ស្ថិតនៅក្នុងប្រទេសជប៉ុន ជី ដេវីត និង ទេព បូព្រឹក្ស បានធ្វើឱ្យអ្នកគាំទ្រមានការចាប់អារម្មណ៍យ៉ាងខ្លាំងបន្ទាប់ពីទម្លាយវីដេអូខ្លីមួយពីរូបភាពអ្នកទាំងពីរស្ថិតនៅក្នុងឈុតប្រពៃណីខ្មែរថតរូបព្រះថោងតោងស្បៃនៅតំបន់ត្រជាក់រហូតដល់-១២អង្សាសេ។

នៅថ្ងៃទី៣ កុម្ភៈ ទេព បូព្រឹក្ស បានបង្ហោះវីដេអូខ្លីជាមួយនឹងចំណងជើងថា «ព្រះថោងតោងស្បៃ បុព្វហេតុនៃសេចក្តីស្នេហាដាប់លើផ្ទាំងសិលាអមតៈ អមដោយសក្ខីភាពនៃប្រពៃណីខ្មែរផូរផង់។ រយជាតិ»។ វីដេអូខ្លីមួយនេះពីតារាចម្រៀងល្បីឈ្មោះស្លៀកឈុតប្រពៃណីខ្មែរនេះទទួលបានការចាប់អារម្មណ៍ពីអ្នកគាំទ្ររួមទាំងអ្នកក្នុងចង្កោមសិល្បៈ។

បវរកញ្ញា អ៊ិន លក្ខិណា ម៉ូលីកា តារាចម្រៀង យក់ ថិតរដ្ឋា ជំទាវ នៅ សូនិតា តារាសម្តែង ឈិន មុន្នីនាថ និងអ្នកជំនួញ ជីមមី រួមទាំងទស្សនិកជនជាច្រើនទៀតបានចូលទៅខម្មិនបង្ហាញការស្រលាញ់ទៅកាន់អ្នកទាំងពីរ។ ងាកទៅកាន់ចែតាបារាំង ដែលមានការរាប់អានគ្នាដចបងប្អូនបានចំអន់ដែរថា វីដេអូនេះដូចកាត់តដូចជំនាន់២០០៩ និងបានដាក់ហាសថេកថា កូនក្រមុំលើភ្នំទឹកកក។ បើតាមមនុស្សជិតស្និទ្ធអ្នកទៅជាមួយតារាចម្រៀងទាំងពីរដួងបានបង្ហាញថាអាកាសធាតុនៅទីនោះគឺ-១២អង្សាសេ។

ក្នុងការស្លៀកឈុតប្រពៃណីខ្មែរជាមួយនឹងអាកាសធាតុត្រជាក់នៅលើភ្នំទឹកកកប្រទេសជប៉ុន ទំនងជាអ្នកទាំងពីរផ្តិតយករូបភាព Pre Weeding ខណៈអ្នកទាំងពីរគ្រោងចូលរោងការនៅថ្ងៃទី០៧ ខែមិថុនា ឆ្នាំ២០២៥ ខាងមុខនេះ។ ទោះបីជារាល់ថ្ងៃនេះអ្នកទាំងពីររស់នៅជាមួយគ្នាថែមទាំងមានចំណងដៃកូន ចុះអេតាស៊ីវិលប្តីប្រពន្ធពេញច្បាប់ហើយនៅរៀបចំពិធីមង្គលការនេះការរៀបការនេះគឺ ជី ដេវីត ចង់ផ្តល់អារម្មណ៍មួយពេញលេញសម្រាប់ ទេព បូព្រឹក្ស ដល់ពេលវេលាមួយដែលខ្លួនលោកអាចមានទំនួលខុសត្រូវគ្រប់គ្រាន់ មានលទ្ធភាពគ្រប់គ្រាន់ដើម្បីផ្តល់នូវក្តីសុខមុខមាត់ពេញលេញជូនទៅដល់ ទេព បូព្រឹក្ស៕

