កាលពីកន្លងទៅនេះអ្នកលេងបណ្តាញសង្គមមួយចំនួនបានបញ្ចេញមតិរិះគន់ប៊ូលី បបូរមាត់និងរូបសម្រស់របស់តារាចម្រៀង ទេព បូព្រឹក្ស ។ ទោះយ៉ាងណា តារាចម្រៀង រូបនេះបាននិយាយនៅក្នុងការ Live របស់ខ្លួនថានាងមិនខឹងនឹងពាក្យ សម្តីបណ្តុះបង្អាប់ លើរូបសម្រស់របស់នាងនោះទេ ទោះបីជានាងមានរូបរាងឬកែទៅជាយ៉ាងណាក៏នៅតែជា ទេព បូព្រឹក្ស។

គេចាំបានតារាចម្រៀង ទេព បូព្រឹក្ស បានក្លាយជាប្រធានបទជជែកវែកញែកនៅលើ បណ្តាញសង្គមមុននាងនិង ជី ដេវីត រៀបការ នៅពេលអ្នកទាំងពីរបញ្ចេញរូបថត Pre Wedding។អ្នកនិយមលេងអ៊ីធឺណិតមួយចំនួនបានបញ្ចេញមតិយោបល់បណ្តុះបង្អាប់មាត់របស់តារាចម្រៀងស្រីរូបនេះជាដើម។មិនត្រឹមតែប៉ុណ្ណោះអ្នកមួយចំនួនក៏បានចូលទៅបញ្ចេញមតិយោបល់នៅក្នុងការបង្ហោះរបស់ ជី ដេវីត និងថា សម្រស់ទេព បូព្រឹក្ស ពេលមិន ទាន់កែគឺស្រស់ស្អាតជាងបច្ចុប្បន្ននេះ។ ការខម្មិនរបស់អ្នកមួយចំនួនអំពីសម្រស់របស់ទេព បូព្រឹក្ស ក៏ជំរុញឱ្យ ជី ដេវីត ជាប្តីក៏បានចូលឆ្លើយតបថា លោកចេះមើលថែភរិយារបស់ខ្លួន ហើយ។

យ៉ាងណាមិញ នាពេលកន្លងមកថ្មីៗនេះតារាចម្រៀង ទេព បូព្រឹក្ស បាននិយាយនៅ ក្នុងការ Live ថានាងមិនប្រកាន់ខឹងទៅលើអ្នកដែលប្រើសម្តីរិះគន់លើរូបសម្រស់របស់នាង ឡើយ។ ម្ចាស់បទ «ទេវរាជ» បាននិយាយថា អ្នកដែលថានាងមិនស្អាតនាងមិន ខឹងនោះទេ ព្រោះនាងថែមទាំងហ៊ានដល់បិទក្បាលត្រងោលនាងមិនដែលខ្វល់នោះ ទេព្រោះមុខនាងនៅតែជាមុខនាង។ ទេព បូព្រឹក្ស ថាទោះបីជានាងចង់ប្តូរច្រមុះរបៀបមិច ក៏នៅតែជា ទេព បូព្រឹក្ស នាងចូលចិត្តធ្វើអីគឺធ្វើហ្នឹង។

ភរិយាស្របច្បាប់របស់ ជី ដេវីត បានលើកឡើងទៀតថា នាងជាមនុស្សដែលហ៊ាន ទទួលស្គាល់ការពិតបើកែកន្លែងណាគឺប្រាប់ថាកែកន្លែងនោះ ហើយនាងគឺមានកែច្រមុះ និងចាក់មាត់ ហើយផ្ទៃមុខគឺមិនបានកែនោះទេវាប្រែប្រួលទៅតាមស្ថានភាពស្គមឬធាត់។ ក្នុងនោះ ទេព បូព្រឹក្ស អះអាងថាមានអ្នកនិយាយថាកែខ្លាំងពេកប្រយ័ត្ន ជី ដេវីត លែងស្រលាញ់ នាងរឹតតែមិនខ្វល់ទៅទៀតត្រង់ចំណុចនេះ៕

