បាងកក៖ បុរសម្នាក់ ដែលគេស្គាល់ថាជាអតីតកីឡាករប្រដាល់ថៃ កើតការស្រ្តេពិបាកចិត្តព្រោះគ្មានការងារធ្វើ គិតអ្វីមិនចេញស្រាប់តែបែ.កគំនិតយកសារធាតុរាវម្យ៉ាងដែលគេប្រើសម្រាប់រំលាយទឹកថ្នាំ និងងាយឆាបឆេះ ទៅចាក់ស្រោចលើភ្ញៀវទេសចរម៉ាឡេសុីពីរនាក់ រួចយកដែកកេះមកដុ.ត បណ្ដាលឲ្យរងរបួសធ្ងន់ធ្ងរនៅកណ្ដាលចំណោមមនុស្សក្នុងក្រុងបាងកក។

យោងសារព័ត៌មាន Khaosod បានឲ្យដឹងថា កាលពីយប់ថ្ងៃទី7 ខែសីហា ហេតុការណ៍ដ៏រន្ធ.ត់មួយបានកើតឡើងបណ្ដាលឲ្យមនុស្សម្នាឆោឡោរ នៅពេលឃើញមនុស្ស2នាក់ត្រូវបានឆាបឆេះ ត្រង់ចំណុចមុខផ្សាទំនើបមួយនៅផ្លូវបំបែក Ratchaprasong ក្នុងទីក្រុងបាងកក។ ភ្លាមៗគេបានដឹងថា វាគឺជាស្នាដៃរបស់បុរសម្នាក់ ដែលបានយកទឹករំលាយថ្នាំទៅជះលើជនរងគ្រោះ2នាក់នោះ រួចក៏យកកេះដែកកេះបញ្ឆេះដាក់ពួកគេតែម្ដង។

ជនដៃដល់ត្រូវបានគេស្គាល់ថាមានឈ្មោះ Warakorn Pabtaisong អាយុ30ឆ្នាំ មកពីខេត្តស្រះកែវ ដែលជាអតីតកីឡាករប្រដាល់ម្នាក់កាលពីមុន ប៉ុន្តែបច្ចុប្បន្នគ្មានការងារធ្វើនោះទេ។ ចំណែកជនរងគ្រោះទាំងពីរនាក់ គឺជាប្តីប្រពន្ធជនជាតិម៉ាឡេស៊ី អាយុ26ឆ្នាំ និង27ឆ្នាំ បានរងរបួសរលាកពេញខ្លួន និងមុខ ហើយត្រូវបានគេបញ្ជូនទៅសង្រ្គោះនៅមន្ទីរពេទ្យដើម្បីព្យាបាល។

បើតាមសាក្សីដែលបានឃើញហេតុការណ៍ខាងលើបានឲ្យដឹងថា ជនដៃដល់ Warakorn ត្រូវបានគេឃើញនិយាយជាមួយជនរងគ្រោះទាំងពីរនាក់មុនពេលពួកគេបែកផ្លូវគ្នា។ ក្រោយមក នៅពេលអ្នកទេសចរជនជាតិម៉ាឡេស៊ីទាំងពីរបានអង្គុយនៅលើជណ្តើរមុខផ្សារទំនើប ជាកន្លែងដែល Warakorn ចូលទៅជិតពួកគេម្ដងទៀត ហើយចាក់សារធាតុរាវនោះទៅលើពួកគេ រួចក៏ធ្វើសកម្មភាពដុតតែម្ដង។

ក្នុងកំឡុងពេលសាកសួរនៅប៉ុស្តិ៍នគរបាល Lumpini លោក Warakorn បានសារភាពចំពោះទង្វើរបស់ខ្លួន ប៉ុន្តែបញ្ជាក់ថាមិនមានការសោកស្ដាយចំពោះជនរងគ្រោះនោះឡើយ។ គេបានចាត់ទុកអ្វីដែលខ្លួនធ្វើ ថាជាសកម្មភាពកម្សាន្តកែអផ្សុក និងភាពតប់ប្រមល់ព្រោះស្រ្តេសនឹងរឿងគ្មានការងារធ្វើខ្លាំងពេក។

