នៅថ្ងៃទី១៧ ខែកក្កដា ឆ្នាំ២០២៥ ផ្លែទុរេនរបស់ប្រទេសកម្ពុជា ដែលមានទម្ងន់ប្រមាណ១៧តោន ត្រូវបានវេចខ្ចប់តាមស្ទង់ដារ និងត្រូវបាននាំចេញទៅកាន់ទីផ្សារប្រទេសចិន។

អគ្គរដ្ឋបាលគយចិន បានអនុញ្ញាតឱ្យកម្ពុជានាំចេញទុរេនស្រស់ ទៅកាន់ទីផ្សារប្រទេសចិនដោយផ្ទាល់ ស្របតាមពិធីសារដែលបានចុះហត្ថលេខាកាលពីខែមេសា។

ការនាំចេញផ្លែទុរេនរបស់កម្ពុជា ទៅលក់នៅលើទីផ្សាររបស់ប្រទេសចិន បានធ្វើឡើងដោយក្រុមហ៊ុន អេច អេហ្វ ហ្រ្វូត ឯ.ក (HF FRUIT LTD.) បានសហការជាមួយក្រុមហ៊ុននៅប្រទេសចិន បន្ទាប់ពីក្រុមបានសម្ពោធជាផ្លូវការ កាលពីថ្ងៃទី១ ខែឧសភា ឆ្នាំ២០២៥ ស្ថិតនៅក្នុងភូមិចាន់ទូង ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ដើម្បីវេចខ្ចប់ផ្លែទុរេន នាំចេញទៅទីផ្សាប្រទេសចិន។

គួរបញ្ជាក់ថា ផ្លែទុរេនស្រស់គឺជាកសិផលទី៩ របស់កម្ពុជា ដែលត្រូវបានអនុញ្ញាតឱ្យនាំចេញ ដោយផ្ទាល់ទៅចិនបន្ទាប់ពីអង្ករ កន្ទក់អង្ករ ចំណិតដំឡូងមីក្រៀម ពោត ផ្លែចេក ស្វាយ ផ្លែមៀន និងម្រេច៕

ជឿជាក់ថា មនុស្សមួយចំនួនមានទម្លាប់ខុសឆ្គងទាំងនេះ ក្នុងការប្រើប្រាស់ព្រីភ្លើងបន្ថែម។ ទោះបីជា ខ្សែភ្លើងបន្ថែមជួយសម្រួលដល់ការប្រើប្រាស់ប្រចាំថ្ងៃក៏ពិតមែន បន្តែការប្រើវាមិនបានត្រឹមត្រូវនឹងបង្កឱ្យមានគ្រោះ.ថ្នាក់ធ្ងន់ធ្ងរដល់សុវត្តិភាពផ្ទាល់ខ្លួន ក៏ដូចជាផ្ទះសម្បែងផងដែរ។ យោងតាមគេហ័ទំព័បរទេស បានឲ្យដឹងថា កំហុសទូទៅទាំង ៦ ចំពោះការប្រើប្រាស់ព្រីភ្លើងបន្ថែម អាចបង្កហានិភ័យខ្លាំងដែលយើងគួរជៀសវាង:

១.ការភ្ជាប់ជាមួយឧបករណ៍ប្រើថាមពលខ្ពស់: លោក Paul Martinez ម្ចាស់ក្រុមហ៊ុន Electrified NYC នៅ Brooklyn បាននិយាយនៅក្នុងបទសម្ភាសន៍ជាមួយគេហទំព័របច្ចេកវិទ្យា CNET ថា “មិនគួរមានព្រីភ្លើងបន្ថែមអ្វីទាំងអស់”។ វាគួរតែត្រូវបានដោតដោយផ្ទាល់ទៅក្នុងព្រីភ្លើងលើជញ្ជាំងជានិច្ច ដើម្បីការពារហានិភ័យ ដែលបណ្តាលឱ្យវាឡើងកំដៅ និងអាចឆេះបាន ជាពិសេស ដោត ទូរទឹកក ម៉ៃក្រូវ៉េវ ឬម៉ាស៉ីនដុតនំជាដើម។

២. ប្រើព្រីភ្លើងជំនួសជាអចិន្ត្រៃយ៍: អ្នកជំនាញបាននិយាយថា ខ្សែបន្ថែមត្រូវបានបម្រុងទុកសម្រាប់ការប្រើប្រាស់បណ្តោះអាសន្នប៉ុណ្ណោះ ហើយមិនគួរយកវាមកប្រើប្រាស់ប្រចាំថ្ងៃឡើយ។ ការប្រើខ្សែភ្លើងបន្ថែមយូរៗទៅ វាអាចរលត់ ឬឡើងកំដៅខ្លាំង និងក្លាយជាភ្លើងឆេះបាន។

