ក្រោយប្រតិបត្តិការអស់រយៈពេល១៧ថ្ងៃ កម្លាំងចម្រុះបានរកឃើញឃើញឧទ្ធម្ភាចក្រយោធា Z9 ដែលបាត់ដំណឹងនៅតំបន់ជួរភ្នំក្រវាញ។
ឧទ្ធម្ភាចក្រនេះ ត្រូវបានប្រទះឃើញនៅចំណុចលើខ្នងភ្នំយ៉ាវយ៉ៃ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់។
ដោយឡែកចំពោះនាវិកចំនួន២នាក់ ដែលនៅលើឧទ្ធម្ភាចក្រនោះ មិនទាន់ត្រូវប្រភពច្បាស់លាស់ ឬក្រសួងការពារជាតិចេញមុខមកបញ្ជាក់ថាបានបាត់បង់ជីវិត ឬក៏យ៉ាងមិចនៅឡើយនោះទេ៕
ប្រទេសអង់គ្លេស ៖ ឆ្កែញីឈ្មោះ ផេកគី ដែលធ្លាប់ទទួលបានពានជាឆ្កែមានរូបរាងអាក្រក់បំផុតនៅប្រទេសអង់គ្លេស បានក្លាយជាតារាឆ្កែកំពូលដ៏ល្បីល្បាញលំដាប់ពិភពលោក និងដើរលើកម្រាលព្រំពណ៌ក្រហមផងដែរ ក្រោយពីឆ្កែផេកគី បានសម្តែងជាឆ្កែឈ្មោះ Dogpool ក្នុងខ្សែភាពយន្តរឿង Deadpool & Wolverine ។
ភាពយន្តខ្នាតធំរឿង «Deadpool & Wolverine» បានចាក់បញ្ចាំងចាប់ពីថ្ងៃទី២៦ ខែកក្កដា ឆ្នាំ២០២៤ ដែលសម្តែងដោយលោក Ryan Reynolds និងលោក Hugh Jackman ។ រីឯតួសម្តែងផ្សេងទៀតដែលល្បីល្បាញក្នុងសាច់រឿងនេះ គឺកូនឆ្កែតូច Dogpool ហើយនៅគ្រប់ឈុតឆាកក្នុងរឿង គឺកូនឆ្កែតូចបានធ្វើឱ្យអ្នកទស្សនាសើច និងញញឹមជានិច្ច ។
ហេតុនេះ វាធ្វើឱ្យអ្នកប្រើប្រាស់បណ្តាញសង្គមសួរថា តើកូនឆ្កែតូច Dogpool ពិតប្រាកដ មកពីខាងណាវិញ? ចម្លើយ គឺកូនឆ្កែតូច Dogpool សម្តែងដោយឆ្កែ ផេកគី (Peggy) មានអាយុ៦ឆ្នាំ ដែលជាឆ្កែមានរូបរាងអាក្រក់បំផុតនៅប្រទេសអង់គ្លេស ។ ខ្លួនរបស់ឆ្កែផេកគី ស្ទើរតែគ្មានរោមទេ លើកលែងតែរោមនៅលើមុខ និងត្រចៀករបស់វា ហើយមនុស្សគ្រប់គ្នានឹងបានឃើញ ផេកគី លាអណ្តែតចេញក្រៅគ្រប់ពេលវេលាទាំងអស់ ។
កាលពីឆ្នាំ២០២៣ ផេកគី បានចូលរួមប្រកួតប្រជែងដណ្តើមពានរង្វាន់ឆ្កែមានរូបរាងអាក្រក់បំផុត ដែលរៀបចំឡើងដោយក្រុមហ៊ុនបោះពុម្ពរូបថតឈ្មោះ ParrotPrint ។ ពេលនោះ ផេកគី ទទួលបានជ័យជម្នះជាផ្លូវការថា «ឆ្កែមានរូបរាងអាក្រក់បំផុតនៅប្រទេសអង់គ្លេស» ។
ក្រោយពីទទួលបានពានរង្វាន់ជាឆ្កែរូបអាក្រក់បំផុតនៅអង់គ្លេស Holly Middleton ជាម្ចាស់របស់ ផេកគី បាននិយាយជាមួយប្រព័ន្ធផ្សព្វផ្សាយថា ៖ «បើទោះជាមនុស្សខ្លះមើលឃើញថា ផេកគី មានមុខមាត់ខុសប្លែកពីឆ្កែផ្សេងទៀត និងពុំគួរឱ្យចូលចិត្តក្តី ប៉ុន្តែផេកគី អាចដណ្តើមបានពានរង្វាន់ជាឆ្កែរូបអាក្រក់នៅអង់គ្លេស ។ ខ្ញុំគិតថា វាជាឆ្កែស្អាតទាំងផ្នែកខាងក្នុង និងខាងក្រៅ» ។
បន្ទាប់ពីផេកគី ទទួលបានពានរង្វាន់ជាឆ្កែមានរូបអាក្រក់បំផុត ផេកគី ក៏ត្រូវបានគេជ្រើសរើសឱ្យមកសម្តែងក្នុងភាពយន្តរឿង «Deadpool & Wolverine» ដោយសម្តែងជាឆ្កែឈ្មោះ Dogpool ។
ចំណែកលោក Ryan Reynolds តួសម្តែងសំខាន់ក្នុងរឿងនេះ បានផ្តល់បទសម្ភាសន៍ជាមួយសារព័ត៌មានថា ៖ «មូលហេតុដែលធ្វើឱ្យទស្សនជនចូលចិត្ត ផេកគី យ៉ាងខ្លាំង ដោយសារ ផេកគី ធ្វើអារម្មណ៍ដូចសត្វរបស់ Wade Wilson (តួឯកក្នុងភាពយន្ត)» ។
កាលពីសប្តាហ៍ទី៣ ខែកក្កដា ឆ្នាំ២០២៤ ឆ្កែផេកគី ថែមទាំងបានដើរនៅលើកម្រាលព្រំក្រហម ក្នុងសម្លៀកបំពាក់យ៉ាងស្រស់ស្អាតជាមួយលោក Ryan Reynolds និងលោក Hugh Jackman ទៀតផង ។ លើសពីនេះ កាលពីយប់ថ្ងៃទី២៦ ខែកក្កដា ផេកគី ក៏បានចូលរួមក្នុងការចាក់បញ្ចាំងភាពយន្តនៅអង់គ្លេសផងដែរ ៕
លើកនេះ បើមិនថ្មី…មិនប្លែក…មិនអស្ចារ្យ…មិនមែនសាមសុង នោះទេ! ដូចនេះ ត្រូវតាមឱ្យទាន់សម័យបច្ចេកវិទ្យាឆ្លាតវៃ AI…! ហើយថ្មីៗនេះ ក្រុមហ៊ុន សាមសុង បាន ប្រកាសបញ្ចេញផលិតផលថ្មីៗជាច្រើនដែលបំពាក់ជាមួយមុខងារ AI មានដូចជា៖
ម៉ាស៊ីនបោកសម្លៀកបំពាក់ ទូទឹកកក ទូរទស្សន៏ និងម៉ាស៊ីនត្រជាក់ផងដែរ។ 
ជាក់ស្ដែងសាមសុង បានរៀបចំពិធីសម្ពោធ “ការរស់នៅតាមបែបយុគសម័យថ្មី ជាមួយសាមសុង AI” និងពិធីស្វាគមន៍ កញ្ញា ស៊ីន យូប៊ីន ជាអ្នកតំណាងផលិតផលអេឡិកត្រូនិក របស់សាមសុង ផងដែរ។ ក្នុងនោះដែរ មានការអញ្ចើញចូលរូមយ៉ាងអធិកអធមពីសំណាក់
