ដំណឹងដ៏សោ.កស.ង្រេងមួយគឺបានកើតឡើងកាលពីថ្ងៃទី២៨ ខែមិថុនា ឆ្នាំ២០២៤ ទៅលើព្រឹទ្ធាចារ្យកោសល្យវោហារ គង់ ណៃ មរតកមនុស្សរស់ចាប៉ីដងវែង ដែលបានទទួលម.រណភាព ដោយរោ.គាពាធ ក្នុងជន្មាយុ ៨០ឆ្នាំ ខណៈបន្សល់ទុ.កត្រឹមភរិយាដ៏ប្រពៃរបស់គាត់ ដែលនឹងត្រូវរស់នៅយ៉ាងកណ្តោកកណ្តែងចាប់ពីពេលនោះតទៅ។

លោកយាយ តាត ឆេន ដែលត្រូវជាភរិយារបស់លោកតា គង់ ណៃ ដោយពួកគាត់ទាំងពីរបានរៀបអាពាហ៍ពិពាហ៍ អំឡុងឆ្នាំ ១៩៦២ ខណៈកាលគ្រានោះលោកយាយមានព្រះជន្ម ២០ ឆ្នាំ និងលោកតាមានព្រះជន្ម ១៨ ឆ្នាំ។ បន្ទាប់ពីអាពាហ៍ពិពាហ៍ លោកតានិងលោកយាយទទួលបាន ចំណងដៃកូនចំនួន ១០ នាក់ (ក្នុងនោះគឺស្រី ៤ នាក់ និងប្រុស ៦ នាក់ )។

ក្នុងអំឡុងពេលដែលលោកតា គង់ ណៃ នៅរស់រៀនមានជីវិត គាត់បានសាងនូវស្នាដៃជាច្រើនសន្ធឹកសន្ធាប់ ទទួលបានពានរង្វាន់ទាំងថ្នាក់ជាតិនិងអន្តរជាតិ រហូតទទួលបានគោរមងារថាជា ព្រឹទ្ធាចារ្យកោសល្យវោហារ គង់ ណៃ ស្របពេលក៏ទទួលបាននូវការលើកតម្កើនយ៉ាងខ្លាំងពីមហាជនខ្មែរ។

យ៉ាងណាមិញ នៅពីក្រោយភាពជោគជ័យដ៏ធំធេងរបស់គាត់ គឺតែងមាននារីដ៏ស្រស់ស្អាតម្នាក់នៅក្បែរជានិច្ច ជាអ្នកលើកទឹកចិត្ត ជាដៃគូរជីវិតដ៏ល្អប្រពៃ ហ៊ានទទួលយកទាំងល្អនិងអាក្រក់ មិនប្រកាន់ឬរើសអើងមនុស្សពិការដូចជាលោកតាឡើយ បើទោះបីជាលោកតាត្រូវបានមនុស្សជុំវិញខ្លួនសើចចំអកជារឿយ ព្រោះតែពិការភាពនេះក្តី។

លោកតា គង់ ណៃ តែងតែទទួលបាននូវការមើលថែយ៉ាងល្អឥតខ្ចោះពីលោកយាយ រហូតដល់ប្រជាជនខ្មែរ សរសើរព្រោងព្រាតពីសេចក្តីស្រលាញ់ដ៏ស្មោះសរមួយនេះ។ ជាក់ស្តែង មហាជនគឺបានចាប់ភ្លឹកទៅលើសកម្មភាពរបស់លោកយាយថា ពិតជាបានយកចិត្តទុកដាក់យ៉ាងខ្លាំងទៅលើលោកតា អំឡុងពេលព្រឹត្តិការណ៍សម្តែងទស្សនីយភាពពីលោកវ៉ាន់ដា និងលោកតាគង់ ណៃ ច្រៀងបទ Time To Rise នៅឯពហុកីឡាជាតិមរត៌កតេជោ កាលពីពេលកន្លងទៅ។

ឆ្លងតាមរយៈរូបភាពទាំងនេះ គឺពិតជាបានឆ្លុះបញ្ចាំងពីចំណងស្នេហាដ៏មានអត្ថន័យរបស់ពួកគាត់ទាំង២ និងធ្វើឲ្យយុវជននិងយុវតីជំនាន់ក្រោយរំភើបចិត្តជាខ្លាំងផងដែរ៕