គួរបញ្ជាក់ថា ប៉ូលីសបានធ្វើតេស្តទឹកទឹកនោមរបស់ជនដៃដល់ ប៉ុន្តែមិនបានរកឃើញមានសារធាតុញៀននោះទេ ដូច្នេះអាចបញ្ជាក់បានថា នៅពេលប្រព្រឹត្តសកម្មភាព គេនៅមានស្មារតីធម្មតា មិនមែនជាការស្រវឹង ឬប្រតិកម្មថ្នាំនោះទេ។ យ៉ាងណាសមត្ថកិច្ចថៃនៅខណៈនេះ កំពុងចោ.ទប្រកាន់ លោក Warakorn ពីបទធ្វើបាបលើរាងកាយអ្នកដទៃដោយចេតនា និងត្រូវបានគេរំពឹងថាបុរសរូបនេះអាចនឹងត្រូវពិន័យ ក៏ដូចជាជាប់ទោសធ្ងន់ធ្ងរនៅពេលតុលាការកាត់ក្ដីរួច។

ទាំងនេះគឺជាស្ថានភាពបប្ចុប្បន្ននៅក្នុងប្រទេសថៃ ដែលបង្ហាញពីទង្វើអមនុស្សធម៌របស់ពលរដ្ឋថៃមួយចំនួន តែងតែបង្ហហិ.ង្សាដាក់ជាតិសាសន៍ដទៃ។ តួយ៉ាងការវា.យធ្វើបាបពលករខ្មែរដែលមិនដឹងអី និងធ្វើការនៅប្រទេសខ្លួនដោយសារទំនាស់ព្រំដែន បានបង្ហាញឲ្យពិភពលោកបានឃើញយ៉ាងច្បាស់ថាពួកគេមិនគ្មានច្បាប់វិន័យ មិនគោរពសិទ្ធិមនុស្ស ជាពិសេសគឺចូលចិត្តអនុវត្តច្បាប់ព្រៃដែលយកហិង្សាមកដោះស្រាយបញ្ហា៕

ប្រទេសឥណ្ឌា ៖ តាមប្រភពច្បាស់ការណ៍ពីមន្ត្រីឥណ្ឌា៣រូបឱ្យដឹងថា រដ្ឋាភិបាលឥណ្ឌាបានផ្អាកគម្រោងទិញយន្តហោះ និងអាវុ.ធបន្ថែមពីអាមេរិក ដែលនេះជាការបង្ហាញសញ្ញាយ៉ាងច្បាស់ថា ឥណ្ឌាមិនពេញចិត្តយ៉ាងខ្លាំងដែលប្រធានាធិបតីអាមេរិក លោក Donald Trump ដំឡើងពន្ធទំនិញឥណ្ឌារហូតដល់៥០% ។ ការប្រកាសផ្អាកគម្រោងនេះធ្វើឱ្យសម្ព័ន្ធភាពរវាងប្រទេសទាំងពីរធ្លាក់ចុះក្នុងរយៈពេលជាច្រើនឆ្នាំ ប៉ុន្តែរដ្ឋាភិបាលឥណ្ឌាបានច្រានចោលព័ត៌មាននេះ និងថាជាព័ត៌មានក្លែងក្លាយ ។

កន្លងមក ឥណ្ឌាមានគម្រោងបញ្ជូនរដ្ឋមន្ត្រីក្រសួងការពារជាតិ លោក Rajnath Singh ទៅទីក្រុងវ៉ាស៊ីនតោននាពេលឆាប់ៗដើម្បីទិញអាវុធ ប៉ុន្តែការធ្វើដំណើរនេះត្រូវបានផ្អាក ។ លើសពីនេះ គម្រោងទិញយន្តហោះស៊ើបការណ៍ P8I ពីក្រុមហ៊ុន Boeing ចំនួន៨គ្រឿង និងប្រព័ន្ធប្រើប្រាស់ក្នុងការងារកងទ័ពជើងទឹកឥណ្ឌាក៏ផ្អាកដែរ ។ នេះបើតាមការផ្សព្វផ្សាយរបស់សារព័ត៌មានរ៉យទ័រ នៅថ្ងៃទី៩ ខែសីហា ឆ្នាំ២០២៥ ដោយផ្អែកតាមប្រភពច្បាស់ការណ៍ពីមន្ត្រីឥណ្ឌា ។