គណៈគ្រប់គ្រងរបស់ ក្រុមហ៊ុនសាមសុង អាជីវករបោះដុំ និងលក់រាយគ្រឿងបរិក្ខារអេឡិកត្រូនិកសាមសុង ទូទាំងប្រទេស និងអ្នកសារព័ត៌មានមកពីច្រើនស្ថាប័នក្រោមបរិយាកាសដ៏រំភើបរីករាយ និងក្តីសោមនស្សរីករាយ និងស្រស់ស្រាយបំផុតដែលមិនអាចបំភ្លេចបាននៅសណ្ឋាគារ សាន់ & មូន រីវើសាយ រាជធានីភ្នំពេញ។
ទន្ទឹមនឹងកម្មវិធីដ៏សប្បាយរីករាយនេះ ក្រុមហ៊ុន សាមសុង បានធ្វើការប្រកាសបញ្ចេញនូវម៉ាស៊ីនបោក និងសម្ងួតទ្វារចំហៀងជំនាន់ថ្មី ដែលបានបន្ថែមមុខងារ AI ឆ្លាតវៃ ដែលបង្កើនភាពងាយស្រួលដល់អ្នកប្រើប្រាស់ បោកសម្អាតបានស្អាត ក្លិនក្រអូបជាប់បានយូរ សន្សំសំចៃទឹកភ្លើងបានច្រើន និងចំណេញពេលវេលាថែមទៀតផង។
ហើយទាំងនេះ គឺជាមុខងារដ៏ល្អឥតខ្ចោះ ថ្មីសន្លាងមិនធ្លាប់មានដែលបំពាក់លើម៉ាស៊ីនបោក និងសម្ងួតទ្វារចំហៀង Samsung AI ជំនាន់ថ្មី៖
1. មុខងារ AI Wash & Dry:
– បំពាក់មុខងារ Sensor ពិសេសៗដូចជា:
. Sensor ថ្លឹងទម្ងន់សម្លៀកបំពាក់
. Sensor វាស់កម្រិតទឹក
. Sensor ឆែកមើលប្រភេទសាច់ក្រណាត់
. Sensor ចាប់យកចំណុចប្រឡាក់របស់ខោអាវ
. Sensor វាស់កម្រិតសាប៊ូទឹក
. Sensor គណនាភាពសើមរបស់សម្លៀកបំពាក់
2. មុខងារ AI EcoBubble:
– បំបែកពពុះសាប៊ូច្រើនជាងមុន និងកម្ចាត់ជាតិកខ្វក់បានស្អាតជាងមុនដល់ 24%
– សន្សំសំចៃភ្លើងដល់ទៅ 70% និងរក្សាសាច់ក្រណាត់បានល្អជាងមុនដល់ទៅ 45.5%
3. មុខងារ Auto Dispense:
– ប្រព័ន្ធគណនាធ្វើការកំណត់ទឹកសាប៊ូ និងទឹកក្រអូបដោយស័្វយប្រវត្តិប្រើប្រាស់បានរហូតដល់រយ:ពេល 1ខែ
4. មុខងារ Quick Drive:
– បោកសម្លៀកបំពាក់បានលឿនជាងមុន និងកាត់បន្ថយពេលវេលាដល់ 50%
– ល្បឿនបង្វិលធុងលឿន កម្លាំងទឹកខ្លាំង
– បង្កើតពពុះសាប៊ូកាន់តែច្រើន និងបោកជ្រះស្អាតល្អ
5. មុខងារ Digital Inverter Technology
– ម៉ូទ័រ Digital Inverter មានភាពធន់ខ្ពស់
– សន្សំសំចៃភ្លើង សំឡេងស្ងាត់ និងធានារហូតដល់ 20ឆ្នាំ
អ្វីដែលកាន់តែពិសេស បំពាក់មកជាមួយមុខងារ SmartThings នៅលើស្មាតហ្វូន អាចត្រួតពិនិត្យ និងគ្រប់គ្រងម៉ាស៊ីនពីចម្ងាយបានគ្រប់ពេល គ្រប់ទីកន្លែង។
ឆ្លៀតក្នុងឱកាសនេះផងដែរ លោក Hyung Geun Lee អគ្គនាយកគ្រប់គ្រង សាខាក្រុមហ៊ុនថៃសាមសុងអេឡិកត្រូនិក ប្រចាំប្រទេសកម្ពុជា បានមានប្រសាសន៍បន្ថែមដែរថា “យើងជឿជាក់យ៉ាងមុតមាំថា តាមរយៈការបញ្ចេញម៉ាស៊ីនបោកសម្លៀកបំពាក់ Samsung AI ជំនាន់ថ្មីរបស់យើងនេះ នឹងជួយលើកកម្ពស់ការរស់នៅ និងផ្ដល់ភាពងាយស្រួល ធ្វើឱ្យអ្នកប្រើប្រាស់ទទួលបានបទពិសោធន៍ដ៏អស្ចារ្យមិនធ្លាប់មាន នៃការប្រើប្រាស់បច្ចេកវិទ្យា AI ថ្មីដ៏ឆ្លាតវៃ។ ឆ្លៀតក្នុងឱកាសនេះ ក៏សូមថ្លែងអំណរគុណចំពោះភាពស្មោះស្ម័គ្រ និងភាពជឿជាក់របស់បណ្ដាដៃគូពាណិកម្ម ម្ចាស់អាជីវកម្ម និងតំណាងចែកចាយ បោះដុំ និងលក់រាយទាំងអស់ ហើយភាពជោគជ័យនៅថ្ងៃនេះ គឺបានមកពីការគាំទ្ររបស់អស់លោកលោកស្រី ជាពិសេស អតិថិជនជាទីស្រលាញ់របស់សាមសុង”។ 
ជាចុងបញ្ចប់ ក្រុមហ៊ុនសាមសុង ប្ដេជ្ញាបន្តខិតខំដុសខាត់សមត្ថភាពឱ្យកាន់តែខ្លាំងបន្ថែមទៀតលើការផលិតគ្រប់ផលិតផលរបស់ខ្លួន ធ្វើយ៉ាងណាឱ្យអតិថិជន ព្រមទាំងអាជីវករទាំងអស់ទទួលនូវបទពិសោធន៍ថ្មីៗ ភាពទាន់សម័យដែលមិនធ្លាប់មាននៅក្នុងការប្រើប្រាស់ប្រចាំថ្ងៃដ៏សម្បូរបែបពីផលិតផលរបស់សាមសុង។
សម្រាប់ព័ត៌មានលម្អិតបន្ថែម សូមអញ្ជើញមកទស្សនាផលិតផលដោយផ្ទាល់ ឬ តេស្តដោយផ្ទាល់ដៃនៅតាមហាងទំនើបចែកចាយផលិតផលសាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬ ក៏អាចចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬ ក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃតាមរយៈទូរស័ព្ទលេខ៖ 1800-20 32 32!
