ថ្មីៗនេះ មហាជនជាច្រើនហាក់មានការចាប់អារម្មណ៍យ៉ាងខ្លាំងទៅលើវីដេអូមួយ នៅលើដងផ្លូវ ប្រទេសវៀតណាម ដែលមានតាសាន់តាក្លូសយ៉ាងច្រើនកំពុងជិះម៉ូតូ បង្កើតបានជាទិដ្ឋភាពដ៏ថ្មីនិងប្លែកភ្នែកបំផុត។

កាលពីថ្ងៃទី ១០ ខែធ្នូនេះ យោងតាមការដាក់បង្ហោះនៅលើបណ្តាញសង្គម Tik Tok ដោយគណនីជនជាតិវៀតណាមបានចែករំលែកវីដេអូឃ្លីបខ្លីមួយ បង្ហាញពីវត្តមានតាសាន់តាក្លូសយ៉ាងភ្លុកទឹកភ្លុកដី នៅម្តុំទីលានប្រវត្តិសាស្រ្ត Vo Nguyen Giapដ៏ល្បីឈ្មោះ ស្ថិតក្នុងខេត្ត Tai Nguyen ប្រទេសវៀតណាម។

តាមរយៈវីដេអូដោយសង្កេតឃើញថា មានមនុស្សរាប់រយនាក់ទាំងប្រុសនិងស្រី បានតែងតួនិងស្លៀកពាក់ជាសាន់តាក្លូស មកប្រមូលម្តុំគ្នាយ៉ាងគួរឲ្យចាប់អារម្មណ៍នៅលើដងផ្លូវនោះយ៉ាងមមាញឹក មានអ្នកខ្លះដើរ និងមានអ្នកជិះម៉ូតូផងដែរ។ ជាមួយនឹងទិដ្ឋភាពដ៏ប្លែកនេះ មហាជនភាគច្រើនហាក់មិនដែលប្រទះឃើញពីមុនមកនោះទេ ក៏បានផ្ទុះនូវការកោតសរសើរ និងចែករំលែកពេញបណ្តាញសង្គមអ៊ីនធើណែត។

បើតាមការលើកឡើងរបស់អ្នកលេងបណ្តាញសង្គមបានឲ្យដឹងថា វត្តមានរបស់សាន់តាក្លូសដ៏ច្រើននេះ គឺរៀបចំឡើងដោយក្រុមហ៊ុន Danko Group ក្នុងគោលបំណងឲ្យសាន់តាក្លូសធ្វើដំណើរទៅចែកកាដូដល់ក្មេងសិស្សសាលា ដើម្បីអបអរដល់ឱកាសបុណ្យណូអែលដ៏ឆាប់ខាងមុខនេះ។

យោងតាមការដាក់បង្ហោះរបស់គេហទំព័រ Danko City បានគូសបញ្ជាក់ថា រដូវកាលបុណ្យណូអែលនេះ Danko City បាននាំយកនូវព្រឹត្តិការណ៍ដ៏ពិសេសមួយ គឺប្រមូលផ្តុំដោយសាន់តាក្លូសជាង ៣០០នាក់ មករាំជុំគ្នានៅបរិវេណ Danko City បង្កើតបានជាបរិយាកាសដ៏អស្ចារ្យ។ នៅទីនោះ សាន់តាក្លូសរាប់រយនាក់បានបង្កើតការសម្តែងដ៏រស់រវើក ពោរពេញដោយសំណើច និងភាពរីករាយផងដែរ៕

ពិតណាស់ការហោះហើរទៅកាន់ឋានព្រះច័ន្ទមិនមែនជាកិច្ចការងាយស្រួលនោះទេ សម្រាប់ពេលវេលាហោះហើរពីផែនដីទៅឋានព្រះច័ន្ទគឺអាស្រ័យទៅលើកត្តាជាច្រើន រួមទាំងបរិមាណឥន្ធនៈ គោចរតាមច័ន្ទគតិ និងគោលដៅបេសកកម្មជាដើម។ ទោះជាយ៉ាងណាបើយោងតាមសារព័ត៌មានបរទេស Live Science ដោយផ្អែកលើបេសកកម្មក្នុងរយៈពេលប៉ុន្មានទសវត្សរ៍កន្លងមកនេះ ពេលវេលាធ្វើដំណើរពីផែនដីទៅឋានព្រះច័ន្ទគឺមានចាប់ពី ៨ ម៉ោងដល់ ៤ ខែកន្លះ។

