រមណីយដ្ឋានទេសចរណ៍ប្រវត្តិសាស្រ្ត ចេតិយឃុនឆាងឃុនផែន ដែលមានទីតំាងស្ថិតក្នុងស្រុកមណ្ឌលសីមា ខេត្តកោះកុង ដែលមានចម្ងាយត្រឹមតែជាង៦៥០ម៉ែត្រប៉ុណ្ណោះ ពីស្ពានកោះកុង ដែលភ្ជាប់ដៃសមុទ្រពីខាងកើត មកកាន់ត្រើយខាងលិចនៃក្រុងខេមរភូមិន្ទ ។

ចេតិយនេះ មានកម្ពស់ជាង៤ម៉ែត្រ ស្ថិតលើផែថ្មប៉ប្រះទឹក មិនត្រឹមតែជាបូជនីយដ្ឋាននៃអ្នកក្នុងខេត្តប៉ុណ្ណោះទេ ថែមទាំងជាកន្លែងដែលភ្ញៀវទេសចរនៅតាមបណ្តាខេត្តផ្សេងៗ ចង់ដឹង និងចង់ស្គាល់ ជាពិសេសទៅបន់ស្រន់ នៅពេលបានធ្វើដំណើរឆ្លងកាត់ខេត្តកោះកុង។ នៅទីនោះ គឺរំលេចដោយទេសភាពធម្មជាតិយ៉ាងស្រស់ត្រកាល អមជាមួយនឹងផ្ទៃទឹក និងមានស្ពានបេតុងមួយខ្សែអូសកាត់ទឹកសមុទ្រ សម្រាប់ចម្លងភ្ញៀវទេសចរ ទៅទស្សនាចេតិយបុរាណនេះ។

ប្រជាជនខ្មែរមានជំនឿថា ចេតីយឃុនឆាង ឃុនផែន គឺជាទីសក្ការៈបូជាដ៏ស័ក្តិសិទ្ធបំផុត និងតែងសម្រេចតាមបំណងប្រាថ្នា រាល់ពេលមកបន់ស្រន់។

សូមបញ្ជាក់ថា ចេតិយឃុនឆាងឃុនផែន មានប្រវត្តិជាប់ទាក់ទិននឹងរឿងព្រេងមួយដែលតំណាលពីស្នេហារបស់កំលោះ២នាក់ ឈ្មោះឃុនឆាង ឃុនផែន តាមស្រឡាញ់នារីម្នាក់ឈ្មោះភឹម ហើយស្នេហាត្រីកោណមួយនេះ បានធ្វើឱ្យនារីឈ្មោះភឹមបាត់បង់ជីវិត បន្ទាប់មកឃុនឆាងក៏បានសាងសង់ចេតិយបញ្ចុះសពនាងភឹមនៅត្រើយខាងលិច ដើម្បីបញ្ជាក់ពីសេចក្ដីស្រលាញ់ ហើយឃុនឆាងក៏បានយកទង់ព្រលឹងនាង ដោតនៅត្រើយខាងកើត ដើម្បីឱ្យនាងឆាប់បានចាប់ ជាតិជាថ្មី ។ ក្រោយមកនៅទីនោះ ក៏បានជាប់ឈ្មោះថាភូមិដងទង់ ចំណែកត្រើយខាងលិចកន្លែងដែលបញ្ចុះសពនាងភឹម ត្រូវបានជាប់ឈ្មោះថា ជាភូមិចេតិយរហូតដល់សព្វថ្ងៃនេះ ៕

ជឿជាក់ថា អ្នកទាំងអស់គ្នាប្រាកដជាស្គាល់ហើយ កំពូលអ្នក Review ជំនាន់ថ្មី Chen Ra Dee ដែលកំពុងតែផ្ទុះ.នូវការចាប់អារម្មណ៍ខ្លាំងនាពេលថ្មីៗនេះ។

ប្អូនប្រុស ឈាន ឌី ដែលមានឈ្មោះនៅលើបណ្តាញសង្គម Tik Tok និងហ្វេសបុកថា Chen Ra Dee នាពេលកន្លងមកគឺតែងដាក់បង្ហោះវីដេអូជាច្រើនប្រម៉ូតអំពីផលិតផលជាច្រើនយ៉ាងសម្បូរបែប។ ក្នុងនាមជា Reviewer មួយរូប ដែលទទួលបាននូវភាពលេចធ្លោ ព្រោះតែស្តាយ៍នៃការ Review ថ្មីប្លែកពីអ្នកដទៃ។