ភ្នំពេញ៖ កាលពីថ្ងៃទី ២៨ ខែកក្កដា ឆ្នាំ ២០២៤ ភេសជ្ជៈ ប៉ិបស៊ី បាននាំយកព្រឹត្តិការណ៍ដ៏គួរឱ្យភ្ញាក់ផ្អើល នោះគឺ ការប្រគំតន្ត្រីដ៏អស្ចារ្យ PEPSI INTO THE NEW ERA ដែលមិនធ្លាប់មានពីមុនមក ដើម្បីអបអរនៃការដាក់បង្ហាញរូបរាងនៃរចនាប័ទ្មម៉ាកសញ្ញាថ្មីរបស់ ប៉ិបស៊ី រសជាតិជាប់ចិត្ត នៅក្នុងទីផ្សារប្រទេសកម្ពុជា ដែលធ្វើឱ្យអ្នកចូលរួមទស្សនា ស្រែកហ៊ោអបអរកក្រើកពេញឆាកតន្ត្រីលំដាប់ឌីជីថលដ៏ទំនើប ដែលរៀបចំនៅក្នុងផ្សារទំនើបដ៏ធំ អ៊ីអន ម៉ល មានជ័យ។
លោក Akira Nopakunkajorn នាយកទីផ្សារជាន់ខ្ពស់ របស់ក្រុមហ៊ុន Cambrew LTD បានឱ្យដឹងថា «ភេសជ្ជៈ Pepsi ជាផលិតផលអន្តរជាតិល្បីល្បាញមានទូតសុឆន្ទៈគឺ BABY MONSTER ជាក្រុមចម្រៀង K-pop ដែលកំពុងល្បីខ្លាំងក្នុង យុគ្គរបស់យុវ័យសម័យថ្មី (Gen-Z) ដូច្នេះហើយភេសជ្ជៈ Pepsi បានរៀបចំការប្រគំតន្រ្តីដ៏រំភើបនេះ ក្រៅពីបង្ហាញ ប៉ិបស៊ី រចនាប័ទ្មថ្មីនៅក្នុងទីផ្សារប្រទេសកម្ពុជា យើងក៏ចង់ដើម្បីបង្កើនទំនាក់ទំនងក៏ដូចជាផ្សាភ្ជាប់ អតិថិជនជំនាន់ថ្មីនេះ តាមរយៈការប្រគំតន្រ្តីដែលមានតារាចម្រៀង បរទេសលំដាប់អន្តរជាតិ និងតារាចម្រៀងខ្មែរល្បីៗ ក្នុងចំណោមស្រទាប់យុវវ័យ»។.jpg)
លោកបានបន្តថា «ឈានចូលយុគសម័យថ្មី ជាមួយការផ្លាស់ប្តូរកំប៉ុងថ្មីឱ្យកាន់តែទាន់សម័យ តែរសជាតិនៅតែឆ្ងាញ់ Pepsi Cambodia ដើម្បីផ្សាភ្ជាប់ជាមួយអតិថិជនគោលដៅ មិនត្រឹមតែនៅក្នុងទីក្រុងភ្នំពេញទេ ពោលគឺខាងមុខនេះនឹងមានកម្មវិធី យុទ្ធនាការ ប្លែក ថ្មីៗ ដែលនឹងផ្តល់ជូនដល់អតិថិជនយើងនៅទូទាំងប្រទេសកម្ពុជាតែម្តង»។
ព្រឹត្តិការណ៍ការប្រគំតន្ត្រី PEPSI INTO THE NEW ERA បានធ្វើឱ្យអ្នកចូលរួមស្រែកហ៊ោហើយហ៊ោទៀត ហ៊ោមិនខ្លាចឈឺបំពង់ក ហ៊ោស្របពេលបេះដូងលោតក្នុងចង្វាក់តែមួយ ខណៈដែលបង្ហាញវត្តមានតារាចម្រៀងម្តងមួយៗដ៏គួរឱ្យកន្ត្រាក់អារម្មណ៍ នោះគឺ វត្តមានតារាចម្រៀងស្រស់សង្ហា មិនសូវវចេះវោហារ និងមានប្រជាប្រិយភាពខ្លាំងមកពីប្រទេសថៃ THE TOYS រួមទាំងតារាចម្រៀងរូបសង្ហាសម្បូរហ្វេនៗស្រលាញ់គាំទ្រគឺ លោក នីកូ រួមជាមួយកញ្ញា ជេន បាក់យ៉ុង ណាវីត សម្បត្តិ ផានិត និងពិធីករសម្បូរវោហារសព្ទ ដេវីត និងកញ្ញា កាម៉ុនរ៉ាត់។ 
ចំណែកលោក នីកូ តារាចម្រៀងដ៏ល្បីឈ្មោះប្រចាំប្រទេសកម្ពុជា និងជាទូតសុឆន្ទៈរបស់ ប៉ិបស៊ី កម្ពុជា ថ្លែងថា លោកពិតជារំភើប ក្រោយបានឃើញ ភេសជ្ជៈ ប៉ិបស៊ី បង្ហាញរូបរាងនៃរចនាប័ទ្មម៉ាកសញ្ញាថ្មី ដែលនេះអាចនិយាយបានវាជាការវិវឌ្ឍឱ្យកាន់តែទាន់សម័យ ទំនើប រូបរាងស្អាតហើយជាពិសេសស័ក្តសមជាមួយយុវវ័យនាពេលបច្ចុប្បន្ន ហើយអតិថិជនច្បាស់ជាសប្បាយចិត្តចំពោះការផ្លាស់ប្តូររូបរាងនេះ។ 
ក្នុងនាមតំណាងឱ្យតារាចម្រៀងកម្ពុជាដែលបានចូលរួមសម្តែងក្នុងព្រឹត្តិការណ៍ប្រគំតន្ត្រីលំដាប់ឌីជីថល របស់ ប៉ិបស៊ី លោកពិតជាមានមោទនភាព និងអរគុណដល់អ្នកគាំទ្រដ៏ច្រើនលើសលុបដែលបានចូលរួមទស្សនា និងគាំទ្រដល់សិល្បករ សិល្បការិនី ដែលបានសម្តែងនារាត្រីដ៍អស្ចារ្យរបស់ ប៉ិបស៊ី។
