ដ្បិតថាភាពយន្ត «ម៉ែក្រឡាភ្លើង» បរាជ័យនៅលើទឹកដីថៃមែនពិត ប៉ុន្តែងាកទៅប្រទេសផ្សេងៗ លោកស្រី ប៊ុន ចាន់និមល បានលើកឡើងថាទទួលបានភាពជោគជ័យក្នុងនោះប្រទេសដែលគេទិញសិទ្ធិយកទៅចាក់បញ្ចាំងគឺគេបានបង់ប្រាក់មុនដោយមិនបារម្ភហានិភ័យកើតឡើងឡើយ។ ជាក់ស្តែង ដូចជាប្រទេសឡាវ ភូមិផងរបងជាមួយកម្ពុជា បានចូលរួមផ្សព្វផ្សាយពីភាពយន្តនេះយ៉ាងមានភាពទាក់ទាញខុសពីប្រទេសក្បែងខាងមួយទៀត។

ជាប្រធានបទមួយដែលមិនទាន់រលុបនៅលើបណ្តាញសង្គមទាក់ទងនឹងភាពយន្តខ្មែរ និងថៃ ដែលមានភាពចម្រូងចម្រាសជាមួយគ្នាឈានដល់ពហិកាទៅវិញទៅមក។ មុនឈានដល់ចំណុចនេះលោកស្រី ប៊ុន ចាន់និមល អគ្គនាយិកាផលិតកម្មសាស្រ្តាហ្វៀម បានLive នៅលើបណ្តាញសង្គមរៀបរាប់ពីស្ថានភាពភាពយន្តរបស់ខ្លួនមានចំណងជើងថា «ម៉ែក្រឡាភ្លើង» បរាជ័យនៅលើទឹកដីថៃ។ លោកស្រី បានលើកឡើងថាភាគីថៃមិនបានផ្តល់ យុត្តិធម៌រវាងប្រទេសយើង ដែលជាប្រទេសសហប្រតិបត្តិការ ហើយជាប្រទេសភូមិផងរបងជាមួយគ្នា។ក្នុងន័យនេះលោកស្រីចង់សម្តៅថារោងកុននៅប្រទេសថៃមានរហូតដល់ជាង២០០ ប៉ុន្តែបានផ្តល់ឱ្យមកខាងកម្ពុជាតែជាង២០ប៉ុណ្ណោះនិងនៅទីជនបទ ខណៈរឿងថៃវិញប្រទេសកម្ពុជាស្វាគមន៍យ៉ាងរីករាយហើយមួយសប្តាហ៍មិនតិច៣ចំណងជើងនោះទេ។

ទោះបីជាការបោះជំហានដំបូងរបស់ផលិតកម្មសាស្រ្តាហ្វៀមបរាជ័យលើទឹកដីមួយនេះដោយចំណាយដើមទុនមុនក្តីប៉ុន្តែលោកស្រី ប៊ុន ចាន់និមល អះអាងថាប្រទេសផ្សេងទៀតមិនបរាជ័យឡើយ។ លោកស្រីថា ប្រទេសផ្សេងដែលទិញសិទ្ធិចាក់បញ្ចាំងគឺគេបានបង់ប្រាក់មុនដែលធ្វើឱ្យយើងមិនបារម្ភហានិភ័យកើតឡើងនោះទេ។

ងាកទៅកាន់ប្រទេសឡាវវិញដែលជាភូមិផងរបងជាមួយកម្ពុជាវិញក៏បានទិញសិទ្ធិភាពយន្ត ម៉ែក្រឡាភ្លើង ចាក់បញ្ចាំងនៅក្នុងរោងកុនតំណាងរោងកុនថៃដែរគឺនៅថ្ងៃទី២៩ កុម្ភៈ។ អ្វីដែលខុសគ្នាខាងយុវជនថៃបានចូលរួមពហិកាភាពយន្តនេះ ខណៈភាគីឡាវ បានផ្តល់តម្លៃមកខាងកាន់កម្ពុជាដោយបានចូលរួមផ្សព្វផ្សាយភាពយន្តនេះឡើងមានភាពទាក់ទាញ។

ក្រោយឃើញសកម្មភាពរបស់ប្រទេសឡាវ ប្រជាជនកម្ពុជាក៏បានចូលទៅខម្មិនអរគុណទៅកាន់ប្រជាជនឡាវផងដែរដែលបានផ្តល់តម្លៃមកកាន់កម្ពុជាមិនដូចប្រទេសក្បែរខាងមួយទៀតឡើយ។