ប្រិយមិត្តអ្នកតាមដានជ្រាបមកហើយថា អាណារ៉ូស បានក្លាយជាបេក្ខភាពផ្លូវការក្នុងការប្រកួត Miss Supranational Cambodia 2025 ក្នុងគោលដៅបំបាត់រាល់ពាក្យសម្តី Bully និងចង់ល្បីបែបបវរកញ្ញាមិនចង់ល្បីបែបកំប្លែងនោះទេ។ នៅពេលបង្ហាញខ្លួនការដើរ និងការនិយាយរបស់ រ៉ូស ហាក់មិនសូវស្ទាត់នៅមានភាពភ័យខ្លាចនៅឡើយខណៈ MSC11 រូបនេះបានជំរុញចិត្ត អ៊ិន លក្ខិណា បើកភ្លើងខៀវស្ម័គ្រចិត្តចែករំលែកបទពិសោធន៍ដល់ រ៉ូស។

ល្ងាចថ្ងៃទី៣ កុម្ភៈ អ៊ិន លក្ខិណា Miss Cosmo Cambodia 2024 បានចែករំលែកវីដេអូរបស់ រ៉ូស ក្នុងការណែនាំឈ្មោះនិងគោលដៅក្នុងការមកប្រកួត Miss Supranational Cambodia 2025ដោយនាងបានដាក់ខ្លឹមសារថា «ខ្ញុំឃើញគាត់ហើយ ពិតជានឹកដល់គ្រាដំបូងដែលនាងខ្ញុំចូលកាន់វិស័យបវកញ្ញា អ្វីគ្រប់យ៉ាងត្រូវចាប់ផ្ដើមពីចំណុច 0 ដោយការតស៊ូនិងការប្រឹងទើបនាងខ្ញុំមានថ្ងៃនេះ សង្ឃឹមថាបងនឹងសម្រេចនៅបំណងប្រាថ្នាមួយចុះ ហើយរីករាយក្នុងការចែករំលែកនៅបទពិសោធន៍ទៅកាន់បង បើបងមានចំណាប់អារម្មណ៍ បងអាចទាក់ទងមកកាន់ខ្ញុំបាន»។

ការបើកភ្លើងខៀវពីសំណាកបវរកញ្ញា អ៊ិន លក្ខិណា នេះបានធ្វើឱ្យ អាណារ៉ូស បានផ្សារភ្ជាប់ទំនាក់ទំនងនិងចង់រៀនសូត្របន្ថែមទៀតពី Miss Cosmo Cambodia 2024 និងបានជាប់ TOP10 នៅលើឆាកអន្តរជាតិ។ ទឹកចិត្តដ៏ប្រពៃណីរបស់ លក្ខិណា មានបំណងជួយដល់ រ៉ូស នេះដែរបានធ្វើឱ្យអ្នកគាំទ្ររបស់នាងក៏កោតសរសើរផងដែរ។

គូសបញ្ជាក់ថា ការបង្ហាញខ្លួនរបស់ រ៉ូស លើកដំបូងក្នុងវិស័យបវរកញ្ញាបានធ្វើឱ្យមានមតិលើកឡើងថា នាងប្លែក រៀបចំខ្លួនបានល្អ និងថាកុំលេងសើចជាមួយនឹង រ៉ូស ជួនកាលបេក្ខនារីល្មមៗអាចចាញ់រ៉ូសក៏ថាបាន។ នាងមានវ័យ២៥ឆ្នាំ កម្ពស់ ១.៦៥ ម៉ែត្រ ចេះ៤ភាសាគឺ ភាសាខ្មែរ ចិន វៀតណាម និងអង់គ្លេស ដែលមានទេពកោសល្យ ច្រៀង សម្តែង និងដើរម៉ូត។ ទោះជាយ៉ាងណា អ្នកលេងបណ្តាញសង្គមមួយចំនួននៅចិញ្ចឹមចិត្តថា ការចូលរួមប្រកួតរបស់ រ៉ូស គឺគ្រាន់តែជាភាពទាក់ទាញនៅក្នុងកម្មវិធី ខណៈភាគច្រើនដឹងស្រាប់ហើយថា រ៉ូស គឺពោរពេញដោយរឿងអាស្រូវនៅលើបណ្តាញសង្គមមានការមិនពេញចិត្តច្រើនទៅកាន់នាង៕