នេះជាកំណត់ត្រាប្រវត្តិសាស្ត្រដ៏ល្អមួយរបស់ ប៉ិបស៊ី ដែលបានបង្កើតនូវសមិទ្ធផលថ្មីប្រចាំឆ្នាំ ដែលនាំយកនូវព្រឹត្តិការណ៍ប្រគំតន្ត្រីលំដាប់ឌីជីថល ធ្វើឱ្យអ្នកចូលរួមទស្សនាផ្ទាល់ និងតាមរយៈការផ្សាយផ្ទាល់លើផេកផ្លូវការ Pepsi Cambodia ទទួលបាននូវបទពិសោធន៍ពោរពេញដោយភាពរំភើបរីករាយ ទឹកមុខញញឹម រីករាយ ជាមួយនឹងការពិសាទឹកក្រូចប៉ិបស៊ី រសជាតិជាប់ចិត្ត សើចហ៊ោសប្បាយៗ គ្រប់វិនាទី តាំងពីពេលបើកឆាកប្រគំតន្ត្រីដ៏រំភើប រហូតដល់បិទឆាកតន្ត្រី។
កាន់តែអស្ចារ្យ កម្មវិធីក៏មានការប្រកួតរាំ Batter Up Dance Cover Contest ដោយបានរកឃើញក្រុមកំពូលទាំង ៣ ក្រុមក្នុងចំណោមក្រុមរាំ ដែលមានទេពកោសល្យជាច្រើនក្រុម ដើម្បីឡើងមកសម្តែងផ្ទាល់ដើម្បីស្វែងរកក្រុម Top 1 រួមទាំងការប្រគល់រង្វាន់ពីអ្នកតំណាងក្រុមហ៊ុន ប៉ិបស៊ី នៅថ្ងៃកម្មវិធីនោះតែម្តង។
ជាមួយគ្នានោះ ក៏ឃើញមានយុវជនចូលរួមបន្លឺឡើងនិយាយក្នុងក្រុមមិត្តភក្តិរបស់ពួកគេថា «សប្បាយមែន ប៉ិបស៊ី មិនដឹងពេលណាមាន Concert អ៊ែមៗចឹងទៀត ដឹងតែកក់ទុកសំបុត្រ VIP តែម្តង»។
សូមបញ្ជាក់ដែរថា ភេសជ្ជៈ Pepsi ជាផលិតផលស្ថិតនៅក្រោមក្រុមហ៊ុន Cambrew LTD ដែលរោងចក្រធំបំផុតនៅក្នុងខេត្តព្រះសីហនុ ដែលមានទីតាំងប្រភពទឹកស្អាត ស័ក្តិសមផលិតភេសជ្ជៈបំផុតជាមួយនឹងបច្ចេកវិទ្យាទំនើបទាន់សម័យ ហើយនេះជាមូលហេតុធ្វើឱ្យ Pepsi រីកចម្រើន និងទទួលបានការចូលចិត្តពិសាយ៉ាងខ្លាំងពីអតិថិជនគ្រប់វ័យ ក្នុងរយៈពេលជាច្រើនឆ្នាំកន្លងមកនេះ៕
បឹង Kivu គឺជាបឹងដ៏ធំសម្បើមមួយក្នុងចំណោមបឹងធំៗទាំងអស់នៅលើពិភពលោកដែលមានទេសភាពស្រស់ស្អាត ប៉ុន្តែបឹងនេះក៏ជាប់ឈ្មោះជាបឹងដែលគ្រោះ.ថ្នាក់បំផុតក្នុងលោកផងដែរ ដោយសារវាពោរពេញទៅដោយកាបូនឌីអុកស៊ីត (CO2) និងមេតាននៅក្នុងទឹកយ៉ាងជ្រៅដែលងាយនឹងផ្ទុះ។ បឹង Kivu ស្ថិតនៅសាធារណរដ្ឋកុងហ្គោនៃទ្វីបអាហ្រ្វិក បច្ចុប្បន្នកំពុងគំរាមកំហែងដល់ជីវិតមនុស្ស ២ លាននាក់ដែលរស់នៅជុំវិញបឹង។ ប្រសិនបើតំបន់នោះមានការរញ្ជួយដី បឹងនឹងផ្ទុះបណ្តាលឱ្យមនុស្សរាប់លាននាក់បាត់.បង់ជីវិត។
ក្រៅពីបឹង Kivu ក៏មានបឹងពីរផ្សេងទៀតនៅក្នុងទ្វីបអាហ្រ្វិកផងដែរ ដែលបឹងទាំងពីរនេះមានសមាសធាតុគីមីគ្រោះ.ថ្នាក់ខ្លាំងធ្លាប់ផ្ទុះក្នុងរយៈពេល ៤០ ឆ្នាំចុងក្រោយនេះ ដែលបានសម្លាប់មនុស្សសរុបជិត ១,៨០០ នាក់និងសត្វរាប់ពាន់ក្បាល ។ បឹង Kivu មានប្រវែង ៩០ គីឡូម៉ែត្រ ទទឹង ៥០ គីឡូម៉ែត្រ និងជម្រៅ ៤៧៥ ម៉ែត្រដែលគ្របដណ្តប់លើផ្ទៃដីសរុបប្រហែល ២,៧០០ គីឡូម៉ែត្រការ៉េ។ បឹងនេះមានរចនាសម្ព័ន្ធស្រទាប់ខុសពីធម្មតា ដោយមានតែកំពូលទឹក ៦០ ម៉ែត្រលាយគ្នាជាប្រចាំ ស្រទាប់ខាងក្រោមនៃទឹកតែងតែនៅទ្រឹង នេះបើយោងតាមការស្រាវរបស់លោក Sergei Katsev សាស្ត្រាចារ្យផ្នែករូបវិទ្យា និងភូមិសាស្ត្រគីមីនៅសាកលវិទ្យាល័យ Minnesota Duluth ។
