បរទេស៖ មានហេតុការដ៏គួរឱ្យរន្ធត់មួយបានកើតឡើងដោយឧទ្ធម្ភាគចក្រពីរគ្រឿងបានបុកគ្នានៅកណ្តាលអាកាសយ៉ាងពេញទំហឹងបានបង្កឱ្យមានមនុស្សយ៉ាងហោចណាស់៤នាក់បានបាត់បង់ជីវិត និង ៣នាក់ផ្សេងទៀតបានរងរបួសធ្ងន់ធ្ងរនៅក្នុងប្រទេសអូស្ត្រាលី។

នាថ្ងៃទី ០២ ខែមករា ឆ្នាំ២០២៣ មានសេចក្ដីរាយការណ៍មួយចេញពី តំបន់ Gold Coast ដែលជាកន្លែងទាក់ទាញទេសចរណ៍ក្នុងប្រទេសអូស្ត្រាលី ដោយមានករណីនៃឧបទ្ទវហេតុឧទ្ធម្ភាគចក្រពីគ្រឿងបានបុកគ្នាយ៉ាងពេញទំហឹងនៅលើអាកាស រហូតឧទ្ធម្ភាគចក្រទាំងនោះបានបែកជាបំណែកធ្លាក់រាយប៉ាយនៅតាមឆ្នេរ កង្កការភ្ញាក់ផ្អើលដល់មនុស្សម្នានៅជុំវិញនោះ និងបានធ្វើការរាយការណ៍ទៅកាន់អាជ្ញាធរភ្លាមៗ។

ក្នុងនោះក្រោយពីហេតុការដ៏រន្ធត់បានកើតឡើង ក្រុមមន្ត្រីក៏បានប្រញាប់ប្រញាល់មកកាន់តំបន់កើតហេតុ  ដើម្បីស្វែងរកឧទ្ធម្ភាគចក្រមួយគ្រឿង ដែលបានធ្លាក់មុជចូលទៅក្នុងខ្សាច់ប៉ុន្មានម៉ែត្រពីច្រាំង ខណៈទំរងនៃឧទ្ធម្ភាគចក្របានទទួលរងការខូចខាតទាំងស្រុង។

ជាមួយគ្នានោះផងដែលគេបានរាយការណ៍មកថា ក្នុងហេតុការដ៏អាក្រក់នេះបានធ្វើឱ្យមនុស្សចំនួន៤នាក់បានបាត់បង់ជីវិត និង៣នាក់ផ្សេងទៀតទទួលរងរបួសយ៉ាងធ្ងន់ធ្ងរនិងបានបញ្ជូនទៅសង្គ្រោះនៅមន្ទីរពេទ្យភ្លាមៗ។

ទោះជាយ៉ាងណាមន្ត្រីម្នាក់បាននិយាយថា ឧទ្ធម្ភាគចក្រទាំងពីរនេះទើបតែចាកចេញពីរមណីយដ្ឋាន Sea World រួចមកដល់ចំណុចកើតហេតុក៏បានបុកគ្នាដោយចៃដន្យ។

យ៉ាងណាមិញអាជ្ញាធរសុវត្ថិភាពដឹកជញ្ជូនអូស្ត្រាលីនឹងចាប់ផ្តើមធ្វើការស៊ើបអង្កេតពីមូលហេតុនៃ”ការបុកគ្នានៅកណ្តាលអាកាសនៃឧទ្ធម្ភាគចក្រទាំង ២នេះ ដោយបញ្ជូនក្រុមអ្នកស៊ើបអង្កេតមកកាន់តំបន់នេះ ដើម្បីត្រួតពិនិត្យបំណែកឧទ្ធម្ភាគចក្រ និងប្រមូលផ្នែកខ្លះ សម្រាប់ការស៊ើបអង្កេតបន្ថែម៕ ប្រភព៖​ pptvhd36

បរទេស៖ ប្រព័ន្ធផ្សព្វផ្សាយរដ្ឋកូរ៉េខាងជើងបាននិយាយថា មេដឹកនាំកូរ៉េខាងជើង លោកគីម ជុងអ៊ុន បានអំពាវនាវឱ្យមានការអភិវឌ្ឍមីស៊ីលផ្លោងអន្តរទ្វីបជំនាន់ថ្មី និងពង្រីកឃ្លាំងអាវុធនុយក្លេអ៊ែររបស់ខ្លួនឱ្យកាន់តែខ្លាំងក្លា ដើម្បីទប់ទល់នឹងការគំរាមកំហែងដែលដឹកនាំដោយសហរដ្ឋអាមេរិក ខណៈស្ថានភាព កាន់តែតានតឹងផ្ទុះឡើងរវាងកូរ៉េទាំងពីរ។