ការចរចាទិញរថក្រោះ Stryker ដែលផលិតដោយក្រុមហ៊ុន General Dynamics Land Systems និងមីស៊ីលប្រឆាំងរថក្រោះ Javelin ផលិតដោយក្រុមហ៊ុន Raytheon និងក្រុមហ៊ុន Lockheed Martin ក៏ផ្អាកដែរ ដោយសារអាមេរិកដំឡើងពន្ធទំនិញខ្ពស់ ។ ឥណ្ឌានឹងអនុវត្តគម្រោងទិញអាវុធផ្នែកកងទ័ពភ្លាម បើឥណ្ឌាទទួលបានភាពច្បាស់លាស់លើអត្រាពន្ធ និងទិសដៅនៃទំនាក់ទំនងទ្វេភាគីជាមួយអាមេរិក ។ ទោះយ៉ាងណា គម្រោងផ្អាកទិញយន្តហោះ និងអាវុធពីអាមេរិក គឺឥណ្ឌាពុំទាន់ចេញសេចក្តីប្រកាសច្បាស់លាស់ទេ ។

កាលពីថ្ងៃទី៦ ខែសីហា ប្រធានាធិបតីអាមេរិក លោក Trump បានប្រកាសដំឡើងពន្ធទំនិញឥណ្ឌារហូតដល់៥០% ដោយសារឥណ្ឌានៅតែទិញប្រេងឥន្ធនៈពីរុស្ស៊ី ហើយអាមេរិកសង្ស័យថា ឥណ្ឌាបានផ្តល់ប្រាក់ទៅឱ្យរុស្ស៊ីធ្វើសង្គ្រាមជាមួយអ៊ុយក្រែន ។

ក្រោយការផ្សព្វផ្សាយព័ត៌មានឥណ្ឌាផ្អាកគម្រោងទិញយន្តហោះ និងសម្ភារៈកងទ័ព រដ្ឋាភិបាលឥណ្ឌាបានច្រានចោលព័ត៌មាននេះ និងចេញសេចក្តីថ្លែងការណ៍ថា ព័ត៌មានឥណ្ឌាផ្អាកទិញអាវុធជាព័ត៌មានក្លែងក្លាយ រដ្ឋាភិបាលឥណ្ឌានឹងទិញអាវុធអាមេរិកតាមគម្រោង ។ ឥណ្ឌាបានបង្កើនភាពជាដៃគូជាមួយអាមេរិកនាប៉ុន្មានឆ្នាំនេះ ប៉ុន្តែអាមេរិកខ្វះភាពយុត្តិធម៌ អាមេរិក និងបណ្តាប្រទេសជាមិត្តនៅតែធ្វើពាណិជ្ជកម្មជាមួយរុស្ស៊ីសម្រាប់ផលប្រយោជន៍ជាតិ ប៉ុន្តែអាមេរិកហាមឥណ្ឌាទិញប្រេងឥន្ធនៈរុស្ស៊ី ។

ចំណែកក្រុមហ៊ុន Boeing ក្រុមហ៊ុន Lockheed Martin និងក្រុមហ៊ុន General Dynamics ពុំឆ្លើយតបនឹងព័ត៌មានឥណ្ឌាផ្អាកទិញយន្តហោះ និងអាវុធទេ ដោយក្រុមហ៊ុនទាំងនេះប្រាប់សារព័ត៌មានរ៉យទ័រឱ្យសួររដ្ឋាភិបាលឥណ្ឌា និងរដ្ឋាភិបាលអាមេរិក ខណៈក្រុមហ៊ុន Raytheon ពុំនិយាយអ្វីទាំងអស់៕