ការ Review របស់ប្អូនប្រុស ហាក់បីគ្រាន់តែជាការនិយាយបែបធម្មតាៗប៉ុណ្ណោះ តែក៏ពោរពេញដោយសំណើច កំប្លែងស្ងួន និងទឹកដមសំឡេងរដឹនៗតិចៗ គួរឲ្យចង់ស្តាប់និងតាមដានទស្សនា។ អ្នកលេងបណ្តាញសង្គមតែងលើកសរសើរថា នេះហើយទើបសមជាកំពូលអ្នក Review ពិតៗ ដែលហ៊ានបញ្ចេញមតិយោបល់ទៅផលិតផល មិនឆ្ងាញ់ថាមិនឆ្ងាញ់ ប្រៃថាប្រៃ មិនល្អថាមិនល្អជាដើម។

យ៉ាងណា ថ្មីៗនេះ ក៏មានការចែករំលែកវីដេអូរបស់ Chen Ra Dee កាលពីនៅកុមារភាព អំឡុងរូបគេរៀនថ្នាក់ទី៧ ជាមួយនឹងមិត្តភក្តិខ្លួនមួយក្រុម ខណៈក៏ទទួលបានមតិកោតសរសើរកាន់តែខ្លំាងឡើង អំពីកិច្ចខិតខំប្រឹងប្រែងពិតជាមិនឥតប្រយោជន៍មែន ដែលវានឹងហុចផលនៅថ្ងៃណាមួយជាក់ជាមិនខាន។

សូមជម្រាបថា បច្ចុប្បន្ន ប្អូនប្រុសកំពុងរៀននៅកម្រិតវិទ្យាល័យហើយ ខណៈក្នុងនាមជាសិស្សានុសិស្សផង និងជាអ្នកប្រម៉ូតផងស្របតាមសម័យឌីជីថល ឆ្លុះបញ្ចាំងពីទំពាំងស្នងឬស្សីដ៏មានគុណភាពរបស់សង្គមជាតិ៕

ជឿជាក់ថា ប្រជាជនខ្មែរគ្រប់ៗរូបប្រាកដជាស្គាល់យ៉ាងច្បាស់ហើយសំបកណែមបន្ទះស្តើងៗ ធ្វើចេញពីអង្ករ ត្រូវបានចាត់ទុកថាជាមុខរបរប្រពៃណីនិងផលិតផលក្នុងស្រុកដ៏ទាក់ទាញ របស់អ្នកភូមិមួយ រស់នៅក្នុងខេត្តបាត់ដំបង។

ភូមិដូនទាវ ឃុំពាមឯក ស្រុកឯកភ្នំ ខេត្តបាត់ដំបង គឺជាទីតំាងដែលប្រជាពលរដ្ឋខ្មែររស់នៅទីនោះ បាននឹងកំពុងប្រកបរបរផលិតសំបកណែម ដែលជាទំនៀមទម្លាប់ប្រពៃណីតំាងពីបុរាណកាលមកម្លេះ។ ក្រៅតែពីជាទំនៀមទម្លាប់ប្រពៃណីហើយ សំបកណែម ថែមទាំងជាផលិតផលទេសចរណ៍ក្នុងស្រុកមួយដ៏ទាក់ទាញទៀតផង។ នៅតាមដងផ្លូវធ្វើដំណើរនៅឯភូមិមួយនេះ អ្នកទាំងអស់គ្នានឹងប្រទះឃើញ ផ្ទះប្រជាពលរដ្ឋ ហាលសុទ្ធតែសំបកណែម ព្រោងព្រាត ខណៈក៏អាចចូលទៅទស្សនាឈ្វេងយល់ពីរបៀបនៃការធ្វើផងដែរ។

នៅក្នុងតំបន់អាស៊ីយើងនេះ គេតែងប្រើប្រាស់សំបកណែម ទៅច្នៃធ្វើជាអាហារជាច្រើនមុខយ៉ាង តួយ៉ាងដូចជាកម្ពុជាយើង ណែមបំពងនិងណែមស្រស់ៗ ដែលអ្នកខ្លះហៅថា គួងនិងសារយ៉ យកទៅជ្រលក់ជាមួយទឹកត្រីបុកយ៉ាងឆ្ងាញ់ពិសារ។ ខណៈដែល បាញ់ត្រាំង ក៏គេធ្វើពីសំបកណែមនេះដែរ ដោយកាត់តូចៗ លាយជាមួយនឹងគ្រឿងទេស ជាអាហារសំរន់ដ៏ពេញនិយមក្នុងចំណោមយុវវ័យ។