យានដែលធ្វើដំណើរពីផែនដីទៅឋានព្រះច័ន្ទលឿនជាងគេបំផុតនោះគឺយាន New Horizon ដែលបាញ់បង្ហោះដោយ NASA ក្នុងឆ្នាំ ២០០៦ ដើម្បីសិក្សាពីភពភ្លុយតូ។ យាននេះបានហោះកាត់ភពព្រះច័ន្ទប្រហែល ៨ ម៉ោង ៣៥ នាទីបន្ទាប់ពីការបាញ់បង្ហោះ ប៉ុន្តែសម្រាប់បេសកកម្មដែលមានគោលដៅសិក្សានៅឋានព្រះច័ន្ទផ្ទាល់តែម្តង ការធ្វើដំណើរមានរយៈពេលយូរបន្តិច ដោយសារវាអាស្រ័យលើកត្តាជាច្រើន ដូចជាត្រូវគណនាច្បាស់លាស់នៃទំហំយានអវកាស ទំហំនាវិក ការបែងចែកឥន្ធនៈ និងរាល់ព័ត៌មានលម្អិតផ្សេងទៀតអាចប៉ះពាល់ដល់ពេលវេលាហោះហើរសរុបទៅកាន់ភពព្រះច័ន្ទ។

ហើយមូលហេតុសំខាន់បំផុតមួយគឺបរិមាណប្រេងឥន្ធនៈដែលបានប្រើប្រាស់តែម្តង វិស្វករបានរកឃើញថា ការប្រើប្រាស់ប្រេងឥន្ធនៈតិចជាងការហោះហើរទៅកាន់ឋានព្រះច័ន្ទអាចបណ្តាលឱ្យមានពេលវេលាហោះហើរយូរ ប៉ុន្តែនៅតែអាចបំពេញបេសកកម្មដោយទាញយកអត្ថប្រយោជន៍ពីទំនាញធម្មជាតិនៃសាកសពសេឡេស្ទាលដូចជាផែនដី ជួយដឹកនាំយានអវកាសតាមផ្លូវវែងជាង។ ដូច្នេះមិនថាយានអវកាសធ្វើដំណើរទៅណាទេ បេសកកម្មនីមួយៗទៅកាន់ឋានព្រះច័ន្ទត្រូវឆ្លងកាត់ជំហានច្រើនជាងភពដទៃ ព្រោះឋានព្រះច័ន្ទមានសម្ពាធខ្ពស់ និងគ្រោះថ្នាក់ច្រើនជាងភពផ្សេងទៀត។

ហេតុនេះបើយើងបង្ហោះយានទៅកាន់ភពផ្សេងគ្រាន់តែហោះកាត់ព្រះច័ន្ទអាចមានរយៈពេលលឿន ប៉ុន្តែបើយើងមានគោលដៅទៅសិក្សាផ្ទាល់នៅភពព្រះច័ន្ទតែម្តង អាចមានរយៈពេលយូរ ដោយសារយើងត្រូវស្រាវជ្រាវឱ្យបានល្អិតល្អន់ជាមុនសិន។ សរុបមកវិញពេលវេលាធ្វើដំណើរពីផែនដីទៅឋានព្រះច័ន្ទគឺអាចមានរយៈពេល ៤ ខែកន្លះ៕

ប្រទេសអូស្ត្រាលី ៖ សារព័ត៌មាន AFP បានរាយការណ៍កាលពីថ្ងៃទី១៣ ខែធ្នូ ឆ្នាំ២០២៤ ថា ខេត្ត Queensland ប្រទេសអូស្ត្រាលី បានអនុម័តច្បាប់ថ្មីផ្តន្ទាទោ.ស យុវជនដែលប្រព្រឹត្តបទល្មើសធ្ងន់ធ្ងរ ដូចជា ៖ អំពើឃា.តកម្ម និងការបំផ្លាញរាងកាយអ្នកដទៃ គឺត្រូវតែទទួលទោ.ស ស្មើគ្នាដូចពលរដ្ឋទូទៅដែរ បើទោះជាពួកគេមានអាយុក្រោម១០ឆ្នាំក្តី ។

