តារាសម្តែងនិងជាតារាទិកតុក Lee Si Young បានធ្វើទស្សនិកជនមានការភ្ញាក់ផ្អើល យ៉ាងខ្លាំងនៅពេលដែលនាងបញ្ជាក់ថា នាងមានផ្ទៃពោះកូនទីពីរ ហើយឪពុករបស់កូន នោះ គឺជាអតីតស្វាមីរបស់នាងដែលនាងបានលែងលះគ្នាកាលពីប៉ុន្មានខែមុន។

ថ្មីៗនេះ សារព័ត៌មានកូរ៉េបានចុះផ្សាយថា តារាសម្តែងស្រី Lee Si Young មានផ្ទៃពោះ និងទទួលការមើលថែទាំមុនពេលសម្រាល។ ឪពុករបស់កូនគឺជាអតីតស្វាមីរបស់នាង ដែលនាងបានលែងលះគ្នាក្នុងខែមីនា ឆ្នាំ ២០២៥។ ក្នុងឆ្នាំ ២០១៨ បន្ទាប់ពីសម្រាល បានកូនដំបូង Lee Si Youngនិងអតីតស្វាមី បានទទួលការបង្កាត់ពូជសិប្បនិម្មិត និងដាក់អំប្រ៊ីយ៉ុងទុកដោយសម្ងាត់ ដោយមានបំណងចង់មានកូនបន្ថែមទៀត។

ទោះជាយ៉ាងណាក៏ដោយ អាពាហ៍ពិពាហ៍របស់ពួកគេបានបែកបាក់គ្នាបន្ទាប់ពី ៨ ឆ្នាំដោយសារតែបុគ្គលិកលក្ខណៈខុសគ្នា។Lee Si Young មានបំណងចង់បានកូនទីពីរយ៉ាងខ្លាំង ហើយមិនបោះបង់ចោលក្តីសង្ឃឹមឡើយ បើទោះបីមានអាយុ ៤៣ ឆ្នាំក៏ដោយ។

កាលពីថ្ងៃទី ៨ ខែកក្កដា ក្រុមហ៊ុនគ្រប់គ្រងរបស់ Lee Si Young គឺ ACE Factory បានចេញមកបញ្ជាក់។ យ៉ាងណាពេលវេលានៃការមានផ្ទៃពោះរបស់តារាស្រីរូបនេះមិនត្រូវបានគេបង្ហើបឱ្យដឹងនោះទេ។ ក្រោយមក Lee Si Young ក៏បានសារភាពដោយផ្ទាល់ថា ការមានគភ៌គឺជាការសម្រេចចិត្ត ផ្ទាល់ខ្លួនរបស់នាង ដោយមិនមានការយល់ព្រម ពីអតីតស្វាមីឡើយ។

«នៅពេលដែលទំនាក់ទំនងរបស់ខ្ញុំជាមួយអតីតស្វាមីរបស់ខ្ញុំបានបញ្ចប់បន្តិចម្តងៗ វាក៏ស្របគ្នានឹងរយៈពេលនៃការរក្សាអំប្រ៊ីយ៉ុងរយៈពេល ៥ ឆ្នាំនឹងបញ្ចប់ ហើយខ្ញុំត្រូវធ្វើការសម្រេចចិត្ត។ខ្ញុំជាអ្នកសម្រេចចិត្តដាក់អំប្រ៊ីយ៉ុងដោយផ្ទាល់មុនពេលលុបចោល។ បើទោះជាភាគីម្ខាងទៀតមិនយល់ព្រមក៏ដោយ ខ្ញុំនឹងទទួលខុសត្រូវទាំងស្រុងចំពោះការសម្រេចចិត្តរបស់ខ្ញុំ»។

