បរទេស៖ មានហេតុការណ៍ដ៏គួរឱ្យភ្ញាក់ផ្អើល ក្រោយអាជ្ញាធរក្នុងព្រលានយន្តហោះប្រទេសម៉ិកស៊ិក រឹបអូសបានកញ្ចប់មួយដែលនៅខាងក្នុងមានលលាដ៍ក្បាលមនុស្សចំនួន ៤ សម្រាប់ការដឹកជញ្ជូនតាមសំបុត្រអន្តរជាតិ ក្នុងគោលដៅផ្ញើទៅកាន់សហរដ្ឋអាមេរិក។

កាលពីថ្ងៃទី៣១ ខែធ្នូ ឆ្នាំ២០២២កន្លងទៅនេះ មន្ត្រីម៉ិកស៊ិកបានរាយការណ៍ អំពីករណីប្រទះឃើញនូវកញ្ចប់មួយដែលត្រូវបានរឹបអូសនៅអាកាសយានដ្ឋាន Queretaro ម៉ិកស៊ិកកណ្តាល។

ប៉ុន្តែជាលទ្ធផលក្នុងការធ្វើ X-ray ប្រអប់វាបានបង្ហាញថា នៅខាងក្នុងកញ្ចប់នេះមានលលាដ៍ក្បាលមនុស្សចំនួន 4 រុំដោយ foil  ដែលអីវ៉ាន់នេះហៀបនឹងបញ្ជូនទៅកាន់សហរដ្ឋអាមេរិកទៅហើយ។

ជាមួយគ្នានោះបើតាមការបញ្ជាក់របស់ឆ្មាំជាតិ ម៉ិកស៊ិកបានឱ្យដឹងបន្ថែមថា កញ្ចប់នេះត្រូវបានផ្ញើពីទីក្រុងមួយក្នុងរដ្ឋ Michoacan  នៅឆ្នេរខាងលិចនៃប្រទេសម៉ិកស៊ិក ដែលជាតំបន់អសន្ដិសុខ និងមានហិង្សាបំផុតមួយក្នុង ប្រទេស។

ទោះជាយ៉ាង ឆ្មាំជាតិម៉ិកស៊ិកនោះមិនបានផ្តល់ព័ត៌មានឱ្យលម្អិតបន្ថែមអំពីអាយុ អត្តសញ្ញាណ ឬហេតុផលដែលអាចកើតមានឡើងសម្រាប់ការបញ្ជូនអដ្ឋិធាតុមនុស្សនេះពីម៉ិកស៊ិកទៅកាន់សហរដ្ឋអាមេរិកនោះបានទេ។

ទោះជាយ៉ាងណាក្រុមហ៊ុនដឹកជញ្ជូន ​និងអជ្ញារធរកំពុងតែធ្វើការស៊ើបអង្កេតទាក់ទងនឹងរឿងរ៉ាវខាងលើ ហើយនឹងបន្តចាត់ការទៅតាមផ្លូវច្បាប់៕ ប្រភព៖ pptvhd36

ប្រទេសជប៉ុន៖ ក្រុមអ្នកជួយសង្គ្រោះកំពុងស្វែងរក “ជនរងគ្រោះដោយការរអិលបាក់ដី” នៅក្នុងប្រទេសជប៉ុន ដោយមានផ្ទះរាប់សិបខ្នងត្រូវបានបំផ្លាញ និងបានបាត់ខ្លួនមនុស្សចំនួនពីរនាក់។

កាលពីថ្ងៃទី ៣១ ខែធ្នូ ឆ្នាំ២០២២ សារព័ត៌មាន AP បានរាយការណ៍ថា ការរអិលបាក់ដីមួយបានវាយប្រហារភ្នំមួយនៅជិត Tsuruoka ខេត្ត Yamagata ភាគពាយ័ព្យនៃប្រទេសជប៉ុន។ ដោយដំបូងឡើយគេបានដឹងថាផ្ទះយ៉ាងហោចណាស់ ១២ ខ្នងបានរងការខូចខាតហើយមានមនុស្សចំនួន ២នាក់បានបាត់ខ្លួនចំពេលមានការព្រួយបារម្ភថាអាចនឹងមានជនរងគ្រោះបន្ថែមទៀត។