មិនត្រឹមតែជោគជ័យលើប្រទេសផ្សេងនោះទេ ភាពយន្តខ្មែរមួយនេះក៏ត្រូវបានប្រទេសឥណ្ឌូនេស៊ី ទិញសិទ្ធិចាក់បញ្ចាំងផង និងផលិតឡើងវិញផងដែលឆ្លុះបញ្ចាំងឱ្យយើងដឹងថា ភាពយន្តខ្មែរកំពុងឆ្ពោះទៅកាន់ពិភពលោក៕

កុដិបុរាណដែលបានបន្សល់ទុកតាំងពីសម័យដើម មានទីតាំងស្ថិតក្នុងវត្តមួយកន្លែងនៃខេត្តតាកែវ ដែលបានបន្សល់ទុកតាំងពីសម័យសង្គមរាស្រ្តនិយមមកម្ល៉េះ ជាមួយនិងក្បាច់រចនាដែលរំលេចដោយរចនាបទបែបខ្មែរដ៏ប្រណិត គួរអោយគយគន់ និងសិក្សាស្រាវជ្រាវបន្ថែមទៀត។

យោងតាមការបង្ហោះនៅលើគណនីហ្វេសបុក Thon Varathana បានបង្ហាញឲ្យឃើញទិដ្ឋភាពវត្តបុរាណមួយកន្លែងដ៏ស្រស់ស្អាត ដែលគេហៅថា «វត្តសមរលាវ» ស្ថិតនៅក្នុងឃុំពោធិ៍រំចាក ស្រុកព្រៃកប្បាស ខេត្តតាកែវ។ នៅក្នុងវត្តនេះទៀតសោត ក៏មានកុដិបុរាណរាងត្រឡែងកែងមួយដែលបានបន្សល់ទុកតាំងពីសម័យដើម ជាកន្លែងសម្រាប់ព្រះសង្ឃសឹងនៅតាំងពីសម័យបុរាណ និងជាកន្លែងតម្កល់គម្ពីដីកាផ្សេងៗ។

ជាការកត់សម្គាល់ថា បើទោះបីជាកុដិបុរាណមួយនេះមើលទៅហាក់ដូចជាប្លែកខុសពីកុដិនានានៅតាមវត្តដទៃទៀតក៏ពិតមែន ព្រោះតែបានសាងសង់ឡើងនៅក្នុងសម័យសង្គមរាស្រ្តនិយម ពោលគឺចន្លោះឆ្នាំ ១៩៥៥ ដល់ ១៩៧០ ដែលស្ថាបត្យកម្មនេះមានលក្ខណៈស្រដៀងតាមបែបបារាំង ប៉ុន្តែនៅតែរំលេចដោយរចនាថបែបខ្មែរ មានក្បូរក្បាច់រចនាឆ្លាក់នៅតាមជញ្ជាំងនីមួយៗយ៉ាងប្រណិតនិងស្រស់ស្អាតបំផុត។ ម៉្យាងវិញទៀត កុដិបុរាណមួយនេះ ក៏ត្រូវបានត្រូវបានចុះបញ្ជីដោយក្រសួងវប្បធម៌និងវិចិត្រសិល្បៈ បន្តជួយថែរក្សានិងអភិរក្សរួចទៅហើយផងដែរ។

ជាមួយគ្នានេះ បន្ទាប់ពីមានការបង្ហោះចែកចាយនៅលើបណ្តាញសង្គមអ៊ីនធើណែត ក៏មានមហាជនចូលមកបញ្ចេញមតិជាច្រើន។ អ្នកខ្លះថា«សាកសមជាកុដិពិតមែន»។ អ្នកខ្លះទៀតថា«រចនាបថស្អាតណាស់»។ រីឯអ្នកខ្លះទៀតថា«រចនាបថដំបូលខ្មែរ១០០%»។
តើមានបងប្អូនណាខ្លះ ដែលបានដឹងពីទីតាំងវត្តបុរាណនានា ដែលគួរនាំគ្នាជួយផ្សព្វផ្សាយ លើកតំកើន ដើម្បីកូនខ្មែរជំនាន់ក្រោយៗ បានដឹង និងនាំគ្នាជួយផ្សាយបន្តរទុកជាសម្បត្តិមនុស្សជាតិបន្តរទៀត។
ព័ត៌មានបន្ថែមសូមផ្ញើរឯកសារយោងនានាតាមរយៈប្រអប់សារផ្លូវការនៅក្នុងផេកនេះ៕

