ក្លិបបាល់ទាត់ Al-Nassr របស់ប្រទេសអារ៉ាប៊ីសាអូឌីត បានធ្វើឱ្យអ្នកគាំទ្រវិស័យកីឡាបាល់ទាត់ភ្ញាក់ផ្អើល ក្រោយការប្រកាសនាំចូលខ្សែប្រយុទ្ធ Cristiano Ronaldo ក្នុងកិច្ចសន្យារហូតដល់ឆ្នាំ២០២៥ ដោយផ្តល់ថ្លៃនឿយហត់មួយឆ្នាំ ១៧២.៩លានអឺរ៉ូ។
ភ្លាមៗនោះក្លិប Al-Nassr FC របស់ក្រោមការដឹកនាំរបស់លោក Pedro Emanuel បានសម្រេចបញ្ចប់កុងត្រាកីឡាករ Jalaladin Masharpov ក្រោយសាមីខ្លួនបដិសេធមិនព្រមប្រគល់លេខ៧ ទៅកាន់ Cristiano Ronaldo ដែលជាសមាជិករួមក្រុមថ្មី។
នៅក្នុងសេចក្តីប្រកាសរបស់ក្លិប Al Nassr FC ជុំវិញការនាំចូល Ronaldo ថ្លែងដូច្នេះថា៖ “ប្រវត្តិសាស្រ្តស្ថិតក្នុងដំណើរការចាប់ផ្តើម។ នេះជាការចុះហត្ថលេខា មិនត្រឹមតែជម្រុញឲ្យក្លិបរបស់យើង សម្រេចបាននូវភាពជោគជ័យកាន់តែអស្ចារ្យប៉ុណ្ណោះទេ ប៉ុន្តែវានឹងជំរុញឱ្យលីគរបស់យើង ជាតិរបស់យើង និងកូនចៅជំនាន់ក្រោយ ជាពិសេសសម្រាប់ក្មេងប្រុស និងក្មេងស្រី ដើម្បីក្លាយជាការបណ្តុះផ្នត់គំនិតដ៏ល្អបំផុតរបស់ពួកគេ”។
ខណ: Ronaldo បានថ្លែងថា៖ “ខ្ញុំមានសំណាងដែលបានឈ្នះអ្វីគ្រប់យ៉ាង នៅក្នុងបាល់ទាត់ទ្វីបអឺរ៉ុប ហើយមានអារម្មណ៍ថា ពេលនេះគឺជាពេលវេលាដ៏ត្រឹមត្រូវក្នុងការចែករំលែកបទពិសោធន៍របស់ខ្ញុំនៅអាស៊ី។ ជាពិសេសចង់មានបទពិសោធន៍ក្នុងលីគបាល់ទាត់ថ្មីនៅប្រទេសផ្សេង”៕
ប្រភព៖ 9sportpro
