ឈុតថើបគ្នារបស់ YoonA និង Lee Chae Min បង្កើតកំណត់ត្រា tvN ក្នុងឆ្នាំនេះ

យោងតាមប្រព័ន្ធផ្សព្វផ្សាយកូរ៉េភាគទី៤នៃរឿងភាគមនោសញ្ចេតនាបែបស្រមើស្រមៃថ្មី «Bon Appétit, Your Majesty» ទទួលបានអត្រាអ្នកទស្សនា ១១.១% ដែលជាចំនួនខ្ពស់បំផុតក្នុងចំណោមរឿងភាគរបស់ទូរទស្សន៍ tvN ក្នុងឆ្នាំ២០២៥ (គិតត្រឹមពេលនេះ)។

ភាគនេះមិនត្រឹមតែបានឈរកំពូលតារាងពេលវេលានៅក្នុងប្រទេសកូរ៉េនៅល្ងាចថ្ងៃទី៣១ ខែសីហា ប៉ុណ្ណោះទេ ប៉ុន្តែក៏ជាកម្មវិធីដែលមានអ្នកមើលច្រើនជាងគេក្នុងចំណោមអ្នកទស្សនាដែលមានអាយុពី ២០ ទៅ ៤៩ ឆ្នាំ។ លើសពីនេះទៀតនៅក្នុងសប្តាហ៍ដំបូងនៃការចាក់ផ្សាយខ្សែភាពយន្តឆ្លងភពនេះបានកើនឡើងដល់លេខ ១នៅលើបញ្ជីរឿងភាគពេញនិយមបំផុតប្រចាំសប្តាហ៍របស់ក្រុមហ៊ុន Good Data Corporation ។

តួសម្តែងសំខាន់ពីរគឺ YoonA, Lee Chae Min ក៏បានឡើងដល់លេខ ១ និង ២ ក្នុងបញ្ជីសមាជិកដែលពិភាក្សាច្រើនបំផុត។

យោងតាមគ្រោងនៃខ្សែភាពយន្តនេះ បន្ទាប់ពី Ji Young សម្តែងដោយ YoonA ត្រូវបានតែងតាំងជាមេចុងភៅដោយស្តេចសម័យចូសុន ខណៈប្រពន្ធចុងរបស់តួប្រុសមិនអាចធ្វើអ្វីបានក្រៅពីខឹងដោយបារម្ភថាតំណែងដែលនាងពេញចិត្តពីស្តេចនឹងត្រូវរង្គោះរង្គើ។ ដើម្បីធ្វើបាប Ji Young អ្នកម្នាង Mok Joo ជំរុញម្ចាស់ក្សត្រីឱ្យរៀបចំការប្រកួតធ្វើម្ហូបជាមួយមេចុងភៅជើងចាស់។

ប្រសិនបើ Ji Young ឈ្នះ ទេពកោសល្យរបស់នាងនឹងត្រូវបានទទួលស្គាល់។ ផ្ទុយទៅវិញ បើនាងចាញ់ នាងនឹងបាត់បង់ដៃ។ ពេញមួយភាគនេះ ទស្សនិកជនបានឃើញមេចុងភៅបីនាក់ផ្សេងទៀតកំពុងរៀបចំមុខម្ហូបរបស់ពួកគេដោយផ្តោតអារម្មណ៍ និងតាំងចិត្តខ្ពស់។

នៅចុងបញ្ចប់នៃខ្សែភាពយន្តឈុតដែលតួប្រុសស្រក់ទឹកភ្នែក និងបង្ខំថើប Ji Young ក្នុងពេលស្រវឹងបានធ្វើឱ្យអ្នកទស្សនាជាច្រើនភ្ញាក់ផ្អើល ព្រោះភាពយន្តនេះទើបតែចាក់ផ្សាយភាគទី៤ ប៉ុន្តែគូស្នេហ៍សំខាន់មានឈុតផ្អែមល្ហែមរួចទៅហើយ។ ការសម្ដែងរបស់ YoonA និង Lee Chae Min ក្នុងឈុតនេះត្រូវបានគេសរសើរចំពោះតួនាទីរបស់ពួកគេ។ រូបរាងរបស់អ្នកទាំងពីរក៏ត្រូវបានគេចាត់ទុកថាត្រូវគ្នាដែរ៕