តារាសម្តែងវ័យក្មេង បាន សរពេជ្ញម៉ានីកា បានធ្វើឱ្យទស្សនិកជនកោតសរសើរយ៉ាងខ្លាំងពីសមត្ថភាពរបស់កុមារីរូបនេះបន្ទាប់ពីបានចូលរួមកម្មវិធីផតខាស់របស់ Athika កាលពីពេលថ្មីៗនេះ។ មិនត្រឹមតែមានសមត្ថភាពទៅលើខាងវិស័យសិល្បៈប៉ុណ្ណោះទេ តែ ម៉ានីកា ក៏ជាសិស្សពូកែម្នាក់ដណ្តើមមានមេដាយមាសក្នុងការប្រកួតគណិតវិទ្យាអូឡាំព្យាដ សិង្ហបុរី-អាស៊ានអន្តរជាតិ (SASMO) ឆ្នាំ២០២៤ ទៀតផង។

កាលពីពេលថ្មីៗនេះតារាសម្តែងវ័យក្មេង សរពេជ្ញម៉ានីកា បានចូលរួមក្នុងកម្មវិធីផតខាស់របស់ Athika ដោយបានលើកឡើងអំពីអាជីពការងារសិល្បៈនិងចំណង់ចំណូលចិត្តរបស់ ម៉ានីកាទៅលើវិស័យនេះ។ អ្វីដែលមហាជនកាន់តែគួរឱ្យចាប់អារម្មណ៍ការបង្ហាញសមត្ថភាពភ្លាមៗរបស់ ម៉ានីកា ទៅលើភាពយន្តថ្មីមានចំណងជើងថា «ទាយាទធ្មប់» គឺធ្វើឱ្យអ្នកទស្សនាស្លុងអារម្មណ៍ទៅតាមការស្រែករបស់កុមារីរូបនេះ ទើបតែមានអាយុ១២ឆ្នាំ ប៉ុន្តែសមត្ថភាពមិនធម្មតា ម៉ានីកា ត្រូវបានទស្សនិកជកសរសើរថាជាក្មេងពូកែចេះសម្តែង ចេះច្រៀង ចេះបង្កើតមាតិកាខ្លួនឯងទៀត ចរិតល្អចេះគោរពចាស់ទុំ។

ដ្បិតតែការងារសិល្បៈរបស់ ម៉ានីកា មមាញឹកយ៉ាងណាក្តីតាមរយៈការបង្ហាញខ្លួនក្នុងភាពយន្តជាបន្តបន្ទាប់ ប៉ុន្តែការសិក្សាតារាសម្តែងវ័យក្មេងរូបនេះក៏ពង្រឹងខ្លាំងដូចគ្នាមិនបណ្តែតបណ្តោយឱ្យធ្លាក់ចុះនោះទេ។ តួយ៉ាង ទន្ទឹមនឹងការងារសិល្បៈ ម៉ានីកា គឺបានដណ្តើមបានមេដាយមាសគណិតវិទ្យាដែលមានការចូលរួមពីបណ្តាប្រទេសជាច្រើន។

កាលពីខែឧសភា ម៉ានីកា បានបង្ហាញពីការឈ្នះជ័យលាភីមេដាយមាសក្នុងការប្រកួតគណិតវិទ្យាអូឡាំព្យាដ សិង្ហបុរី-អាស៊ានអន្តរជាតិ (SASMO) ឆ្នាំ២០២៤ ក្នុងនាមជាសិស្សថ្នាក់ទី៨ នៃវិទ្យាល័យព្រះស៊ីសុវត្ថិ។ ការប្រលងនេះគឺមានបេក្ខជន៥៧ ០៧៥នាក់មកពី៣៨ប្រទេសជុំវិញពិភពលោកដោយខាងកម្ពុជាចូលរួមប្រកួតសរុបចំនួន ១ ៤០១នាក់៕

តារាចម្រៀង នេន ទុំ បានចូលរួមផ្តល់បទសម្ភាសន៍នាពេលថ្មីៗនេះដោយបានទម្លាយពីរឿងសម្ងាត់របស់ខ្លួនធ្លាប់ផុងខ្លួនដើរផ្លូវខុសសេ.ពគ្រឿងញៀនហើយមានពេលមួយលោកហ៊ានលើកដៃយកឆ្នាំងចោលម្តាយព្រោះមកដល់ផ្ទះគ្មានបាយហូប។ តារាចម្រៀងរូបនេះបានចែករំលែកទៀតថានៅពេលលោកផ្តាច់ថ្នាំគឺសាហាវជាងរឿងហុងកុងទៅទៀត។

