តារាសម្តែងចិន Liu Yifei បានពង្រឹងកេរ្តិ៍ឈ្មោះរបស់នាងជាមួយនឹងគម្រោងល្បីៗរបស់នាងជាច្រើន។ យ៉ាងណាមិញ ពាក្យចចាមអារ៉ាមថានាងនឹងមានគម្រោងរឿងភាគប្រវត្តិសាស្ត្រមានចំណងជើងថា Chang Ling បន្ទាប់ពីគម្រោងរឿងភាគសម័យ The Tale of Rose ហើយកំពុងទាក់ទាញចំណាប់អារម្មណ៍យ៉ាងខ្លាំងរួមជាមួយនឹងមតិរិះគន់។
មុនពេលរឿងភាគនេះត្រូវបានបញ្ជាក់ជាផ្លូវការ Liu Yifei បានក្លាយជាគោលដៅនៃការរិះគន់ជាថ្មីលើបណ្តាញអ៊ីនធឺណិត ដែលលើកនេះទាក់ទងនឹងសញ្ជាតិអាម៉រិករបស់នាង ដោយសារភាពតានតឹងកើនឡើងចំពេលមានសង្រ្គាមពាណិជ្ជកម្មរវាងសហរដ្ឋអាម៉េរិក និងចិនដែលកំពុងបន្ត។ យោងតាមប្រព័ន្ធផ្សព្វផ្សាយ Sinchew ភាពតានតឹងត្រូវបានកើតឡើង បន្ទាប់ពីប្រធានាធិបតីអាម៉េរិក Donald Trump បានប្រកាសពន្ធរហូតដល់ ១៤៥% លើការនាំចូលរបស់ចិន ដោយប្រទេសចិនបានសងសឹកដោយការដំឡើងពន្ធ ១២៥% លើទំនិញអាម៉េរិក។ សេតវិមានបានគំរាមកំហែងបន្ថែមទៀតថានឹងបង្កើនអត្រាដល់ទៅ ២៤៥% ដែលជំរុញឱ្យមានមនោសញ្ចេតនាជាតិនិយម និងប្រតិកម្មតបវិញនៅទូទាំងវិស័យផ្សេងៗ រួមទាំងឧស្សាហកម្មកម្សាន្តផងដែរ។
ទោះបីជាការពិតដែលថានេះគឺជាបញ្ហានយោបាយនិងសេដ្ឋកិច្ចក៏ដោយ Liu Yifei បានជាប់ពាក់ព័ន្ធក្នុងការជជែកដេញដោលជាសាធារណៈដោយសញ្ជាតិអាម៉េរិករបស់នាងបានលេចចេញជាចំណុចនៃជម្លោះ។ នៅលើបណ្ដាញសង្គមចិន អ្នកនិយមលេងអ៊ីនធឺណេតខឹងសម្បាយ៉ាងខ្លាំងបានបញ្ចេញមតិជាច្រើនថា «ប្រសិនបើនាងជាជនជាតិអាម៉េរិក នាងគួរតែបង់ពន្ធ ១២៥% លើប្រាក់ខែរបស់នាង រួមទាំងមតិយោបល់ជាច្រើនទៀត ខណៈអ្នកគាំទ្របានការពារ Liu Yifei ដោយហៅការរិះគន់នេះថា អយុត្តិធម៌ និងមានឫសគល់នៃភាពលំអៀង។
កើតនៅទីក្រុង Wuhan ក្នុងឆ្នាំ១៩៨៧ Liu Yifei បានផ្លាស់ទៅ New York ជាមួយម្តាយរបស់នាងក្នុងឆ្នាំ ១៩៩៧ បន្ទាប់ពីឪពុកម្តាយរបស់នាងបានលែងលះគ្នា។ ក្រោយមកម្តាយរបស់នាងបានរៀបការម្តងទៀតជាមួយមេធាវីជនជាតិអាម៉េរិកដើមកំណើតចិន ហើយ Liu Yifei បានទទួលសញ្ជាតិអាម៉េរិកជាបន្តបន្ទាប់។ នាងបានត្រឡប់ទៅប្រទេសចិនវិញក្នុងឆ្នាំ ២០០២ ដើម្បីសិក្សានៅបណ្ឌិតសភាភាពយន្តទីក្រុងប៉េកាំង ហើយបានល្បីល្បាញយ៉ាងឆាប់រហ័សក្នុងនាមជាតារាក្នុងបញ្ជីនៃកម្មវិធីកម្សាន្តរបស់ចិន។
Liu Yifei មិនដែលបានធ្វើសេចក្តីថ្លែងការណ៍នយោបាយណាមួយឡើយ ហើយបានចំណាយពេលជាង ២០ ឆ្នាំរស់នៅ និងធ្វើការនៅក្នុងប្រទេសចិន ប៉ុន្តែសញ្ជាតិបរទេសរបស់នាងនៅតែបន្តធ្វើឱ្យមានការជជែកដេញដោលជាមួយនឹងរាល់សកម្មភាពសាធារណៈថ្មី៕
