ប្រទេសអ៊ីតាលី ៖ អាជ្ញាធរទីក្រុង Milan នឹងពិន័យជាប្រាក់ពលរដ្ឋណាជក់បារីនៅតាមផ្លូវ ឬទីសាធារណៈ ក្រោយពីប្រទេសអ៊ីតាលីចាប់ផ្តើមអនុវត្តច្បាប់ហាមជក់បារី ចាប់ពីថ្ងៃទី១ ខែមករា ឆ្នាំ២០២៥ តទៅ ។ ការហាមឃាត់ការជក់បារីនៅទីសាធារណៈ គឺជាការលើកកម្ពស់គុណភាពអាកាសធាតុ និងការពារផលប៉ះពាល់សុខភាពពលរដ្ឋ ។

កាលពីថ្ងៃទី២ ខែមករា កន្លងមក សារព័ត៌មាន AFP រាយការណ៍ថា ទីក្រុង Milan នឹងអនុវត្តច្បាប់ហាមជក់បារីយ៉ាងតឹងរ៉ឹង ហើយអ្នកល្មើសច្បាប់នឹងត្រូវបង់ប្រាក់ពិន័យ ចាប់ពី៤១ដុល្លារ ទៅ២៥០ដុល្លារអាមេរិក ពីព្រោះទីក្រុង Milan ផ្តោតសំខាន់លើគុណភាពអាកាសធាតុ និងផលប៉ះពាល់សុខភាពពលរដ្ឋ ។ កាលពីឆ្នាំ២០២០ ទីក្រុងនេះបានរឹតបន្តឹងការជក់បារីកាន់តែខ្លាំង រហូតដល់ឆ្នាំ២០២១ ទីក្រុងនេះក៏ប្រកាសហាមជក់បារីនៅទីសាធារណៈ កន្លែងក្មេងលេង កន្លែងហាត់ប្រាណ និងលើរថយន្តក្រុង ។

ច្បាប់ថ្មីហាមឃាត់ការជក់បារី គឺគ្របដណ្តប់នៅទីសាធារណៈទាំងអស់ រួមទាំងផ្លូវនានាផងដែរ លើកលែងតែបរិវេណនៅឆ្ងាយពីមនុស្សម្នា យ៉ាងហោចណាស់ ១០ម៉ែត្រ ។ អាជ្ញាធរនិយាយថា ការអនុវត្តច្បាប់នេះមានគោលបំណងកែលម្អគុណភាពអាកាសធាតុក្នុងទីក្រុង Milan ដែលមានខ្យល់កខ្វក់បំផុតក្នុងតំបន់អឺរ៉ុប ព្រមទាំងការពារការប៉ះពាល់សុខភាពពលរដ្ឋ ជាពិសេស ការពារក្មេងតូចៗកុំឱ្យហិតផ្សែងបារី ។

ចំណែកលោក Emmanuele Marinoni ម្ចាស់ហាងលក់បារីមួយកន្លែងក្នុងទីក្រុង Milan និយាយថា ការអនុវត្តច្បាប់ថ្មីធ្វើឱ្យអាជីវកម្មពាក់ព័ន្ធនឹងបារីធ្លាក់ចុះ ចាប់ពី២០% ទៅ៣០% បើទោះជាច្បាប់ពុំនេះបានហាមឃាត់បារីអេឡិចត្រូនិកក្តី ។

គួរបញ្ជាក់ថា អ៊ីតាលីបានបង្កើតច្បាប់ហាមជក់បារីលើកដំបូង នៅឆ្នាំ១៩៧៥ គឺហាមជក់បារីនៅផ្លូវដឹកជញ្ជូនសាធារណៈ សាលារៀន និងតំបន់មួយចំនួន ។ នៅឆ្នាំ១៩៩៥ ច្បាប់នេះ ក៏បានពង្រីកតំបន់ហាមឃាត់បន្ថែមទៀត និងនៅឆ្នាំ២០០៥ ច្បាប់ក៏បានហាមឃាត់ការជក់បារីនៅទីសាធារណៈទាំងអស់ ហើយគេចាត់ទុកថា គឺជាច្បាប់ហាមជក់បារីដំបូងគេនៅតំបន់អឺរ៉ុបពេលនោះ ៕