ចេះតែនឹកឃើញហ្មង! រដ្ឋាភិបាលថៃបានតែងតាំងតារាសម្តែង និងជាអតីតបវរកញ្ញាថៃ អ្នកស្រី Panadda Wongphudee ឬ “Boom” ជាអ្នកនាំពាក្យស្ម័គ្រចិត្តបៅក្នុងក្រសួងការពារជាតិថៃ ដើម្បីប្រឆាំងនឹងលោកស្រី ម៉ាលី សុជាតា អ្នកនាំពាក្យក្រសួងការពារជាតិកម្ពុជា។ រដ្ឋាភិបាលថៃលើកឡើងយ៉ាងអំនួតថា អ្នកស្រី Panadda ពិតជាស័ក្តិសមនឹងតំណែងនេះណាស់ ហើយថែមទាំងមានសម្រស់ស្រស់ស្អាតជាងលោកស្រី ម៉ាលី សុជាតា ទៅទៀត។

បាងកក៖ យោងតាមការចុះផ្សាយរបស់សារព័ត៌មានបាងកកប៉ុស្តិ៍ នៅថ្ងៃទី9 ខែសីហា ឆ្នាំ2025 បានឲ្យដឹងថា អនុរដ្ឋមន្ត្រីក្រសួងការពារជាតិ លោក Nattaphon Narkphanit បានបញ្ជាក់កាលពីថ្ងៃសុក្រថា លោកស្រី Panadda នឹងធ្វើជាអ្នកតំណាងមជ្ឈមណ្ឌលអាដហុកសម្រាប់ស្ថានការណ៍ព្រំដែនកម្ពុជា-ថៃ ឆ្លើយតបជាពិសេសចំពោះការលើកឡើងរបស់ ឯកឧត្តម នាយឧត្តមសេនីយ៍ ម៉ាលី សុជាតា អ្នកនាំពាក្យក្រសួងការពារជាតិកម្ពុជា។

លោក Nattaphon លើកឡើងថា “ការតែងតាំងនេះគឺដើម្បីប្រឆាំងនឹងឧត្តមសេនីយ៍ឯក ម៉ាលី សុជាតា” និងនិយាយបន្ថែមដោយស្នាមញញឹមថា អ្នកស្រី Panadda “ស្អាតជាង” អ្នកនាំពាក្យរបស់សមភាគីកម្ពុជា ដែលជម្រុញឲ្យការអត្ថាធិប្បាយរបស់អ្នកស្រី Panadda កាន់តែទាក់ទាញការចាប់អារម្មណ៍យ៉ាងទូលំទូលាយនៅលើអ៊ីនធឺណិត។

គួរជម្រាបថា អ្នកស្រី Panadda Wongphudee គឺជាម្ចាស់មកុដបវរកញ្ញាថៃក្នុងឆ្នាំ 2000 ហើយក្រោយមកបានសាងអាជីពក្នុងវិស័យកម្សាន្តក្នុងនាមជាតារាសម្ដែង និងតារាបង្ហាញម៉ូតដែលល្បីចំពោះភាពសិច.សុីផងដែរ។ ក្រៅពីល្បីព្រោះសម្រស់ និងភាពសិច.សុី តារាស្រីរូបនេះក៏ល្បីខាងពូកែនិយាយបំភ្លើសបំភ្លៃការពិត និងធ្លាប់និយាយប្រមា.ថមើលងាយជាតិសាសន៍ខ្មែរកប់ៗមាត់ណាស់ដែរកន្លងមក។

ការតែងតាំងនាងត្រូវបានធ្វើឡើងចំពេលមានជម្លោះការទូត និងយោធារវាងកម្ពុជា និងថៃទោះបីជាមានកិច្ចព្រមព្រៀងកាលពីចុងខែកក្កដា ដើម្បីសង្កេតមើលបទឈប់បា.ញ់ និងបន្តការសន្ទនាតាមរយៈគណៈកម្មាធិការព្រំដែនទូទៅក៏ដោយ។