នេះបើតាមនេះបើតាមការរាយការណ៍ពីមន្ត្រីខេត្ត Yamagata បាន​ប​ង្ហាញយ៉ាងដូច្នេះថា អាជ្ញាធរបានចល័តអ្នកជួយសង្គ្រោះ និងប៉ូលីសជាង ៨០ នាក់ ដើម្បីពន្លឿនការស្វែងរកមនុស្សដែលត្រូវបានគេជឿថាជាប់នៅក្រោមគំនរបាក់បែក។

ជាមួយគ្នានេះ មន្ត្រីជំនាញក៏បានជួយសង្គ្រោះមនុស្សជាច្រើមនាក់ បន្ទាប់ពីផ្ទះរបស់ពួកគេបានរងគ្រោះដោយការបាក់ដី ហើយក៏មានអ្នកខ្លះបានរងរបួស។

ហើយប្រជាពលរដ្ឋដែលរស់នៅក្បែរកន្លែងគ្រោះថ្នាក់ ត្រូវបានអាជ្ញាធរធ្វើការជម្លៀសទៅកាន់ទីជម្រក បណ្តោះអាសន្នដែលផ្តល់ដោយអាជ្ញាធរដើម្បីសុវត្ថិភាពព្រោះខ្លាចការបាក់ដីបន្តកើតមានទៀត។

គួរបញ្ជាក់ថាប្រទេសជប៉ុនគឺជាតំបន់ភ្នំ ជាលទ្ធផលវាងាយនឹងមានគ្រោះធម្មជាតិ ជាពិសេស ទឹកជំនន់ហូរកាត់ព្រៃ និងមានការបាក់ដីកើតឡើង។ ដោយ បានកើតកាលពីកន្លងទៅការបាក់ដីនេះបានកើតឡើងក្នុងខែកុម្ភៈ ឆ្នាំ២០២១ បន្ទាប់ពីការរញ្ជួយដីកម្រិត ៧.៣ រិចទ័រនៅក្នុងតំបន់ Tohoku ជាលទ្ធផលតំបន់ជាច្រើននៅ Tohoku មានការរអិលបាក់ដី រួមទាំងការបាក់ដីដែលបានបិទផ្លូវជាច្រើន៕ ប្រភព៖ Khaosod

បរទេស៖ ពិតណាស់ពិភពលោកតែងតែមានរឿងរ៉ាវដ៏គួរឱ្យចាប់អារម្មណ៍ និងកក្រើកដែលបានធ្វើឱ្យមានការភ្ញាក់ផ្អើល និងក្លាយជាប្រធានបទដ៏ក្ដៅគគុកសម្រាប់អ្នកលេងក្នុងបណ្ដាញសង្គមលើកមកជជេកវែកញែក។

ថ្ងៃនេះសូមបង្ហាញពីរឿងរ៉ាវដែលកក្រើក និងល្បីៗផ្ទុះខ្លាំងលើពិភពលោកមានដូចជា៖

១. សង្គ្រាមរ៉ាំរ៉ៃ រវាងរុស្ស៊ី និង អ៊ុយកក្រេន

ជិតមួយឆ្នាំបានកន្លងផុតទៅហើយសម្រាប់ជម្លោះអន្តរជាតិដ៏ធំបំផុតក្នុងរយៈពេលជាច្រើនទសវត្សរ៍ ចាប់តាំងពីប្រធានាធិបតីរុស្ស៊ី លោក វ្ល៉ាឌីមៀ ពូទីនបានប្រកាសចាប់ផ្តើម “ប្រតិបត្តិការយោធាពិសេសនៅអ៊ុយក្រែន” កាលពីថ្ងៃទី ២៤ ខែកុម្ភៈ ឆ្នាំ ២០២២។

ពីសង្រ្គាមដែលរំពឹងថានឹងបញ្ចប់ក្នុងរយៈពេល ៧២ ម៉ោង វាបានប្រែក្លាយទៅជាសង្រ្គាមដែលមានរយៈពេលយូរ ហើយវាមានផលវិបាកសម្រាប់មនុស្សទូទាំងពិភពលោក ជាមួយនឹងឥទ្ធិពលពីតម្លៃប្រេងឥន្ធនៈ ថាមពល និងអាហារឡើងខ្ពស់។