នៅក្នុងទឹកបឹង Kivu មានផ្ទុកឧស្ម័នកាបូនិក និងមេតានដែលកកកុញនៅបាតជម្រៅជាង ២៦០ ម៉ែត្រ។ នេះធ្វើឱ្យបឹងពោរពេញទៅដោយឧស្ម័នអ៊ីដ្រូសែនស៊ុលហ្វីត ពីជម្រៅជ្រៅក្នុងសំបកផែនដី ជាហេតុធ្វើឱ្យកម្រិតខ្ពស់នៃកាបូនឌីអុកស៊ីត និងមេតាននៅក្នុងទឹកផ្ទុះយ៉ាងលឿននៅតាមតំបន់លំនៅដ្ឋានដែលមានប្រជាជនរស់នៅច្រើនកុះករ។ យោងតាមលោក Philip Morkel វិស្វករ និងជាស្ថាបនិកក្រុមហ៊ុន Hydragas Energy ដែលជាក្រុមហ៊ុនកាណាដា បាននិយាយថា នៅពេលផ្ទុះបឹងនឹងអាចបញ្ចេញឧស្ម័នផ្ទះកញ្ចក់ប្រចាំឆ្នាំចំនួន ៥% នៃពិភពលោកក្នុងរយៈពេលតែមួយថ្ងៃប៉ុណ្ណោះ។ 
ដូច្នេះអត្រាមរណភាពពីការផ្ទុះបែបនេះនឹងធំសម្បើមដែលបណ្តាលឱ្យប្រជាជនប្រហែល ២ លាននាក់រស់នៅលើច្រាំងនៃបឹង Kivu ស្លាប់ក្នុងរយៈពេលមួយនាទី។ ហេតុនេះការប៉ាន់ប្រមាណហានិភ័យនៃការផ្ទុះគឺមានកត្តាជាច្រើនដែលមិនអាចទាយទុកជាមុនបាន ជាហេតុធ្វើឱ្យបឹង Kivu ត្រូវបានគេដាក់ឈ្មោះថាជាបឹងដ៏គ្រោះ.ថ្នាក់បំផុតក្នុងលោក។ ទោះជាយ៉ាងណាសព្វថ្ងៃនេះអ្នកវិទ្យាសាស្ត្រកំពុងចាប់ផ្តើមជីកយករ៉ែមេតាន ដោយមានគោលបំណងកាត់បន្ថយហានិភ័យនៃការផ្ទុះ ខណៈពេលដែលវាក៏អាចផ្តល់ថាមពលដល់បណ្តាញអគ្គិសនីរបស់ប្រទេសផងដែរ៕
ប្រទេសឥណ្ឌា ៖ ប្រទេសឥណ្ឌាបានដំាំអំពៅយ៉ាងច្រើនសម្រាប់ផលិតស្ករនាំចេញទៅក្រៅប្រទេស និងទទួលបានចំណូលជួយទ្រទ្រង់សេដ្ឋកិច្ចជាតិ ប៉ុន្តែឥណ្ឌាគ្មានវិធីកម្ចា.ត់ កាកអំពៅយ៉ាងច្រើនមហាសាលឡើយ ក្រោយពីការផលិតស្កររួច ។ ថ្ងៃនេះ សារព័ត៌មាន KBN សូមបង្ហាញលោកអ្នកអំពីអាជីវកម្មរបស់ជនជាតិឥណ្ឌាម្នាក់ដែលមានគំនិតថ្មី គឺយកកាកអំពៅមកផលិតជាចានប្រើប្រាស់ជំនួសចានផ្លាស្ទិក ។
កាកអំពៅគរដូចភ្នំទាំងនេះ គឺបានប្រមូលពីកន្លែងរោងចក្រចម្រាញ់យកទឹកអំពៅ ឬយកស្ករចេញពីអំពៅ ។ ក្នុង១ឆ្នាំៗ ប្រទេសឥណ្ឌាបានដំាំអំពៅច្រើនបំផុត ស្ថិតក្នុងលំដាប់ទី២ លើពិភពលោក និងអាចផលិតស្ករនាំចេញទៅក្រៅប្រទេសស្មើជាង១០លានតោនក្នុង១ឆ្នាំ ។ កាលពីឆ្នាំ២០២០ ឥណ្ឌាបានផលិតស្ករលក់រហូតដល់២៥លានតោនឯណោះ ។
ហេតុនេះ វាធ្វើឱ្យមានកាកសំណល់អំពៅរាប់លានតោននៅប្រទេសឥណ្ឌា ក្រោយពីការបញ្ជូនអំពៅទៅក្នុងរោងចក្រផលិតស្ករ ។ តាមធម្មតា កាកសំណល់អំពៅកើតឡើងពីការផលិតស្ករ ត្រូវបានគេយកទៅដុតដើម្បីធ្វើជាថាមពលអគ្គិសនី ប៉ុន្តែលោក វេកព្រីសាណាក់ នាយកក្រុមហ៊ុនមួយនៅឥណ្ឌា មានគំនិតថ្មីលើសពីនេះ គឺលោកបានយកកាកអំពៅយ៉ាងច្រើនមកប្រើប្រាស់ឡើងវិញឱ្យក្លាយជាប្រយោជន៍ខ្ពស់បំផុត ។
វាជាការបន្តអាជីវកម្មពីឪពុក-ម្តាយរបស់លោក ដែលធ្លាប់យកកាកអំពៅមកកែច្នៃធ្វើជាក្រដាស ។ លោកបានប្រមូលកាកអំពៅទាំងនេះមកផលិតជាសម្ភារៈប្រើប្រាស់ផ្សេងៗ ដូចជា ៖ ចានបាយ និងចានសម្ល ហើយលោកនៅតែបន្តអាជីវកម្មរបស់ក្រុមគ្រួសារលោក ដោយផ្តោតចម្បងលើការការពារបរិស្ថាន ។
លោក វេកព្រីសាណាក់ បានចំណាយពេលសាកល្បងអស់ជាច្រើនឆ្នាំ ដើម្បីយកកាកអំពៅមកផលិតជាចានបាយ, ចានសម្ល និងថាសដាក់អាហារ ក្នុងគោលបំណងប្រើប្រាស់សម្ភារៈទាំងនេះឱ្យមានប្រយោជន៍ដូចផ្លាស្ទិក ។ ក្រៅពីនេះ ដំណើរផលិតសម្ភារៈប្រើប្រាស់ទាំងអស់ គឺពុំប៉ះពាល់បរិស្ថានឡើយ ដោយសារពុំប្រើប្រាស់សារធាតុគីមី ។
លោកនិយាយថា ការប្រើប្រាស់សម្ភារៈពីកាកអំពៅ គឺជាជម្រើសថ្មីសម្រាប់អតិថិជន និងភោជនីយដ្ឋានដែលមានគំនិតស្រឡាញ់បរិស្ថានដូចរូបលោក គឺកាត់បន្ថយ និងឈប់ប្រើប្រាស់ផលិតផលផ្លាស្ទិក ពីព្រោះសំរាមបានក្លាយជាបញ្ហាយ៉ាងធំរបស់ឥណ្ឌា ។ តម្លៃថាសដាក់ម្ហូបអាហារផលិតពីកាកអំពៅ គឺស្មើនឹង១០រូពី និងថ្លៃជាងចានផ្លាស្ទិក ចំនួន២រូពី ប៉ុន្តែអតិថិជនពេញនិយមប្រើប្រាស់សម្ភារៈពុំប៉ះពាល់បរិស្ថានទាំងនេះ ។