ក្នុងបទសម្ភាសន៍ v talk confession ដែលបានចាក់ផ្សាយកាលពីថ្ងៃពុធ នេះតារាចម្រៀង នេន ទុំ ដែលប្រឡូកអាជីពជោគជាំបានចូលរួមក្នុងនាមជាតារាកិត្តិយសដោយបានទម្លាយរឿងរ៉ាវជាច្រើន។ មួយក្នុងចំណោមនោះគឺលោកហ៊ានទម្លាយប្រាប់ទស្សនិកជនជាសាធារណៈថាលោកធ្លាប់ដើរផ្លូវខុសប្រព្រឹត្តទង្វើមិនគម្បីចំពោះម្តាយដែលជាកំហុសដ៏ធំបំផុតក្នុងជីវិតខ្លួន។

នេន ទុំ បានទម្លាយថាស្ថិតក្នុងវ័យក្មេងឈាមរាវជាវិប្បដិសារីធំក្នុងជីវិតធ្លាប់ចោលឆ្នាំងដាក់ម្តាយម្តងព្រោះមកដល់ផ្ទះគ្មានបាយហូបហើយបានអាដៃចំណាំមកដល់សព្វថ្ងៃ ថែមទាំងប្រពឹ្រត្តអំពើលួចគេជាដើម។ ស្ថិតក្នុងពេលវេលាដែលដើរផ្លូវខុសកន្លងមកនិងក្តីអស់សង្ឃឹម នេន ទុំ បានទម្លាយថាគឺធ្លាប់គិតចង់សម្លាប់ខ្លួនលោតពីជាន់ទី៤ ជីវិតត្រូវស្លាប់ប៉ុន្តែមានមនុស្សម្នាក់មកជួយមានសាច់ក្លែមបបួលគ្នាផឹក។

ក្នុងនោះដែរ តារាចម្រៀងរូបនេះ បានចែករំលែកបទពិសោធន៍របស់ខ្លួនព្យាយាមផ្តាច់ថ្នាំគឺសាហាវជាងរឿងហុងកុងទៅទៀតដែលគេចងច្រវ៉ាក់ឃើញនៅលើខ្សែភាពយន្តគឺជារឿងពិតហើយលោកព្យាយាមផ្តាច់៥ ៦ដង ទើបបលោកបេ្តជ្ញាចិត្តត្រូវតែផ្តាច់ឱ្យបានដោយឱ្យម្តាយចងលោក។
តារាចម្រៀងរូបនេះ បន្តទៀតថា ការផ្តាច់ដំបូងនៅពេលយប់គឺបែកពពុះមាត់សាហាវ ប្រកាច់ប្រកិន ជញ្ជាំងផ្ទះធាក់ខ្ទេចផ្អើលអស់អ្នកជិតខាង ដែលការប្រកាច់នេះគឺរហូតដល់៥ទៅ៦ថ្ងៃទើបមានការធូរស្បើយបន្តិចម្តងៗ។ លោកថាប្រសិនជាខែត្រជាក់ដូចនេះគឺផ្តាច់មិនកើតទេ។

គួរបញ្ជាក់ផងដែរថា មិនត្រឹមតែតារាចម្រៀង នេន ទុំ ប៉ុណ្ណោះទេដែលហ៊ានចេញមុខទម្លាយរឿងរបស់ខ្លួនធ្លាប់ដើរផ្លូវខុស កន្លងមកនេះ ឌីជេ ក្តឹប ក៏ធ្លាប់ចេញមកពីទម្លាយដូចគ្នានិងផ្តាំផ្ញើដល់មនុស្សគ្រប់គ្នាកុំចង់ដឹងចង់សាកឱ្យសោះ នូវគ្រឿងញៀននេះនាំឱ្យខូចអនាគតបាត់បង់កិត្តិយស កេរ្តី៍ឈ្មោះ៕