ប្រទេសអ៊ីតាលី ៖ អាជ្ញាធរទីក្រុង Milan នឹងពិន័យជាប្រាក់ពលរដ្ឋណាជក់បារីនៅតាមផ្លូវ ឬទីសាធារណៈ ក្រោយពីប្រទេសអ៊ីតាលីចាប់ផ្តើមអនុវត្តច្បាប់ហាមជក់បារី ចាប់ពីថ្ងៃទី១ ខែមករា ឆ្នាំ២០២៥ តទៅ ។ ការហាមឃាត់ការជក់បារីនៅទីសាធារណៈ គឺជាការលើកកម្ពស់គុណភាពអាកាសធាតុ និងការពារផលប៉ះពាល់សុខភាពពលរដ្ឋ ។

កាលពីថ្ងៃទី២ ខែមករា កន្លងមក សារព័ត៌មាន AFP រាយការណ៍ថា ទីក្រុង Milan នឹងអនុវត្តច្បាប់ហាមជក់បារីយ៉ាងតឹងរ៉ឹង ហើយអ្នកល្មើសច្បាប់នឹងត្រូវបង់ប្រាក់ពិន័យ ចាប់ពី៤១ដុល្លារ ទៅ២៥០ដុល្លារអាមេរិក ពីព្រោះទីក្រុង Milan ផ្តោតសំខាន់លើគុណភាពអាកាសធាតុ និងផលប៉ះពាល់សុខភាពពលរដ្ឋ ។ កាលពីឆ្នាំ២០២០ ទីក្រុងនេះបានរឹតបន្តឹងការជក់បារីកាន់តែខ្លាំង រហូតដល់ឆ្នាំ២០២១ ទីក្រុងនេះក៏ប្រកាសហាមជក់បារីនៅទីសាធារណៈ កន្លែងក្មេងលេង កន្លែងហាត់ប្រាណ និងលើរថយន្តក្រុង ។

ច្បាប់ថ្មីហាមឃាត់ការជក់បារី គឺគ្របដណ្តប់នៅទីសាធារណៈទាំងអស់ រួមទាំងផ្លូវនានាផងដែរ លើកលែងតែបរិវេណនៅឆ្ងាយពីមនុស្សម្នា យ៉ាងហោចណាស់ ១០ម៉ែត្រ ។ អាជ្ញាធរនិយាយថា ការអនុវត្តច្បាប់នេះមានគោលបំណងកែលម្អគុណភាពអាកាសធាតុក្នុងទីក្រុង Milan ដែលមានខ្យល់កខ្វក់បំផុតក្នុងតំបន់អឺរ៉ុប ព្រមទាំងការពារការប៉ះពាល់សុខភាពពលរដ្ឋ ជាពិសេស ការពារក្មេងតូចៗកុំឱ្យហិតផ្សែងបារី ។

ចំណែកលោក Emmanuele Marinoni ម្ចាស់ហាងលក់បារីមួយកន្លែងក្នុងទីក្រុង Milan និយាយថា ការអនុវត្តច្បាប់ថ្មីធ្វើឱ្យអាជីវកម្មពាក់ព័ន្ធនឹងបារីធ្លាក់ចុះ ចាប់ពី២០% ទៅ៣០% បើទោះជាច្បាប់ពុំនេះបានហាមឃាត់បារីអេឡិចត្រូនិកក្តី ។

គួរបញ្ជាក់ថា អ៊ីតាលីបានបង្កើតច្បាប់ហាមជក់បារីលើកដំបូង នៅឆ្នាំ១៩៧៥ គឺហាមជក់បារីនៅផ្លូវដឹកជញ្ជូនសាធារណៈ សាលារៀន និងតំបន់មួយចំនួន ។ នៅឆ្នាំ១៩៩៥ ច្បាប់នេះ ក៏បានពង្រីកតំបន់ហាមឃាត់បន្ថែមទៀត និងនៅឆ្នាំ២០០៥ ច្បាប់ក៏បានហាមឃាត់ការជក់បារីនៅទីសាធារណៈទាំងអស់ ហើយគេចាត់ទុកថា គឺជាច្បាប់ហាមជក់បារីដំបូងគេនៅតំបន់អឺរ៉ុបពេលនោះ ៕

