បន្ទាប់ពីមានការសង្ស័យពីទំនាក់ទំនងប្រេះស្រាំរវាងតារារ៉េប ហ្សេដេស និងអ្នកគ្រប់គ្រងផ្ទាល់ខ្លួនដែលជាគូស្នេហ៍ពេលនេះអ្នកគាំទ្រកាន់តែច្បាស់ហើយក្រោយពីតារារ៉េបរូបនេះបញ្ជាក់នៅលើបណ្តាញសង្គមលែងមានទំនាក់ទំនងអ្វីទាំងអស់ជាមួយ យ៉ា រ៉ូណា។

នៅរសៀលថ្ងៃទី២ កក្កដា តារាចម្រៀងរ៉េប ហ្សេដេស ម្ចាស់បទ «ក្រឡុក» បានប្រកាសជាសាធារណៈថា «ខ្ញុំបាទ ហ្សេដេស ចាប់ពីថ្ងៃនេះតទៅខ្ញុំលេងមាន ទំនាក់ទំនងអ្វីទាំងអស់ជាមួយនឹង អ្នកគ្រប់គ្រងចាស់របស់ខ្ញុំ យ៉ា រ៉ូណា ទៀតហើយ ! សំរាប់ការងារបងបងអាចទាក់ទងមកខ្ញុំផ្ទាល់បាន»។ ការប្រកាសនេះបានធ្វើឱ្យអ្នកគាំទ្រមួយចំនួនមានការភ្ញាក់ផ្អើល ខណៈអ្នកមួយចំនួនទៀតបានជំរុញឱ្យ ហ្សេដេស គិតពិចារណាសិនកុំចិត្តក្តៅ ចំណែកឯមួយផ្នែកទៀតក៏បានជីកសួរថាមានរឿងអ្វីកើតឡើង។

បន្ទាប់ពីប្រកាសខាងលើនេះនៅលើផេកផ្លូវការ ហ្សេដេស ក៏បានចែករំលែកនៅលើបណ្តាញសង្គមផ្ទាល់ខ្លួនហើយបានពោលយ៉ាងខ្លីថា «ចាប់ផ្តើមឡើងវិញ»។
ការប្រកាសផ្តាច់ទំនងទំនងរវាងតារារ៉េប ហ្សេដេស និង រ៉ូណា ក៏បានធ្វើឱ្យអ្នកគាំទ្រអ្នកទាំងពីរសោកស្តាយពីទំនាក់ទំនងពួកគេផងដែរព្រោះអ្នកទាំងពីរមិនត្រឹមតែជាសិល្បករនិងអ្នកគ្រប់គ្រងប៉ុណ្ណោះទេ ប៉ុន្តែក៏ជាគូស្នេហ៍ដែលមានភាពផ្អែមល្ហែបចំពោះគ្នាយ៉ាងខ្លាំង។ ជារឿយៗ ហ្សេដេស និង រ៉ូណា បានបង្ហាញការស្រលាញ់ចំពោះគ្នាទៅវិញទៅមកបង្ហាញទៅកាន់សាធារណជនដោយបើកចំហរផងដែរ

មុននឹងការប្រកាសរបស់ ហ្សេដេស នេះគេបានឃើញ រ៉ូណា ដែលជាអ្នកគ្រប់គ្រងបានបង្ហាញការសោកសៅរបស់ខ្លួន មានការយំបង្ហោះនៅលើបណ្តាញសង្គមទិកតុករបស់នាង៕