ថ្មីៗមានគណនីហ្វេសប៊ុក និងគេហទំព័រសារព័ត៌មានជាច្រើន បានផ្សព្វផ្សាយ និងចែករំលែកព័ត៌មាននៅលើបណ្តាញសង្គម ដោយគ្មានមូលដ្ឋាន ព័ត៌មានផ្លូវការណ៍ច្បាស់លាស់ ពាក់ព័ន្ធនឹងករណីបោះតង់ពីសំណាក់ទាហានវៀតណាម ក្នុងបរិវេណសាលាបឋមសិក្សាកោះទៀវ និងវត្តកោះទៀវ ស្ថិតនៅភូមិកោះទៀវ សង្កាត់សំពៅពូន ក្រុងសំពៅពូន ខេត្តកណ្ដាល។ជុំវិញករណីនេះ រដ្ឋបាលក្រុងសំពៅពូន បានធ្វើការបំភ្លឺដូចតទៅ៖ “អនុវត្តតាមកំណត់ហេតុកិច្ចសហប្រតិបត្តិការ ស្តីពីផែនការបន្តស្រាវជ្រាវ រុករក ផឹកលើក អដ្ឋិធាតុកងទ័ពស្ម័គ្រចិត្ត និងជំនាញការវៀតណាម ជំហាន ទី២៣ រដូវប្រាំងឆ្នាំ២០២៣-២០២៤ រវាងគណៈប្រតិភូ គណៈកម្មាធិការថ្នាក់ជាតិ នៃសាធារណៈរដ្ឋ សង្គមនិយមវៀតណាម និងគណៈប្រតិភូ គណៈកម្មាធិការ នៃរាជរដ្ឋាភិបាលព្រះរាជាណាចក្រកម្ពុជា ដែលបានចុះហត្ថលេខាកាលពីថ្ងៃទី១១ ខែតុលា ឆ្នាំ២០២៣។ កងកម្លាំងតំបន់ប្រតិបត្តិការសឹករង កណ្ដាល យោធាភូមិភាគពិសេស បានសហការជាមួយក្រុម K90 ភាគីវៀតណាម ចុះស្រាវជ្រាវ រុករក ផឹកលើក អដ្ឋិធាតុកងទ័ពស្ម័គ្រចិត្ត និងជំនាញការវៀតណាម ដែលបានបាត់បង់ជីវិតក្នុងសម័យសង្គ្រាម កន្លងមក នៅភូមិសាស្រ្តក្រុងសំពៅពូន ដោយពេលវេលាបំពេញភារកិច្ច ការដឹកលើកអដ្ឋិធាតុ ចាប់ផ្ដើមពី ថ្ងៃទី១៩ ខែកុម្ភៈ ឆ្នាំ២០២៤ ដល់ថ្ងៃទី២០ ខែកក្កដា ឆ្នាំ២០២៤។ ក្រោយពីការបំពេញភារកិច្ចត្រូវបាន បញ្ចប់ ក្រុម K90 ភាគីវៀតណាម នឹងចាកចេញត្រលប់ចូលប្រទេសវៀតណាមវិញតាមច្រកទ្វារ អន្តរជាតិជ្រៃធំ”។

អាស្រ័យហេតុនេះ សូមសាធារណជន អ្នកសារព័ត៌មាន ពិសេសអ្នកប្រើប្រាស់បណ្តាញទំនាក់ ទំនងសង្គម សូមកុំមានការយល់ច្រឡំ និងសូមអំពាវនាវ កុំចូលរួមចែករំលែកព័ត៌មានដែលគ្មាន មូលដ្ឋានច្បាស់លាស់៕

យុវជនខ្មែរឆ្លើយតបភ្លាមៗទាន់ចិត្ត! ក្រោយពេលថៃធ្វើពហិការមិនទស្សនាភាពយន្តខ្មែរ «ម៉ែក្រឡាភ្លើង» យុវជនខ្មែរក៏មិនទស្សនាភាពយន្តថៃរឿង «PEE NAK 4» ដូចគ្នាដែរ

