តារាចម្រៀង លីម តិចម៉េង និង នាង ដាវីន បានបង្ហាញការខកចិត្តដំណាលគ្នាទំនងជាមនុស្សក្បែរខ្លួនដែលអ្នកទាំងពីរខំគោរពខ្លាំងណាស់ដូចមនុស្សក្នុងផ្ទះតែមួយ ប៉ុន្តែចុងក្រោយបានត្រឹមតែខកចិត្ត ក្លាយជាក្មេងឈ្លើយ អសីលធម៌។ មិនត្រឹមតែអ្នកទាំងពីរប៉ុណ្ណោះទេសូម្បីតែ ថុល សុភិទិ ក៏បានព្រលយប្រយោគមួយដូចគ្នាជាហេតុធ្វើឱ្យអ្នកគាំទ្រមួយចំនួនបង្ហាញការងឿងឆ្ងល់មិនដឹងថាអ្នកទាំង៣ខកចិត្តទៅលើនរណានោះទេ។

នៅយប់ថ្ងៃទី៨ សីហា លីម តិចម៉េង ម្ចាស់ពាន Cambodian Idol រដូវកាលទី៤ បានបង្ហោះសំណេរមួយថា «គោរព ឱ្យតម្លៃ ដូចមនុស្សក្នុងផ្ទះតែមួយចុងក្រោយចប់អត់មានសញ្ញាខណ្ឌ ប្រហែលជាឈ្មោះខ្លះវាគ្មានក្នុងវចនានុក្រមខ្ញុំទៀតទេ សូមទោសអត់ចេះបកស្រាយអីទេ ចេះតែយាយត្រង់ៗ »។

សំណេររបស់ តិចម៉េង តារាចម្រៀង នាង ដាវីន បានចូលទៅបញ្ចេញមតិថា «គោរពចង់ងាប់ចុងក្រោយ ឯងត្រឹមក្មេងឈ្លើយ អសីលធម៌ ឆ្អែត»។ តិចម៉េង បានឆ្លើយតបវិញថា «មិនអីទេសម្លាញ់នៅមានរឿងច្រើនទៀតដែលត្រូវជួប រឿងខ្លះបើយើងយល់ថាទទួលយកមិនបាន បោះវាចោលហើយបន្តទៅមុខទៀត ភាពពិតប្រាកដ ចិត្តរបស់យើងគឺយើងខ្លួនឯងទើបដឹងច្បាស់»។

ងាកទៅកាន់បណ្តាញសង្គមរបស់ នាង ដាវីន ក៏បានបង្ហោះសារដែរថា « បែបណាក៏បាន គិតថាល្អក៏ល្អ គិតថាអាក្រក់ក៏អាក្រក់ទៅ ៕ ចប់», និងប្រយោគមួយទៀតថា « គោរពណាស់ ខកចិត្តណាស់ លែងខ្វល់ហើយ»។

មិនត្រឹមតែ លីម តិចម៉េង និង នាង ដាវីន បានបង្ហាញការខកចិត្តរបស់ខ្លួន មានតែការគោរពអស់ពីចិត្តចុងក្រោយបែរជាចប់គ្មានសញ្ញាខណ្ឌនេះគេក៏បានឃើញ ថុល សុភិទិ ក៏ព្រលយសារមួយដែរថា «ទទួលស្គាល់ការពិតទៅ កុំឆេះឆួល និយាយតែឯងច្រើនពេក»។

ការបង្ហោះសារក្នុងយប់តែមួយពី ភិទិ តិចម៉េង និង ដាវីន បានធ្វើឱ្យអ្នកគាំទ្របង្ហាញការងឿងឆ្ងល់យ៉ាងខ្លាំងអ្នកខ្លះក៏បង្ហាញពីការព្រួយបារម្ភខ្លាច TOP4 មានបញ្ហានឹងគ្នាប៉ុន្តែ នាង ដាវីន ក៏បានចូលទៅខម្មិនលើការផុសរបស់ ភិទិ ទើបធ្វើឱ្យអ្នកគាំទ្រគិតថាអ្នកទាំងបីពុំមានបញ្ហាល្អក់កករនោះទេ តែអាចមានការខកចិត្តអ្នកផ្សេងទៅវិញនោះទេ។ ងាកទៅកាន់ បណ្តាញសង្គម ស៊ឹម ច័ន្ទពន្លឺ វិញមិនបានបញ្ចេញសារអ្វីនោះទេ៕