មិនយល់ថាថៃគិតយ៉ាងម៉េចនោះទេ ទើបបានជាសុខៗនឹកឃើញចង់លើកយកតារាមកធ្វើជាអ្នកការទូតនាំពាក្យរដ្ឋាភិបាលដូច្នេះទៅវិញ។ នេះអាចជាចេតនារបស់ថៃ ដើម្បីបង្កើតចំណាប់អារម្មណ៍របស់អន្តរជាតិនៅពេលឡើងថ្លែងសន្ទរកថា។ តែទោះជាយ៉ាងណា ការប្រៀបធៀបសម្រស់របស់តារាស្រីរូបនេះ ជាមួយនឹងលោកស្រី ម៉ាលី សុជាតា ដែលមានចំណេះដឹងជ្រៅជ្រះ និងកម្រិតវប្បធម៌ខ្ពស់ដូចខាងលើនេះ ហាក់ជារឿងមិនសមហេតុផលទាល់តែសោះ៕

ប្រទេសថៃ ៖ នៅថ្ងៃទី៩ ខែសីហា ឆ្នាំ២០២៥ នេះ សារព័ត៌មានថៃ Khaosod រាយការណ៍ថា កងទ័ពថៃបានដើរជាន់មីនបណ្តាលឱ្យរងរបួសចំនួន៣នាក់ ក្នុងអំឡុងពេលពង្រាយកម្លាំងល្បាតតាមផ្លូវដើម្បីដាក់លួសបន្លាការពារនៅខេត្តស៊ីសាកេត បរិវេណភ្នំទ្រព្យ ។ នាយករដ្ឋមន្ត្រីស្តីទីថៃ លោក ភូមិថាំ វីឆាយ៉ាឆៃ បញ្ជាឱ្យប្រមូលភស្តុតាងដើម្បីដាក់ពាក្យប្តឹងកម្ពុជាតាមផ្លូវច្បាប់ ដោយលោកចោទប្រកាន់កម្ពុជាល្មើសអនុសញ្ញាអូតាវ៉ា ហើយលោកជឿថា ហេតុការណ៍នេះនឹងពុំរាលដាលឈានទៅការប៉ះទង្គិចគ្នារវាងកម្ពុជា-ថៃម្តងទៀតទេ ។

លោក រីតឆា សុខស៊ុវ៉ាណុន អ្នកនាំពាក្យរងកងទ័ពជើងគោកថៃបាននិយាយនៅថ្ងៃទី៩ ខែសីហា ថា តាមការត្រួតពិនិត្យក្រោយពីហ្វេសប៊ុកផេកកងទ័ពភូមភាគ២ បានបង្ហោះ គឺនៅថ្ងៃនេះ (ថ្ងៃទី៩ ខែសីហា) កងទ័ពថៃបានដើរជាន់មីនបណ្តាលឱ្យរងរបួសចំនួន៣ ពេលកំពុងតែល្បាតការពារតំបន់ ។

មជ្ឈមណ្ឌលប្រតិបត្តិការកងទ័ពភូមិភាគ២ បានប្រកាសពីស្ថានការណ៍នៅតាមបណ្តោយព្រំដែនកម្ពុជា-ថៃ នៅថ្ងៃទី៩ ខែសីហា ថា កាលពីវេលាម៉ោង១០ព្រឹក ថ្ងៃទី៩ ខែសីហា កងទ័ពថៃវរសេនាធំថ្មើរជើងលេខ ១១១ បានពង្រាយកម្លាំងល្បាតតាមផ្លូវដើម្បីដាក់លួសបន្លាការពារនៅបរិវេណភ្នំទ្រព្យ ប៉ុន្តែពេលកំពុងពិនិត្យមើលតំបន់ ស្រាប់តែកងទ័ព៣នាក់ បានជាន់មីនបណ្តាលឱ្យរងរបួស ដូចជា ៖ ដាច់កងជើងឆ្វេង, របួសដៃ និងត្រចៀក ហើយកងទ័ពថៃរងរបួសទាំង៣នាក់ ត្រូវបានបញ្ជូនទៅកាន់មន្ទីរពេទ្យរួចរាល់ហើយ ។