ចាប់តាំងពីក្រុមហ៊ុននេះលក់សម្ភារៈផលិតពីកាកអំពៅមកឃើញថា មានភោជនីយដ្ឋានទូទាំងប្រទេសឥណ្ឌា រហូតដល់ជាង៣ពាន់កន្លែង កុម្ម៉ង់ទិញសម្ភារៈទាំងនេះ ។ ប៉ុន្តែចំនួនការកុម្ម៉ង់ទិញបានធ្លាក់ចុះក្នុងអំឡុងពេលជំងឺកូវីដ-១៩ ឆ្លងរាតត្បាត កន្លងមក ។ ទោះយ៉ាងណា វាពុំបានធ្វើឱ្យលោក វេកព្រីសាណាក់ បោះបង់ការព្យាយាមឡើយ ផ្ទុយទៅវិញ លោកនៅតែបន្តអាជីវកម្មនេះ និងលក់សម្ភារៈតាមអនឡាញ ៕
ប្រទេសថៃ ៖ កាលពីថ្ងៃទី២៥ ខែកក្កដា ឆ្នាំ២០២៤ សារព័ត៌មានថៃរាយការណ៍ថា ពលរដ្ឋថៃភ្ញាក់ផ្អើលយ៉ាងខ្លាំងក្រោយពេលឃើញព្រះពុទ្ធបដិមា១អង្គ ដែលបាត់អស់រយៈពេល៤ឆ្នាំហើយ បានអណ្តែតឈរនៅកណ្តាលទំនប់ទឹកក្នុងថ្ងៃចូលវស្សា ។ ព្រះចៅអធិការវត្តមានសង្ឃដីកាថា ៖ «ពិតជាគួរឱ្យចម្លែកខ្លាំងណាស់ ដែលព្រះពុទ្ធបដិមាអណ្តែតឈរបែបនេះ ពីព្រោះនៅកណ្តាលទំនប់ទឹកមានខ្យល់បក់ខ្លាំង និងទឹកជ្រៅផងដែរ» ។.jpg)
ព្រះសង្ឃថៃ១អង្គ ដែលមានព្រះនាមក្នុងហ្វេសប៊ុកថា Wut Sut បានសរសេរថា ៖ «ពិតជាអស្ចារ្យខ្លាំងណាស់ ព្រះពុទ្ធបដិមាបានអណ្តែតឈរនៅកណ្តាលទំនប់ទឹកក្នុងថ្ងៃចូលវស្សា ។ អ្នកស្រុកបានឃើញពេលជិះទូកទៅរកត្រី ហើយក៏មកជម្រាបព្រះសង្ឃឱ្យទៅមើលព្រះពុទ្ធបដិមា និងយកមកតម្កល់នៅវត្ត» ។
អ្នកប្រើប្រាស់ហ្វេសប៊ុកម្នាក់ទៀតបានរៀបរាប់រឿងរ៉ាវពុំគួរឱ្យជឿថា ពេលអ្នកស្រុកជិះទូកទៅរកត្រី ស្រាប់តែឃើញព្រះពុទ្ធបដិមាអណ្តែតឈរនៅកណ្តាលទំនប់ទឹកក្នុងថ្ងៃចូលវស្សា គឺថ្ងៃទី២១ ខែកក្កដា ។ ទំនប់ទឹកនេះស្ថិតនៅឃុំប្លាឡូ ស្រុកវ៉ារ៉េឆាភូមិ ខេត្តសាគុនណាខន ហើយធ្វើឱ្យអ្នកស្រុកឆ្ងល់ថា ព្រះពុទ្ធបដិមាអង្គនេះធ្វើពីលោហៈមានទម្ងន់ធ្ងន់ណាស់ ហេតុអ្វីពុំលិចក្នុងទឹក? ប៉ុន្តែបែរជាឈរត្រង់ដូចនៅលើដីរាបស្មើ ។.jpg)
ហេតុនេះ ព្រះសង្ឃ និងអ្នកស្រុកក៏បានធ្វើពិធីអញ្ជើញព្រះពុទ្ធបដិសេធនេះទៅគង់នៅវត្តដយថេបនិមិត្ត ស្ថិតនៅស្រុកនិឃមណាមអ៊ូន ខេត្តសាគុនណាខន ។ ព្រះចៅអធិការវត្តដយថេបនិមិត្ត មានសង្ឃដីកាថា កាលពី២០ឆ្នាំមុន អតីតអភិបាលក្រុងផាំងខូន បានប្រគេនព្រះពុទ្ធបដិមានេះដល់វត្តដយថេបនិមិត្ត ។ ក្រោយមក ព្រះសង្ឃក្នុងវត្តនេះ១អង្គបានផ្លាស់ទៅចាំវស្សានៅវត្តភូក្រាក់ទែ នៅឃុំណាណៃ ស្រុកផាន់ណានិឃម ហើយក៏សុំអនុញ្ញាតចៅអធិការវត្តយកព្រះពុទ្ធបដិមានេះទៅតម្កល់នៅវត្តនោះដែរ ។
ប៉ុន្តែ៤ឆ្នាំមុន ក៏ឮដំណឹងថា ព្រះពុទ្ធបដិមានេះបាត់ពីវត្ត និងពុំដឹងថា បាត់ដោយរបៀបណាទេ ។ រហូតដល់ថ្ងៃចូលវស្សា ឆ្នាំ២០២៤ ស្រាប់តែអ្នកស្រុកឃើញព្រះពុទ្ធបដិមាអណ្តែតនៅកណ្តាលទំនប់ទឹកទៅវិញ ។ ព្រះចៅអធិការវត្តមានសង្ឃដីកាថា ៖ «ទឹកក្នុងទំនប់នេះជ្រៅណាស់ គឺមានជម្រៅចាប់ពី២០ម៉ែត្រ ទៅ៣០ម៉ែត្រ ។ គ្មានអ្នកណាដឹងថា ហេតុអ្វីទើបព្រះពុទ្ធបដិមាអណ្តែតឈរបែបនេះ ឬព្រះអង្គចង់មកគង់នៅវត្តចាស់វិញ» ៕