ជឿជាក់ថាអ្នកតាមដានវិស័យសិល្បៈជ្រាបមកហើយថា វណ្ណដា ជាកូនប្រុសម្នាក់ទោះបីជាមមាញឹកការងារសិល្បៈយ៉ាងណាតែងតែឆ្លៀតមានដំណើរកម្សាន្តជាមួយគ្រួសារ និងពេលខ្លះចេញទៅកម្សាន្តនៅក្រៅប្រទេសទៀត។ បើក្រលេកទៅកាន់អ្នកមានគុណរបស់ វណ្ណដា ក៏ដូចគ្នាតែងតែលើកទឹកចិត្ត និងមកផ្តល់កម្លាំងចិត្តដោយផ្ទាល់ពេលកូនប្រុសរបស់ខ្លួនមានការសម្តែង។ សកម្មភាពនេះបានធ្វើឱ្យអ្នកគាំទ្រមើលហើយសរសើរថាជាគ្រួសារមួយដែលមានភាពកក់ក្តៅ មានក្តីសុខ និងបានលើកឡើងថា ភាពជោគជ័យរបស់ វណ្ណដា គឺមានចំណែកឪពុកម្តាយនៅពីក្រោយ។

វីដេអូមួយដែលបានចែករំលែកនៅលើបណ្តាញសង្គមកំពុងទទួលបានការចាប់អារម្មណ៍ពីសំណាកមហាជនបន្ទាប់ពីឃើញឪពុកម្តាយរបស់ វណ្ណដា អង្គុយមើលការសម្តែងរបស់កូនដោយផ្ទាល់ក្នុងពេលដែលតារាចម្រៀងរូបនេះមានកម្មវិធីកាលពីយប់ថ្ងៃទី៨ ខែសីហា។ តាមរយៈវីដេអូនោះមិនត្រឹមតែអ្នកមានគុណទាំងទ្វេរបស់ វណ្ណដា ប៉ុណ្ណោះទេដែលមកចូលរួមក្នុងនោះ ឡូរីន សង្សារលោកក៏បានមកចូលរួមដូចគ្នា។ នេះមិនមែនជាលើកទី១ នោះទេដែលឪពុកម្តាយលោកបានមកលើកទឹកចិត្តកូនដោយផ្ទាល់បើទោះបីជាពួកគាត់រស់នៅខេត្តព្រះសីហនុក៏ដោយ។ ជារឿយៗអ្នកមានគុណ វណ្ណដា គឺបានមកចូលរួមទស្សនាការសម្តែងរបស់កូនប្រុស។

សកម្មភាពដ៏កក់ក្តៅមួយនេះពិតជាធ្វើឱ្យអ្នកគាំទ្ររំភើបចិត្តជំនួស និងបានបញ្ចេញមតិយោបល់ថា «អ្វីដែលម្តាយឪពុកចង់ឃើញគឺបែបនេះ ហើយកូនក៏ចង់ឃើញបែបនេះដែរ នៅក្រោយភាពជោគជ័យរបស់គាត់គឺមានពុកម្ដាយគាត់នៅពីក្រោយ, ម៉ាក់ ប៉ា កំពុងអង្គុយមើលគ្រាប់ពេជ្ររបស់លោក ,មើលវីដេអូនេះហើយ មានក្តីសុខណាស់»។

សម្រាប់អ្នកដែលជាហ្វេនរបស់ វណ្ណដា គឺពិតជាដឹងច្បាស់ជាមិនខាន វណ្ណដា គឺជាកូនប្រុសម្នាក់ដែលកតញ្ញូ ដឹងគុណចំពោះឪពុកម្តាយ មិនថាខ្លួនមានកាលវិភាគមាញឹកនឹងសិល្បៈយ៉ាងណាតែងតែឆ្លៀតផ្តល់ពេលវេលាដល់គ្រួសារមានដំណើរកម្សាន្តជាមួយអ្នកមានគុណរបស់ខ្លួន។ ជាក់ស្តែងមុននឹង វណ្ណដា ចេញទៅសម្តែងនៅអាម៉េរិក លោកក៏បានផ្តល់ពេលវេលាដើរកម្សាន្តជាមួយគ្រួសារហើយពេលវិញត្រលប់មកវិញក៏បានទៅកម្សាន្តជាមួយគ្រួសារទៀតនៅឯស្រុកកំណើត៕

