ពេលបានឃើញវីដេអូបង្ហោះនៅលើបណ្តាញសង្គមខាងលើរួចហើយ។ សូមអជ្ញារធរពាក់ព័ន្ធ សូមមេត្តាជួយសិក្សារកលទ្ធភាពនិងដំណោះស្រាយសមស្រប ជូនដល់បងប្អូនប្រជាពលរដ្ឋដែលរស់នៅតាមបណ្ដោយផ្លូវជាតិលេខ៣ នៅកំណាត់ផ្លូវ “ វាលរេញ-ត្រពាំងពៅ” ដែលកំពុងត្អូញត្អែអំពីបញ្ហាដីហុយដែលបង្កផលវិបាកដល់ជីវភាព និងការរស់នៅជាខ្លាំង ព្រោះគិតត្រឹមថ្ងៃនេះផលប៉ះពាល់នេះ មានរយៈពេលច្រើនឆ្នាំមកហើយ នៅតែមានបញ្ហារដដែល គឺនៅខែប្រាំក្តៅហុយដី រីឯខែវស្សាលិច លំបាកទាំងធ្វើដំណើរ និងការរស់នៅប្រចាំថ្ងៃ។

ប្រជាពលរដ្ឋដែលរស់នៅតាមបណ្ដោយផ្លូវជាតិលេខ៣ បានត្អូញត្អែអំពីមុខរបររកស៊ីនិងការរស់នៅថាជួបផលវិបាកយ៉ាងខ្លាំងដោយសារបញ្ហាដីហុយ។ តាមរយៈការបង្ហោះវីដេអូរបស់ប្រជាពលរដ្ឋម្នាក់ដែលជាជាងសាឡនបានអោយដឹងថា ហាងរបស់គាត់គឺមិនអាចរកស៊ីអ្វីបាននោះទេ មិនមានភ្ញៀវណាចូលកើតទេ ហើយសម្ភារៈជាច្រើនដូចជាសាឡុង និងឧបករណ៍ប្រើប្រាស់ទាំងអស់ក៏ត្រូវធូលីដីយ៉ាងក្រាស់គ្របដណ្ដប់ពីលើនិងបណ្ដាលអោយមានការខូចខាតផងដែរ។

គាត់បានសរសេរៀបរាប់នៅលើចំណងជើងរបស់វីដេអូគាត់ថា “បងប្អូនប្រជាពលរដ្ឋយើងដែលរស់នៅតាមផ្លូវជាតិលេខ៣ពីវាលរេញទៅដល់ត្រពាំងពៅ រស់ពិបាកជាងស្លា-ប់ទៅទៀត” ប្រភពដដែលបានបន្តរៀបរាប់ទៀតថា នេះគឺជាដីហុយពិតៗមិនមែនគាត់គ្មានការងារធ្វើទៅកាត់តវាឡើងនោះទេ គាត់មិនដឹងជារកស៊ី តទៅទៀតដូចម្ដេចទេ ដូច្នេះបើពិបាកយ៉ាងនេះមានតែស្លា-ប់។

ក្រៅពីនោះក៏មានមហាជនជាច្រើនផ្សេងទៀតដែលរស់នៅតំបន់នោះដែរបានលើកឡើងនៅក្នុងការបញ្ចេញមតិថា បញ្ហាដីហុយនេះមិនមែនទើបកើតមានថ្មីៗនេះទេ គឺមានរាប់ឆ្នាំមកហើយប៉ុន្តែមិនឃើញមានការដោះស្រាយជូនប្រជាជនសោះ ហើយមានប្រជាជនមួយចំនួនបានមូលមតិគ្នាចង់បិទផ្លូវដើម្បីតវ៉ាថែមទៀតផង។ យ៉ាងណាមិញ ពួកគាត់ក៏នៅកំពុងរង់ចាំការឆ្លើយតប ក៏ដូចជាដំណោះស្រាយពីសំណាក់អាជ្ញាធរមូលដ្នានបន្តទៀតនៅឡើយ៕