ដំបូងឡើយអតីតស្វាមីរបស់ Lee Si Young បានជំទាស់នឹងរឿងនេះ។ ប៉ុន្តែ Lee Si Young មិនបានផ្លាស់ប្តូរជំហររបស់នាងទេ។ នាងបានទៅមន្ទីរពេទ្យតែម្នាក់ឯង ធ្វើ IVF ហើយមានផ្ទៃពោះកូនទីពីរ ដោយគ្មានការយល់ព្រមពីអតីតស្វាមី។

អតីតស្វាមីរបស់តារាស្រីរូបនេះបាននិយាយថា លោកប្រឆាំងនឹងការមានកូនទៀតព្រោះពួកគេបានលែងលះ។ ទោះជាយ៉ាងណាពេលនេះកូនកើតមក លោកនឹងបំពេញតួនាទីជាឪពុក។

Lee Si Young កើតក្នុងឆ្នាំ ១៩៨២ ជាអ្នកប្រដាល់អាជីព និងជាតារាសម្ដែងកូរ៉េ។ នាងបានចូលប្រឡូកក្នុងវិស័យសិល្បៈក្នុងឆ្នាំ ២០០៨។ តារាសម្តែងរូបនេះបានសាងភាព ល្បីល្បាញក្នុងរឿងភាគទូរទស្សន៍ដ៏ល្បី «Boys Over Flowers » ឆ្នាំ២០០៩ និងរឿង «Sweet Home»ឆ្នាំ២០២៤ ។

នៅឆ្នាំ ២០១៧ តារាសម្តែងរូបនេះ បានរៀបការនៅកំពូលនៃអាជីពរបស់នាង។ ស្វាមីរបស់នាងនៅពេលនោះជាអ្នកជំនួញដ៏ល្បីឈ្មោះក្នុងអាជីវកម្មភោជនីយដ្ឋាន។ Lee Si Young តែងតែចែករំលែកអំពីជីវិតដ៏ប្រណីតរបស់នាងនៅលើទំព័រផ្ទាល់ខ្លួនរបស់នាង។

តារាសម្តែងវ័យ ៤៣ឆ្នាំ ធ្លាប់បានធ្វើឱ្យមហាជនភ្ញាក់ផ្អើលជាខ្លាំង នៅពេលដែលនាងបង្ហោះរូបថតដែលនាងយកកូនប្រុសដំបូងទៅសិក្សានៅសាលាអន្តរជាតិ មួយដែលគេស្គាល់ថាជាសាលា «អភិជន» ដែលមានតម្លៃសិក្សាជាង ៧០០លានវ៉ុន។

ទោះបីជារៀបការជាមួយអ្នកជំនួញក៏ដោយ Lee Si Young នៅតែឯករាជ្យផ្នែកហិរញ្ញវត្ថុ ដោយសារប្រភពចំណូលចម្បងរបស់នាងពីកិច្ចសន្យាសម្តែង និងពាណិជ្ជកម្ម៕

ទំនាក់ទំនងរវាង Zhao Lusi និងក្រុមហ៊ុនគ្រប់គ្រងហាក់បង្ហាញសកម្មភាព មិនស៊ីសង្វាក់គ្នាធ្វើឱ្យទស្សនិកជនសង្ស័យថាភាគីទាំងពីរកំពុងតែតានតឹងដាក់គ្នា។ ទោះយ៉ាងណាអ្នកគាំទ្ររបស់តារាស្រីរូបនេះសង្ឃឹមថានាងនឹងបញ្ចប់កុងត្រាជាមួយក្រុមហ៊ុនប្រកបដោយសន្តិវិធី។