សូមជម្រាបថា សំបកណែម គឺផលិតចេញពីម្សៅអង្ករសុទ្ធសាធ។ ដំបូងគេយកម្សៅអង្ករត្រាំទឹកមួយយប់ រួចចំហុយដោយចំហាយទឹកហើយ យកម្សៅអង្ករទៅវាច លើក្រណាត់ដែលចងគ្របពីលើមាត់ឆ្នាំង។ បន្ទាប់មកគេយកសន្លឹកសំបកណែម ដែលវាចរួចនោះទៅសំដិលហាល លើបន្ទះពិនដែលបិតពីខ្នងឫស្សី មានក្រឡាប្រហែល២សង់ទីម៉ែត្រ ហាលក្រោមពន្លឺព្រះអាទិត្យរហូតដល់ស្ងួត៕

ក្រសួងសុខាភិបាលនៃព្រះរាជាណាចក្រកម្ពុជា បានចេញសេចក្តីជូនដំណឹងជាសាធារណ ស្នើឱ្យពលរដ្ឋតាមដានសន្ទស្សន៍គុណភាពខ្យល់ ដោយយកចិត្តទុកដាក់ និងការពារសុខភាពខ្លួន និងសមាជិកក្រុមគ្រួសារឱ្យបានហ្មត់ចត់បំផុត។

ដើម្បីចៀសវៀង កុំឱ្យមានបញ្ហាសុខភាព ជុំវិញការបម្រែបម្រួលគុណភាពខ្យល់ ក្រសួងចេញយន្តការ៦យ៉ាង ឱ្យពលរដ្ឋអនុវត្ត៖

• ទី១:បន្តតាមដានីស្ថានភាពគុណភាពខ្យល់តាមរយៈប្រព័ន្ធផ្សព្វផ្សាយ ឬគេហទំព័ររបស់ក្រសួងបរិស្ថាន (https://airquality.moe.gov.kh) ដើម្បីដឹងអំពីសន្ទស្សន៍គុណភាពខ្យល់នៅក្នុងភូមិសាស្ត្រដែលអ្នករស់នៅ
• ទី២:ស្នាក់នៅក្នុងផ្ទះ ក្នុងអំឡុងពេលដែលសន្ទស្សន៍គុណភាពខ្យល់ខ្ពស់ (ពណ៌ក្រហម) ឬឌ ណ៌ក្រហម) ឬខ្ពស់ខ្លាំង (ពណ៌ស្វាយ)ឬបរិយាកាសអ័ព្ទអូដោយសារមានការកើនឡើងនូវកំហាប់សារធាតុបំពុលខ្យល់
• ទី៣:បិទបង្អួច និងទ្វារ ដើម្បីបង្ការខ្យល់មិនល្អពីខាងក្រៅចូលក្នុងផ្ទះ
• ទី៤:កាត់បន្ថយសកម្មភាពខាងក្រៅផ្ទះ ឬនៅទីវាល ខ្ពស់ខ្លាំង ឬពាក់ម៉ាស ក្នុងករណីចាំបាច់ ក្នុងអំឡុងពេលដែលសន្ទស្សន៍គុណភាពខ្យល់ខ្ពស់
• ទី៥:ទទួលទានទឹកឱ្យបានគ្រប់គ្រាន់
• ទី៦:ត្រូវយកចិត្តទុកដាក់ការពារជាពិសេសចំពោះ ទារក កុមារ ស្ត្រីមានផ្ទៃពោះ ជនចាស់ជរា អ្នកមានជំងឺសួត ជំងឺសរសៃឈាមបេះដូង និងជំងឺរ៉ាំរ៉ៃ ដែលជាក្រុមងាយរងគ្រោះ
• ទី៧:ប្រសិនបើមានរោគសញ្ញាផ្លូវដង្ហើមដូចជា ពិបាកដកដង្ហើម ក្អក ហត់ សូមលោកអ្នកប្រញាប់ទៅកាន់ “មណ្ឌលសុខភាព ឬមន្ទីរពេទ្យដែលនៅជិតផ្ទះលោកអ្នក