តារាចម្រៀង ទេព បូព្រឹក្ស បានទម្លាយនៅក្នុងកម្មវិធីសម្ភាសន៍ ស ខ្មៅ ថាអំឡុងពេលស្ថិតនៅក្នុងផលិតកម្មធំមួយនាងសឹងតែបោះបង់អាជីពសិល្បៈហើយជាពេលវេលាដ៏លំបាកខ្លាំងបំផុតក្នុងជីវិត។ ការចង់បោះបង់អាជីពនេះ ទេព បូព្រឹក្ស ថានាងទទួលបានមតិរិះគន់មិនថាធ្វើអ្វីក៏ដោយ ចំណែកឯអ្នកផ្សេងធ្វើស្រដៀងគ្នាមិនមានបញ្ហាមានតែនាងទទួលការរិះគន់ប្រមាថគ្រប់រូបភាព។

កាលពីយប់ថ្ងៃទី៨ ខែសីហា ក្នុងកម្មវិធីសខ្មៅ តារាចម្រៀង ទេព បូព្រឹក្ស បានចូលរួមផ្តល់បទសម្ភាសន៍ទាក់ទងនឹងរឿងរ៉ាវជាច្រើនទាំងជីវិតផ្ទាល់ខ្លួននិងការងារសិល្បៈ។ ទេព បូព្រឹក្ស ក៏បាននិយាយទាំងអួលដើមកនៅពេលរម្លឹកពីភាពលំបាករបស់ខ្លួនក្នុងវិស័យសិល្បៈទម្រាំទទួលបានភាពជោគជ័យបច្ចុប្បន្ននេះនាងស្ទើរតែបញ្ចប់អាជីពសិល្បៈរបស់ខ្លួនទៅហើយ។

ទេព បូព្រឹក្ស បាននិយាយថា ដំបូងឡើយនាងស្ថិតនៅក្រុមចម្រៀង TV Band បន្ទាប់មកក៏មានឱកាសក្លាយជាតារាចម្រៀងនៅក្នុងផលិតកម្មធំមួយហើយនាងពិតជាសប្បាយចិត្តខ្លាំង ប៉ុន្តែក្នុងកំឡុងពេលនឹងហើយនាងពិតជាពិបាកខ្លាំងបំផុត។ តារាចម្រៀងរូបនេះបានបន្ថែមដែរថា អាចពេលនោះនាងនៅក្មេងខ្ចីខ្លាំងមិនទាន់យល់ពីវិស័យនេះច្បាស់ មានមតិរិះគន់ច្រើននាងក៏ភ្ញាក់ផ្អើលដូចគ្នាព្រោះតែមិនដែលជួប ទាំងរឿងខ្លះនាងមិនបានធ្វើផង។

ម្ចាស់បទ «ទេវរាជ» បានបង្ហើបទៀតថា ពេលនោះនាងពិតជាយំខ្លាំងមែនទែនពិតជាចង់ឈប់ពីវិស័យសិល្បៈព្រោះតស៊ូមិនបានទេនាងមិនដែលជួបប្រទះបែបនេះរឿងខ្លះមិនមែនជាការពិត បែរជាគេយកទៅនិយាយបែបនេះបែបនោះរហូតលេចជាចម្ងល់ថា ហេតុអ្វីបានជាគេស្អប់នាង។ ដោយសារតែនៅជាប់កុងត្រា ទេព បូព្រឹក្ស បានសម្រេចចិត្តប្រាប់អ្នកផ្ទះអំពីទុក្ខលំបាករបស់ខ្លួនហើយមានតែមនុស្សម្នាក់គត់ដែលលើកទឹកចិត្តនាងនោះគឺ ម៉ាក់យាយរបស់នាងផ្ទាល់។