នៅថ្ងៃទី២ និងទី៣ ខែមករា ឆ្នាំ២០២៥ នេះលោកអ្នកនឹងអាចមើលឃើញទេពច្យុតហោះឆ្លងកាត់លើផ្ទៃមេឃនាពេលរាត្រីបានយ៉ាងច្បាស់ ដោយអាចមើលឃើញបានរហូតដល់ ១១០ អាចម៍ផ្កាយក្នុងមួយម៉ោងឯណោះ ដែលនេះគឺជាព្រឹត្តិការណ៍ដ៏កម្រមួយកើតឡើងតែម្តងគត់ក្នុងរយៈពេល ៧៨០ ថ្ងៃ។

ទេពច្យុត ឬអាចម៍ផ្កាយគឺជាបំណែកឬកម្ទេចកម្ទីដែលរសាត់អណ្តែតជុំវិញព្រះអាទិត្យ នៅពេលផែនដីគោចរកាត់កម្ទេចកម្ទីទាំងនេះ ពួកវាក៏ត្រូវធ្លាក់ចូលក្នុងស្រទាប់បរិយាកាសភពយើង ហើយកកិតឆេះក្នុងល្បឿនយ៉ាងលឿន ដែលបង្កើតទៅជាផ្កាយដុះកន្ទុយជាច្រើននៅលើផ្ទៃមេឃ។

ដូច្នេះកុំភ្លេចចូលរួមទស្សនាទាំងអស់គ្នា ដែលព្រឹត្តិការណ៍ដ៏អស្ចារ្យនេះកើតឡើងប្រហែលម៉ោង ៤ រសៀលដល់ម៉ោង ៧ យប់ដែលជាម៉ោងសកល។ ទោះជាយ៉ាងណាប្រសិនបើអ្នកខកខានមើលព្រឹត្តិការណ៍នេះ លោកអ្នកក៏អាចរង់ចាំទស្សនាព្រឹត្តិការណ៍តារាសាស្ត្រមួយផ្សេងទៀតគឺភពទាំង ៧ តម្រៀបគ្នាលើមេឃ ដែលនឹងលេចឡើងនៅថ្ងៃទី២១ ខែមករា ឆ្នាំ២០២៥។

ភពទាំងនោះរួមមាន៖ ភពពុធ ភពសុក្រ ភពអង្គារ ភពព្រហស្បតិ៍ ភពសៅរ៍ ភពអ៊ុយរ៉ានុស និងភពណិបទូន នឹងបង្ហាញខ្លួនក្នុងពេលតែមួយនៅលើមេឃ ដែលមនុស្សជុំវិញពិភពលោកអាចមើលឃើញដោយភ្នែកទទេបាន ដែលនេះគឺជាព្រឹត្តិការណ៍តារាសាស្ត្រដ៏អស្ចារ្យបំផុតមួយមិនធ្លាប់មាន។ ព្រឹត្តិការណ៍នេះត្រូវាបានគេស្គាល់ថាជាបាតុភូតក្បួនដង្ហែរបស់ភព ដែលលោកអ្នកអាចមើលភពទាំងនេះបាន នៅម៉ោងប្រហែល ៨:៣០ នាទីយប់ចាប់ពីថ្ងៃទី២១ ខែមករាដល់ថ្ងៃទី ២១ ខែកុម្ភៈពេញមួយខែតែម្តង៕

សហរដ្ឋអាមេរិក៖ កាលពីថ្ងៃទី២ ខែមករាថ្មីៗនេះ មានយន្តហោះខ្នាតតូចមួយធ្លាក់ចំដំបូលឃ្លាំងនៃរដ្ឋ Fullerton សហរដ្ឋអាមេរិក បណ្តាលឱ្យមនុស្សពីរនាក់ស្លា.ប់ និង ១៨ នាក់ផ្សេងទៀតរងរបួសយ៉ាងធ្ងន់ធ្ងរបំផុត។
ហេតុការណ៍ដ៏រន្ធត់នេះកើតឡើងនៅប្រហែលម៉ោង ២ រសៀលនាថ្ងៃទី២ ខែមករា ឆ្នាំ២០២៥ នៅជិតព្រលានយន្តហោះ Fullerton Municipal នៃរដ្ឋ Fullerton សហរដ្ឋអាមេរិក។ ប៉ូលិសបាននិយាយថា មានមនុស្សពីរនាក់បានស្លាប់ និង ១៨ នាក់ផ្សេងទៀតបានរងរបួស នៅពេលដែលយន្តហោះខ្នាតតូចមួយគ្រឿងបានធ្លាក់ពីលើដំបូលឃ្លាំង។