កាលនៅថ្ងៃអង្គា ទី៤ ខែមិនា ឆ្នាំ២០២៥នេះ ក្រសួងទេសចរណ៍បានបង្ហោះសារជូនដំណឹងមួយ ទាក់ទងនឹងព្រឹត្តិការណ៍ធំៗចំនួន៤ ដែលធ្វើឡើងក្នុងខែមិនា តាមបណ្ដាខេត្ត៤នេះ៖

១. ថ្ងៃទី៧ ដល់ទី១២ ខែមិនា៖ ព្រឹត្តិការណ៍បុណ្យឆ្នេរកោះប៉ែន នាខេត្តកំពង់ចាម មានរយៈពេលរហូតទៅដល់៦ថ្ងៃ។

២. ថ្ងែទី៨ ដល់ទី៩ ខែមិនា៖ នឹងមានព្រឹត្តិការណ៍បុណ្យឆ្នេរ នៅឆ្នេរពេជ្រ តារាសាគរ នាខេត្តកោះកុង។

៣. ថ្ងៃទី២០-២២ ខែមីនា៖ នឹងមានព្រឹត្តិការណ៍សមរាត្រី នាខេត្តសៀមរាប គឺជាព្រឹត្តិការណ៍ដ៏អស្ចារ្យដែលព្រះអាទិត្យនឹងរះចំកំពូលកណ្ដាលរបស់ប្រាសាទអង្គរវត្ត។

៤. ថ្ងៃទី២១ ដល់២៣ ខែមីនា៖ ព្រឹត្តិការណ៍បុណ្យទន្លេលើកទី៩ និងធ្វើឡើងនៅខេត្តតាកែ។

តាមរយៈការជូនដំណឹងខាងលើរបស់ក្រសួង អាស្រ័យហេតុនេះសូមមហាជនទាំងអស់ជ្រាបជាព័ត៌មាននិងកុំភ្លេចចូលរួមកម្សាន្តអោយបានច្រើនកុះករ និងកុំភ្លេចការទុកដាក់សម្រាមអោយមានសណ្ដាប់ធ្នាប់ដើម្បីលើកស្ទួយវិស័យទេសចរក្នុងស្រុក៕

បន្ទាប់ពីបានឃើញវីដេអូនៃការបង្ហោះនេះ សូមអជ្ញាធរមូលដ្ឋានមេត្តមកត្រួតពិនិត្យនិងជួសជុលស្ពាននេះជូនបងប្អូនប្រជាពលរដ្ឋជាបន្ទាន់ផងដើម្បីជៀសវាងគ្រោះថ្នាក់នានា។

ប្រជាពលរដ្ឋមានការព្រួយបារម្ភខ្លាំងដោយសារស្ពានថ្មមួយដែលស្ថិតនៅក្នុងភូមិអន្លង់ថ្ងាន់ ស្រុកកំពង់ត្រាច ខេត្តកំពត មានសភាពចាស់ទ្រុធទ្រោមខ្លាំងដោយជើងសរសេទ្រទាំងអស់របស់ស្ពាននេះរលាយបេតុងជិតអស់ ហើយផ្នែកខាងលើនៃស្ពានត្រង់កន្លែងខ្លះបាក់បេតុងសល់តែសសៃដែកប៉ុណ្ណោះ អាចនឹងបង្ករគ្រោះថ្នាក់ដល់ប្រជាជនដែលរស់តំបន់នោះ។ ដូច្នេះហើយពួកគាត់បានស្នើសុំទៅកាន់ព្រះចៅអធិការវត្តភ្នំរាប ស្រុកកំពង់ត្រាចអោយជួយបង្ហោះនូវវីដេអូស្ពានដែលខូចខាតនោះ ដើម្បីអោយខាងអជ្ញាធរ និងមន្ទីរពាក់ព័ន្ធជួយដោះស្រាយអោយបានឆាប់រហ័សផង ព្រោះជាផ្លូវធ្វើដំណើរប្រចាំថ្ងៃ ប្រសិនបើទុកយូរវាអាចនឹងបាក់ហើយនិងបង្ករគ្រោះថ្នាក់ជាយថាហេតុដល់ប្រជាពលរដ្ឋមិនខាន។

