្ងរ៕

នៅព្រឹកថ្ងៃទី១៣ ខែធ្នូ ឆ្នាំ២០២៥ វេលាម៉ោង៥:៤៥នាទី កងទ័ងឈ្លានពានថៃ កាន់តែសាហាវព្រៃផ្សៃ ដោយបានបាញ់កាំភ្លើងធំ និងគ្រាប់បែកចង្កោមនៅប្រាសាទព្រះវិហារ។

ចាប់តាំងពីសង្គ្រាមផ្ទុះជាលើកទី២ ក្នុងរយៈពេល៦ថ្ងៃកន្លងទៅ គ្មានសេចក្តីរាយការណ៍ថាថៃបានប្រើប្រាស់គ្រាប់បែកចង្កោមមោះទេ ទើបតែថ្ងៃនេះប៉ុណ្ណោះ។

គ្រាប់បែកចង្កោម ជាប្រភេទគ្រាប់បែកទម្លាក់ពីយន្តហោះ ឬបាញ់ចេញពីកាំភ្លេីងធំ ដែលផ្ទុកគ្រាប់បែកឬគ្រាប់មីន។

គ្រាប់នេះ ត្រូវបានបង្កើតដើម្បីកម្ទេចរថក្រោះ និងលើគោលដៅជាច្រើនក្នុងពេលតែមួយ។ វាមានឥទ្ធពលខ្លាំង ពេលផ្ទុះវា នឹងបែកតូចៗរប៉ាត់រប៉ាយលើទំហំផ្ទៃដីដ៏ធំ។

គួរបញ្ជាក់ថា ការប្រើប្រាស់គ្រាប់បែកចង្កោម ប្រឆាំងនឹងជនស៊ីវិលជារឿងខុសច្បាប់ ដែលអន្តរជាតិតចាត់ទុកជា”ឧក្រិដ្ឋកម្មសង្រ្គាម”៕

នៅព្រឹកថ្ងៃទី១៣​ខែធ្នូ ឆ្នាំ២០២៥នេះ យន្តហោះចម្បាំងថៃ F16 បានទម្លាក់គ្រាប់បំបែកកម្ទេចស្ពានមេទឹក ដែលស្ថិតក្នុងឃុំថ្មដារ ស្រុកវាលវែង ខេត្តពោធិ៍សាត់។

ស្ពានជ័យជំនះឬស្ពានមេទឹក ត្រូវបានស្ថាបនាជាស្ពានបេតុង (ប្រេកុងត្រាំង) ដែលតភ្ជាប់ពីត្រើយម្ខាងទៅម្ខាងទៀតនៃស្ទឹងមេទឺក ស្ថិតលើផ្លូវជាតិលេខ៥៥ ត្រង់គីឡូម៉ែត្រលេខ ១៦៩+៤០០ មានប្រវែង ១៨០ម៉ែត្រ ទទឹង ១០ម៉ែត្រ ។

ស្ពាននេះ ចែកចេញជា៨ប្រឡោះ ដែលប្រឡោះនីមួយៗមានប្រវែង២០ម៉ែត្រ ស្ថាបនារួចក្នុងឆ្នាំ២០១៨ ដោយក្រុមហ៊ុនចិន CRBC។

ស្ពានមេទឹក មានចំងាយពីព្រំដែនប្រហែល ៨,៥គីឡូម៉ែត្រគិតតាមចំងាយផ្លួវបត់បែន និងប្រហែល៥គីឡូម៉ែត្រជាចំងាយត្រង់ពីព្រំដែន ដែលជាច្រកងាយស្រួលតែមួយគត់ ភ្ជាប់ទៅប្រជុំជនថ្មដា ស្រុកវាលវែង។

ក្រោយរងការកម្ទេចពីយោធាថៃ ក្រសួងសាធារណៈការត្រៀមខ្លួនរួចរាល់ រងចាំតែភ្លើងខៀវពីសមរភូមិមុខប៉ុណ្ណោះ ដើម្បីស្តារស្ពានមេទឹកឡើងវិញ៕