មេឃនៅតែក្តៅហែងដដែល ខណៈយុវជនថៃសប្បាយរីករាយនឹងការធ្វើពហិការមិនទស្សនាភាពយន្តខ្មែររឿង «ម៉ែក្រឡាភ្លើង» បានជោគជ័យ ។ ជាការឆ្លើយតប ក្នុងនាមជាជនជាតិខ្មែរ មានកិត្តិយស ស្មើមុខនៅលើឆាកអន្តរជាតិ ជាជាតិសាសន៍ដែលមានចរិតរួសរាយ ទន់ភ្លន់ តែមិនទន់ជ្រាយ យុវជនខ្មែរយើងក៏បានធ្វើការឆ្លើយតបភ្លាមៗទាន់ចិត្តទៅទង្វើដ៏គ្រោះថ្នាក់បង្កដោយភាគីជាយុវជនថៃជ្រុលនិយមហួសហេតុ ដែលបាននាំគ្នាតវ៉ាធ្វើពហិការមិនឱ្យបងប្អូនជនជាតិថៃដទៃទៀតចូលទស្សនាភាពយន្តខ្មែររឿង «ម៉ែក្រឡាភ្លើង» ដែលធ្វើឱ្យវិស័យភាពយន្តខ្មែរយើង «ចាញ់មុនឡើងសង្វៀនប្រកួត» មុនពេលចាក់បញ្ចាំង ។

យោងតាមការលើកឡើងរបស់ផលិតករភាពយន្តដ៏ល្បីឈ្មោះរបស់ផលិតកម្ម SASTRA FILM លោកស្រី ប៊ុន ចាន់និមល បានលើកឡើងក្នុងហ្វេសប៊ុក កាលពីថ្ងៃទី២ ខែមីនា ឆ្នាំ២០២៤ ថា ភាពយន្តខ្មែររឿង «ម៉ែក្រឡាភ្លើង» ដែលចាក់បញ្ចាំងនៅប្រទេសថៃ គឺទទួលបានលទ្ធផលបរាជ័យ ឬជាការបរាជ័យមួយហៅថា «ចាញ់មុនឡើងសង្វៀនប្រកួត» ដោយសារតែពលរដ្ឋថៃធ្វើពហិការមិនទស្សនាភាពយន្តខ្មែរ ពីព្រោះគេចោទថា ភាពយន្តខ្មែរចម្លងពីគេ ។

កាលពីថ្ងៃទី២៩ ខែកុម្ភៈ ឆ្នាំ២០២៤ ខាងផលិតកម្ម SASTRA FILM បានចាក់បញ្ចាំងភាពយន្តខ្មែររឿង «ម៉ែក្រឡាភ្លើង» ជាផ្លូវការនៅប្រទេសថៃ ប៉ុន្តែការចាក់បញ្ចាំងភាពយន្តនេះបានទទួលបរាជ័យ ហើយទទួលប្រាក់ចំណូលនៅថ្ងៃបញ្ចាំងដំបូង ត្រឹមតែ៣ម៉ឺន១ពាន់បាតប៉ុណ្ណោះ ។ ការបរាជ័យនេះ ដោយសារមានការអំពាវនាវពីទំព័រហ្វេសប៊ុកថៃ និងសារព័ត៌មានថៃមួយចំនួនហាមពលរដ្ឋថៃទៅមើលភាពយន្តខ្មែរ ដើម្បីមិនទទួលស្គាល់ថា ខ្មែរជាម្ចាស់ដើម ។ បើថៃទទួលស្គាល់ថា ខ្មែរជាម្ចាស់ភាពយន្តនោះ ហាក់ដូចជាថៃទទួលស្គាល់ថា ខ្លួនជាចោរនៅចំពោះមុខពិភពលោកដែរ ។