ដោយឡែកក្រោយការបង្ហោះរបស់ព្រះចៅអធិការកាលពីថ្ងៃទី៤ ខែមិនា ឆ្នាំ២០២៥ រួចមក ក៏មានការចែករំលែកជាបន្តបន្ទាប់ ព្រមទាំងមានមន្ត្រីឃុំសង្កាត់ ក៏ដូចជាអជ្ញាធរនៅតំបន់នោះឆ្លើយតបតាមរយៈការខមិនថា ករណីនេះមន្ទីរជំនាញមានផែនការរួចហើយ រង់ចាំតែការចុះអនុវត្តទេ ។ ព្រមទាំងសង្ឃឹមថាគុណម្ចាស់នឹងមានការយោគយល់ ហើយសហការជាមួយអាជ្ញាធរ និងមន្ត្រីជំនាញនៅពេលគម្រោងត្រូវបានអនុវត្ត ។ ដូច្នេះសូមព្រះចៅអធិការ និងប្រជាពលរដ្ឋក្នុងតំបន់ទាំងអស់មេត្តរង់ចាំសិន ខាងអជ្ញាធរនឹងដោះស្រាយជូន។

យ៉ាងណាមិញព្រះចៅអធិការបានបន្ថែមទៀតថា ចេតនាក្នុងការបង្ហោះវីដេអូរបស់ព្រះអង្គគឺដោយសារមានការស្នើសុំពីសំណាក់ពុទ្ធបរិស័ទ្ធ ព្រមទាំងបារម្ភពីសុវត្ថិភាពរបស់ប្រជាជនដែលធ្វើដំណើរកាត់ស្ពាននោះ និងចង់អោយមានដំណោះស្រាយជូនពួកគាត់ប៉ុណ្ណោះ។ ហើយសង្ឃឹមថាអជ្ញាធរនឹងចុះមកសិក្សាគម្រោងការអភិវឌ្ឍន៍ក៏ដូចជាជួសជុលចំណុចផ្លូវនិងស្ពានក្នុងតំបន់នោះឆាប់ៗផងដែរ៕

ពលរដ្ឋនៅលើកំណាត់ផ្លូវជាតិលេខ៣ ចំណុច “វាលរេញ – ត្រពាំងរពៅ” អំពាវនាវដល់រាជរដ្ឋាភិបាល និងអជ្ញាធរមូលដ្ឋានមេត្តាជួយស្រោចទឹកលើផ្លូវព្រោះហ៊ុយខ្លាំងមើលផ្លូវលែងចង់ឃើញ។

តាមការជូនដំណឹងពីសំណាក់ប្រជាពលរដ្ឋ គឺពួកគាត់មិនអាចរង់ចាំការជួសជុល រឺធ្វើផ្លូវតទៅទៀតទេ ដូច្នេះស្នើសុំអោយមានឡានទឹកស្រោចដីសិនដើម្បីកាត់បន្ថយការហុយដីជាបណ្ដោះអាសន្ន។ ពលរដ្ឋបានបន្ថែមទៀតថា ពួកគាត់ស្នើសុំឡានទឹកអោយមានដាក់តាមបណ្ដាឃុំចំនួន៣ ដោយឃុំទី១ គឺឃុំសាគ្គី ទី២ឃុំទឹកល្អក់ និងទី៣ឃុំទឹកថ្លា។ ដោយខ្សែរផ្លូវតាមឃុំទាំង៣នេះ សុទ្ធតែទទួលរងការប៉ះពាល់ពីបញ្ហាដីហុយធ្ងន់ធ្ងរ ដូចនេះសុំអោយមានការរៀបចំដាក់ឡានទឹកស្រោចលើផ្លូវចំនួន២ក្នុងមួយឃុំ រឺយ៉ាងហោចណាស់ត្រឹម១គ្រឿងក្នុងឃុំសិនក៏បានដែរ។