និយាយដោយទឹកភ្នែក ទេព បូព្រឹក្ស បានទម្លាយថាជីដូនរបស់ខ្លួនបានលើកទឹកចិត្តដោយឱ្យនាងកាន់នូវសច្ចៈធម៌ ភាពល្អនៅក្នុងខ្លួននឹងឈ្នះគ្រប់សព្វបែបយ៉ាងគង់តែថ្ងៃណាមួយគេមើលឃើញនាងនឹងជោគជ័យ។ ក្នុងនោះដែរ ទេព បូព្រឹក្ស បានរំលេចដែរថា ពេលចូលឆ្នាំអ្នកផ្សេងធ្វើបទសប្បាយមិនអីប៉ុន្តែនៅពេលនាង និង ជី ដេវីត ធ្វើបទសប្បាយៗគេនិយាយថាបែកស្លុយរហូត។ ជាពិសេសនៅពេលធ្វើបទបែបសហសម័យ ទេព បូព្រឹក្ស បានទម្លាយថាពេលនោះមានខម្មិនជេរនាងទាំងអស់ថានាងបំផ្លាញវប្បធម៌។

ទោះយ៉ាងណា ឆ្លងកាត់ទុក្ខលំបាកជាផ្ទាំងស៊ិបត្រូវគេរិះគន់ទក់សាច់រាប់មិនអស់ពេលនេះ ទាំងជី ដេវីត និង ទេព បូព្រឹក្ស សាងភាពជោគជ័យលើអាជីពសិល្បៈមានហ្វេនៗពេញប្រទេស៕

ស្នេហាប្រុសសង្ហា លាវ វេងហួរ និងស្រីស្អាត រឿន ណាត កាន់តែផ្អែមល្ហែមពីមួយថ្ងៃទៅមួយថ្ងៃធ្វើឱ្យអ្នកគាំទ្រច្រណែនមិនស្ទើរនោះទេសូម្បីតែឃ្លាតគ្នាមួយថ្ងៃក៏បង្ហោះសារនឹករលឹកគ្នាទៅហើយ។ មានទំនាក់ទំនងជាច្រើនខែមកនេះ លាវ វេងហួរ បានបោះពាក្យនេះឡើងទៅកាន់ រឿន ណាត ជាគូស្នេហ៍ទៀត។

គេចាំបានថា កាលពីខែមីនា លាវ វេងហួរ Mister Friendship International2023 និង កញ្ញា រឿន ណាត Miss universe Cambodia 2018 បានបង្ហាញភាពស្និទ្ធស្នាលស្អិតរមួតជាមួយគ្នាធ្វើឱ្យអ្នកគាំទ្រសង្ស័យពីទំនាក់ទំនងពួកគេ។ នៅខែមេសា វេងហួរ កាន់តែធ្វើឱ្យអ្នកគាំទ្រកាន់តែច្បាស់ពីទំនាក់ទំនងអ្នកទាំងពីរបន្ទាប់ពីលោកហៅ រឿន ណាតថាជា My Girlfriend ក្នុងពេលណែនាំនាងទៅកាន់បុរសឯកវៀតណាម។

បុរសសង្ហានិងស្រីស្អាតរូបនេះក៏បានលាតត្រដាងទំនាក់ទំនងនិងប្រកាសពេញមាត់ៗតែម្តងថាជាគូស្នេហ៍នៅពេលអ្នកទាំងពីរបានចូលរួមផ្តល់បទសម្ភាសន៍ក្នុងកម្មវិធីកម្សាន្តកាលពីខែមិថុនា និងបានបង្ហើបដែរថាទំនាក់ទំនងបានចាប់ផ្តើមនៅពេលអ្នកទាំងពីរមានឱកាសសម្តែងខ្សែភាពយន្តខ្នាតធំជាមួយគ្នា។ បន្ទាប់ពីប្រកាសប្រាប់ទស្សនិកជន គេបានសង្កេតឃើញថា រឿន ណាត និង លាវ វេងហួរ កាន់តែផ្អែមល្ហែមពីមួយថ្ងៃទៅមួយថ្ងៃមើលទៅពិតជាមានសុភមង្គលណាស់។