៣. ប្រើនៅក្នុងបរិយាកាសខាងក្រៅ ឬកន្លែងសើម: ខ្សែបន្ថែម មិនមានស្តង់ដារត្រូវបានរចនាឡើងសម្រាប់ការប្រើប្រាស់ខាងក្រៅទេ ជាពិសេសក្នុងស្ថានភាពសើម ឬមានទឹក។ សូម្បីតែនៅពេលដែលអាកាសធាតុមានស្ថេរភាព ការប៉ះពាល់នឹងពន្លឺព្រះអាទិត្យយូរ និងសីតុណ្ហភាពប្រែប្រួលក៏អាចបំផ្លាញអ៊ីសូឡង់របស់ខ្សែភ្លើងបានដែរ ពីព្រោះវាគ្មានភាពធន់នឹងលក្ខខណ្ឌអាកាសធាតុ។

៤. ពេលចម្អិនអាហារ: អ្នកជំនាញបានព្រមានថា គ្រឿងប្រើប្រាស់ក្នុងផ្ទះបាយតូចៗតែងតែត្រូវការថាមពលច្រើនជាងខ្សែទំហំរបស់វាដែលអាចផ្គត់ផ្គង់បានដោយសុវត្ថិភាព។ ជាពិសេសម៉ាស៊ីនដុតនំដោយប្រើខ្សែភ្លើងខាងក្នុង ដែលវាអាចឡើងកំដៅបានយ៉ាងលឿន។ វាគួរតែត្រូវបានភ្ជាប់ដោយផ្ទាល់ទៅក្នុងព្រីភ្លើងជាប់ជញ្ជាំងជានិច្ច។

៥.ដោតឧបករណ៍ច្រើនក្នុងពេលតែមួយ: ការភ្ជាប់ឧបករណ៍ជាច្រើនទៅនឹងខ្សែបន្ថែមតែមួយអាចនាំឱ្យមានការឡើងកំដៅ និងបន្ទុកសៀគ្វីលើស ជាពិសេសប្រសិនបើពួកវាត្រូវការថាមពលខ្ពស់។ វាអាចបណ្តាលឱ្យមានភ្លើងឆេះ ឬយ៉ាងហោចណាស់ ធ្វើឱ្យខ្សែភ្លើងឡើងកំដៅ និងធ្វើឱ្យឧបករណ៍ដែលភ្ជាប់នឹងខូច។

៦.សាកកង់អគ្គិសនី ឬម៉ូតូ scooter: ម៉ូតូ scooter កង់ និងឧបករណ៍អគ្គិសនីចល័តផ្ទាល់ខ្លួនផ្សេងទៀត ជារឿយៗត្រូវការថាមពលច្រើនជាងខ្សែបន្ថែមដែលអាចគ្រប់គ្រងបាន។
មូលនិធិសុវត្ថិភាពអគ្គិសនីអន្តរជាតិបានផ្តល់យោបល់ឱ្យប្រើតែឆ្នាំងសាកដែលត្រូវបានអនុម័តដោយក្រុមហ៊ុនផលិតប៉ុណ្ណោះ។ ម្យ៉ាងវិញទៀត គួរប្រើប្រាស់វាឱ្យបានត្រឹមត្រូវជៀសវាង ការកើនឡើងកម្ដៅ ឬបណ្ដាលឱ្យផ្ទុះ ឬឆេះ។

ជាចុងក្រោយ ការយល់ដឹង និងប្រើប្រាស់ព្រីភ្លើងបន្ថែមឱ្យបានត្រឹមត្រូវ គឺជាវិធីសាស្រ្តមួយដ៏សាមញ្ញក្នុងការការពារការគ្រោះ.ថ្នាក់ដ៏ធ្ងន់ធ្ងរដូចជា ភ្លើងឆេះ បាត់បង់ទ្រព្យសម្បត្តិ និងអាយុជីវិតជាដើម។ ដូចនេះប្រសិនបើអ្នកមានការសង្ស័យ ឬមិនប្រាកដ អ្នកគួរតែពិគ្រោះជាមួយអ្នកជំនាញក្នុងផ្នែកអគ្គិសនីជាមុនសិន៕