ថ្មីៗនេះ មហាជនខ្មែរជាច្រើនហាក់មានការចាប់អារម្មណ៍យ៉ាងខ្លាំងទៅលើស្នាដៃសិល្បៈតែងមុខ របស់យុវជនវ៉ាត វ៉ាន់ ដែលបានធ្វើការផាត់ទៅលើតួអង្គខ្មោ.ចនៅក្នុងរឿង«ភូមិគ្រឹះ.អាគ.ម» របស់ក្រុមសម្តែងលោក Peypey Dy។

រឿង«ភូមិគ្រឹះអាគម» ក្រោមការដឹកនាំផលិតនិងសម្តែងដោយក្រុមលោក Peypey Dy ដែលគ្រោងនឹងបញ្ចេញក្នុងពេលឆាប់ៗខាងមុខ ខណៈរឿងមួយនេះគឺការទន្ទឹងរងចាំយ៉ាងច្រើនពីទស្សនិក។ ជាមួយនឹងការបញ្ជាក់ពីលោកប៉ីប៉ីឌីបានឲ្យដឹងថា «រឿងភូមិគ្រឹះអាគម គឺជាការវិលត្រឡប់របស់ពួកយើង ហើយជាគម្រោងដ៏ធំមិនធ្លាប់មានចំពោះក្រុមយើង»។

កាលពីថ្ងៃទី១៩ ខែមិថុនា យោងតាមការបង្ហោះនៅលើបណ្តាញសង្គមរបស់លោកវ៉ាត វ៉ាន់ បានបញ្ចេញឃ្លីបវីដេអូខ្លីមួយ បង្ហាញពីសកម្មភាពតុបតែងមុខឲ្យតួអង្គសម្តែងក្នុងរឿងនេះ ដោយភ្ជាប់មកជាមួយនឹងចំណងជើងថា«នេះជាការផាត់មុខខ្មោច Projectថ្មី ក្នុងរឿង (ភូមិគ្រឹះអាគម) ថ្ងៃPosterរឿង។ Team បង Pey Pey Dy គឺ bestណាស់! យើងមានការកែទម្រង់ផាត់ខ្លះៗ នេះមកបង្ហាញទម្រង់ចាស់បន្តិច។ អរគុណដល់អ្នកដឹកនាំរឿង និងក្រុមការងារទាំងអស់ដែលព្យាយាមផលិតនូវរឿងមួយនេះឡើង ហើយខ្ញុំពិតជារីករាយណាស់ដែលបានរួមចំណែកក្នុងរឿងនេះផងដែរ»។

គួរបញ្ជាក់ដែរថា លោក វ៉ាត វ៉ាន់ គឺជាយុវជនខ្មែរមួយរូប ត្រូវបានគេស្គាល់ថាជាសិល្បករពហុជំនាញ ចេះទាំងការច្រៀង ការសម្តែង ការគូរគំនូរ ជាពិសេសជាសិល្បករម្នាក់ដែលចេះយ៉ាងស្ទាត់ជំនាញទៅការផាត់មុខ គូរគំនូរលើមុខ ឬតុបតែងមុខជាតួអង្គផ្សេងៗ។ ខណៈកាលពីឆ្នាំ២០២៣ កន្លងទៅ យុវជនដ៏ឆ្នើមនេះបានឈ្នះពានរង្វាន់ video graphy ទៅលើគំនូរការគូរមុខសិល្បៈចម្រុះពីការប្រកួតប្រជែងស្នាដៃសិល្បៈក្នុងកម្មវិធី ពិពណ៌អនាគតយុវជន ក្រោមប្រធានបទ (សកម្មភាពអ្នក អនាគតអ្នក) ដែលរៀបចំដោយអង្គការសហប្រជាតិនៃកម្ពុជាផងដែរ៕

វណ្ណដា បានទទួលដំណឹងមរ.ណភាពរបស់ព្រឹទ្ធាចារ្យកោសល្យវោហារ គង់ ណៃ ហើយនៅវេលាម៉ោង២ទៀបភ្លឺនៅឯសហរដ្ឋអាម៉េរិកជាហេតុធ្វើឱ្យតារាចម្រៀងរូបនេះប៉ះទង្គិចផ្លូវចិត្តខ្លាំងបន្តយំមិនឈប់។ នៅលើ Story វណ្ណដា បានបង្ហាញទឹកភ្នែកជោគថ្ពាល់របស់លោកជាលើកដំបូងដែលអ្នកគាំទ្រពុំដែលឃើញភាពទន់ខ្សោយរបស់លោកបែបនេះពីមុនឡើយ។ តាមការបញ្ជាក់របស់កញ្ញា ឡូរ៉ា ម៉ម ថា វណ្ណដា មានពាក្យពេចន៍ច្រើនណាស់ចង់បរិយាយ ប៉ុន្តែត្រូវការពេលវេលាខ្លះដើម្បីសម្រួលផ្លូវអារម្មណ៍នេះ។

