ថ្មីៗនេះអ្នកស្នេហាវិស័យហ៊ីបហបនៅក្នុងប្រទេសកម្ពុជាមានការបញ្ចេញមតិព្រោងព្រាតបន្ទាប់ពីអ្នក Reaction ជាជនបរទេសម្នាក់ មានឆាណែលយូធូបឈ្មោះថា «teddy grey» ត្រូវបាន ជី ដេវីត ប្លុករាល់វីដេអូ Reaction របស់លោកទៅលើបទចម្រៀងរបស់ ជី ដេវីត ទាំងថ្មីទាំងចាស់កន្លងមកខណៈចុងក្រោយនេះលោកបានបញ្ចេញមតិរបស់ខ្លួនទៅលើបទ DissTrack «ថីអ្ហែងថី»។
https://blogger.googleusercontent.com/img/b/R29vZ2xl/AVvXsEiV_GqXeO4bcNe46JWaqv4ZrE8INjwEyZCyVUepoyjHaqENVVtq2h3M6qo9BP7SsVIgFlcPUkDuNTOV0GG_jEfJoxHPqALsXSa5_B1tf_o3ag3HhApR6RIWAFjn-ZJea0Vj7ECM07tHDq8F0b9KRcwqp76T23LqgjWR7uD80HFIM3XzyH_6B0acU7WbaD86/s2048/image_2025-02-03_13-24-05.png
ដូចប្រិយមិត្តមួយចំនួនធំជ្រាបមកហើយថា តារាចម្រៀង ជី ដេវីត បានទម្លាក់បទ Diss Track របស់ខ្លួនមានចំណងជើងថា «ថីអ្ហែងថី» បន្ទាប់ពីមានវីដេអូចែករំលែកនៅលើបណ្តាញសង្គមពី វណ្ណដា ទៅលើការច្រៀងបទ JO2 និងការនិយាយទាក់ទងនឹងការចាប់ដៃ។ មិនទាន់ចប់នោះទេ មុននឹងហោះទៅប្រទេសក្រៅ ជី ដេវីត ក៏បានបង្ហោះសំណេរមួយឃ្លា ពេលលោកត្រឡប់មកវិញនឹងបន្តទៀតមិនឱ្យរួចខ្លួនឡើយទាំងអ្នកស៊ីឈ្នួល Reaction ជាដើម។https://blogger.googleusercontent.com/img/b/R29vZ2xl/AVvXsEjAL2ck-eR04lo2CwkDWU6FQYeLRH9Cz0LWZvBs39lC5WRTLa100aLbYNAwOafs2nexRHIKr0kzmKI_V6nSHp10EVXzYz8NNL9G2rhS-wHDoLOQafBssXZSAT0f41ubvqqUpOPCyVPMa50wFbqX5KabPJqT0_RBnOg9SWHRwElMrqUhcVDW9FhmVScmrggQ/s1080/Snapinst_app_456681008_3887923321439834_4976393443017458821_n_1080.jpg

អ្វីដែលកាន់តែក្តៅគគុក teddy grey បានបង្ហោះនៅលើឆាណែលយូធូបរបស់ខ្លួនថារាល់វីដេអូរបស់លោក Reaction ទៅលើបទចម្រៀង ជី ដេវីត ត្រូវបាន ជី ដេវីតនិងក្រុមការងារប្លុកចោលទាំងអស់ ហើយអ្នក Reactions រូបនេះបានបោះសម្តីដែរថា នេះជារឿងគួរឱ្យអាម៉ាស់ និងគួរឱ្យអាណិតបំផុតដែល ជី ដេវីត អាចធ្វើបាន ហើយធ្វើឱ្យលោកកាន់តែរំភើបសម្រាប់ការ Reaction ទៅលើអាល់ប៊ុមទី៣របស់ វណ្ណដា ។ teddy grey គឺជាអ្នក Reaction ម្នាក់នៅចក្រភពអង់គ្លេសហើយមានការ Reaction បទចម្រៀងជាច្រើនប្រទេស។https://blogger.googleusercontent.com/img/b/R29vZ2xl/AVvXsEgWCpsGLehq0kYhTTvteHiV7lOiZCeam3yaIfLdOrBAKBHxeCSQfMaL4RppANyBQGr6P1CKf6XS3FvuYj3PTZOPWcGDBCL2A6eehIQWxF1RgmEOS7wgyCWKtu5ANk0Xs3k9evzHyivKlVFuW0Tdhy4K6vUHT3Xp0GbsJTgXI6WnH4lUaKkuYPIkCuMUBipD/s1185/image_2025-02-03_10-28-02.png

ការប្លុករបស់ ជី ដេវីត ទៅលើវីដេអូ Reaction របស់ teddy រាល់បទរបស់ខ្លួនគេមិនទាន់ដឹងមូលហេតុពិតប្រាកដនោះទេ តែមានការសង្ស័យថាទំនងដោយសារតែវីដេអូរបស់លោកបានបញ្ចេញមតិយោបល់របស់ខ្លួនទៅលើបទ DissTrack «ថីអ្ហែងថី»៕