បន្ទាប់ពីលោក ភូមិថាំ វៈឆៈយៈឆៃ ដែលបច្ចុប្បន្នជានាយករដ្ឋមន្រ្តីស្ដីទីថៃ បាននិយាយប្រមា.ថមកកាន់សម្ដេចតេជោ ហ៊ុនសែន ថាគ្មានតម្លៃគ្រប់គ្រាន់ក្នុងការចរចាជាមួយនោះ សម្ដេចតេជោ បានធ្វើការឆ្លើយតបបែបទះកំភ្លៀងទៅកាន់លោកភូមីថាំវិញថា «បើហ៊ុន សែន គ្មានតម្លៃសម្រាប់ការចរចា ហេតុអ្វីបានជាកាលពីថ្ងៃទី១៥ ខែមិថុនា ឆ្នាំ២០២៥ លោកនិងអតីតនាយករដ្ឋមន្រ្តីដែលកំពុងព្យួរតំណែង ត្រូវរង់ចាំ៤ម៉ោងដើម្បីចាំជួបខ្ញុំតាមទូរស័ព្ទ?»

យោងតាមការបង្ហោះនៅលើទំព័រហ្វេសប៊ុក សម្ដេចតេជោ បានឲ្យដឹងថា កាលពីថ្ងៃទី១៥ ខែមិថុនា ឆ្នាំ២០២៥ ក្រុមលោកភូមិថាំ និង នាយករដ្ឋមន្រ្តីកំពុងព្យួរតំណែង អ៊ុងអ៊ីង បានចាត់ទុកសម្ដេចជាមនុស្សមានតម្លៃដែលអស់ពួកគេយល់ថា ត្រូវសុំឱវាទ ឬសុំយោបល់ ឬសុំចរចា តែដល់ថ្ងៃទី១៦ ខែកក្កដា ឆ្នាំ២០២៥ ពួកគេបែរជានិយាយថា សម្ដេចមិនមានតម្លៃក្នុងការចរចាទៅវិញ។ សម្ដេចចោ.ទសួរថា «តើលោកលេបថ្នាំខុសទេដឹង ទើបធ្វើឲ្យលោកបាត់ការចងចាំបែបនេះ?»

សម្ដេចតេជោបានបន្តទៀតថា «សម្រាប់តួនាទីក្នុងតំណែងគ្រប់គ្រងរដ្ឋខ្ញុំស្គាល់ច្បាស់ណាស់ ព្រោះខ្ញុំដឹកនាំនីតិប្រតិបត្តិតាំងពីលោកនៅជាកងទ័ពថៃក្រហម (កុម្មុយនីស្តថៃ) មិនទាន់ចេញពីព្រៃមកម្ល៉េះ និងឆ្លងកាត់នាយករដ្ឋមន្ត្រីថៃជាង១០នាក់។ ការចរចាពិតត្រូវធ្វើដោយនាយករដ្ឋមន្ត្រី ហ៊ុន ម៉ាណែត មិនមែនជាមួយប្រធានព្រឹទ្ធសភា ហ៊ុន សែន នោះឡើយ។ កាលពីមុនក៏ដូចជាថ្ងៃនេះ លោកតែងប្រាប់ជនជាតិថៃថា កុំឲ្យស្តាប់លោក ហ៊ុន សែន ពេក តើលោកខ្លាចបណ្តាញសង្គមដែលខ្ញុំបង្ហោះសារចេញមែនទេ?»

សម្ដេចបន្ថែមថា «ខ្ញុំមិនចង់ឆ្លើយតបជាមួយមនុស្សព្រហើនដូចលោកទេ តែខ្ញុំមានការចាំបាច់បញ្ជូនសារទៅប្រាប់ប្រជាជនថៃថា នាយករដ្ឋមន្ត្រីស្តីទីរបស់ថៃសព្វថ្ងៃនេះមាន ចំណែកទទួលខុសត្រូវលើការសុំឱវាទ ឬយោបល់ ឬចរចាតាមទូរស័ព្ទនាល្ងាចថ្ងៃទី១៥ ខែមិថុនា ឆ្នាំ២០២៥ ជាមួយលោកស្រី អ៊ុង អ៊ីង កន្លងមក។ ជូនពរលោកប្រឹងតោងកៅអីនាយករដ្ឋមន្ត្រីស្តីទីឲ្យបានយូរបន្តិច។»