វីដេអូដែលមានសត្វដំរីឈ្មោះថា Lucky ដែលរត់តាមលោក ទ្រី ស៊ីថេង ដែលជាអ្នកមើលថែដំរីនេះតាំងពីអាយុ៦ខែបានធ្វើឱ្យបណ្តាញសង្គមរង្គោះរង្គើយ៉ាងខ្លាំងពោរពេញដោយក្តីអាណិត។ ពិធីការិនី សុភ័ក្រ្ត កុសុម៉ា បាននិយាយថានាងមិនដឹងពីមូលហេតុពិតប្រាកដដែលអ្នកមើលថែដំរីនេះចាកចេញនោះទេ ប៉ុន្តែសង្ឃឹមថានឹងមានដំណោះស្រាយដ៏ល្អ។ ចំណែក Marie Thach វិញបានបង្ហើបថារឿងដំរី lucky គឺជារឿងដែលពិបាកនិយាយ។

នៅថ្ងៃទី១ កក្កដា ពិធីការិនីនិងជាតារាចម្រៀង សុភ័ក្រ្ត កុសុម៉ា មានក្តីរំជួលចិត្តយ៉ាងខ្លាំង រហូតដល់ស្រក់ទឹកភ្នែក ហើយបានលើកឡើងនៅលើបណ្តាញសង្គមអំពីដំរី Lucky និងលោក ទ្រី ស៊ីថេង ថា « ខ្ញុំមិនដឹងមូលហេតុច្បាស់នៃការចាកចេញរបស់បងប្រុស នោះទេ តែខ្ញុំអាចទាយដឹងរយៈពេល៣០ឆ្នាំដែលបងមើលថែកូនៗគឺពោរពេញដោយ ក្តីស្រលាញ់ ទឹកចិត្ត និងមនោសញ្ចេតនាជ្រាលជ្រៅដែលលុយមិនអាចទិញបាន តើអាចមានដំណោះស្រាយដ៏ល្អណាមួយដែលអាចឱ្យបងប្រុសវិលត្រលប់មកជួបជុំកូនៗវិញបានទេ Lucky មិនដឹងនឹកប៉ាគេយ៉ាងណាទេ »។

ងាកទៅកាន់ Marie Thach វិញបានបង្ហាញអារម្មណ៍ចង់បានយុត្តិធម៌សម្រាប់លោក ទ្រី ស៊ីថេង និង លោក Nick ។ នាងបានសរសេរយ៉ាងដូច្នេះថា «រឿងដំរី lucky គឺជារឿងដែលពិបាកនិយាយ តែអ្វីដែលសំខាន់បំផុតគឺ បង TRY Sitheng មិនមែនគ្រាន់តែជាអ្នកមើលថែដំរីទេ ។

គាត់គឺជា ហ្មដំរី ដែលដំរី lucky ជាអ្នកជ្រើសរើស មិនមែនគ្រប់គ្នាអាចធ្វើជាហ្មដំរីបានទេ ហើយដំរីក៏មិនមែនជាសត្វស្រួលមើលថែដែរ តាមិនត្រូវចិត្តជាន់ងាប់ ។ រឿងវាវែងឆ្ងាយ ប្រជាជនកម្ពុជា មិនពេញចិត្តនឹងការចាកចេញរបស់ អ្នកដែលបូជាជីវិតដើម្បីសត្វព្រៃទេ ជាពិសេសលោក Nick ! មានទេយុត្តិធម៌សំរាប់ពួកគាត់ ? ការងារជួយសត្វ និងថែរក្សាសត្វមិនមែនគ្រាន់តែជាការងារយកប្រាក់ខែទេ គឺយកបេះដូងមកធ្វើ»។

គួរបញ្ជាក់ផងដែរថា នៅយប់ថ្ងៃទី៣០ ខែមិថុនា លោក ស៊ីថេង បានបង្ហោះវីដេអូមួយដែលគេបានឃើញដំរី lucky រត់តាមកាក់ម៉ូតូមិនចង់ឱ្យលោកឃ្លាតឆ្ងាញនោះទេ។ លោក ស៊ីថេង ក៏បានសរសេរនៅលើវីដេអូដែរថា «បើអាចយកទៅជាមួយបាន ខ្ញុំយកទៅហើយ ខ្ញុំពិតជារំជួលចិត្តណាស់»។

