ចាប់តាំងពីថ្ងៃទី៧ ខែធ្នូ មកទល់នឹងព្រឹកថ្ងៃទី១៣ ខែធ្នូ យោធាថៃនៅតែបន្តវាយប្រហារឈ្លានពានទឹកដីខ្មែរដោយកំរោលដោយបានប្រើទាំងកងទ័ពជើងគោក អាកាស និងជើងទឹក។ ស្ថិតក្នុងស្ថានភាពដែលប្រទេសជាតិមានសង្គ្រាមហើយអន្តរជាតិមើលឃើញយ៉ាងច្បាស់ប៉ុន្តែមិនទាន់មានចំណាត់ការលើថៃ តារាចម្រៀង ជី ដេវីត ផ្តាំទៅកូនចៅជំនាន់ក្រោយត្រូវតែខ្លាំងកុំពឹងអ្នកណាទាំងអស់ក្រៅពីតស៊ូខ្លួនឯង។
តារាចម្រៀង ជី ដេវីត បានបង្ហោះសំណេរនៅលើគណនីផ្ទាល់ខ្លួនថា «វាជាមេរៀនពេលកូនធំឡើងកូនត្រូវខ្លាំងខ្លួនឯងកុំពឹងក្បាលអ្នកណាទាំងអស់ព្រោះនៅថ្ងៃចុងក្រោយបំផុតជៀសមិនរួចទេគេនឹងប្រមាថកូន។ មិនមែនជាសាច់គេ គេមិនដឹងឈឺទេកូន ត្រឹមតែមានបំពង់ក ដើម្បីមកពន្លឺសំឡេងឥតជាផលលំបាកសម្រាប់គេទេ កុំជឿជាក់មេឃកុំទុកចិត្តផ្កាយ កុំអង្វរគេកូនត្រូវក្រោកហើយតស៊ូដោយខ្លួនឯង ស្មារតីកម្លាំងយើង គឺយកបេះដូងនិងដំណក់ឈាមមកបង្កើត»។
ជាមួយនឹងសារខាងលើនេះតារាចម្រៀង ជី ដេវីត ថាយើងនឹងឆ្លងផុតនូវកាលៈទេសៈដ៏អាក្រក់មួយនេះ។
គួរឱ្យដឹងថា តារាចម្រៀង ជី ដេវីត និង ទេព បូព្រឹក្ស បានប្រមូលមូលនិធិជួយជនភៀសសឹកជាច្រើនគ្រួសារហើយអ្នកទាំងពីរសុខចិត្តលុបចោលកម្មវិធីរបស់ខ្លួនដោយបង្វែរមកជួយសង្គមជាតិវិញទាំងប្តីទាំងប្រពន្ធ។ នៅពេលចុះជួយជនភៀសសឹកឃើញទិដ្ឋភាពផ្ទាល់ភ្នែក ជី ដេវីត និង ទេព បូព្រឹក្ស អួលណែនយ៉ាងខ្លាំង។
ជម្លោះព្រំដែនរវាងខ្មែរនិងថៃ តារាចម្រៀងទាំងពីរគឺតែងតែចេញមុខជានិច្ចនិងប្រកាសធ្វើជាសត្រូវសួពូជជាមួយនឹងចោរសៀមផ្តាំតកូនតចៅ។ ទោះបីជាប្រទេសទាំងពីរវិលមកដូចមុនមិនមានជម្លោះ ជី ដេវីត និង ទេព បូព្រឹក្ស ប្រកាន់ជំហរថាមិនអាចដូចមុនវិញឡើយ៕