អាជ្ញាធរខេត្ត Queensland ឱ្យដឹងថា ការបង្កើតច្បាប់ថ្មីនេះឡើងដើម្បីបំពេញតម្រូវការពលរដ្ឋ ដោយសារពលរដ្ឋមើលឃើញថា ខេត្ត Queensland កំពុងតែក្លាយជាកន្លែងប្រព្រឹត្តបទល្មើសរបស់យុវជន ។ ហេតុនេះ ពលរដ្ឋសូមឱ្យមានការផ្តន្ទាទោសយុវជនតាមច្បាប់ដូចពលរដ្ឋទូទៅដែរ នៅពេលយុវជនប្រព្រឹត្តខុស ហើយវាក៏ជាវិធានការកាត់បន្ថយការប្រព្រឹត្តល្មើសរបស់យុវជន ។

ប៉ុន្តែអ្នកជំនាញមកពីផ្នែកការពារសិទ្ធិកុមារនៅអូស្ត្រាលីពុំយល់ស្របនឹងការអនុម័តច្បាប់ថ្មីនេះទេ ហើយពួកគេនិយាយថា ការដាក់ទោសធ្ងន់ធ្ងរទៅលើយុវជននឹងពុំធ្វើឱ្យពួកគេកាត់បន្ថយការប្រព្រឹត្តបទល្មើសឡើយ ប៉ុន្តែចំនួនការប្រព្រឹត្តល្មើសរបស់យុវជននឹងកាន់តែកើនឡើង ។

ចំណែកគណបក្សឈ្នះឆ្នោតនៅខេត្ត Queensland និយាយថា ច្បាប់ថ្មីដែលអូស្ត្រាលីគ្រោងអនុវត្តនេះ គឺបានពិចារណាអំពីសិទ្ធិរបស់ជនរងគ្រោះដែលត្រូវបានរំលាភបំពាន ។ ប៉ុន្តែអ្នកជំនាញច្បាប់ឱ្យដឹងថា ជនល្មើសជាយុវជននឹងពុំសារភាពកំហុសរបស់ខ្លួនទេ ហើយការស្វែងរកការពិតនឹងត្រូវចំណាយពេលយូរ គឺវានឹងគ្មានប្រយោជន៍ដល់ជនរងគ្រោះ ។

ស្របពេលពលរដ្ឋនៅខេត្ត Queensland ព្រួយបារម្ភពីការប្រព្រឹត្តបទល្មើសរបស់យុវជនកើនឡើង ភ្នាក់ងារប្រមូលទិន្នន័យរបស់អូស្ត្រាលីឱ្យដឹងថា ការប្រព្រឹត្តបទល្មើសរបស់យុវជននៅខេត្តនេះ បានធ្លាក់ចុះចំនួនពាក់កណ្តាលក្នុងរយៈពេល១៤ឆ្នាំកន្លងមក ។ កាលពីឆ្នាំ២០២២ ការប្រព្រឹត្តបទល្មើសរបស់យុវជនបានធ្លាក់ចុះមកនៅកម្រិតទាបបំផុត ហើយវាមានកម្រិតទាបរហូតមកដល់ឆ្នាំ២០២៤ ។

កន្លងមក ការដាក់ទោសធ្ងន់បំផុតសម្រាប់យុវជនអូស្ត្រាលីដែលបានប្រព្រឹត្តបទល្មើស គឺដាក់ពន្ធនាគាររយៈពេល១០ឆ្នាំ ប៉ុន្តែបើយុវជនប្រព្រឹត្តបទល្មើសព្រៃផ្សៃ គឺនឹងជាប់ពន្ធនាគារអស់មួយជីវិត ៕