កាលពីថ្ងៃទី០២ ខែមករា ឆ្នាំ២០២៣ ទីភ្នាក់ងារ ព័ត៌មាន KCNA បានបញ្ជាក់យ៉ាងដូច្នេះថា លោក គីម ជុងអ៊ុន មេដឹកនាំផ្ដាច់ការកូរ៉េខាងជើង បានសន្យាថានឹងអភិវឌ្ឍប្រព័ន្ធមីស៊ីលផ្លោងអន្តរទ្វីបមួយទៀត ដោយភារកិច្ចចម្បងរបស់មីស៊ីលនេះគឺជាការវាយប្រហារសងសឹកនុយក្លេអ៊ែរយ៉ាងឆាប់រហ័ស ក្រោមផែនការគាំទ្រកងកម្លាំងនុយក្លេអ៊ែររបស់ប្រទេស។

បន្ថែមពីនោះអ្នកនាំពាក្យបាន​ឱ្យដឹងបន្ថែមថា លោក គីម ជុងអ៊ុន ក៏នឹងពង្រីកឃ្លាំងអាវុធនុយក្លេអ៊ែររបស់ខ្លួនឱ្យកាន់តែខ្លាំង ដើម្បីទប់ទល់នឹងការគំរាមកំហែងដឹកនាំដោយសហរដ្ឋអាមេរិក ខណៈស្ថានភាពកាន់តែតានតឹងបានផ្ទុះឡើងរវាងកូរ៉េខាងជើង និងខាងត្បូងបន្ទាប់ពីមានការបង្ហោះត្រោនពីសំណាក់កូរ៉េខាងត្បូងចូលប្រទេសខ្លួនកាលពីកន្លងទៅថ្មីនេះ។

យ៉ាងណាមិញរបាយការណ៍នេះបានកើតឡើងនៅប៉ុន្មានម៉ោងក្រោយបន្ទាប់ពីប្រទេសផ្ដាច់ការមួយនេះ បានបាញ់មីស៊ីលផ្លោងរយៈចម្ងាយខ្លីចេញពីឆ្នេរសមុទ្រភាគខាងកើតរបស់ខ្លួន ក្នុងការសាកល្បង អាវុធនៅពេលព្រលឹមនៅយប់ថ្ងៃចូលឆ្នាំថ្មី២០២៣។

ដោយឡែកការិយាល័យអគ្គសេនាធិការចម្រុះរបស់កូរ៉េខាងត្បូងវិញ បានរាយការណ៍យ៉ាងដូច្នេះថា កងទ័ពរបស់កូរ៉េខាងជើង បានធ្វើការបាញ់មីស៊ីលរយៈចម្ងាយខ្លីមួយគ្រាប់ ចេញពីកន្លែងបាញ់បង្ហោះក្នុងតំបន់ Ryeongseong  ទីក្រុងព្យុងយ៉ាង នៅម៉ោង ២ និង ៥០ នាទីព្រឹក ថ្ងៃទី ១ ខែមករា ឆ្នាំ២០២៣ ដោយកាំជ្រួចនេះមានរយៈចម្ងាយប្រហែល ៤០០ គីឡូម៉ែត្រ មុនពេលចុះចតនៅសមុទ្រខាងកើត។

ជាមួយគ្នានោះប្រភពដដែលបានឱ្យដឹងបន្ថែមថា លោកគីម ជុងអ៊ុនបានស្ងើចសរសើរឧស្សាហកម្មការពារជាតិរបស់ខ្លួនសម្រាប់ការចែកចាយប្រព័ន្ធចំនួន ៣០ គ្រឿងដោយហៅវាថាជា “អាវុធដ៏មានឥទ្ធិពលបំផុតនៅក្នុងពិភពលោក ស្របពេលដែល ប្រទេសមួយនេះមានឧបករណ៍បាញ់គ្រាប់រ៉ុក្កែតដ៏ធំទំនើបទំហំ ៦០០ មីលីម៉ែត្រ កំពុងតែត្រូវបានសាកល្បង ដែលវាអាចផ្ទុកបាន អាវុធ នុយក្លេអ៊ែរបានផងដែរ បន្ទាប់ពីប្រទេសនេះក៏ធ្លាប់បានបាញ់មីស៊ីលផ្លោងចំនួន ៣ គ្រាប់កាលពីថ្ងៃសៅរ៍កន្លងទៅសម្រាប់ជាកំណត់ត្រាក្នុងការសាកល្បងមីស៊ីល៕ ប្រភព៖ Thairath

បរទេស៖ ទីក្រុងញូវយ៉កបានអនុម័តច្បាប់អនុញ្ញាតឱ្យយកសាកសពរបស់អ្នកស្លាប់ទៅធ្វើជាជីកំប៉ុស ដែលនេះជាជម្រើសធ្វើឱ្យមិនប៉ះពាល់ដល់បរិស្ថានបន្ទាប់ពីការស្លាប់ ជាជាងយកសពទៅរៀបចំពិធីបុណ្យសពតាមបែបប្រពៃណី ដូចជាបូជាសព ឬបញ្ចុះសព។