តារារ៉េបដ៏ល្បីល្បាញ ម៉ាន់ វណ្ណដា បានធ្វើឱ្យមហាជនអ្នកលេងបណ្តាញសង្គម មានការ កោត សរសើរយ៉ាងខ្លាំងទៅកាន់លោកក្រោយពីឃើញវត្តមានតារាប្រុសរូបនេះ ទៅ មន្ទីរពេទ្យគន្ធបុផ្ផាដោយផ្ទាល់។ វណ្ណដា និងសិល្បកររួមទាំងក្រុមការងារក៏បាន ចូលរួមក្នុងពិធីសំណេះសំណាល ក្នុងឱកាសនៃយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៥ ក្រោមវត្តមានដ៏ខ្ពង់ខ្ពស់របស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ផងដែរ។

ទស្សនិកជនជាអ្នកគាំទ្ររបស់តារារ៉េប វណ្ណដា បានជ្រាបមកហើយថាកាលពីកន្លងមកនេះ វណ្ណដា បានចូលរួមយុទ្ធាការរបស់មន្ទីរពេទ្យគន្ធបុផ្ផាជាមួយនឹងទឹកប្រាក់ចំនួន១០ លានរៀល និងបានគៀងគរអ្នកគាំទ្រចូលរួមសកម្មភាពនេះជាមួយគ្នាដើម្បីកុមារ កម្ពុជា។អ្វីដែលកាន់តែចាប់អារម្មណ៍ថ្មីៗនេះមានការចែករំលែកវីដេអូខ្លីៗជាច្រើននៅលើបណ្តាញសង្គមទិកតុកពីសកម្មភាពរបស់ វណ្ណដា បានទៅមន្ទីរពេទ្យគន្ធបុផ្ផាដោយផ្ទាល់ និងទទួលបានការស្វាគមន៍យ៉ាងកក់ក្តៅពីលោកគ្រូនិងអ្នកគ្រូពេទ្យនៅមន្ទីរពេទ្យ។

សកម្មភាពរបស់ វណ្ណដា ទៅសួរសុខទុក្ខនិងឃើញពីស្ថានភាពជាក់ស្តែងរបស់កុមារ និងអាណាព្យាបាលដែលសម្រាកព្យាបាលនៅមន្ទីរពេទ្យនេះបានធ្វើឱ្យអ្នកគាំទ្រជាច្រើន បង្ហាញអារម្មណ៍សប្បាយចិត្តនិងបានសរសើរថាតារាចម្រៀងរូបនេះមិននិយាយច្រើនប៉ុន្តែធ្វើតែម្តង។ ទស្សនិកជនបានបញ្ចេញមតិថា «ឃើញហើយរំភើបចិត្ត, ធ្វើសេចក្តីល្អរឿយៗ ទោះជាមានពួកអ្នកមើលមិនឃើញឬនៅតែខឹងស្អប់ទុកឱ្យវាអ្នកទូលរែកចុះបើសប្បាយចិត្ត,
បានបុណ្យណាស់អាយដលតូច , VDអើយបងសូមឱ្យប្អូនល្បីទៅៗៗរហូតប្អូនធ្វើរឿងដែល អស្ចារ្យអត់ខ្វល់ពាក្យគេរអ៊ូ, ស្រឡាញ់ទង្វើរបស់គាត់កាយវិការបស់គាត់ គោរពគ្រប់ពេលវេលាស្រលាញ់កូននឹងធ្វើច្រើនជាងនិយាយ ,គេធ្វើម៉ងគេមិននិយាយ»។