មុនការចាកចេញពីសួនសត្វភ្នំតាម៉ៅ លោក ទ្រី ស៊ីថេង បានបង្ហាញឱ្យដឹងថាលោក នៅជាមួយសត្វព្រៃរយៈពេល៣០ឆ្នាំមកហើយតាំងពីឆ្នាំ១៩៩៥ ហើយបានមើលថែ lucky តាំងពីឆ្នាំ១៩៩៩៕

តារាកំប្លែងនាយ ក្រាន់ បានទម្លាយនៅក្នុងកម្មវិធីមួយថារវាងសម្តីរបស់បងប្រុសទាំងពីរ គឺជាតារាកំប្លែងនាយ គ្រឿន និង នាយ ពាក់មី លោកថា សម្តីរបស់ នាយគ្រឿន គឺស្រាលៗតែប៉ុន្តែចុកចាប់ជាងសម្តី នាយពាក់មី ដែលថាឱ្យលោកខ្លាំងៗទៅទៀត។

ធ្លាប់តែមានជីវភាពលំបាកប៉ុន្តែពេលនេះគ្រួសាររបស់តារាកំប្លែង ពាក់មី បានផ្លាស់ប្តូរជោគវាសនាទាំងស្រុងរស់នៅសុខស្រួលនិងមានកេរ្តិ៍ឈ្មោះបោះសំឡេង ជាពិសេសគឺបានជួយជ្រោមជ្រែងប្អូនៗដទៃទៀតដើរលើវិថីសិល្បៈដូចជាខ្លួនដែរ។ បងប្អូនរបស់តារាកំប្លែងពាក់មី មានដូចជានាយគ្រឿន នាយក្រាន់ នាយពយ ជាដើមសុទ្ធតែបានសាងប្រជាប្រិយភាពរៀងៗខ្លួនលើអាជីពកំប្លែង។ យ៉ាងណាបើតាមសម្តីរបស់ នាយក្រាន់ លោកបានទម្លាយថាពាក្យសម្តីទូន្មានប្រៀបប្រដៅរបស់ នាយគ្រឿន ជាបងប្រុសថាខ្លួនស្រាលៗប៉ុន្តែចុកចាប់ជាងសម្តីរបស់ នាយពាក់មី។

នាយក្រាន់ បានទម្លាយនៅក្នុងកម្មវិធី «Let Chat Don’t Cheat »ថាតារាកំប្លែង ពាក់មី ពេលស្តីថាឱ្យខ្លួននូវពាក្យសម្តីធ្ងន់ៗប៉ុន្តែលោកមិនសូវឈឺនោះទេ ដូចជាអាឆ្កែអាថោកទាប ជាដើមដោយ នាយក្រាន់ បញ្ជាក់ថា នាយពាក់មីជេររាល់ថ្ងៃ គឺសាំហើយ គឺជេរទៅហៅមក។

នាយក្រាន់ បានបន្តទៀតថា បើជានាយគ្រឿន វិញគឺមិនជេរនោះទេប៉ុន្តែបើនិយាយមួយម៉ាត់វិញគឺចុកតែម្តង។ ត្រង់ចំណុចនេះ នាយក្រាន់ បាននិយាយថា នាយគ្រឿន និយាយធម្មតាឧទាហរណ៍ថាលោកលេងកំប្លែងច្រើនឆ្នាំហើយប៉ុន្តែនៅតែខុស នាយគ្រឿនបាននិយាយថា «មិនដឹងប៉ុន្មានឆ្នាំទៀត» ។ នាយក្រាន់ថា ពាក្យសម្តីនាយគ្រឿនជាបងប្រុសថាឱ្យលោកនេះគឺជាពាក្យធម្មតាប៉ុន្តែស្តាប់ទៅចុក។