តារាចម្រៀង វណ្ណថាន និង វណ្ណដា បានសាងសមិទ្ធផលដ៏ជោគជ័យបំផុតជាមួយនឹងបទ «កំលោះស្រុកខ្មែរ» ដែលមានការស្តាប់រហូតលើសពី១០០លានដង។ ថ្មីៗនេះ វណ្ណថាន ក៏បានបង្ហើបបទថ្មីទំនងជាបទចូលឆ្នាំខ្មែរខាងមុខដោយបានមេនសិនតារាចម្រៀង វណ្ណដា និង នរិទ្ធ មកជាមួយជាហេតុធ្វើឱ្យអ្នកគាំទ្ររបស់ពួកគេជ្រួលច្របល់យ៉ាងខ្លាំង។

នៅថ្ងៃទី២ កុម្ភៈ តារាចម្រៀង វណ្ណថាន បានបង្ហោះវីដេអូខ្លី១៧វិនាទី ជាមួយនឹងចំណងជើងថា «អត់ចេះរដឺនទេ តាអូនព្រហើន ក៏បងស្នេហ៍ដែរ ដោយបានមេនសិនតារាចម្រៀង នរិទ្ធ និង វណ្ណដា មកជាមួយ»។ ការ Spoil បទថ្មីនេះពីសំណាកតារាចម្រៀង វណ្ណថាន ទំនងជាអាចទម្លាក់នាខែមេសា ខាងមុននេះសម្រាប់ឱកាសចូលឆ្នាំថ្មីប្រពៃណីខ្មែរ ជាហេតុធ្វើឱ្យទស្សនិកជនមានការចាប់អារម្មណ៍យ៉ាងខ្លាំង ហើយមានការប៉ាន់ស្មានថាអ្នកទាំង៣អាចនឹងសហការគ្នាជាលើកដំបូងក្នុងឆ្នាំ២០២៥។ កន្លងមក វណ្ណថាន និងវណ្ណដា បានសាងស្នាដៃជាមួយគ្នាធ្វើឱ្យកក្រើកទីផ្សារយ៉ាងខ្លាំង។

បទ «កំលោះស្រុកខ្មែរ» ពីតារាចម្រៀងរ៉េប វណ្ណដា និង វណ្ណថាន ទទួលបានសមិទ្ធផលដ៏ជោគជ័យមានការស្តាប់លើសពី១០០លានដង បន្ទាប់ពីចាយពេល១ឆ្នាំ៧ខែនិងជាង១០ថ្ងៃកាលពីខែវិច្ឆិកា ឆ្នាំ២០២៤។ នេះជាប្រវត្តិសាស្រ្តលើកដំបូងសម្រាប់ វណ្ណថាន មានបទចម្រៀង១០០M ខណៈជាលើកទី២ សម្រាប់ វណ្ណដា បន្ទាប់ពីបទ «Time To Rise»។

ចំណែកឯតារាចម្រៀង នរិទ្ធ ក៏ធ្លាប់សហការជាមួយនឹង វណ្ណដា ដូចគ្នាទៅលើបទចម្រៀងចូលឆ្នាំ២០២៤ ដែលមានចំណងជើងថា « ក្រមុំស្រុកណា?» ដែលមានការស្តាប់ជាង២៥លានដង ជាបទទី២ មានការស្តាប់ច្រើនជាងគេនៅលើឆាណែលលោកបន្ទាប់ពីបទ «មួយណា»។

គេចាំបានថាកាលពីខែកញ្ញា ឆ្នាំ២០២៤ តារាចម្រៀង វណ្ណដា បានបង្ហោះវីដេអូ Story របស់ខ្លួនកំពុងស្ថិតនៅជាមួយ វណ្ណថាន នរិទ្ធ រួមទាំងក្រុមការងារកំពុងធ្វើបទចម្រៀងថ្មីដែលកាលនោះធ្វើឱ្យអ្នកគាំទ្ររំពឹងទុកថាតារាចម្រៀងទាំង៣រូបទំនងជាសហការគ្នា៕