ក្រៅពី វណ្ណដា ទៅមន្ទីរពេទ្យគន្ធបុផ្ផាដោយផ្ទាល់និងទទួលបានការកោតសរសើរពី មហាជននេះ នៅល្ងាចថ្ងៃទី១៦ មិថុនា លោក និងសិល្បករផលិតកម្មបារមីដទៃទៀត រួមទាំងក្រុមការងារបានចូលរួម ពិធីសំណេះសំណាល ក្នុងឱកាសនៃយុទ្ធនាការ «១ម៉ឺនរៀល ១ម៉ឺននាក់» ក្រោមវត្តមានដ៏ខ្ពង់ខ្ពស់របស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ផងដែរ៕

ផេន ខេក Miss Queen Cambodia 2025 បានសម្តែងការហួសចិត្តទៅកាន់ភេទ ទី៣ជំនាន់ក្រោយមិនចេះឱកលំទោននិងថា ដកភាពស្អាតខ្លះចេញពីខ្លួនឱ្យតម្លៃអ្នកដទៃ ខ្លះទៅក្រែងល្បីបានយូរ។

មិនដឹងថាភេទទី៣ជំនាន់ក្រោយរូបណាទេដែលមានអត្តចរិតមិនល្អមិនចេះគោរពរៀមច្បងបែបនេះរហូតដល់ ផេន ខេក អត់ទ្រាំមិនបានចេញមកបង្ហោះសំណេរនៅលើបណ្តាញ សង្គមខណៈដែលអ្នកគាំទ្រសង្កេតឃើញថាស្រ្តីកែភេទរូបនេះកម្របង្ហោះបែបនេះណាស់។ នៅថ្ងៃទី១៥ ផេន ខេក ដែលប្រកួតឈ្នះក្លាយជា Miss Queen Cambodia 2025 បានបញ្ចេញអារម្មណ៍របស់ខ្លួនថា «មួយរយៈនេះចូលរួមកម្មវិធីជួបអូនៗភេទទីបីទើប តែមានឈ្មោះជំនាន់ក្រោយម្នាក់ៗដូចជាងើយៗដល់ហើយឱនបន្តិចទៅអូន ក្រែងល្បីបានយូរ ដកភាពស្អាតចេញពីខ្លួនខ្លះទៅ មិនមែនមានតែយើងទេ»។

ពិធីការិនីក្នុងកម្មវិធី 3Fun បានសង្កត់ធ្ងន់ទៀតថា «ត្រូវចាំណាភាពរួសរាយនិងឱ្យតម្លៃ ទៅអ្នកដទៃទើបធ្វើឱ្យមនុស្សអាក្រក់អត់ស្អាតដូចបងមានថ្ងៃនេះ(យល់)»។

ការបញ្ចេញសំណេររបស់ ផេន ខេក ក៏បានធ្វើឱ្យអ្នកគាំទ្ររបស់បវរកញ្ញាភេទទី៣រូបនេះ បញ្ចេញមតិជាច្រើនរួមទាំងអ្នកសិល្បៈមួយចំនួនក៏បានបញ្ចេញមតិផងដែរ។ ជាមួយគ្នានេះអ្នកខ្លះក៏បានលើកឡើងដែរថាប្រហែលជាភេទទី៣នោះខ្លាំងសម្បើមហើយមើលទៅទើបបានជា ផេន ខេក អត់ទ្រាំមិនបញ្ចេញអារម្មណ៍បែបនេះខណៈ ផេន ខេក កម្រលើកភេទទី៣ មកនិយាយជាសាធារណៈបែបនេះណាស់។

គួរបញ្ជាក់ផងដែរថា ផេន ខេក បានបរាជ័យក្នុងការចូលប្រកួតបវរកញ្ញាចក្រវាល ប៉ុន្តែក៏បានសម្រេចបំណងបោះជំហាននៅក្នុងការប្រកួត Miss Queen Cambodia 2025 ហើយថែមទាំងបានក្លាយជាម្ចាស់មកុដទៀតផងកាលពីខែឧសភា នេះ៕