នាយករដ្ឋមន្ត្រីស្តីទីថៃ លោក ភូមិថាំ វីឆាយ៉ាឆៃ បានបង្ហាញការសោកស្តាយចំពោះកងទ័ពថៃដែលរងរបួសទាំង៣នាក់ ដោយសារជាន់មីននៅខេត្តស៊ីសាកេត នាវេលាម៉ោង១០ព្រឹក ថ្ងៃទី៩ ខែសីហា ។ លោកបានបញ្ជាឱ្យប្រមូលភស្តុតាងដើម្បីដាក់ពាក្យប្តឹងកម្ពុជាតាមផ្លូវច្បាប់ ដោយលោកចោទប្រកាន់ថា កម្ពុជាល្មើសអនុសញ្ញាអូតាវ៉ា ហើយលោកជឿថា ហេតុការណ៍នេះនឹងពុំរាលដាលឈានទៅការប៉ះទង្គិចគ្នារវាងកម្ពុជា-ថៃម្តងទៀតទេ ៕

ក្រសួងវិទ្យាសាស្ត្រ និងបច្ចេកវិទ្យាវៀតណាម បានស្នើឱ្យអនុវត្តឲ្យបានលឿននូវផលិតផលបច្ចេកវិទ្យាយុទ្ធសាស្រ្តចំនួន ៣ ដើម្បីជំរុញកំណើនសេដ្ឋកិច្ច។ ផលិតផលទាំងនេះនឹងត្រូវជ្រើសរើសចេញពីបញ្ជីបច្ចេកវិទ្យាដែលមានអាទិភាពចំនួន ៦ រួមមាន៖ ឧបករណ៍បណ្តាញទូរស័ព្ទចល័ត 5G ប្រើស្តង់ដារ Open Radio Access Network (Open RAN) គំរូភាសាវៀតណាមជាធំ និងជំនួយការនិម្មិត (virtual assistants) មនុស្សយន្តចល័តដោយស្វ័យប្រវត្តិ វេទិកាដានដើមកំណើត (traceability) ដោយប្រើ blockchain យានជំនិះគ្មានមនុស្សបើក (UAVs) និងកាមេរ៉ា Edge AI។ នេះបើតាមសារព័ត៌មានក្នុងស្រុក VnExpess ។

បញ្ជី ៦ នេះ ត្រូវបានដាក់ស្នើរួចរាល់ហើយទៅកាន់នាយករដ្ឋមន្ត្រីដើម្បីអនុម័ត។ យ៉ាងណាមិញ វាក៏ត្រូវបានជ្រើសរើសចេញពីបញ្ជីក្រុមបច្ចេកវិទ្យាចំនួន ១១ និងក្រុមផលិតផលយុទ្ធសាស្រ្តចំនួន ៣៥ ដែលបានកំណត់កាលពីខែមិថុនាផងដែរ។

ក្នុងសន្និសីទសារព័ត៌មានមួយកាលថ្ងៃអង្គារ (ទី៥ ខែសីហា) លោក Hoang Anh Tu អនុប្រធានដេប៉ាតឺម៉ង់វិទ្យាសាស្រ្ត បច្ចេកវិទ្យា និងវិស្វកម្ម បាននិយាយថា យុទ្ធសាស្រ្តនេះនឹងជាកម្មវិធីសាកល្បង ដែលផ្តល់បទពិសោធន៍សម្រាប់គម្រោងអនាគត បង្កើនការច្នៃប្រឌិត និងបញ្ជាក់ពីសមត្ថភាពរបស់វៀតណាមក្នុងការគ្រប់គ្រងបច្ចេកវិទ្យាជាស្នូល។ នៅពេលកំណត់ផលិតផលទាំង ៣ រួច ក្រសួងនឹងដំណើរការផែនការអភិវឌ្ឍសម្រាប់ផលិតផលទាំងនេះ រួមទាំងគោលដៅផលិតកម្ម កាលកំណត់ ប្រាក់ថវិកា និងគោលនយោបាយដើម្បីគាំទ្រគ្រប់ដំណាក់កាល ចាប់ពីការស្រាវជ្រាវ ការអភិវឌ្ឍន៍ និងឈានទៅដល់ការធ្វើពាណិជ្ជកម្មផងដែរ។