បច្ចុប្បន្ន ពលរដ្ឋថៃកំពុងតែអបអរសាទរយ៉ាងខ្លាំង បន្ទាប់ពីពួកគេធ្វើពហិការមិនចូលរួមទស្សនាភាពយន្តខ្មែររឿង «ម៉ែក្រឡាភ្លើង» ទទួលបានជោគជ័យ ។ ការអំពាវនាវឱ្យធ្វើពហិករមកលើភាពយន្តខ្មែរនេះ ដោយសារទំព័រហ្វេសប៊ុកថៃ និងសារព័ត៌មានថៃមួយចំនួន ដែលមានគំនិតជាតិនិយមជ្រុលបានអំពាវនាវនៅក្នុងបណ្តាញសង្គមថៃនានាហាមពលរដ្ឋថៃទស្សនារឿងនេះ ។ ប្រទេសថៃមិនទទួលស្គាល់ភាពយន្តនេះទេ ដោយពួកគេអះអាងថា ខ្មែរបានចម្លងពីភាពយន្តរបស់ថៃ រឿង «Mae Nak Phra Khanong» ។

គំនិតជាតិនិយមរបស់យុវជន និងពលរដ្ឋថៃបានកើតឡើងតាមរយៈការបណ្តុះគំនិតរបស់បណ្តាញសង្គមថៃ និងសារព័ត៌មានថៃខ្លះ ដែលពួកគេព្យាយាមផ្សព្វផ្សាយបំប៉ោង និងនិយាយបំផ្លើសការពិត ដើម្បីធ្វើឱ្យជនជាតិរបស់ខ្លួនប្រកាន់វណ្ណៈ និងប្រកាន់ជាតិសាសន៍ជាមួយប្រទេសជិតខាង ។ បច្ចុប្បន្ន គេបានឃើញទំព័រហ្វេសប៊ុកថៃ និងបណ្តាញយូធូបថៃយ៉ាងច្រើនសន្ធឹកសន្ធាប់ព្យាយាមផ្សព្វផ្សាយឱ្យពលរដ្ឋថៃមានគំនិតជាតិនិយមជ្រុល និងកាន់តែស្អប់ប្រទេសជិតខាង ជាពិសេស ជាមួយកម្ពុជា ។

ជាលទ្ធផល ការព្យាយាមផ្សព្វផ្សាយរបស់ទំព័រហ្វេសប៊ុកថៃ និងបណ្តាញយូធូបថៃយ៉ាងច្រើន បានធ្វើឱ្យពលរដ្ឋថៃមិនតិចនាក់ទេជឿតាមប្រវត្តិសាស្ត្រមិនពិតរបស់ថៃ ហើយជឿថា អ្វីៗគ្រប់យ៉ាងសុទ្ធតែជារបស់ថៃទាំងអស់ ដូចជា ៖ ម្ហូបអាហារ, សម្លៀកបំពាក់, សង្ក្រាន ហើយសូម្បីតែខ្មោច ក៏ជាខ្មោចថៃដែរ ។ ហេតុនេះ ការផ្សព្វផ្សាយពីប្រវត្តិសាស្ត្រក្លែងក្លាយរបស់ពួកគេបានធ្វើឱ្យពលរដ្ឋថៃជឿតាម និងធ្វើពហិការមិនទស្សនាភាពយន្តរឿង «ម៉ែក្រឡាភ្លើង» នៅតាមរោងភាពយន្តថៃ ។

ក្រោយពីបានឃើញថៃធ្វើពហិការមិនទស្សនាភាពយន្តខ្មែររឿង «ម៉ែក្រឡាភ្លើង» ដែលបានចាក់បញ្ចាំងនៅប្រទេសថៃ បានធ្វើឱ្យខ្មែរយើងភ្ញាក់ស្មារតី ហើយមិនទស្សនាភាពយន្តថៃរឿង «PEE NAK 4» នៅតាមរោងកុននានានៅកម្ពុជា បើទោះជារឿងនេះធ្លាប់ទទួលបានការគាំទ្រពីសំណាក់យុវជនខ្មែរក្តី ។