ថ្មីៗនេះអ្នកស្នេហាវិស័យហ៊ីបហបនៅក្នុងប្រទេសកម្ពុជាមានការបញ្ចេញមតិព្រោងព្រាតបន្ទាប់ពីអ្នក Reaction ជាជនបរទេសម្នាក់ មានឆាណែលយូធូបឈ្មោះថា «teddy grey» ត្រូវបាន ជី ដេវីត ប្លុករាល់វីដេអូ Reaction របស់លោកទៅលើបទចម្រៀងរបស់ ជី ដេវីត ទាំងថ្មីទាំងចាស់កន្លងមកខណៈចុងក្រោយនេះលោកបានបញ្ចេញមតិរបស់ខ្លួនទៅលើបទ DissTrack «ថីអ្ហែងថី»។

ដូចប្រិយមិត្តមួយចំនួនធំជ្រាបមកហើយថា តារាចម្រៀង ជី ដេវីត បានទម្លាក់បទ Diss Track របស់ខ្លួនមានចំណងជើងថា «ថីអ្ហែងថី» បន្ទាប់ពីមានវីដេអូចែករំលែកនៅលើបណ្តាញសង្គមពី វណ្ណដា ទៅលើការច្រៀងបទ JO2 និងការនិយាយទាក់ទងនឹងការចាប់ដៃ។ មិនទាន់ចប់នោះទេ មុននឹងហោះទៅប្រទេសក្រៅ ជី ដេវីត ក៏បានបង្ហោះសំណេរមួយឃ្លា ពេលលោកត្រឡប់មកវិញនឹងបន្តទៀតមិនឱ្យរួចខ្លួនឡើយទាំងអ្នកស៊ីឈ្នួល Reaction ជាដើម។

អ្វីដែលកាន់តែក្តៅគគុក teddy grey បានបង្ហោះនៅលើឆាណែលយូធូបរបស់ខ្លួនថារាល់វីដេអូរបស់លោក Reaction ទៅលើបទចម្រៀង ជី ដេវីត ត្រូវបាន ជី ដេវីតនិងក្រុមការងារប្លុកចោលទាំងអស់ ហើយអ្នក Reactions រូបនេះបានបោះសម្តីដែរថា នេះជារឿងគួរឱ្យអាម៉ាស់ និងគួរឱ្យអាណិតបំផុតដែល ជី ដេវីត អាចធ្វើបាន ហើយធ្វើឱ្យលោកកាន់តែរំភើបសម្រាប់ការ Reaction ទៅលើអាល់ប៊ុមទី៣របស់ វណ្ណដា ។ teddy grey គឺជាអ្នក Reaction ម្នាក់នៅចក្រភពអង់គ្លេសហើយមានការ Reaction បទចម្រៀងជាច្រើនប្រទេស។

ការប្លុករបស់ ជី ដេវីត ទៅលើវីដេអូ Reaction របស់ teddy រាល់បទរបស់ខ្លួនគេមិនទាន់ដឹងមូលហេតុពិតប្រាកដនោះទេ តែមានការសង្ស័យថាទំនងដោយសារតែវីដេអូរបស់លោកបានបញ្ចេញមតិយោបល់របស់ខ្លួនទៅលើបទ DissTrack «ថីអ្ហែងថី»៕

ហេង បូនីកា ជាតារាសម្តែង ពិធីការិនីនិងជាអតីតលំដាប់រងទី២ Miss Universe Cambodia 2022 បានផ្តល់បទសម្ភាសន៍ថាខ្លួននាងស្ទើរតែបោះបង់អាជីពសិល្បៈបន្ទាប់ពីបោះជំហានចូលដំបូងត្រូវបានក្រុមការងារថតប្រើពាក្យសម្លុតខ្លាំងៗមកនាងស្ទើរតែមិនអាចទទួលយកបានព្រោះនាងធ្លាប់ជាកូនស្រីពៅរស់នៅក្នុងគ្រួសារមិនមានអ្នកសម្តីធំដាក់។