លោកបានបន្ថែមទៀតថា ក្រសួងបានប្រឹក្សាជាមួយសហគ្រាស ស្ថាប័នស្រាវជ្រាវ និងសាកលវិទ្យាល័យនៅហាណូយ ព្រមទាំងទីក្រុងហូជីមិញ ដើម្បីកំណត់បច្ចេកវិទ្យា វាយតម្លៃទំហំនៃការវិនិយោគ និងវាយតម្លៃភាពរួចរាល់ក្នុងការអភិវឌ្ឍ។ មិនតែប៉ុណ្ណោះ ក្រសួងក៏បានប្រកាសផែនការផ្តល់ថវិកា ដោយអញ្ជើញអង្គការ បុគ្គល និងសហគ្រាស ដើម្បីដាក់ស្នើគម្រោងអភិវឌ្ឍផងដែរ។

ទោះជាយ៉ាងណា មូលនិធិជាតិសម្រាប់ការអភិវឌ្ឍន៍វិទ្យាសាស្រ្ត និងបច្ចេកវិទ្យាកំពុងស្ថិតក្នុងដំណើរការរៀបចំឡើងវិញ ដើម្បីសម្រួលនីតិវិធី និងបង្កើនប្រសិទ្ធភាពមូលនិធិឡើងវិញ។ លោក Tu បាននិយាយថា “នៅពេលដែលភារកិច្ចត្រូវបានអនុម័ត និងប្រគល់ឱ្យអង្គការដែលមានសមត្ថភាព មូលនិធិនឹងចេញថវិកាភ្លាមៗសម្រាប់អនុវត្តគម្រោង ដោយមិនចាំបាច់រង់ចាំថវិកាប្រចាំឆ្នាំឡើយ”។

គួរបញ្ជាក់ថា រដ្ឋមន្ត្រីក្រសួងវិទ្យាសាស្រ្ត និងបច្ចេកវិទ្យា លោក Nguyen Manh Hung បានបញ្ជាក់ជាបន្តបន្ទាប់ក្នុងកិច្ចប្រជុំថា វៀតណាមកំពុងផ្លាស់ប្តូរពីប្រទេសប្រើប្រាស់បច្ចេកវិទ្យានាំចូល ទៅជាប្រទេសដែលកាន់កាប់ និងដឹកនាំបច្ចេកវិទ្យាយុទ្ធសាស្រ្តផងដែរ។
សូមរំលឹកថា វិធីសាស្រ្តនេះនឹងចាប់ផ្តើមពីការកំណត់បញ្ហា និងយុទ្ធសាស្រ្ត ហើយនឹងបន្តទៅការបង្កើតផលិតផលយុទ្ធសាស្រ្ត បន្ទាប់មកកសាងសមត្ថភាពគ្រប់គ្រងបច្ចេកវិទ្យា ហើយនៅចុងក្រោយនឹងវិលត្រឡប់ទៅការស្រាវជ្រាវវិទ្យាសាស្រ្តមូលដ្ឋានវិញ៕

ប្រទេសនូវែលសេឡង់ ៖ កាលពីថ្ងៃទី៨ ខែសីហា ឆ្នាំ២០២៥ នាវាចម្បាំងជប៉ុនបានបើកមកចតនៅកំពង់ផែ Wellington របស់នូវែលសេឡង់ជាលើកដំបូងក្រោយខកខានជិត៩០ឆ្នំាំ ដើម្បីចូលរួមធ្វើសមយុទ្ធកងទ័ពជើងទឹកជាមួយនូវែលសេឡង់ អូស្ត្រាលី និងប្រទេសផ្សេងៗនៅខែសីហានេះ ។ វាជាការព្យាយាមរបស់រដ្ឋាភិបាលជប៉ុនក្នុងការពង្រឹងទំនាក់ទំនងជាយុទ្ធសាស្ត្រជាមួយប្រទេសនានានៅប៉ាស៊ីហ្វិកខាងត្បូង ។