ពលរដ្ឋខ្មែរម្នាក់បាននិយាយក្នុងបណ្តាញសង្គមថា ៖ «ពួកថៃបាននាំគ្នាសើចចំអកឱ្យយើង ស្របពេលខ្មែរយើងកំពុងសប្បាយអរតាមដានរឿងភាគថៃ ហើយបើមិនបានមើលរឿងភាគថៃ លេបបាយមិនចូលទេ ។ គេខោកក្បាលប៉ុណ្ណឹងហើយ នៅញញឹម អត់ចេះឈឺទេខ្មែរ ។ តែបើឈឺវិញ គឺឈឺជ្រុល ដូចកាលពីឆ្នាំ២០០៣ ខ្មែរបាតុកម្មដុតស្ថានទូតថៃ ដោយសារនាងផ្កាយព្រឹក និយាយថា ខ្មែរជាចោរលួចប្រាសាទអង្គរវត្តពីប្រទេសថៃ ។ ដោយសារកំហឹងនេះ ខ្មែរត្រូវសងលុយធ្វើស្ថានទូតឱ្យថៃ ខាតអស់រាប់លានដុល្លារ ។ តែជាផលវិជ្ជមាន គឺគ្រប់ស្ថានីយទូរទស្សន៍ខ្មែរឈប់ផ្សាយរឿងថៃ ហើយធ្វើឱ្យកុនខ្មែរមានទីផ្សារឡើងវិញ ។ ប៉ុន្តែបានតែមួយខ្យល់ប៉ុណ្ណោះ ដោយសារតែរឿងភាគថៃនិយម ខ្មែរទ្រាំមិនមើល មិនបាន គេក៏យកមកបញ្ចាំងឡើងវិញ» ។

ពលរដ្ឋខ្មែររូបនេះបន្តថា ៖ «ចុះឥឡូវ ល្មមឈប់ល្ងង់ស្រឡាញ់គេតែម្នាក់ឯងហើយនៅ? ថៃគេមិនស្រឡាញ់យើងទេ ហើយខ្មែរគិតថា គេស្រឡាញ់យើងមែន? គេមើលងាយយើងប៉ុណ្ណឹងហើយ នៅថោកគាំទ្ររឿងថៃទៀតមែន? ឃើញមានអ្នកចេញមកពហិការខ្លះហើយ តែអ្នករឿងភាគថៃនិយមវិញបែរជាប្រតិកម្ម ហើយខាងរោងកុនបន្ថែមម៉ោងបញ្ចាំងកុនថៃ ព្រោះខ្លាចខាត…» ។ ចុងក្រោយ ពលរដ្ឋខ្មែរដដែលបញ្ជាក់ថា គាត់សូមប្រកាសពហិការមិនគាំទ្រផលិតផល និងសេវាកម្មថៃគ្រប់ប្រភេទ តាមលទ្ធភាពដែលអាចធ្វើទៅបាន ។

ចំណែកយុវជនខ្មែរនៅខេត្តសៀមរាប ក៏បានឆ្លើយតបភ្លាមៗទៅខាងថៃវិញដែរ គឺពួកគេមិនទៅទស្សនាភាពយន្តថៃ ដែលចាក់បញ្ចាំងនៅរោងភាពយន្ត Legend Cinema ក្នុងខេត្តសៀមរាបទេ ក្រោយពីយុវជនថៃធ្វើពហិការមិនទស្សនាភាពយន្តខ្មែររឿង «ម៉ែក្រឡាភ្លើង» ។

ហេតុនេះ ក្នុងនាមជាពលរដ្ឋខ្មែរ យើងត្រូវតែគាំទ្រភាពយន្តខ្មែរ និងផលិតផលក្នុងស្រុកឱ្យបានច្រើន ដើម្បីបង្ហាញទៅកាន់ពិភពលោកថា ខ្មែរជាម្ចាស់ដើមពិតប្រាកដ ទាំងវប្បធម៌ ប្រពៃណី សម្លៀកបំពាក់ ម្ហូបអាហារ និងភាពយន្ត ជាដើម ។ បើខ្មែរមិនព្យាយាមបង្ហាញ និងមិនគាំទ្រខ្លួនឯងទេ ពិភពលោកគេនឹងជឿតាមការផ្សាយបំផ្លើសប្រវត្តិសាស្ត្ររបស់ប្រទេសជិតខាងមិនខាន ហើយនៅបំផុត ចោរនឹងក្លាយជាម្ចាស់ដើមទៅវិញ ។

រាល់មតិយោបល់ គឺជាការបញ្ចេញយោបល់ពីបណ្តាញសង្គមដែលមានគំនិតជួយឈឺឆ្អាល នៅពេលដែលបរទេសមិនឱ្យតម្លៃខ្លួន ។ តើខ្មែរយើងគប្បីបន្តគាំទ្រដល់ក្រុមដែលមិនឱ្យតម្លៃខ្លួនទៀតដែរឬទេ បើទោះជាវាជាសិទ្ធិរបស់លោកអ្នកក៏ដោយចុះ?