ថ្មីៗនេះ អ្នកគាំទ្របានរកឃើញថា Zhao Lusi បានលុបការផ្ទៀងផ្ទាត់របស់ក្រុមហ៊ុនគ្រប់គ្រងចេញពីគណនី Xiaohongshu របស់នាង។ នេះបានធ្វើឱ្យមានការសង្ស័យអំពីការបញ្ចប់កិច្ចសន្យារវាងនាងនិង Galaxy Cool Entertainment) ហៅកាត់ថា GC Entertainment (។ភ្លាមៗនោះ សារព័ត៌មានដ៏ល្បីមួយក្នុងប្រទេសចិនបានទាក់ទងទៅក្រុមហ៊ុនខាងលើដើម្បីបំភ្លឺព័ត៌មាននេះ។ ក្រុមហ៊ុនបានឆ្លើយតបថា៖ «មិនមានការបញ្ចប់កុងត្រាជាមួយ Zhao Lusi ទេសូមអរគុណ»។ដូច្នេះហើយអាចបញ្ជាក់បានថាតារាស្រីរូបនេះ នៅតែដំណើរការក្រោមការផលិត GC Entertainment។

កន្លងមកមានប្រភពជាច្រើនបានបង្ហើបថា Zhao Lusi ចង់បញ្ចប់កុងត្រា និងស្វែងរកគោលដៅថ្មី។ ទោះជាយ៉ាងណាក៏ដោយ GC Entertainment មិនងាយនឹងបោះបង់ Zhao Lusi ទេ ព្រោះនាងគឺជាអ្នកសិល្បៈដ៏ល្បីល្បាញម្នាក់នៅក្រោមការគ្រប់គ្រង របស់ពួកគេ។ឧបទ្ទវហេតុរវាង Zhao Lusi និងក្រុមហ៊ុនគ្រប់គ្រងរបស់នាងកំពុងធ្វើឱ្យមាន ការរំជើបរំជួលនៅលើបណ្តាញសង្គម សូម្បីតែឈានដល់ការស្វែងរក និងពិភាក្សានៅលើ Weibo ក៏ដោយ។ អ្នកគាំទ្រតួឯកស្រីរូបនេះ សង្ឃឹមថានាងអាចបញ្ចប់ទំនាក់ទំនងជាមួយក្រុមហ៊ុនគ្រប់គ្រងដោយសន្តិវិធី ហើយអាចត្រឡប់មកសម្តែងវិញក្នុងពេលដ៏ខ្លីខាងមុខនេះ។

ចុងក្រោយនេះ Zhao Lusi ថ្វីដ្បិតតែមិនបានសម្តែងក្នុងភាពយន្តក៏ដោយ ក៏នៅតែចូលរួមក្នុងសកម្មភាពកម្សាន្ត និងទទួលយកការផ្សាយពាណិជ្ជកម្មឱ្យ ម៉ាកយីហោផងដែរ។ តារាស្រីរូបនេះនឹងបង្ហាញមុខក្នុងទស្សនាវដ្តី Elle ក្នុងពេលឆាប់ៗនេះ។ គម្រោង «Love’s Ambition» ជាមួយ William Chan ក៏នឹងចាក់ផ្សាយក្នុងពេលឆាប់ៗនេះផងដែរ។ មនុស្សជាច្រើនបានបញ្ជាក់ថា ពាក្យចចាមអារ៉ាមដែលថា Zhao Lusi ត្រូវបានហាមឃាត់មិនពិតទេ។

Zhao Lusi កើតនៅឆ្នាំ ១៩៩៨ នៅទីក្រុង Chengdu ប្រទេសចិន។ បន្ទាប់ពីមាន ជម្លោះជាមួយអតីតក្រុមហ៊ុនគ្រប់គ្រងរបស់នាង Zhao Lusi បានចូលរួមជាមួយ GC Entertainment ក្នុងឆ្នាំ ២០១៦ ហើយចាប់ផ្តើមល្បីល្បាញ បន្តិចម្តងៗ។
ក្នុងអំឡុងពេលដំណើរការនេះ មានជម្លោះតូចតាចដែលជៀសមិនរួចរវាង Zhao Lusi និងក្រុមហ៊ុន។ ទោះជាយ៉ាងណាក៏ដោយវាមិនអាចបដិសេធបានទេថា GC Entertainment ក៏បាននាំយកគម្រោងល្អដល់នាងផងដែរ៕