គួរឲ្យដឹងថា កាលពីថ្ងៃពុធ ទី១៦ កក្កដា ម្សិលមិញនេះ នៅចំពោះមុខអ្នកសារព័ត៌មានថៃជាច្រើន លោក ភូមិថាំ វៈឆៈយៈឆៃ បានផ្ដាំទៅកាន់ពលរដ្ឋថៃទាំងអស់ឲ្យមានការអត់ធ្មត់ទាក់ទងនឹងបញ្ហានៅតំបន់ប្រាសាទ និងប្រាប់ពលរដ្ឋកុំឲ្យជឿតាមពាក្យញុះញង់របស់សម្ដេច ហ៊ុន សែន អី។ ជាងនេះទៅទៀត លោកភូមិថាំ បានបញ្ជាក់ថា សម្ដេចហ៊ុន សែន ពុំមែនជាមេដឹកនាំផ្លូវការរបស់កម្ពុជាទេ ដូច្នេះលោកគ្មានតម្លៃអ្វីត្រូវចរចាជាមួយនោះឡើយ។ ប៉ុន្តែលោកភូមិថាំ មិនបានរំលឹកទេថា លោកខ្លួនឯងផ្ទាល់កាលពីមួយខែមុន បានសុខចិត្តរង់ចាំអស់៤ម៉ោង ដើម្បីស្នើសុំជួបតាមទូរស័ព្ទជាមួយសម្ដេច៕

ក្រសួងយុត្តិធម៌ សម្រេចផ្អាកមុខងារបណ្តោះអាសន្ន លោក គ្រី សីហា ព្រះរាជអាជ្ញារងនៃអយ្យការអមសាលាដំបូងខេត្តពោធិ៍សាត់ ទាក់ទងការអនុវត្តច្បាប់ដោយរំលោ.ភបំពាន ដោះលែងជនល្មើសដែលត្រូវចាប់ខ្លួន។

យោងតាមសារសំឡេងរបស់ សម្ដេចធិបតី ហ៊ុន ម៉ាណែត កាលពីថ្ងៃទី១៦ ខែកក្កដា បានបញ្ជាឲ្យមានការចាត់វិធានការចំពោះព្រះរាជអាជ្ញារងនៃអយ្យការអបសាលាដំបូងខេត្តពោធិ៍សាត់ ជុំវិញការដោះលែងជនល្មើសពាក់ព័ន្ធករណីឆបោ.កតាមប្រព័ន្ធបច្ចេកវិទ្យា (Online Scam) ។

នៅក្នុងសារសំឡេងនោះសម្ដេចបានមានប្រសាសន៍ថា គណៈអភិបាលខេត្ត រួមជាមួយសមត្ថកិច្ចខេត្តពោធិ៍សាត់បានខិតខំដឹកនាំកម្លាំង បើកយុទ្ធនាការដើម្បីបង្រ្កាបទីតាំងល្បែងអនឡាញ និងឃា.ត់ខ្លួនបានជនល្មើសមួយចំនួន ប៉ុន្តែស្រាប់តែលេចលឺថាមានព្រះរាជអាជ្ញារងម្នាក់បែរជាទៅដោះលែងជនល្មើសទាំងនោះវិញ។ «ដូច្នេះឥឡូវខ្ញុំនឹងឲ្យក្រសួងយុត្តិធម៌ចាត់ចែងជាបន្ទាន់ ហើយប្រសិនបើមានពាក់ព័ន្ធនឹងការទទួលលុយកាក់ក្នុងការដោះលែងនោះទៀត សូមឲ្យអង្គភាពប្រឆាំងអំពើពុករលួយ (ACU) ចាត់ការភ្លាម។»

ក្រោយទទួលបានសារសំឡេងនេះភ្លាម លោក កើត រិទ្ធ រដ្ឋមន្រ្តីក្រសួងយុត្តិធម៌ បានសម្រេចផ្អាកមុខងារជាបណ្ដោះអាសន្នរបស់លោក គ្រី សីហា ព្រះរាជអាជ្ញារងនៃអយ្យការអមសាលាដំបូងខេត្តពោធិ៍សាត់ ដើម្បីបើកផ្លូវឲ្យក្រុមអធិការកិច្ច និងស្ថាប័នមានសមត្ថកិច្ចស៊ើបអង្កេតស្រាវជ្រាវទាក់ទងនឹងការអនុវត្តច្បាប់ដោយរំលោ.ភបំពាន ក្នុងការដោះលែងជនល្មើសដែលគណៈអភិបាលខេត្ត និងសមត្ថកិច្ចចាប់ខ្លួនបានលើករណីបទល្មើសឆបោ.កតាមប្រព័ន្ធបច្ចេកវិទ្យានៅក្នុងខេត្តពោធិ៍សាត់៕