កាលពីថ្ងៃទី ២៨ ខែកក្កដានេះ គ្រោះរញ្ជួយដីនៅឯប្រទេសវៀតណាមបានរីករាលដាលដល់ខេត្តរតនគិរី ដែលបានបង្កឲ្យមានការភ្ញាក់ផ្អើលជាខ្លាំងដល់ប្រជាពលរដ្ឋខ្មែរ ព្រោះថាកម្ពុជាអាចនិយាយបានថាមិនដែលកត់ត្រាអំពីគ្រោះរញ្ជួយដី នៅក្នុងប្រវត្តិសាស្រ្តនោះទេ។ ប៉ុន្តែយ៉ាងណាមិញ អ្វីដែលគួរឲ្យកត់សម្គាល់នោះ បឹងយក្សឡោមក្នុងខេត្តរតនគីរី គឺជាស្នាកស្នាមនៃបំផ្ទុះភ្នំភ្លើងដ៏ធំមួយ កាលពីរាប់សែនឆ្នាំមុន។
គ្រោះរញ្ជួយដីកម្រិត ៥,១ រ៉ិចទ័រ បានវាយប្រហារនៅក្នុងខេត្ដ Kon Tum ក្នុងប្រទេសវៀតណាម កាលពីថ្ងៃទី២៨ ខែកក្កដា ហើយវាក៏បានរីករាលរាលដាលដល់ខេត្តប្រទេសផ្សេងៗដូចជា ខេត្ត Ubon Ratchathani និង Sakon Nakhon នៃប្រទេសថៃនិង ខេត្តរតនគិរី នៃប្រទេសកម្ពុជា។ នៅឯរតនគិរី ប្រជាពលរដ្ឋបានរាយការណ៍ថា ហេតុការណ៍នេះបានបណ្តាលឲ្យរង្គើដី និងញ័រផ្ទះ តែមួយភ្លែតប៉ុណ្ណោះនៅស្រុកអូរយ៉ាដាវ បរកែវ អណ្ដូងមាស ក្រុងបានលុង។ ប៉ុន្ដែវាមិនបានធ្វើឱ្យខូចខាតទ្រព្យសម្បត្ដិ ឬរបួសស្នាមអ្វីឡើយ»។
ការរញ្ជួយដី គឺជារំញ័រដែលធ្វើចលនាដោយសិលានៅខាងក្រោមនៃផ្ទៃផែនដី។ មូលហេតុដែលបណ្ដាលឲ្យមានរញ្ជួយដី គឺដោយសារតែការបញ្ចេញនូវថាមពលដែលធ្វើឲ្យកើតមានរំញ័រដែលស្ថិតនៅផ្ទៃខាងក្រោម។ នៅពេលដែលផ្លាកពីរមានចលនារអិលជ្រួសគ្នា ពួកវានឹងមានស្អិតជាប់គ្នាបន្ដិចម្ដងៗ ខណៈដំណើរការនេះនៅតែបន្ដកើតមានរហូត នៅពេលផ្លាកកាន់តែស្អិតជាប់គ្នាកាន់ច្រើនទៅ វានឹងកើតមាននូវសម្ពាធ ដែលធ្វើឲ្យមានលំញ័រកើតឡើង។ ទោះជាយ៉ាងណា កម្ពុជាគឺជាប្រទេសស្ថិតនៅតំបន់មួយដែលរឹងមាំក្នុងដែនអាស៊ី និងមិនងាយរងគ្រោះដោយគ្រោះរញ្ជួយដីនោះទេ ដែលផ្ទុយពីហ្វីលីពីននិងឥណ្ឌូណេស៊ី។
នេះគឺជាលើកទី១ ហើយនៅកម្ពុជា ដែលកើតមានរញ្ជួយដី ខណៈកាលពីពេលកន្លងទៅនេះ ក៏ធ្លាប់មានតែការកត់ត្រាអំពីបំផ្ទុះភ្នំភ្លើងដែលបានបង្កើតបឹងយក្សឡោមកាលពីប្រមាណ ៧០ម៉ឺនឆ្នាំមុន។ បឹងនោះមានអង្កត់ផ្ចិតប្រហែល ៨០០ ម៉ែត្រ និងជម្រៅរហូតដល់ ៤៨ ម៉ែត្រ៕
បរទេស៖ បន្ទាប់ពីកូរ៉េខាងត្បូងបានហាមឃាត់ការលក់សាច់ឆ្កែនៅលើទីផ្សារ ម្ចាស់ភោជនីយដ្ឋានជាច្រើនក្នុងប្រទេសនេះក៏ងាកមកលក់សាច់ពពែវិញ ដែលធ្វើឱ្យសាច់ពពែមានការពេញនិយមខ្លាំងនៅក្នុងទីផ្សាររបស់ប្រទេសកូរ៉េខាងត្បូង។
យោងទៅតាមទំនៀមទម្លាប់ដែលមានអាយុកាលរាប់សតវត្សមកហើយ ជនជាតិកូរ៉េនឹងចេញទៅញ៉ាំស៊ុបពពែ ឬស៊ុបសាច់ឆ្កែ ដែលជាអាហារមានជីវជាតិ ដើម្បីចិញ្ចឹមរាងកាយក្នុងអំឡុងខែកក្កដា និងខែសីហា។ ទោះជាយ៉ាងកាលពីមុនសាច់ពពែមិនសូវមានអ្នកចាប់អារម្មណ៍នោះទេ ដោយភាគច្រើនជនជាតិកូរ៉េនិយមទទួលទានសាច់ឆ្កែជាជាងសាច់ពពែ។
ប៉ុន្តែបន្ទាប់ពីរដ្ឋាភិបាលប្រកាសហាមឃាត់ការបរិភោគសាច់ឆ្កែ ជនជាតកូរ៉េក៏ប្តូរទៅបរិភោគសាច់ពពែវិញ ដែលធ្វើឱ្យភោជនីយដ្ឋានលក់សាច់ពពែកើនឡើងយ៉ាងខ្លាំង។ នេះបើយោងតាមម្ចាស់ភោជនីយដ្ឋានជាច្រើនបាននិយាយថា សាច់ពពែខ្មៅមានវាយនភាពស្រដៀងនឹងសាច់ឆ្កែ ដូច្នេះវាមានជីវជាតិដែលអាចជំនួសសាច់ឆ្កែបាន។ បច្ចុប្បន្នបរិមាណសាច់ពពែខ្មៅនៅក្នុងទីផ្សារកូរ៉េគឺបានចាប់ផ្តើមកើនឡើងយ៉ាងខ្លាំងក្នុងអំឡុងរដូវក្តៅនេះ ដែលធ្វើឱ្យម្ចាស់ភោជនីយដ្ឋានមានការចំណេញច្រើនពីការលក់សាច់ពពែខ្មៅ។