តាមប្រភពដដែលនេះបានបង្ហាញអោយឃើញថា ស្ថានភាពផ្លូវគឺហុយមើលគ្នាមិនចង់ឃើញទេ ពិសេសគឺនៅរដូវប្រាំងនេះ ហើយការធ្វើដំណើរម្ដងៗគឺពិបាកមើលផ្លូវខ្លាំងណាស់ មិនត្រឹមដីហុយបណ្ដាលអោយប៉ះពាល់សុខភាពនោះទេ ប៉ុន្តែក៏ងាយនឹងបង្ករគ្រោះថ្នាក់ចរាចរណ៍ផងដែរ។ តាមតំបន់មួយចំនួន ជាពិសេសគឺសាលារៀនគឺមានការរៀបចំសិស្សានុសិស្សអោយឈរបាញ់ទឹកដាក់ផ្លូវ ដើម្បីកាត់បន្ថយដីហុយចូលសាលារៀននិងរំខានដល់ការសិក្សារបស់ពួកគេ។

អាស្រ័យហេតុបានជម្រាបជូនដូចខាងលើនេះ ប្រជាពលរដ្ឋសង្ឃឹមថាសមត្ថកិច្ចមូលដ្ឋាននិងមន្ទីរពាក់ព័ន្ធនឹងមិនអើពើរលើរឿងនេះ ព្រមទាំងព្យាយាមរកដំណោះស្រាយសង្រ្គោះប្រជាជនអោយបានឆាប់រហ័សផងព្រោះបញ្ហានេះកាន់តែក្លាយជាកត្តារាំងស្ទះដល់ជីវភាព សេដ្ឋកិច្ច និងសុកមាលភាពរបស់ប្រជាជនពីមួយថ្ងៃទៅមួយថ្ងៃ៕

សហព័ន្ធកីឡាបាល់ទាត់កម្ពុជា បានបង្ហាញពីលទ្ធផលនៃការស៊ើបអង្កេត លើករណីសង្ស័យការកំណត់លទ្ធផលទុកជាមុនរបស់អ្នកចាំទីក្រុមជម្រើសជាតិកម្ពុជា វីរៈ ដារ៉ា ដោយរកឃើញថា អ្នកចាំទីរូបនេះ មិនបានជាប់ពាក់ព័ន្ធនឹងការសង្ស័យនេះទេ។

យោងតាមសេចក្តីប្រកាសរបស់ សហព័ន្ធកីឡាបាល់ទាត់កម្ពុជា បានឱ្យដឹងថា៖” ផ្ទុយទៅវិញ កំហុសដែលកើតឡើងនាពេលនោះ គឺជាកំហុសបច្ចេកទេសនៃការលេង ដោយអចេតនាប៉ុណ្ណោះ”។

តែយ៉ាងណាមិញសហព័ន្ធ នៅតែប្រកាន់គោលជំហរ ក្នុងការបន្តធ្វើការស៊ើបអង្កេតស្រាវជ្រាវនូវរាល់ករណីមន្ទិលសង្ស័យទាំងឡាយណា ដែលកើតមានអំឡុងពេលដំណើរការនៃការប្រកួត ដើម្បីរក្សាបាននូវសុចរិតភាព នៅក្នុងវិស័យបាល់ទាត់នៅកម្ពុជា។

គួរបញ្ជាក់ថា ការបើកការស៊ើបទៅលើអ្នកចាំទី វីរ់ ដារ៉ា នេះ បានកើតមានឡើង ក្នុងព្រឹត្តិការណ៍ ASEAN Championship Mitsubishi Electric Cup កាលពីថ្ងៃទី១១ ខែធ្នូ ឆ្នាំ២០២៤ ដោយវីរៈ ដារ៉ា បានភ្លាត់ស្នៀតនៅមុខទី របូត២គ្រាប់ជាប់ៗគ្នា នាំឱ្យក្រុមកម្ពុជា ចាញ់ក្រុមម្ចាស់ផ្ទះសិង្ហបុរី ២-១៕