ភ្លាមនោះឃ្លាំងផ្ទុកទំនិញក៏បានឆាបឆេះយ៉ាងសន្ធោសន្ធៅ ដោយបញ្ចេញផ្សែងខ្មៅយ៉ាងក្រាស់ទៅក្នុងអាកាស ដែលអាចមើលឃើញយ៉ាងច្បាស់ពីចម្ងាយរាប់គីឡូម៉ែត្រ។ ប៉ូលីស និងអ្នកពន្លត់អគ្គីភ័យក៏បានទៅដល់កន្លែងកើតហេតុ ដោយជម្លៀសកម្មកររាប់សិបនាក់ចេញពីអគារឃ្លាំងនោះ ក្រោយមកភ្លើងក៏ត្រូវបានពន្លត់។ នេះបើយោងតាមការចុះផ្សាយរបស់សារព័ត៌មានបរទេស ABC7 ក្នុងចំណោមអ្នករបួស ១៨ នាក់ មាន ១០ នាក់ត្រូវបានគេបញ្ជូនទៅមន្ទីរពេទ្យសង្គ្រោះបន្ទាន់ និង ៨ នាក់ទៀតត្រូវបានព្យាបាលទាន់ពេលវេលា។

ទោះជាយ៉ាងណាព័ត៌មានលម្អិតអំពីការស្លាប់ពីរនាក់ផ្សេងទៀតមិនត្រូវបានឱ្យដឹងភ្លាមៗនោះទេ។ ហើយសម្រាប់មូលហេតុនៃការធ្លាក់យន្តហោះក៏មិនទាន់មានរបាយការណ៍ច្បាស់លាស់នោះឡើយ ដោយប៉ូលីសកំពុងស៊ើបអង្កេតរឿងទាំងនេះបន្តទៀត។ គួរបញ្ជាក់ដែរថា ករណីធ្លាក់យន្តហោះចំដំបូលអគារ ឬដំបូលឃ្លាំងមិនមែនជាលើកទីមួយនោះទេ។ ហេតុការណ៍ដ៏រន្ធត់នេះបានកើតឡើងច្រើនដងហើយនៅតាមបណ្តាប្រទេសផ្សេងៗ។

កាលពីឆ្នាំ ២០២៤ នៅអាមេរិកក៏មានយន្តហោះធុនស្រាលមួយគ្រឿងមានបញ្ហាម៉ាស៊ីន បានធ្លាក់ចូលទៅក្នុងផ្ទះមួយ បណ្តាលឱ្យមានការឆាបឆេះយ៉ាងខ្លាំង រីករាលដាលដល់ផ្ទះក្បែរនោះ ធ្វើឱ្យអ្នកបើកយន្តហោះ និងមនុស្សនៅក្នុងផ្ទះបានបាត់ជីវិតភ្លាមៗ រួមទាំងអ្នកជិតខាងក៏រងរបួសធ្ងន់ធ្ងរផងដែរ៕

ប្រទេសវ៉េណេស៊ុយអេឡា ៖ តុលាការនៅប្រទេសវ៉េណេស៊ុយអេឡា បានសម្រេចពិន័យ TikTok ស្មើទឹកប្រាក់១០លានដុល្លារអាមេរិក ដោយសារបណ្តាញសង្គមនេះបណ្តោយឱ្យមានការចែកចាយវីដេអូមានខ្លឹមសារគ្រោះថ្នា.ក់ គឺបង្ហាញពីការហិតក្លិនសារធាតុគីមី ។ ក្រោយពីវីដេអូត្រូវបានចែកចាយធ្វើឱ្យយុវវ័យមួយចំនួនធ្វើត្រាប់តាមរហូតដល់បាត់បង់ជីវិត និងយុវវ័យជាច្រើននាក់ទៀតប៉ះពាល់សុខភាពខ្លាំងត្រូវបញ្ជូនទៅមន្ទីរពេទ្យ ។