នាយកប្រតិបត្តិបារមីបានសរសេររៀបរាប់នៅលើបណ្តាញសង្គមចេញពីទឹកដីសហរដ្ឋអាម៉េរិកថា «នាងខ្ញុំ ពិតជាមានសេចក្ដីរន្ធត់ចិត្តជាពន់ពេក នៅពេលបានឮដំណឹងមរណភាព របស់លោកគ្រូព្រឹទ្ធាចារ្យកោសល្យវោហារ គង់ ណៃ នៅម៉ោង ២ និង ១៥ នាទីព្រឹកនៅរដ្ឋកាលីហ្វ័រញ៉ា។ នាងខ្ញុំ កំពុងអង្គុយជាមួយក្រុមការងារបារមីយើង ដែលបានធ្វើដំណើរមកសហរដ្ឋអាម៉េរិក ដើម្បីការប្រគំតន្ត្រីរបស់ពួកយើង ដែលក្នុងនោះរួមមានវណ្ណដា និងវណ្ណថាន។ នៅពេលដែលវណ្ណថានបានទទួល ដំណឹងតាមទូរស័ព្ទរបស់គាត់ថាលោកតាទទួលមរណភាព ក្រុមការងាររបស់យើង បានតក់ស្លុតជាខ្លាំង។ ដំណឹងដ៏ក្រៀមក្រំនេះ បានធ្វើឱ្យយើងសោកស្តាយសោកសង្រេងរួមគ្នា។ យើងសរសេរលិខិតនេះឡើង ទាំង អារម្មណ៍ក្តុកក្តួល»។

កញ្ញា ឡូរ៉ា ម៉ម បនន្តទៀតថា «ខណៈពេលដែលនាងខ្ញុំកំពុងសរសេរលិខិតនេះផងដែរ វណ្ណដានៅបន្តយំមិនឈប់ ហើយគាត់មិនទាន់បានងើបខ្លួនពីកៅអីនៅឡើយទេ។ នៅពេលនេះ ផ្លូវចិត្តរបស់គាត់កំពុងទទួលការប៉ះទង្គិចជាខ្លាំង។ នាងខ្ញុំដឹងថា គាត់មានពាក្យពេចន៍ជាច្រើនដែលគាត់ចង់បរិយាយ ប៉ុន្តែសម្រាប់នាទីនេះ គាត់នឹងត្រូវការ ការយោគយល់និងពេលវេលាខ្លះដើម្បីសម្រួលផ្លូវអារម្មណ៍នេះ។ កន្លងទៅថ្មីៗនេះ ពួកយើងមានពេលវេលាដ៏មហស្ចារ្យមួយនៅ មហោស្រពតន្ត្រី Sabaidee Fest នៅពេលដែលមហាជនរាប់ពាន់នាក់ បានលើកទូរស័ព្ទឡើងដើម្បីបំភ្លឺពន្លឺ តាមបទចម្រៀង ‘Time to Rise’។ ជាតិខ្មែរទាំងមូល មិនអាចបំភ្លេចបានទេនូវការផ្តូរផ្តាច់របស់លោកគ្រូ ដើម្បីបន្តវេនរក្សាសិល្បៈខ្មែរ»។