ជម្លោះនេះបានសម្លាប់ជនស៊ីវិលពី ៧,០០០ ទៅ ៣០,០០០ នាក់ និងជនភៀសខ្លួនមនុស្សជិត ៨ លាននាក់ ព្រមទាំងបានធ្វើឱ្យមានការបំផ្លិចបំផ្លាញដល់ទឹកដីកំណើត និងហេដ្ឋារចនាសម្ព័ន្ធរបស់ប្រទេសអ៊ុយក្រែន ដែលត្រូវបានគេរំពឹងថានឹងចំណាយអស់រាប់ពាន់លានដុល្លារ។

២. អតីតនាយករដ្ឋមន្ត្រីជប៉ុន Shinzo Abe ត្រូវបានគេធ្វើឃាត

នៅថ្ងៃទី ៨ខែកក្កដា ឆ្នាំ ២០២២ រឿងរន្ធត់ដែលមិននឹកស្មានដល់បានកើតឡើង នៅពេលដែលអតីតនាយករដ្ឋមន្ត្រីជប៉ុន Shinzo Abe ត្រូវបានគេធ្វើឃាត ខណៈកំពុងថ្លែងនៅក្នុងយុទ្ធនាការមួយក្នុងខេត្ត Nara ប្រទេសជប៉ុន។

លោកអាបេត្រូវបានគេបាញ់ដោយអាវុធសិប្បនិម្មិត របស់ជនល្មើសលោក Yamagami Tetsuya ដែលជាអតីតទាហានម៉ារីនបម្រើការនៅក្នុងកងកម្លាំងស្វ័យការពារដែនសមុទ្ររបស់ប្រទេសជប៉ុន។

ការធ្វើឃាតនេះគេជឿថាជាប់ពាក់ព័ន្ធនិងជាមួយសាសនា ដែលធ្វើឱ្យម្តាយរបស់ជនល្មើសបានបរិច្ចាគប្រហែល ១០០ លានយ៉េន ឬប្រហែល ៧៥៣,១៧៥ដុល្លារ រហូតដល់ជនល្មើសខឹងព្យាយាមសម្លាប់មេដឹកនាំសាសនាដែលជាលោកអាបេបានសម្រេច រហូតធ្វើឱ្យពិភពលោកភ្ញាក់ផ្អើលជាខ្លាំង។

៣. ការសោយទិវង្គត់របស់ព្រះមហាក្សត្រិយានី Elizabeth II

នៅថ្ងៃទី ៨ ខែកញ្ញា ឆ្នាំ២០២២ ការិយាល័យវិមាន Buckingham បានជូនដំណឹងពី សុខភាពរបស់ម្ចាស់ក្សត្រី Elizabeth II នៃចក្រភពអង់គ្លេសមានការព្រួយបារម្ភ ដូច្នេះគ្រួសាររាជវង្ស Windsor បានទៅលេង Balmoral ក្នុងប្រទេសស្កុតឡែនជាបន្ទាន់។

ក្រោយមកនៅរសៀលថ្ងៃដដែលមានសេចក្តីថ្លែងការណ៍ថាព្រះមហាក្សត្រិយានី Elizabeth II បានសោយទិវង្គត ជាមួយនឹងអាយុ ៩៦ ឆ្នាំ។

អដ្ឋិធាតុរបស់ព្រះនាងត្រូវបានគេដង្ហែទៅកាន់វិហារនានាក្នុងប្រទេសស្កុតឡែន និងទីក្រុងឡុងដ៍ ដើម្បី ឲ្យប្រជាជនគោរព រហូតដល់មានបាតុភាពមួយខ្សែនេះមានប្រវែង ១០ គីឡូម៉ែត្រ ឆ្លងកាត់ទាំងថ្ងៃទាំង យប់ដើម្បីថ្វាយបង្គំព្រះបរមសព។