យុវ័យ៣នាក់បានស្លាប់ ក្រោយពីពួកគេធ្វើតាមវីដេអូហិតក្លិនសារធាតុគីមីនេះ ហើយមានយុវវ័យរហូតដល់ជាង២០០នាក់ ត្រូវបានបញ្ជូនទៅមន្ទីរពេទ្យ កាលពីខែវិច្ឆិកា ឆ្នាំ២០២៤ ។ រដ្ឋាភិបាលនឹងយកប្រាក់បានពីការពិន័យ TikTok ផ្តល់ឱ្យក្រុមគ្រួសារសាកសព និងយុវវ័យដែលត្រូវគេបញ្ជូនទៅមន្ទីរពេទ្យ ដោយរដ្ឋាភិបាលទុកពេលឱ្យ TikTok បង់ប្រាក់ពិន័យមិនឱ្យលើសពី៨ថ្ងៃ ក្រោយការប្រកាស ។

ប្រសិនបើ TikTok ពុំព្រមបង់ប្រាក់ពិន័យ ឬបង់ប្រាក់ពិន័យមិនត្រឹមត្រូវតាមពេលកំណត់ទេនោះ រដ្ឋាភិបាលនឹងចាត់វិធានការបន្តទៀត ។ ប៉ុន្តែតុលាការវ៉េណេស៊ុយអេឡាពុំបានបញ្ជាក់ថា វិធានការបន្ទាប់ជាអ្វីទេ ។

ប្រទេសជាច្រើនបានរឹតបន្តឹងការប្រើប្រាស់ TikTok ពីព្រោះសង្ស័យថា បណ្តាញសង្គមនេះពាក់ព័ន្ធជាមួយរដ្ឋាភិបាលចិន គឺការបញ្ជូនទិន្នន័យអ្នកប្រើប្រាស់នៅក្រៅប្រទេសទៅឱ្យរដ្ឋាភិបាលចិន ។ TikTok បានបណ្តោយឱ្យមានការចែកចាយវីដេអូគ្រោះថ្នាក់ និងធ្វើឱ្យប្រទេសនានាបារម្ភយ៉ាងខ្លាំងពីការខុសសីលធម៌ ដោយសារអ្នកប្រើប្រាស់ភាគច្រើនជាក្រុមយុវវ័យឈាមរាវ ពុំសូវចេះគិតវែងឆ្ងាយនាំគ្នាធ្វើតាមវីដេអូរហូតដល់បាត់បង់ជីវិត ។

ជាក់ស្តែង យុវវ័យរស់នៅប្រទេសជាច្រើនបានធ្វើតាមវីដេអូក្នុង TikTok គឺការច្របាច់កអ្នកដទៃរហូតដល់បាត់បង់ស្មារតី ទើបលែងដៃវិញ ។ ប្រទេសនានាចាត់ទុកថា វីដេអូបែបនេះគ្រោះថ្នាក់ខ្លាំងណាស់ដែលមានយុវវ័យធ្វើតាម ហើយស្លាប់អស់ជាច្រើននាក់ ។ ក្រៅពីនេះ ក៏មានវីដេអូលេបថ្នាំហួសកម្រិតត្រូវបានចែកចាយក្នុងបណ្តាញសង្គមនេះផងដែរ ។

ចំណែកអ្នកនាំពាក្យរបស់ TikTok បញ្ជាក់ថា ពួកគេព្យាយាមគ្រប់គ្រងការចែកចាយវីដេអូមានគ្រោះថ្នាក់យ៉ាងតឹងរ៉ឹង ហើយបានវិនិយោគប្រាក់យ៉ាងច្រើនបង្កើតប្រព័ន្ធការពារមិនឱ្យចែកចាយខ្លឹមសារគ្រោះថ្នាក់ ។ លើសពីនេះ TikTok ក៏បានដាស់តឿនពីវីដេអូគ្រោះថ្នាក់, កំណត់អាយុអ្នកប្រើប្រាស់ ហើយយុវវ័យអាចមើលឃើញតែវីដេអូណាដែលបង្ហាញខ្លឹមសារតាមអាយុពួកគេប៉ុណ្ណោះ ៕

ប្រទេសចិន ៖ កាលពីថ្ងៃទី៣១ ខែធ្នូ ឆ្នាំ២០២៤ សារព័ត៌មានបរទេសរាយការណ៍ថា ចិនធ្វើឱ្យប្រទេសនានាលើពិភពលោក ចាប់អារម្មណ៍យ៉ាងខ្លាំង ក្រោយពីចិនយករថយន្តដឹកទំនិញធំៗចំនួន៧២គ្រឿង ដែលរថយន្តដឹកទំនិញមានទម្ងន់សរុបប្រមាណ២,៥២០តោន មកបើកបរសាកល្បងភាពរឹងមាំរបស់ស្ពានថ្មីឆ្លងកាត់ទន្លេចាងខឺ ខេត្តហ្គីចូវ ស្ថិតនៅភាគនិរតីប្រទេសចិន ។