ជារឿយៗអ្នកទាំងពីរបង្ហាញកាយវិការផ្អែមល្ហែមដាក់គ្នាឱ្យអ្នកគាំទ្របានឃើញដូចជា វេងហួរ បានបាញ់លុយ្យរឿន ណាត បង្ហាត់ប្រដាល់ក៏ស្វីតជាមួយគ្នា សូម្បីតែ លាវ វេងហួរ ជាប់ការងារនៅក្រៅប្រទេសបែកតែមួយថ្ងៃ រឿន ណាត បង្ហាញការនឹករលឹកម្ចាស់ស្នេហ៍ទៅហើយ។ ថ្មីៗនេះទៀតសោត ក្នុងពេលរៀបចំខ្លួនទៅសម្ពោធខ្សែភាពយន្តដែលអ្នកទាំងពីរសម្តែងជាមួយគ្នានិងបានបង្កើតទៅជាចំណងស្នេហ៍ក៏បានបង្ហាញភាពផ្អែមល្ហែមថើបគ្នាផងដែរ។

អ្វីដែលកាន់តែចាប់អារម្មណ៍នោះក្នុងទំនាក់ទំនងស្នេហាប៉ុន្មានខែមកនេះ លាវ វេងហួរ បានបោះសម្តីទៅកាន់គូស្នេហ៍ថា «ពេលដែលយើងស្រលាញ់មនុស្សដែលយល់ចិត្តយើងសេចក្តីសុខមកងាយៗ»។ បន្ទាប់ពីឃើញ លាវ វេងហួរ និង រឿន ណាត ស្អិតរមួតជាមួយគ្នាថែមទាំងបញ្ចេញសំណេរដ៏មានន័យទៀតធ្វើឱ្យអ្នកគាំទ្របញ្ចេញមតិថា មើលហើយគឺមានក្តីសុខម្នាក់ឯង និងជូនពរឱ្យអ្នកទាំងពីរកាន់តែស្រលាញ់គ្នាទ្វេដងទៀត៕

តារាចម្រៀង ជូវី លីន បានទម្លាក់បទថ្មីធ្វើឱ្យមានការចាប់អារម្មណ៍យ៉ាងខ្លាំងពីសំណាកហ្វេនៗហាក់ដូចជាបង្ហាញពីរឿងដែលជួបប្រទះធ្លាប់ជាកូនអុកដែលគេប្រើហើយគេបំភ្លេចសន្យានិងអត្ថន័យដ៏ស៊ីជម្រៅទៀត។ អ្វីដែលកាន់តែចាប់អារម្មណ៍តារារ៉េប ជី ដេវីត គឺបានចូលទៅខម្មិនលើបទថ្មីរបស់ ជូវី ខណៈហ្វេនៗមួយចំនួនបានខម្មិនថា ជី ដេវីត ដូចមើលឃើញអនាគតព្រោះតារាចម្រៀងរូបនេះធ្លាប់បាននិយាយកាលពីកន្លងមកនេះ។ អ្នកគាំទ្រខ្លះក៏បាននិយាយថាស្តាប់បទ ជូវី ហើយគឺឈឺចាប់ជំនួស។

កាលពីល្ងាចថ្ងៃទី៩ ខែសីហា ឆ្នាំ២០២៤ តារាចម្រៀង ជូវី លីន បានទម្លាក់បទថ្មីមានចំណងជើងថា «LYING» ដោយបានរៀបរាប់រឿងរ៉ាវដែលអ្នកគាំទ្រមិននឹកស្មានដល់ថាលោកបានជួបប្រទះកន្លងមកនេះតែទទួលបានមកវិញនូវសន្យាខ្យល់។ នៅក្នុងអត្ថន័យបទនេះ ជូវី បានច្រៀងអំពីការចូលសិល្បៈរបស់ខ្លួនដែលជាក្តីសុបិន ហើយឆ្នាំ២០១៥ បានចូលទូរទស្សន៍ដំបូងពោរពេញដោយក្តីសង្ឃឹមប្រាប់អ្នកផ្ទះឱ្យចាំមើល។ ប៉ុន្តែការពិតផ្លូវមួកល្អមើលតែខាងក្រៅតែខាងក្នុងដូចឋាននរក ល្អតែពីមុខកាមេរ៉ា ធ្វើរឿងមួយចំនួនដែលមិនគួរ ខ ខំធ្វើយកទៅឱ្យមើលតែបែរគេថាស័ក្តិសមនឹង ក ។