កាលពីថ្ងៃទី១៩ ខែធ្នូ ឆ្នាំ២០២៤ សារព័ត៌មានថៃឈ្មោះ Khaosod ចុះផ្សាយថា បទចម្រៀង «រំលស់ប្រពន្ធ» របស់កញ្ញា តន់ ចន្ទសីម៉ា ជាអ្នកចម្រៀងដ៏ល្បី (Superstar) នៅប្រទេសកម្ពុជា បានល្បីល្បាញទាំងនៅកម្ពុជា និងប្រទេសនានាក្នុងតំបន់អាស៊ាន ជាពិសេស តារាចម្រៀង និងតារាសម្តែងថៃល្បីៗជាច្រើនរូបបានច្រៀងតាមបទចម្រៀងនេះ ។

សារព័ត៌មាន Khaosod ផ្សាយថា បទចម្រៀងរបស់នាងកំពុងតែល្បីល្បាញយ៉ាងខ្លាំងក្នុងបណ្តាញសង្គមប្រទេសថៃ ជាពិសេស TikTok ហើយមិនត្រឹមតែតារាល្បីៗរបស់ថៃប៉ុណ្ណោះទេ ដែលច្រៀង និងរាំតាមបទចម្រៀង «រំលស់ប្រពន្ធ» ប៉ុន្តែនៅកន្លែងប្រគំតន្ត្រីផ្សេងៗនៅតាមបណ្តាខេត្តរបស់ថៃ ក៏បានច្រៀងបទចម្រៀងរបស់នាងដែរ ។

លើសពីនេះ គ្រាន់តែឮឈ្មោះចំណងជើងបទចម្រៀង ក៏ធ្វើឱ្យហ្វេនៗថៃចាប់អារម្មណ៍យ៉ាងខ្លាំង ពីព្រោះបទចម្រៀងនេះច្រៀងជាភាសាខ្មែរ ស្តាប់ហើយធ្វើឱ្យអារម្មណ៍រីករាយ ។ រីឯខ្លឹមសារបទចម្រៀងវិញបានបង្ហាញពីជីវិតរស់នៅពិតប្រាកដ ដោយនាងបានប្រាប់ឱ្យគូស្នេហ៍យកប្រាក់មកបង់មុន៥០% ហើយនៅសល់៥០% ទៀតអាចបង់រំលស់បាន ដោយនាងនឹងនិយាយជាមួយម្តាយឱ្យ ។

កញ្ញា តន់ ចន្ទសីម៉ា អាយុ២៥ឆ្នាំ មានស្រុកកំណើតនៅខេត្តតាកែវ ហើយនាងបានចាប់ផ្តើមប្រឡូកក្នុងវិស័យសិល្បៈចម្រៀងតាំងពីនៅវ័យកុមារ ។ ទឹកដមសំឡេងរបស់នាងមានមន្តស្នេហ៍ និងបង្ហាញពីភាពលេចធ្លោ ទើបធ្វើឱ្យនាងល្បីល្បាញយ៉ាងឆាប់រហ័សទាំងនៅកម្ពុជា និងក្រៅប្រទេស ។ នេះបើតាមការចុះផ្សាយរបស់សារព័ត៌មានថៃ ។

កញ្ញា តន់ ចន្ទសីម៉ា និយាយថា នាងសប្បាយចិត្ត ដែលចម្រៀងរបស់ខ្លួនបានធ្វើឱ្យអ្នកស្តាប់ញញឹម និងរីករាយ ហើយនាងក៏សូមអរគុណគ្រប់គ្នាដែលគាំទ្រ និងចូលចិត្តបទចម្រៀងនាងខ្លាំង ។ នាងរីករាយដែលហ្វេនៗនៅប្រទេសថៃ រួមទាំងតារាថៃយកបទចម្រៀងនាងទៅរាំ-ច្រៀងយ៉ាងសប្បាយរីករាយក្នុងអំឡុងឆ្លងឆ្នាំ ។

បច្ចុប្បន្ន មានបទចម្រៀងជាច្រើនទៀតរបស់តារាចម្រៀងនៅកម្ពុជាបានល្បីល្បាញមកដល់ប្រទេសថៃ ហើយបទចម្រៀងដែលហ្វេនៗថៃស្គាល់ច្រើន គឺបទរបស់លោក វណ្ណដា ។ ចុងក្រោយ សារព័ត៌មានថៃ Khaosod សូមផ្តល់កម្លាំងចិត្តឱ្យតារាចម្រៀងកម្ពុជាចេញបទថ្មីៗបន្ថែមទៀតដើម្បីឱ្យហ្វេនៗថៃបានស្តាប់បន្ត ៕