កញ្ញា បានលើកឡើងថា នាងមានសេចក្ដីសោកសៅជាខ្លាំងដែលក្រុមការងារបារមី បានទទួលដំណឹងដ៏ក្រៀមក្រំនេះនៅលើទឹកដីសហរដ្ឋអាម៉េរិក ក្នុងខណៈពេលដែលពួកយើងកំពុងនៅឆ្ងាយពីលោកគ្រូ។ កញ្ញា ឡូរ៉ា ម៉ម ថា «នាងខ្ញុំ ប្រាថ្នាចង់មានឱកាសអាចប្រាប់ទៅលោកគ្រូផ្ទាល់មាត់ អំពីឥទ្ធិពលនៃតន្ត្រីរបស់លោកគ្រូ ដែលបានផ្សះផ្សាព្យាបាលផ្លូវចិត្តរបស់ជាតិសាសន៍ និង ប្រជាជនយើង។ លោកគ្រូបានផ្ដល់មកឱ្យពួកយើងនូវក្ដីសង្ឃឹមថ្មីឡើងវិញ»។ ក្នុងនោះដែរ ឡូរ៉ា ម៉ម បានចូលរួមរំលែកទុក្ខយ៉ាងក្រៀមក្រំបំផុតចំពោះក្រុមគ្រួសារលោកគ្រូព្រឹទ្ធាចារ្យកោសល្យវោហារ គង់ ណៃ ជាពិសេសចំពោះភរិយាដ៏អស្ចារ្យរបស់គាត់ គឺលោកយាយ តាត់ ឆេន។ កន្លងមក លោកគ្រូព្រឹទ្ធាចារ្យកោសល្យវោហារ គង់ ណៃ បានផ្តល់កិត្តិយសដ៏ខ្ពង់ខ្ពស់បំផុតជាមួយនឹងវត្តមានរបស់គាត់នៅក្នុងបទចម្រៀង «Time To Rise» ។

ទន្ទឹមនឹងនេះ កញ្ញា ឡូរ៉ា ម៉ម មានការសោកស្តាយនិងមានវិប្បដិសារីជាទម្ងន់ ដែលមិនមានឱកាស ដើម្បីជម្រាបជូនលោកតា គង់ ណៃ ម្តងទៀត អំពីសក្ដានុពល និងឥទ្ធិពលដ៏វិជ្ជមានដែលលោកគ្រូមានមកលើប្រជាជនខ្មែរទាំងអស់ពីរឿងដ៏អស្ចារ្យរាប់មិនអស់ពីប្រជាជនខ្មែរជាច្រើននាក់ ដែលបានរៀបរាប់អំពីអត្ថន័យនៃបទចម្រៀងនេះ និង ឥទ្ធិពល ដែលបទចម្រៀងនេះបាន ធ្វើឱ្យពួកគាត់មានក្ដីសង្ឃឹម និង មានជំនឿចិត្តឡើងវិញចំពោះជាតិសាសន៍ខ្មែរ។
ជាមួយសារដ៏សោកសង្រេងនេះក្នុងនាមជាអ្នកជំនាន់ក្រោយ កញ្ញានិងក្រុមការងារ សន្យាថានឹងបន្ត រក្សានូវមរតកដែលលោកគ្រូបានបន្សល់ទុកអោយអ្នកជំនាន់ក្រោយនឹងបន្តមើលថែរក្សាមរតកនេះ ទៅថ្ងៃមុខឱ្យអស់ពីសមត្ថភាព។ សូមឱ្យលោកគ្រូបានសម្រាកប្រកបដោយសេចក្ដីស្ងប់ក្នុងសុគតិភព។

ងាកទៅកាន់ Story របស់ វណ្ណដា វិញគេបានឃើញតារាចម្រៀងរូបនេះទឹកភ្នែកជោគថ្ពាល់សោកសង្រេងយ៉ាងខ្លាំងដែលមិនអាចអធិប្បាយបានខណៈកំពុងនៅលើទឹកដីប្រទេសគេ មិនអាចមកចូលរួមពិធីបុណ្យសពវីរៈសិល្បករចាប៉ីដងវែង។ វណ្ណដា មានឱកាសសម្តែងបទ «Time To Rise » ជាមួយព្រឹទ្ធាចារ្យ គង់ ណៃ តែម្តងគត់និងជាលើកចុងក្រោយក្នុងកម្មវិធីបិទកីឡាជាតិលើកទី៣ នៅពហុកីឡាដ្ឋានជាតិសម្តេចតេជោកាលពីខែវិចិ្ឆកា ឆ្នាំ២០២២ ក្រោមក្រសែរភ្នែកថ្នាក់ដឹកនាំប្រទេសនិងទស្សនិកជនរាប់ម៉ឺននាក់ហើយនាគ្រានោះធ្វើឱ្យគ្រប់គ្នារំភើបស្ទើរស្រក់ទឹកភ្នែក។

ព្រឹទ្ធាចារ្យ គង់ ណៃ វីរសិល្បករចាប៉ីដងវែងមរតកមនុស្សរស់កម្ពុជាបានទទួលអនិច្ចកម្មក្នុងជន្មាយុ៨០ឆ្នាំដោយរោគាពាធនៅឯស្រុកកំណើតកាលពីរសៀលថ្ងៃទី២៨ មិថុនា ឆ្នាំ២០២៤៕