បទថ្មីរបស់ ជូវី ក៏បាននិយាយពី សម្តីផ្អែមល្ហែមសន្យាហើយមិនធ្វើ ប្រើនាមជាបងប្អូនគ្រួសារ ជប់លៀងទាំងឃើញលោកធ្លាក់ចុះដៀលក្បាលលោកថាគំនិតអ្នកក្រ ដេកស៊ីចិត្តស្មោះសចង់មានត្រូវចេះបោក ចេះថោក ចេះសម្តែង យំសោក។ ខំដេកគិតផ្តូចផ្តើមមានទាំងចូលដើម ចុងក្រោយគេយកអស់នូវស្នាដៃ ថាសមត្ថភាពរបស់លោកនៅខ្ចីមិនទាន់ទំឬមួយលោកត្រង់ពេកមិនចេះអែបអប បម្រើមិនសូវដិតដល់មិនចេះស៊ុគ្រលំ។

ជូវី លីន ក៏បានរំលេចនៅក្នុងបទចម្រៀងដែរថា បាបបុណ្យមានពិតប្រយ័ត្ននូវរាល់ទង្វើរបស់ខ្លួនមានមនុស្សមិនច្រើននោះទេដែលធ្វើល្អដាក់អ្នកពិត លោកមិនមែនជាកូនអុកគេទៀតនោះទេ រក្សាការកុហករបស់អ្នកទៀតចុះ។ ប៉ារូលរបស់ ជូវី ក៏បានលើកដែរថា លេសនោះលេសធ្វើខ្លួនដូចជាអ្នកចេះ ចូលចិត្តឱ្យអ្នកដទៃរំលេចថាជាមនុស្សល្អ ដើរអួតក្មេងថាជាព្រះ កុហកកិបលុយក្មេងយកលុយទៅសង់ផ្ទះ ចូលចិត្តធ្វើអំពើល្អនៅពីមុខកាមេរ៉ាឱ្យគេមើល រុញច្រាលកំហុសឱ្យគេឯងហើយចូលចិត្តធ្វើភ្លើ រាប់អានជាមិត្ត ខំទុកចិត្ត ចូលធ្វើទាំងមិនខ្វល់សន្យានេះសន្យានោះតែប៉ុន្មានឆ្នាំក្រោយមកគឺសន្យាខ្យល់។

បទ Lying របស់ ជូវី លីន ដែលបានរៀបរាប់ពីរឿងដ៏ខ្មៅកង្វក់នេះបានធ្វើឱ្យអ្នកគាំទ្រលើកឡើងថាស្តាប់ហើយឈឺចាប់ជំនួស។ ជាមួយគ្នានេះអ្នកគាំទ្រក៏បានចាប់អារម្មណ៍ថា តារាចម្រៀងល្បីឈ្មោះ ជី ដេវីត ក៏បានចូលទៅខម្មិនលើបទចម្រៀងរបស់ ជូវី លីន ក្នុងន័យផ្តល់កម្លាំងចិត្តឆ្ពោះទៅមុខបន្តទៀតថា «Keep it up Juvie , No Cap »។ ក្រៅពី ជី ដេវីត តារាចម្រៀង ម៉ុង ម៉ានិត ក៏បានចូលខម្មិនរួមទាំង សង្ហា ផងដែរ។

លើសពីនេះទៅទៀត អ្នកគាំទ្រ ជាច្រើនបានចូលទៅខម្មិនលើកឡើងថា ជី ដេវីត ហាក់ដូចជាដឹងដល់អនាគតថារឿងនេះនឹងកើតឡើងពេលណាមួយព្រោះលោកបានឆ្លងកាត់ ជាអ្នកធ្វើមិនទទួលបានក្រេដីត មិនទាំងបានលុយ៕