ការសាកល្បងដោយប្រើប្រាស់រថយន្តដឹកទំនិញធំៗជាច្រើនគ្រឿងនេះ គឺជាការសាកល្បងភាពរឹងមាំរបស់ស្ពានថ្មីលើកចុងក្រោយ មុនពេលអនុញ្ញាតឱ្យពលរដ្ឋធ្វើដំណើរឆ្លងកាត់ជាផ្លូវការ ។ លទ្ធផលការសាកល្បងបង្ហាញថា ស្ពានថ្មីឆ្លងកាត់ទន្លេចាងខឺ មានប្រសិទ្ធភាពក្នុងការប្រើប្រាស់ និងអាចទ្រទ្រង់ទម្ងន់រថយន្តដឹកទំនិញទាំងអស់ ។

ការសាងសង់ស្ពានឆ្លងកាត់ទន្លេចាងខឺ គឺក្នុងគោលបំណងបង្កើតផ្លូវធ្វើដំណើរថ្មីដើម្បីឱ្យពលរដ្ឋចំណាយពេលតិច និងឆាប់រហ័សជាងមុន ។ ស្ពាននេះមានប្រវែងសរុបស្មើនឹង១,៨៤៩ម៉ែត្រ និងកម្ពស់៣៨០ម៉ែត្រ ដែលតភ្ជាប់រវាងស្រុកណាយុង និងស្រុកឈីងលុង ខេត្តហ្គីចូវ ។

គួរបញ្ជាក់ថា ផ្ទៃដីខេត្តហ្គីចូវ ជាង៩០% គឺគ្របដណ្តប់ទៅដោយភ្នំ និងជ្រលងភ្នំយ៉ាងច្រើនរាប់ពុំអស់ ហើយធ្វើឱ្យចិនពិបាកអភិវឌ្ឍន៍ផ្លូវដឹកជញ្ជូន និងសេដ្ឋកិច្ចក្នុងខេត្តនេះយ៉ាងខ្លាំង ។ ប៉ុន្មានឆ្នាំចុងក្រោយនេះ ខេត្តហ្គីចូវ ត្រូវបានអភិវឌ្ឍន៍ហេដ្ឋារចនាសម្ព័ន្ធទាំងផ្លូវគោក ផ្លូវរថភ្លើង ផ្លូវទឹក និងផ្លូវអាកាស ។ រីឯស្ពានតភ្ជាប់ជ្រលងភ្នំក្នុងខេត្តហ្គីចូវ គឺស្មើ២៨,០២៣កន្លែង ដែលរដ្ឋាភិបាលបានសាងសង់សម្រាប់ឱ្យពលរដ្ឋរស់នៅជនបទ ជាង១៧លាននាក់ ងាយស្រួលធ្វើដំណើរ ។

គេពុំនឹកស្មានថា ហ្គីចូវ គឺជាខេត្តក្រីក្រ និងគ្មានការអភិវឌ្ឍ បែរជាអាចប្រើប្រាស់បច្ចេកវិទ្យាយកឈ្នះលើលក្ខខណ្ឌធម្មជាតិ ដោយការសាងសង់ស្ពានជាច្រើនកន្លែងដើម្បីទំនាក់ទំនងជាមួយពិភពខាងក្រៅ ។ ហេតុនេះ ការសាងសង់ស្ពានថ្មី មិនត្រឹមតែបង្កើតកេរ្តិ៍ឈ្មោះផ្នែកវិស្វកម្មសំណង់ទៅកាន់ពិភពលោកប៉ុណ្ណោះទេ ប៉ុន្តែវានឹងជួយឱ្យខេត្តហ្គីចូវ អាចតភ្ជាប់ជាមួយបណ្តាខេត្តនានាដើម្បីអភិវឌ្ឍន៍ក្នុងតំបន់ផងដែរ ៕