បើយោងតាមអ្នកស្រី Kim Young-buk ម្ចាស់ភោជនីយដ្ឋានពពែខ្មៅបាននិយាយថា សាច់ពពែខ្មៅនៅកូរ៉េមានតម្លៃប្រហែល ២១ ដុល្លារក្នុងមួយគីឡូក្រាម ខណៈសាច់ឆ្កែកាលពីមុនមានតម្លៃខ្ពស់បំផុតត្រឹម ១៨ ដុល្លារក្នុងមួយគីឡូក្រាម។ យោងតាមការស្ទង់មតិ ស៊ុបសាច់ឆ្កែនៅឆ្នាំនេះមានតម្លៃប្រហែល ១១ ដុល្លារប៉ុណ្ណោះ ខណៈដែលស៊ុបសាច់ពពែខ្មៅលក់ក្នុងតម្លៃ ១៤ ដុល្លារ។ ហេតុនេះបច្ចុប្បន្នប្រទេសកូរ៉េខាងត្បូងបានបង្កើនការចិញ្ចឹមពពែ និងការនាំចូលសាច់ពពែ។ ចំនួនពពែក្នុងស្រុកដែលបានចិញ្ចឹមនៅឆ្នាំ ២០២២ បានកើនឡើងដល់ ៤៣០,០០០ ក្បាល ហើយការនាំចូលសាច់ពពែក៏បានកើនឡើង ៤ ដងដែរ ដល់ជិត ៦,០០០ តោននៅឆ្នាំ ២០២៣ បើធៀបនឹង ១,២៥០ តោនក្នុងឆ្នាំ ២០១៩។
លោក Yoon Cheol-kyun អាយុ ៦៤ ធ្លាប់ជាម្ចាស់ហាងលក់សាច់ឆ្កែ បាននិយាយថាលោកគិតហើយត្រូវដែលប្តូរពីការលក់សាច់ឆ្កែនៅផ្សារ Moran ទៅជាសាច់ពពែខ្មៅវិញ។ លោកបាននិយាយមនុស្សជាច្រើននៅក្នុងអាជីវកម្មសាច់ឆ្កែកំពុងប្រឈមនឹងការលំបាក ប៉ុន្តែយើងត្រូវតែផ្លាស់ប្តូរតាមពេលវេលា។ កាលពីមុនលោក Yoon ធ្លាប់លក់សាច់ឆ្កែដើម្បីចិញ្ចឹមជីវិត ប៉ុន្តែមិនមែនមានន័យថាលោកញ៉ាំសាច់សត្វឆ្កែនោះទេ។ ដោយមើលឃើញពីការធ្លាក់ចុះនៃលទ្ធផលអាជីវកម្ម ម្ចាស់ភោជនីយដ្ឋានលក់សាច់ឆ្កែជាច្រើនផ្សេងទៀតក៏គ្រោងនឹងប្តូរទៅលក់ស៊ុបសាច់ពពែខ្មៅវិញក្នុងរយៈពេលពីរឆ្នាំខាងមុខ៕
ដាប ឈួន ឬក៏គេស្គាល់ថា ឈួន ម្ចុលពេជ្រ មានកេរ្តិ៍ឈ្មោះល្បីខ្លាំងនៅក្នុងសម័យសង្គមរាស្រ្តនិយមជាស្តេចត្រាញ់ល្បីឈ្មោះនៅខេត្តសៀមរាប។
នៅដើម១៩៤០ លោក ដាប ឈួន បានចូលរួមបង្កើតចលនាតស៊ូប្រឆាំងជាមួយបារាំង ហៅថាខ្មែរឥស្សរៈ នៅតាមតំបន់ភាគខាងជើងនៃព្រំដែនខ្មែរ-សៀម ក្រោមការជួយគាំទ្រពីសំណាក់សៀម។ លុះដល់ឆ្នាំ១៩៤៩ លោក ដាប ឈួន បានសុំចុះចូលជាមួយសម្តេចព្រះ នរោត្តម សីហនុ វិញ។
សម្តេចព្រះ នរោត្តម សីហនុ បានតែងតាំងលោក ដាប ឈួន ឱ្យធ្វើជានាយទាហាន មានឋានន្តរស័ក្តិជាវរៈសេនីយ៍ត្រី ហើយគ្រប់គ្រងទ័ពពិសេសនៅតំបន់សៀមរាប។ មិនយូរប៉ុន្មានលោក ដាប ឈួន ក៏ត្រូវបានសម្តេចព្រះ នរោត្តម សីហនុ តម្លើងឋានន្តរសក្តិជាបន្តបន្ទាប់ រហូតដល់ជាទេសរដ្ឋមន្រ្តី, ជារដ្ឋមន្រ្តីក្រសួងសន្តិសុខជាតិ និងធម្មការ និងជាប្រតិភូររាជរដ្ឋាភិបាលទទួលបន្ទុកគ្រប់គ្រងតំបន់សៀមរាប និងកំពង់ធំ។
ក្រោយមានអំណាចកាន់តែខ្លាំង លោក ដាប ឈួន បានបែកឆ្វេងដោយប្រើអំណាចកៀបសង្កត់ពលរដ្ឋ ដោយ ចាប់រំលោភកូនក្រមុំគេ និងយកកូនក្រមុំគេធ្វើជាប្រពន្ធ ជាពិសេសនៅដើមឆ្នាំ១៩៥៩ លោក ត្រូវបានជាប់សង្ស័យទៅនឹងការរៀបចំផែនការធ្វើរដ្ឋប្រហារយោធាមួយនៅខេត្តសៀមរាប ដើម្បីផ្តួលរំលំ សម្តេចព្រះ នរោត្តម សីហនុ។
ក្រោយបែកធ្លាយដំណឹងនេះ កងយោធពលខេមរភូមិន្ទ ក្រោមបញ្ជាការលោកឧត្តមសេនីយ លន់ នល់ បានសម្រុកចូលផ្ទះ លោក ដាប ឈួន ដើម្បីយកមកកាត់ទោស តែដោយដឹងខ្លួនមុន លោកក៏បានរត់គេចខ្លួនចូលទៅក្នុងព្រៃ។
តែយ៉ាងណាមិញ លោក ដាប ឈួន ក៏ត្រូវបានកងយោធពលខេមរភូមិន្ទ បាញ់ស្លាប់បាត់បង់ជីវិតនៅភូមិមួយ ពីទីរួមខេត្តសៀមរាប៕