បន្ទាប់មកនៅថ្ងៃទី១៩ ខែកញ្ញា ព្រះរាជពិធីបុណ្យព្រះបរមសពត្រូវបានប្រារព្ធឡើងជាកិត្តិយស មុនពេលដំណាក់កាលចុងក្រោយ ដោយមឈូសត្រូវបានដឹកជញ្ជូនទៅកាន់វិហារ St. និងបានបញ្ចុះនៅ ក្បែរផ្នូររបស់ព្រះអង្គម្ចាស់ Philip កន្លែងដែលមហេសីរាជវង្សនៅវិមានរំលឹកវិញ្ញាណក្ខន្ធស្តេច George VI។

៤. សោកនាដកម្មដ៏បង្ហូរឈាម “Itaewon”

ពេលវេលានៃរដូវកាល Halloween ហាក់ដូចជាពេលវេលាដ៏រីករាយព្រោះវាជាពិធីបុណ្យដ៏ធំមួយ ដែលមនុស្សជាច្រើនទន្ទឹងរង់ចាំ បន្ទាប់ពីការបិទតំបន់មួយចំនួនពីជំងឺកូវីដ-១៩ និង វិធានការ តឹងរ៉ឹង ជិត ៣ ឆ្នាំ។

ប៉ុន្តែនៅកូរ៉េខាងត្បូង ផ្ទុយទៅវិញវាបានក្លាយជាសោកនាដកម្មមួយបានកើតឡើងនៅក្នុងតំបន់ “Itaewon” កាលពីថ្ងៃទី ២៩ ខែតុលា ឆ្នាំ ២០២២ ដោយបានប្រែក្លាយពិធីបុណ្យដ៏រីករាយនេះទៅជាពិធីបុណ្យ Halloween បង្ហូរឈាម។

ដោយសោកនាដកម្មនេះបានកើតឡើងបន្ទាប់ពីមនុស្សបានប្រមូលផ្តុំគ្នាក្នុងទីក្រុង Itaewon នៅចំណុចមួយ ផ្លូវតូចដែលមានទទឹងតិចជាង ៤ ម៉ែត្រ នាំ ហើយចាប់ផ្តើមកកកុញដោយអ្នកទេសចរជាច្រើន រហូតដល់អ្នកទេសចរមួយចំនួនភ័យខ្លាច។ ប៉ុន្តែនៅទីបំផុតនៅម៉ោងប្រហែល ១០ យប់មានសេចក្តីរាយការណ៍ថាមានមនុស្ស ស្លាប់ដោយសារហ្វូងមនុស្សជាន់គ្នាស្លាប់ជាច្រើននាក់៕

បរទេស៖ ការធ្វើដំណើរតាមរថភ្លើងដ៏វែងជាងគេលើពិភពលោក ដោយត្រូវចំណាយពេល ២១ថ្ងៃពីព័រទុយហ្គាល់ទៅសិង្ហបុរី និងឆ្លងកាត់ប្រទេសចំនួន១៣  ជាមួយនឹងប្រវែងផ្លូវដែក ១៨,៧៥៥ គីឡូម៉ែត្រ។

ពិតណាស់សម្រាប់មនុស្សគ្រប់គ្នាដែលធ្វើដំណើឆ្លងកាត់ប្រទេសឆ្ងាយៗ ច្បាស់ជាមិនអើពើ ឬក៏គិតថាការធ្វើដំណើរនៅលើផ្លូវគោកមានភាពងាយស្រួល ឬក៏មានសេវាកម្មដឹកជញ្ជូនអ្នកដំណើរនោះទេ ប៉ុនអ្វីដែលអ្នកនឹកឃើញមុនគេគឺជាយន្តហោះ ដែលជាបទដ្ឋាននៅក្នុងប្រទេសអភិវឌ្ឍន៍ និងកំពុងអភិវឌ្ឍន៍ភាគច្រើន  ហើយជាការពិតណាស់ការហោះហើរគឺជាជម្រើសដ៏ពេញនិយមបំផុតក្នុងចំណោមភាពងាយស្រួលនៃការធ្វើដំណើរ។

ប៉ុន្តែវាអាចនឹងផ្ទុយស្រឡាស់ពីការគិតរបស់អ្នកនៅពេលដែល ការស្រម៉ៃទៅដល់ការធ្វើដំណើរ ហើយអាចគយគន់ទេសភាព និងសំឡេងនៃធម្មជាតិ គ្រប់ប្រទេសរាប់សិបដែលបានឆ្លងកាត់តាមផ្លូវរថភ្លើងជាបន្តបន្ទាប់។