ប្រទេសជប៉ុន ៖ បច្ចុប្បន្ន ជប៉ុនបានក្លាយជាប្រទេសមួយសម្បូរពលរដ្ឋអាយុច្រើនដោយសារអត្រាកំណើតធ្លាក់ចុះខ្លាំង ហើយរដ្ឋាភិបាលជប៉ុនតែងតែជួយឧបត្ថម្ភប្រាក់យ៉ាងច្រើនដល់ពលរដ្ឋចូលនិវត្តន៍ រហូតដល់ខ្វះខាតថវិការដ្ឋ និងមានបញ្ហាសេដ្ឋកិច្ច ។ ហេតុនេះ រដ្ឋាភិបាលសម្រេចថា មិនដំឡើងពន្ធពលរដ្ឋវ័យធ្វើការទេ ប៉ុន្តែនឹងប្រមូលពន្ធពីមនុស្សចាស់ជំនួស ។

ពលរដ្ឋចូលនិវត្តន៍នៅជប៉ុនភាគច្រើនមានសុខភាពរឹងមាំល្អ ហើយអ្នកអាយុ៦៥ឆ្នាំ ដែលចូលនិវត្តន៍ពីការងាររដ្ឋបានទៅស្វែងរកការងារថ្មីធ្វើបន្តទៀត ។ ហេតុនេះ ពួកគេទទួលបានប្រាក់ចូលនិវត្តន៍ពីរដ្ឋផង និងទទួលបានប្រាក់ខែពីការងារថ្មីដែលកំពុងធ្វើនាពេលបច្ចុប្បន្នផង ។

ពលរដ្ឋអាយុច្រើននៅជប៉ុនមានប្រៀបជាងពលរដ្ឋក្នុងវ័យធ្វើការសម្រាប់ការបង់ពន្ធឱ្យរដ្ឋ ពីព្រោះការងាររបស់មនុស្សចាស់ភាគច្រើនជាការងារក្រៅម៉ោង ។ មនុស្សចាស់នឹងទទួលបានប្រាក់ខែពីការងារក្រៅម៉ោងបន្ថែមពីលើប្រាក់ចូលនិវត្តន៍ ហើយត្រូវបានរដ្ឋាភិបាលកាត់បន្ថយពន្ធឱ្យទៀត ដោយសារជាវិធានការជួយពលរដ្ឋចាស់ៗ ។ ប៉ុន្តែការប្រមូលពន្ធនៅជប៉ុនបានធ្លាក់ចុះជាបន្តបន្ទាប់ ដោយសារចំនួនពលរដ្ឋវ័យធ្វើការធ្លាក់ចុះ ។

ហេតុនេះ រដ្ឋាភិបាលជប៉ុនសម្រេចចិត្តថា នឹងប្រមូលពន្ធពីមនុស្សចាស់ដែលនៅមានកម្លាំងធ្វើការ ដូចគ្នានឹងការប្រមូលពន្ធពីពលរដ្ឋក្នុងវ័យធ្វើការដែរ ។ ការប្រមូលពន្ធនឹងផ្តោតលើមនុស្សចាស់ដែលមានការងារធ្វើ និងប្រាក់ខែខ្ពស់ ដោយសាររដ្ឋាភិបាលបានចំណាយប្រាក់យ៉ាងច្រើនជួយមនុស្សចាស់កន្លងមក ។

ពលរដ្ឋអាចជ្រើសរើសចូលនិវត្តន៍ពីការងារ នៅអាយុ៦០ឆ្នាំ ឬ៦៥ឆ្នាំ ប៉ុន្តែអ្នកចូលនិវត្តន៍ត្រូវតែបង់ពន្ធជូនរដ្ឋ មិនខុសគ្នាពីអ្នកមានវ័យធ្វើការ ។ ប្រាក់ចូលនិវត្តន៍ដែលមនុស្សចាស់ទទួលបាន គឺត្រូវតែយកមកបូកបញ្ចូលជាមួយប្រាក់ខែការងារបច្ចុប្បន្ន ដើម្បីសរុបប្រាក់ចំណូលដែលត្រូវបង់ពន្ធជូនរដ្ឋ ដោយសាររដ្ឋាភិបាលបានចំណាយប្រាក់យ៉ាងច្រើនជួយមនុស្សចាស់ ៕