ជប៉ុនបានបញ្ជូននាវាចម្បាំងចំនួន២គ្រឿងមកនូវែលសេឡង់ រួមមាន ៖ នាវាចម្បាំង JS Ise និង JS Suzunami ដែលមាននាវិកជាង៥០០នាក់ បានចូលចតនៅកំពង់ផែ Wellington ដែលមាននាវាចម្បាំង HMNZS Canterbury របស់កងទ័ពជើងទឹកនូវែលសេឡង់ចតនៅក្បែរនោះ ។ កងទ័ពជើងទឹកជប៉ុននឹងចូលរួមធ្វើសមយុទ្ធជាមួយកងទ័ពជើងទឹកនូវែលសេឡង់ អូស្ត្រាលី និងកងទ័ពជើងទឹកប្រទេសផ្សេងៗនៅខែសីហា ។

ការបង្ហាញខ្លួនរបស់នាវាចម្បាំងជប៉ុននៅនូវែលសេឡង់លើកនេះមានគោលបំណងសំខាន់ គឺពង្រឹងកិច្ចសហការផ្នែកសន្តិសុខស្របតាមគំនិត «ឥណ្ឌូប៉ាស៊ីហ្វិកសេរី និងបើកចំហ» ដោយសារជប៉ុនមានសម្ព័ន្ធមិត្តសន្ធិសញ្ញាជាមួយប្រទេសតែមួយគត់ គឺសហរដ្ឋអាមេរិក ។ ហេតុនេះ ជប៉ុនបានពង្រឹងកិច្ចសហការកងទ័ពជាមួយនូវែលសេឡង់ អូស្ត្រាលី និងប្រទេសក្នុងប្រជុំកោះប៉ាស៊ីហ្វិក ។

កាលពីថ្ងៃទី៥ ខែសីហា រដ្ឋាភិបាលអូស្ត្រាលីបានប្រកាសឱ្យ Mitsubishi Heavy Industries របស់ជប៉ុនឈ្នះការដេញថ្លៃលើការផលិតនាវាចម្បាំងថ្មីជំនួសការស្នើពីអាល្លឺម៉ង់ ។ នេះជាកិច្ចព្រមព្រៀងផ្នែកឧស្សាហកម្មការពារប្រទេសដ៏សំខាន់បំផុតរវាងប្រទេសអូស្ត្រាលី និងជប៉ុន ។

ចំណែកនូវែលសេឡង់ក៏បានព្យាយាមកសាងទំនាក់ទំនងយុទ្ធសាស្ត្រ និងកងទ័ពនៅអាស៊ីផងដែរ ដែលវាជាផ្នែកមួយនៃការកែសម្រួលគោលនយោបាយការបរទេស ហើយរដ្ឋាភិបាលនូវែលសេឡង់បានផ្តល់ភាពសំខាន់លើកិច្ចសហការប៉ាស៊ីហ្វិក ។

កាលពីខែកក្កដា ឆ្នាំ២០២៥ រដ្ឋាភិបាលនូវែលសេឡង់បានចុះហត្ថលេខាលើកិច្ចព្រមព្រៀងផ្នែកភស្តុភារការពារជាតិជាមួយជប៉ុន ដើម្បីឱ្យកងទ័ពប្រទេសទាំងពីរងាយស្រួលធ្វើការជាមួយគ្នា ។ នាវាចម្បាំងជប៉ុនបានបើកមកចតនៅកំពង់ផែ Wellington របស់នូវែលសេឡង់លើកចុងក្រោយកាលពីឆ្នាំ១៩៣៦ និងបានចតនៅទីក្រុង Auckland នៅឆ្នាំ២០១៦ ៕