ក្នុងនោះរហូតមានអ្នកបច្ចេកទេសមួយចំនួននៅ r/MapPorn subreddit បានមានគំនិតដ៏អស្ចារ្យឡើងក្នុងការគ្រប់គ្រងដើម្បីស្វែងរកផ្លូវសម្រាប់ការធ្វើដំណើរតាមរថភ្លើងដ៏វែងជាងគេបំផុតនៅលើពិភពលោក (តាមសម្មតិកម្ម) ដែលលាតសន្ធឹងពីទីក្រុង Lagos នៅភាគខាងត្បូងប្រទេសព័រទុយហ្គាល់រហូតដល់មកដល់ប្រទេសឡាវ។

ដែលគេដឹងថាវាគឺជាផ្លូវរថភ្លើងដ៏វែងជាងគេលើពិភពលោក ជាមួយនឹងរយៈពេលនៃការធ្វើដំណើរ មានរយៈពេល ២១ ថ្ងៃ ដែលលាតសន្ធឹងចម្ងាយ ១៨,៧៣៣ គីឡូម៉ែត្រ ឆ្លងកាត់ចំនួន១៣ប្រទេសលើពិភពលោក រួមមាន ប្រទេសអេស្ប៉ាញ ប៉ូឡូញ បេឡារុស ម៉ុងហ្គោលី វៀតណាម ថៃ ម៉ាឡេស៊ី ព័រទុយហ្គាល់ សិង្ហបុរី  ចិន  បារាំង និង ប្រទេសឡាវ។

បើតាមប្រភពពីលោក Mark Smith ដែលជាអ្នកជំនាញផ្លូវដែក និងបានជួយក្នុងការគណនាការធ្វើដំណើរ តាមបច្ចេកទេសនៃការសាងសង់ផ្លូវដែកដ៏វែងនេះ បានឱ្យដឹងថាដំណើរការនៃរថភ្លើងនេះត្រូវបានធានានូវពេលវេលាដែលត្រូវការសម្រាប់ដំណើរការឯកសារដូចជា ទិដ្ឋាការ ក៏ដូចជាការធានាកៅអីនៅរថភ្លើងតភ្ជាប់។

ជាមួយគ្នានោះផ្លូវរថភ្លើងតភ្ជាប់មួយចំនួនក៏តម្រូវឱ្យចាកចេញពីស្ថានីយ៍ និងធ្វើដំណើរឆ្លងកាត់ទីក្រុងផ្សេងៗ ដើម្បីទៅកាន់រថភ្លើងបន្ទាប់ ដែលមានទីតាំងនៅស្ថានីយ៍ផ្សេង សរុបមក ចំនួនទឹកប្រាក់ដែលអ្នកត្រូវចំណាយលើសំបុត្ររថភ្លើងក្នុងម្នាក់គឺប្រហែល ១,៣៥០ ដុល្លារអាមេរិក។

ទោះជាយ៉ាងណាពិតណាស់វានឹងនាំអ្នកធ្វើដំណើរឆ្លងកាត់ប្រទេសចំនួន ១៣ ផ្សេងៗគ្នាក្នុងការធ្វើដំណើរផ្សងព្រងដ៏វែងឆ្ងាយ និងទទួលបានបទពិសោធដ៏អស្ចារ្យ។

យ៉ាងណាមិញការធ្វើដំណើរលើផ្លូវរថភ្លើងដ៏វែងនៃរថភ្លើងនេះត្រូវបានគេឱ្យដឹងថា បានផ្ដល់នូវអត្ថប្រយោជន៍បន្ថែមដល់បរិស្ថាន នៃការហោះហើរកាបូនទាប បើធៀបនឹងការហោះហើរពីព័រទុយហ្គាល់ទៅសិង្ហបុរីតាមយន្តហោះ និងជាការរួមចំណែកដល់ការបំភាយឧស្ម័ន CO2 ចំនួនត្រឹមតែ ០.០៨ តោនក្នុងកម្រិត ១.៦៧ តោនដែលបានបំភាយដល់ភពផែនដី៕ ប្រភព៖ mashable