ទស្សនិកជនមួយចំនួនអាចនឹងស្គាល់ ហេង បូនីកា ជាពិធីការិនី តារាសម្តែង ឬការសម្តែងវីដេអូខ្លីៗជាមួយនឹងអ្នកនាង ឌី សូនិត្តា ឬស្គាល់នាងជាបវរកញ្ញាមួយរូបជាដើម។ ថ្មីៗនេះ បូនីកា បានផ្តល់បទសម្ភាសន៍នៅក្នុងកម្មវិធី «អ្នកជិតខាង» ដោយបានទម្លាយរឿងរ៉ាវពីជីវិតឯកជននិងការងារសិល្បៈរបស់នាង។ មុននឹងទទួលបានប្រជាប្រិយភាពជាអ្នកសិល្បៈម្នាក់ បូនីកា ស្ទើរតែបោះបង់អាជីពមួយនេះទៅហើយ។

ហេង បូនីកា បាននិយាយថាការចាប់ផ្តើមអាជីពសិល្បៈដំបូងៗរបស់ខ្លួនគឺរអាក់រអួលខ្លាំងហើយសឹងតែមិនស្មានថាអាចទ្រាំមកដល់ចំណុចនេះបាននោះទេវាពិបាកខ្លាំង។ តារាស្រីរូបនេះបន្ថែមដែរថា ការដើរតួ extra គឺមិនពិបាកទេដោយសារតែគេមិនផ្តោតមកលើយើង ថតទាំងមិនស្គាល់អង្គកាម៉េរ៉ាចូលទៅចាញ់ច្រាបគេហើយគសម្លុតញាក់សាច់ហើយនោះគឺជាក្រុមការងារ។ ហេង បូនីកា បានទទួលស្គាល់ថាខ្លួនជាអ្នកខុសប៉ុន្តែនាងឆ្ងល់ថាហេតុអ្វីពេលខុសមិនមានភាសានិយាយឱ្យល្អ ខុសកន្លែងណាអាចប្រាប់នាងបាន។

ពិធីការិនីរូបនេះបានទម្លាយថាក្រុមការងារមិនដល់ថ្នាក់ប្រើពាក្យជេរប្រមាថនោះទេ ប៉ុន្តែនាងជាមនុស្សម្នាក់នៅក្នុងរង្វង់គ្រួសារមិនមានសម្តីតូចសម្តីធំដាក់នាង ដល់ពេលនាងទទួលបានពាក្យ «មិចបានហែងធ្វើចឹង ហែងធ្វើចឹងមិនត្រូវទេ បើមិនចេះលេងទេមកធ្វើអី …» ហើយពេលនោះនាងនៅក្មេងធ្វើឱ្យពិបាកទទួលយកលើរឿងនេះ។

កញ្ញា ហេង បូនីកា បន្ថែមទៀតថា ពេលនោះនាងដល់ថ្នាក់យំស្ទើរតែឈប់ថតភ្លាមៗ ប៉ុន្តែមិនចង់ឱ្យក្រុមការងារនិងអ្នកណែនាំនាងមកឱ្យគាត់លំបាកដោយសារនាងទើបនាងទ្រាំហើយមនុស្សម្នាក់នោះគឺជាអ្នកនាង ផាភួង ហើយស្ថានភាពនោះបានធ្វើឱ្យនាងចង់បញ្ចប់ផ្លូវសិល្បៈ។ ទោះជាយ៉ាងណា បូនីកា ទទួលបានពាក្យសម្តីពីបងប្រុសរបស់ខ្លួនក្នុងន័យពន្យុះ មិនចាំបាច់ធ្វើការងារអ្វីគ្រាន់តែប៉ុណ្ណឹងទ្រាំមិនបានរហូតនាងបានតាំងចិត្តឡើងវិញត្រូវជម្នះយកភាពជោគជ័យឱ្យបងប្រុសឃើញ៕