BLACKPINK ត្រៀមវិលចូលឆាកតន្ត្រីវិញជាមួយ MV ថ្មី “Jump” ដែលនឹងចេញនៅថ្ងៃទី ១១ ខែកក្កដា។ នេះជាបទចម្រៀងដែលបង្ហាញពីការត្រឡប់មកវិញជាផ្លូវការរបស់ក្រុមចម្រៀងនេះ បន្ទាប់ពីជិត ៣ ឆ្នាំ ចាប់តាំងពីអាល់ប៊ុម Born Pink ត្រូវបានចេញផ្សាយក្នុងខែកញ្ញា ឆ្នាំ ២០២២។

ខណៈពេលដែលអ្នកគាំទ្រកំពុងរង់ចាំយ៉ាងអន្ទះសារនូវផលិតផលថ្មីរបស់ក្រុមនេះ ប្រព័ន្ធផ្សព្វផ្សាយសង្គមមានការភ្ញាក់ផ្អើលជាមួយនឹងវីដេអូដែលបានថតនៅក្នុង ការប្រគំតន្ត្រី នាពេលថ្មីៗនេះរបស់ BLACKPINK នៅក្នុងប្រទេសកូរ៉េ ដែលបង្កឱ្យមានភាពចម្រូងចម្រាសទាក់ទងនឹងអាកប្បកិរិយារបស់សមាជិកមួយចំនួន។

ក្នុងវីដេអូដ៏ល្បីមួយ ទស្សនិកជនម្នាក់បានគប់តុក្កតា Labubu មួយ ឡើងលើឆាកដើម្បីប្រគល់ឱ្យ Lisa ។ ពេលដឹងរឿងនេះ តារាចម្រៀងរូបនេះបានបោះតុក្កតានេះឱ្យទស្សនិកជនវិញ ដោយបដិសេធមិនទទួលកាដូ។ ទង្វើរបស់ Lisa ត្រូវបានអ្នកនិយមលេងអ៊ីនធឺណិតមួយចំនួនរិះគន់ថា តារាស្រីដើមកំណើតថៃរូបនេះ មានអាកប្បកិរិយាមិនល្អ និងមិនយកចិត្តទុកដាក់ចំពោះអារម្មណ៍អ្នកគាំទ្ររបស់នាង។
ទោះជាយ៉ាងណាក៏ដោយ អ្នកគាំទ្រក្រុម BLACKPINKក៏បាននិយាយការពារ Lisa ផងដែរ ដោយលើកហេតុផលថា ការគប់តុក្កតាឬអំណោយនៅលើឆាកប្រគំតន្ត្រី គឺជាទង្វើដ៏គ្រោះថ្នាក់មួយ ខណៈពេលដែលសិល្បករកំពុងសម្តែង ឬផ្លាស់ទី។

ម៉្យាងវិញទៀត វាមានហានិភ័យជៀសមិនរួចដែលមនុស្សមួយចំនួននឹងទាញយកអត្ថប្រយោជន៍ពីការផ្ដល់កាដូដើម្បីដំឡើងកាមេរ៉ាលាក់ទុកក្នុងគោលបំណងថតដោយសម្ងាត់។ ប្រសិនបើអ្នកចម្រៀងទទួលយកតុក្កតា ពីមនុស្សម្នាក់ នោះអ្នកផ្សេងទៀតនឹងធ្វើតាម ដោយងាយបង្កភាពចលាចលនៅក្នុងការប្រគំតន្ត្រីដែលប្រមូលផ្តុំអ្នកចូលរួមរាប់ម៉ឺននាក់។

នេះមិនមែនជាលើកទីមួយទេដែល Lisa ធ្វើបែបនេះ។ តារាចម្រៀងរូបនេះគឺជាសមាជិកម្នាក់ដែលតែងតែបដិសេធកាដូដ៏ភ្ញាក់ផ្អើលដែលបោះចោលក្នុងការសម្ដែងរបស់ Blackpink។ ប៉ុន្តែដោយមានអ្នកគាំទ្រផ្តល់អំណោយក្នុងព្រឹត្តិការណ៍ផ្សេងឬអំណោយតូចៗនៅព្រលានយន្តហោះ សមាជិក Lisa និង Blackpink នៅតែទទួលយកដោយរីករាយ បន្ទាប់ពីត្រួតពិនិត្យសុវត្ថិភាព។