ក្នុងការលេងកំប្លែងបម្រើអារម្មណ៍ទស្សនិកជននេះនាយក្រាន់ ក៏បានបន្ថែមទៀតថា លោកចាប់បានការលេងកំប្លែងច្រើនពីនាយគ្រឿន ដែលបងប្រុសរូបនេះលេងមួយៗប៉ុន្តែច្បាស់។ សម្រាប់តារាកំប្លែង ពាក់មី គឺនាយក្រាន់ ថាខ្លួនលោកសមត្ថភាពមិនដល់បងប្រុសរូបនេះទេ៕

តារាចម្រៀងរ៉េបវ័យក្មេង GMENGz ត្រូវបានអ្នកលេងបណ្តាញសង្គមម្នាក់ខម្មិនថា លោកជាតារារ៉េបមានចរិតពាលដោយសារតែមានទឹកមុខឌឺពេក។ ឃើញមានការខម្មិន ដាក់ខ្លួនបែបនេះ GMENGz បានឆ្លើយតបដោយខ្លី។

GMENGz គឺជាតារាចម្រៀងរ៉េបជំនាន់ក្រោយម្នាក់ដែលកើតចេញពីអតីតបេក្ខជនប្រលងចម្រៀងរ៉េបហើយបច្ចុប្បន្ននេះកំពុងមានសន្ទុះគាំទ្រគួរឱ្យកត់សម្គាល់ពីសំណាកមិត្តយុវវ័យ។ ទោះបីជាមិនទទួលជ័យជម្នះក្នុងការប្រកួតក្តីប៉ុន្តែបទចម្រៀងជាច្រើនបទរបស់ GMENGz មានការគាំទ្រនិងទទួលបានឱកាសការងារជាច្រើន។

ស្របពេលអាជីពសិល្បៈរបស់ខ្លួនកំពុងតែរីកចម្រើនទៅមុខ GMENGz ក៏បានបង្ហាញ សកម្មភាពថ្មីៗជាមួយនឹងស្ទីលម៉ូតសក់ថ្មី រួមទាំងការប្តូរពណ៌សក់ជាដើម។ ទោះយ៉ាងណាសកម្មភាពរបស់ GMENGz ផ្សាភ្ជាប់ជាមួយនឹងអ្នកគាំទ្រដូចជាលេង នៅលើបណ្តាញសង្គមទិកតុក បែរជាមានអ្នកវាយតម្លៃថា GMENGz ជាតារាចម្រៀងរ៉េបមានចរិតពាលដោយសារតែមានទឹកមុខឌឺពេក។

នៅយប់ថ្ងៃទី៣០ មិថុនា គណនីបណ្តាញសង្គមផ្ទាល់ខ្លួនរបស់ GMENGz បានបង្ហោះរូបមួយសន្លឹកជាមួយនឹងសម្តីរិះគន់ពីអ្នកលេងបណ្តាញសង្គម។ គណនីបណ្តាញសង្គមនោះបានខម្មិនដាក់ GMENGz ថា «មិនដឹងជាស្អីទេ អាក្មេងពាល» គណនីដែលខម្មិននោះក៏បានបញ្ជាក់ថា GMENGz ជាអ្នករ៉េប ហើយមានទឹកមុខឌឺពេក។ ក្លាយជាតារារ៉េបមានចរិតពាលព្រោះតែទឹកមុខឌឺនេះ GMENGz បានឆ្លើយតបវិញដោយខ្លីថា «មុខឌឺពេក ខុសដែរមែន?»។ ម្ចាស់បទ«ស្ទាវជ័រ» បានបន្ថែមក្នុងផ្នែកបញ្ចេញមតិយោបល់ថា «ឱ្យធ្វើមុខម៉េច?»។

គួរបញ្ជាក់ផងដែរថា បទចម្រៀងល្បីៗរបស់ GMENGz ដែលសាងប្រជាប្រិយភាពរបស់ខ្លួនមានដូចជា «កុំច្រឡំ» , «PEM PEM»
«អាតួ » ,«ATTENTION» , «អាចទេ» «Old money » និងបទ «ស្ទាវជ័រ» ជាដើម៕