ប្រមុខ WHO រិះគ.ន់អាមេរិកថា ចង់ដកខ្លួនចេញពីអង្គការទាំងនៅជំពាក់លុយយ៉ាងច្រើនមិនទាន់សង

ប្រធានអង្គការសុខភាពពិភពលោក (WHO) លោក Tedros Adhanom Ghebreyesus បានរិះគ.ន់ចំៗទៅកាន់សហរដ្ឋអាមេររិកថា ទីក្រុងវ៉ាស៊ីនតោនកំពុងឈានទៅរកការចាកចេញពីមាជិកភាព ខណៈដែលប្រទេមហាអំណាចដ៏ធំមួយនេះ នៅតែជំពាក់វិភាគទានហិរញ្ញវត្ថុរបស់ស្ថាប័នមួយនេះប្រមាណ 278 លានដុល្លារមិនទាន់ទូទាត់នៅឡើយ។ នេះបើយោងតាមការចុះផ្សាយរបស់សារព័ត៌មាន France24។

ថ្លែងលើបញ្ហានេះ លោក Tedros បានកត់សម្គាល់ថា រដ្ឋជាសមាជិកត្រូវបានគេរំពឹងថានឹងបំពេញវិភាគទានដែលបានវាយតម្លៃរបស់ពួកគេ និងការប្តេជ្ញាចិត្តផ្នែកហិរញ្ញវត្ថុផ្សេងទៀត ដោយមិនគិតពីការសម្រេចចិត្តនយោបាយអំពីការចូលរួមនោះទេ។ ការអត្ថាធិប្បាយទាំងនេះកើតឡើងចំពេលមានភាពតានតឹងឡើងវិញលើទំនាក់ទំនងរបស់សហរដ្ឋអាមេរិកជាមួយអង្គការសុខភាពពិភពលោក និងការជជែកវែកញែកកាន់តែទូលំទូលាយអំពីអភិបាលកិច្ចសុខភាពពិភពលោក។

វិភាគទានដែលមិនបានបង់ប្រាក់អាចប៉ះពាល់ដល់មូលនិធិសម្រាប់កម្មវិធីសំខាន់ៗរបស់អង្គការសុខភាពពិភពលោក រួមទាំងការឃ្លាំមើលជំងឺ ការឆ្លើយតបក្នុងគ្រាអាសន្ន យុទ្ធនាការចាក់វ៉ាក់សាំង និងការគាំទ្រសម្រាប់ប្រទេសដែលមានចំណូលទាប។ ទីភ្នាក់ងារនេះពឹងផ្អែកយ៉ាងខ្លាំងទៅលើមូលនិធិរបស់សមាជិកដើម្បីដំណើរការគំនិតផ្តួចផ្តើមសុខភាពទូទាំងពិភពលោក។

គួរជម្រាបថា បើយោងតាមធម្មនុញ្ញរបស់ WHO គឺមិនមានចែងច្បាស់លាស់អំពីការដកខ្លួនរបស់សមាជិកទេ។ ស្ថានភាពនេះបង្ហាញពីភាពមិនប្រាកដប្រជាកាន់តែខ្លាំងឡើងជុំវិញកិច្ចសហប្រតិបត្តិការអន្តរជាតិក្នុងសុខភាពសាធារណៈ ជាពិសេសបន្ទាប់ពីមេរៀននៃវិបត្តិសុខភាពពិភពលោកថ្មីៗនេះ។ អ្នកវិភាគព្រមានថា គម្លាតថវិកា ឬកិច្ចសហការដែលថយចុះអាចធ្វើឱ្យចុះខ្សោយការត្រៀមខ្លួនសម្រាប់ជំងឺរាតត្បាតនាពេលអនាគត និងគ្រាអាសន្នសុខភាព។

គួររំលឹកថា នៅថ្ងៃដំបូងនៃការត្រឡប់មកកាន់អំណាចនៅសេតវិមានវិញ កាលពីខែមករា ឆ្នាំ២០២៥ លោក ដូណាល់ ត្រាំ បានបញ្ជូនការជូនដំណឹងមុនរយៈពេល១ឆ្នាំ ទៅកាន់ WHO អំពីការដកសមាជិកភាពរបស់សហរដ្ឋអាមេរិក។ ការជូនដំណឹងនោះ ឥឡូវបានផុតសុពលភាពហើយ ប៉ុន្តែទីក្រុងវ៉ាស៉ីនតោន មិនទាន់បង់ប្រាក់ដែលខ្លួននៅជំពាក់សម្រាប់ឆ្នាំ២០២៤ ឬឆ្នាំ២០២៥នោះទេ ដោយនៅជំពាក់ថវិកាសរុបប្រហែល២៦០លានដុល្លារ។ តាំងពីដើមមក សហរដ្ឋអាមេរិក គឺជាម្ចាស់ជំនួយធំជាងគេបង្អស់របស់ WHO។ មហាសន្និបាត WHO នឹងសម្រេចចិត្តលើការដកខ្លួនរបស់សហរដ្ឋអាមេរិក នៅពេលសន្និបាតប្រព្រឹត្តទៅ នាថ្ងៃទី១៨-២៣ ខែឧសភា៕