ជាការពិតណាស់ មនុស្សពីរនាក់ស្រលាញ់គ្នា កាលដែលបានរៀបការជាមួយគ្នាគឺជាចំណុចតូចមួយប៉ុណ្ណោះ ដើម្បីគោរពតាមប្រពៃណីទំនៀមទម្លាប់ បំពេញមុខមាត់គ្រួសារទាំងសងខាង និងឲ្យញាតិមិត្តដឹងឮជាដើម។ តែយ៉ាងណា ខ្លឹមសារដែលមានអត្ថន័យសម្រាប់ជីវិតគូរនោះ គឺអេតាស៊ីវិលស្របច្បាប់ទៅវិញទេ។ ដូច្នេះហើយថា តើអេតាស៊ីវិលមានអត្ថន័យខ្លាំងកម្រិតណាសម្រាប់ជីវិតគូរ ដែលត្រូវបន្តរួមរស់ជាមួយគ្នានោះ?
យោងតាមច្បាប់ សំបុត្រអាពាហ៍ពិពាហ៍ឬអេតាស៊ីវិលមានអត្ថប្រយោជន៍ជាច្រើនដូចជា៖
១- ជាប្ដីប្រពន្ធស្របតាមផ្លូវច្បាប់ដែលមិនអាចរំលាយទៅវិញបានតាមទំនើងចិត្តរបស់ខ្លួនឡើយ ពោលគឺមានតែអំណាចតុលាការទើបអាចកាត់សេចក្តីលែងលះបាន
២- ទ្រព្យសម្បត្តិរួម ក្រោយអាពាហ៍ពិពាហ៍ត្រូវចែកគ្នាស្មើនៅពេលលែងលះ
៣- កាន់តែមានសុភមង្គល និងជឿទុកចិត្តគ្នាពេលមានសំបុត្រអាពាហ៍ពិពាហ៍
៤- ទទួលមរតកស្របច្បាប់
៥- ចុះសំបុត្រកំណើតឬ បញ្ជាក់សំបុត្រកំណើតកូន
៦- ធ្វើប្លង់ ដី /ផ្ទះ
៧- ធ្វើសៀវភៅស្នាក់នៅ សៀវភៅគ្រួសារ
៨- ការពារប្រឆាំង នឹងទ្វេពន្ធភាព (ការពារប្រឆាំងការមានប្ដីច្រើន ឬមានប្រពន្ធច្រើន )
៩- ជួយការពារទ្រព្យសម្បត្តិរួមរបស់ប្ដី /ប្រពន្ធ
១០- ទទួលអាហារកិច្ចពេលឪពុកម្ដាយលែងលះគ្នា
១១- គ្មានអំពើហិង្សាចំពោះកូន
១២- ការគាំទ្រដល់កូន។
ដូច្នេះហើយ អេតាស៊ីវិលគឺជាបញ្ជាក់ថាគូរស្នេហ៍ ដែលបានរៀបអាពាហ៍ពិពាហ៍តាមប្រពៃណីរួចរាល់ នឹងក្លាយជាប្តីប្រពន្ធស្របតាមច្បាប់។ តែយ៉ាងណាមិញ ការចុះអេតាស៊ីវិលក៏នឹងផ្តល់ផលវិបាកផងដែរប្រសិនបើ ទៅថ្ងៃខាងមុខ រស់នៅមិនចុះសម្រុងគ្នា គូរស្នេហ៍ត្រូវលែងលះគ្នានោះ គឺទាមទារឡើងតុលារការទើបអាចលែងលះគ្នាបាន៕.png)