មិនត្រឹមតែ Lisa ប៉ុណ្ណោះទេ Jennie ក៏ជាប្រធានបទនៃការជជែកដេញដោលបន្ទាប់ពីការប្រគំតន្ត្រីរបស់ក្រុមនេះផងដែរ ដោយសារតែវីដេអូដែលទាក់ទាញការចាប់អារម្មណ៍។
ខណៈពេលដែលក្រុម Blackpink កំពុងសម្តែងបទ«Forever Young» Jennie មានបញ្ហានៅពេលដែលស្បែកជើងកវែងខ្ពស់របស់នាងបានជាប់។ Jennie ត្រូវអង្គុយនៅជ្រុងមួយនៃឆាកដោយមានជំនួយពីបុគ្គលិក។

នៅក្នុងវីដេអូដែលថតបានដោយទស្សនិកជន ទឹកមុខរបស់ Jennie មានភាពតានតឹងខ្លាំង ហើយចលនាមាត់បង្ហាញថានាងនិយាយខ្លាំងៗ ខណៈពេលដែលណែនាំបុគ្គលិកឱ្យចងខ្សែរបស់នាងឡើងវិញ។
មតិមួយចំនួនបាននិយាយថា នេះជាអាកប្បកិរិយាឈ្លើយ និងមិនគោរពចំពោះបុគ្គលិក ហើយថែមទាំងបានរំឮកដល់ការជក់បារីអេឡិចត្រូនិចដ៏ចម្រូងចម្រាសរបស់ Jennie នៅចំពោះមុខសិល្បករតុបតែងមុខកាលពីឆ្នាំមុន។

ទោះជាយ៉ាងណាក៏ដោយ អ្នកគាំទ្ររបស់ Jennie បានតបតវិញភ្លាមៗ ដោយអះអាងថា វីដេអូនេះត្រូវបានកាត់តដោយចេតនា ដើម្បីបង្កើតស្ថានភាពបំភាន់។ ក្នុងវីដេអូវែងជាងនេះ បន្ទាប់ពីណែនាំបុគ្គលិកឱ្យចងខ្សែ Jennie ងាកមកញញឹមដាក់ទស្សនិកជន ហើយអង្គុយស្ងៀមស្ងាត់ដើម្បីច្រៀងបទរបស់នាង។
អ្នកគាំទ្របាននិយាយថា Jennie មានភាពតានតឹងដោយសារតែស្ថានភាពបន្ទាន់ ហើយនាងត្រូវនិយាយខ្លាំងៗដើម្បីឱ្យបុគ្គលិកឮនៅក្នុងកន្លែងដែលមានសំឡេងខ្លាំង នេះមិនមែនជាអាកប្បកិរិយាមើលងាយអ្នកណាម្នាក់ទេ។

គួរបញ្ជាក់ផងដែរថា ដំណើរទេសចរណ៍ពិភពលោក Deadline របស់ Blackpink បានចាប់ផ្តើមកាលពីចុងសប្តាហ៍មុន ជាមួយនឹងការលក់សំបុត្រដាច់គ្មានសល់ ចំនួនពីរថ្ងៃនៅកីឡដ្ឋាន Goyang ដែលទាក់ទាញអ្នកទស្សនាប្រហែល ៧៨,០០០ នាក់។

Blackpink នឹងបន្តដំណើរទេសចរណ៍នេះជាមួយនឹងការប្រគំតន្រ្តីសរុបចំនួន ៣១ Shows ដោយបានទស្សនាទីក្រុងចំនួន ១៦ ជុំវិញពិភពលោក ដែលមានរយៈពេលរហូតដល់ដើមឆ្នាំ ២០២៦៕