ប្រទេសចិន ៖ ប្រទេសចិននឹងដំណើរការរថភ្លើងដឹកអ្នកដំណើររត់ក្នុងល្បឿនលឿនបំផុតលើពិភពលោក ប្រភេទ CR450 គឺស្មើ៤៥០គីឡូម៉ែត្រក្នុង១ម៉ោង នៅទីក្រុងប៉េកាំង ។ វាមានសុវត្ថិភាព និងសន្សំសំចៃថាមពលបានច្រើន ខណៈទូររថភ្លើងសម្រាប់អ្នកដំណើរមានទំហំធំទូលាយជាងរថភ្លើងផ្សេងៗ ហើយកន្លែងដាក់ឥវ៉ាន់ក៏មានទំហំធំដែរ ។ នេះបើតាមការចុះផ្សាយរបស់សារព័ត៌មាន China Daily កាលពីថ្ងៃទី៣០ ខែធ្នូ ឆ្នាំ២០២៤ ។

បច្ចុប្បន្ន ចិនមានរថភ្លើងដឹកអ្នកដំណើររត់ក្នុងល្បឿនលឿនបំផុតលើពិភពលោក គឺរថភ្លើងសៀងហៃ Maglev ដែលតភ្ជាប់អាកាសយានដ្ឋានជាមួយទីក្រុងសៀងហៃ ដែលរត់ក្នុងល្បឿន៤៣០គីឡូម៉ែត្រក្នុង១ម៉ោង ។ រីឯរថភ្លើងល្បឿនលឿនផ្សេងទៀតរបស់ចិន ក៏បានតភ្ជាប់ជាមួយទីក្រុងធំៗផងដែរ ដែលរត់ក្នុងល្បឿន៣៥០គីឡូម៉ែត្រក្នុង១ម៉ោង ។

ដោយឡែក រថភ្លើងលឿនលឿននៅប្រទេសជប៉ុនរត់ក្នុងល្បឿនលឿនបំផុតត្រឹមតែ៣២០គីឡូម៉ែត្រក្នុង១ម៉ោងប៉ុណ្ណោះ ។ រីឯរថភ្លើងល្បឿនលឿននៅតំបន់អឺរ៉ុប ដូចជា ៖ រថភ្លើង ICE 3 នៅអាល្លឺម៉ង់ រត់ក្នុងល្បឿន៣៥០គីឡូម៉ែត្រក្នុង១ម៉ោង ។

រថភ្លើងនានានៅចិនបានដឹកអ្នកដំណើរក្នុងចម្ងាយផ្លូវសរុបស្មើជាង៤៣,៧០០គីឡូម៉ែត្រ ដែលតភ្ជាប់ទីក្រុងនៅទូទាំងប្រទេស ស្មើជាង៥៥០ទីក្រុង ។ នៅឆ្នាំ២០៣៥ ចិនមានគម្រោងពង្រីកផ្លូវដែករហូតដល់២សែនគីឡូម៉ែត្រ ក្នុងនោះសម្រាប់ដែកសម្រាប់រថភ្លើងល្បឿនលឿន ស្មើនឹង៧ម៉ឺនគីឡូម៉ែត្រ ។

ក្រុមហ៊ុនរថភ្លើងចិនបញ្ជាក់ថា ការដំណើរការរថភ្លើងល្បឿនលឿនបំផុតលើពិភពលោក ដែលរត់ក្នុងចម្ងាយ៤៥០គីឡូម៉ែត្រក្នុង១ម៉ោងនេះ គឺបង្ហាញពីការរីកចម្រើនផ្នែកបច្ចេកវិទ្យារថភ្លើងយ៉ាងឆាប់រហ័សរបស់ចិន ហើយក្រុមហ៊ុននឹងផ្តល់សេវាកម្មដឹកអ្នកដំណើរនាពេលឆាប់ៗ ។

ចិនបានសាកល្បងរថភ្លើងល្បឿនលឿនរត់លើផ្លូវដែកអស់ជាង២០០ថ្ងៃ មុនពេលដំណើរការជាផ្លូវការ ហើយវាជាការបំពេញតម្រូវការរបស់ពលរដ្ឋដែលចង់ចំណាយពេលតិចក្នុងការធ្វើដំណើរ ។ រដ្ឋាភិបាលចិនបានអនុវត្តគម្រោងសាងសង់ផ្លូវដែកនៅទូទាំងអាស៊ី គឺតភ្ជាប់ទីក្រុងគុនមីង ជាមួយប្រទេសសិង្ហបុរី ដោយឆ្លងកាត់តាមឡាវ ថៃ និងម៉ាឡេស៊ី ៕