នាថ្ងៃទី ០២ ខែមករា ឆ្នាំ២០២៣ មានសេចក្ដីរាយការណ៍ពីទីក្រុងញូវយ៉កដោយបានញ្ជាក់ថាទីក្រុងនេះនឹងក្លាយជារដ្ឋទីប្រាំមួយនៅក្នុងសហរដ្ឋអាមេរិកដែលអនុម័តច្បាប់អនុញ្ញាតឱ្យយកសាកសពមនុស្សធ្វើជាជីកំប៉ុស។

ដំណើរការសម្រាប់ជីកំប៉ុសនៃសាកសពនេះត្រូវបានណែនាំដោយក្រុមហ៊ុន Recompose ដែលមានមូលដ្ឋាននៅទីក្រុង Seattle ដែលឥឡូវនេះត្រូវបានបើកសម្រាប់អាជីវកម្មបន្ទាប់ពីរដ្ឋ Washington ធ្វើឱ្យដំណើរការនេះស្របច្បាប់ក្នុងឆ្នាំ ២០១៩មកម្លេះ ។

ដោយដំណើរការនេះហៅថា Natural Organic Reduction ដែលបានប្រែក្លាយសាកសពឱ្យទៅជាជីក្នុងរយៈពេលពី ៤ ទៅ ៦ សប្តាហ៍បន្ទាប់ពីការទទួលមរណៈភាព។

ជាមួយគ្នានោះដំណើរការនៃការធ្វើជីកំប៉ុសធម្មជាតិនេះផងដែរ សាកសពត្រូវបានបំបែកតាមរយៈដំណើរការដែលគេស្គាល់ថាជាការកាត់បន្ថយសរីរាង្គធម្មជាតិ ហៅថា Natural Organic Reduction ដោយដាក់រាងកាយនៅក្នុងធុងដែលអាចប្រើឡើងវិញបាន រួចគ្របវាដោយបន្ទះឈើ និងបញ្ចេញខ្យល់ ដែលបង្កើតបរិយាកាសសម្រាប់អតិសុខុមប្រាណ និងបាក់តេរីសំខាន់ៗដើម្បីបង្កើនល្បឿននៃការរលួយនៃសាកសព នោះក្នុងរយៈពេលប្រហែល ៣០ ថ្ងៃ រាងកាយនឹងត្រូវបានផ្លាស់ប្តូរយ៉ាងពេញលេញទៅជាដីកំប៉ុស។

បន្ទាប់ពីនោះនៅពេលដែលដំណើរការនេះត្រូវបានបញ្ចប់ គ្រួសារនៃសពអាចនឹងមកទទួលយកដីដែលមានជីជាតិទាំងនោះពីទីតាំងនៃការផលិតជីនេះ មករក្សាទុក ឬអាចប្រើប្រាស់សម្រាប់អត្ថប្រយោជន៍ ក្នុងការដាំដុះបន្ថែម ដូចជាការដាំដើមឈើ ផ្កា ឬបន្លែជាដើម។

គួរបញ្ជាក់ថាដំណើរការនេះគឺប្រើថាមពលត្រឹមតែ១ ភាគ ៨ នៃការដុត ឬបូជាសព ដែលវាអាចកាត់បន្ថយការបញ្ចេញកាបូនទៅក្នុងខ្យល់ និងប្រសើរជាងការកប ឬបញ្ចុះ ដែលអាចបំពុលសារធាតុរាវរាងកាយពីទឹកក្រោមដី បន្ថែមពីនោះត្រូវការមឈូសដើម្បីប្រើប្រាស់ដាក់សព ដែលវាជាការខ្ជះខ្ជាយ ធនធានធម្មជាតិនៃដើមឈើ ហើយក៏ត្រូវការដីច្រើនសម្រាប់ធ្វើទីបញ្ចុះសពផងដែរ។

ទោះជាយ៉ាងណាបើទោះបីជាដំណើរការនេះមានលក្ខណៈស្របច្បាប់ក៏ និងមានអត្ថប្រយោជន៍ចំពោះបរិស្ថានក៏ពិតមែន ប៉ុន្តែវាជានីតិវិធីមួយដែលព្រះវិហារកាតូលិកបាននិយាយថា ទង្វើនេះបរាជ័យក្នុងការបង្ហាញពី “ការគោរពចំពោះសាកសពរបស់អ្នកស្លាប់”៕ ប្រភព៖ pptvhd36

បរទេស៖ បង្ហាញពីការទស្សន៍ទាយរបស់គ្រូទាយពិការភ្នែកដ៏ល្បីឈ្មោះលើពិភពលោក លោកយាយ  Baba Vanka ដែលបាន ទស្សន៍ទាយពីជោគវាសនារបស់ពិភពលោកមុនពេលគាត់ទទួលមរណៈភាព ដោយទស្សន៍ទាយថានៅឆ្នាំ ២០២៣នេះ ពិភពលោកអាចនឹងជួបប្រទះនឹង “រលកយក្សស៊ូណាមិ” ហើយព្រះអាទិត្យនឹងបញ្ចេញប្លាស្មាយ៉ាងច្រើនមកកាន់ផែនដី ព្រមទាំងគន្លងរបស់ពិភពលោកនឹងមានការផ្លាស់ប្តូរ។

ប្រព័ន្ធផ្សព្វផ្សាយបរទេសបង្ហាញពីការទស្សន៍ទាយរបស់គ្រូទាយពិការភ្នែកដ៏ល្បីល្បាញ  Baba Vanka ដែលបានបន្សល់ទុកនូវទំនាយមួយដើម្បីទស្សន៍ទាយជោគវាសនារបស់ពិភពលោកនាថ្ងៃអនាគតមុនពេលលោកយាយបានបាត់បង់ជីវិតក្នុងអាយុ ៨៥ឆ្នាំ នៅពាក់កណ្តាលទសវត្សរ៍ឆ្នាំ ១៩៩០។

ក្នុងនោះលោកយាយ Baba Vanka បានធ្វើការទស្សន៍ទាយបញ្ជាក់ថាពិភពលោក នឹងមានគ្រោះមហន្តរាយ និងហេតុការណ៍ដ៏រន្ធត់មួយចំនួននឹងកើតឡើងលើភពផែនដីរបស់យើងសម្រាប់ឆ្នាំ២០២៣នេះ។

ដោយលោកយាយបានទស្សន៍ទាយថានៅក្នុងឆ្នាំមួយនេះនឹងមាន “រលកយក្សស៊ូណាមិ” ហើយព្រះអាទិត្យនឹងបញ្ចេញប្លាស្មាយ៉ាងច្រើន ដែលនេះនឹងធ្វើឱ្យវាលវិទ្យុសកម្មម៉ាញេទិកដែលជាមុខងារការពាររបស់ផែនដីនឹងត្រូវបានបំផ្លាញ ក៏ដូចជាខូចខាតយ៉ាងធ្ងន់ធ្ងរ  ដែលអាចបណ្តាលឱ្យដាច់ចរន្តអគ្គិសនី និងប្រព័ន្ធទូរគមនាគមន៍បរាជ័យផងដែរ  ជាមួយគ្នានោះគន្លងរបស់ផែនដីអាចនឹងផ្លាស់ប្តូរ ហើយមនុស្សក្រៅភពអាចនឹងឈ្លានពានផែនដីនៅឆ្នាំ២០២៣នេះ។

មិនតែប៉ុណ្ណោះគ្រូទាយ Baba Vanka បានទាយថាមនុស្សប្រហែលជាត្រូវបានបង្កើតឡើងនៅក្នុងមន្ទីរពិសោធន៍វិទ្យាសាស្ត្រ នៅឆ្នាំ ២០២៣ ផងដែរ។

លើសពីនេះលោកយាយ ក៏បានទស្សន៍ទាយថានៅឆ្នាំនេះ រោងចក្រថាមពលអាចនឹងផ្ទុះជាទ្រង់ទ្រាយធំ ដោយបញ្ចូនពពកផ្សែងពុល ដែលគ្របដណ្តប់នៅអាស៊ី ខណៈពេលដែលប្រទេសផ្សេងទៀតអាចរងផលប៉ះពាល់ ដោយការរីករាលដាលយ៉ាងធ្ងន់ធ្ងរនៅពេលដែលផ្សែងពុលអណ្តែតលើអាកាស។

ទាក់ទងនឹងទំនាយរបស់ Baba Vanka ខាងលើត្រូវបានពិភពលោកកំពុងព្រួយបារម្ភ និងបានទាញភ្ជាប់ជាមួយស្ថានភាពនៃសង្រ្គាមអ៊ុយក្រែន ព្រោះទាហានរុស្ស៊ីបានរឹបអូសរោងចក្រនុយក្លេអ៊ែរ Zaporichia នៅអ៊ុយក្រែន ដែលជារោងចក្រថាមពលធំបំផុតនៅអឺរ៉ុបចាប់តាំងពីឆ្នាំមុន បន្ទាប់ពីប្រធានាធិបតី វ្ល៉ាឌីមៀ លោកពូទីន បានបញ្ជូនទាហានរុស្ស៊ីទៅកាន់អ៊ុយក្រែនកាលពីថ្ងៃទី ២៤ ខែកុម្ភៈឆ្នាំមុន។

ទោះជាយ៉ាងណាក៏ដោយការទស្សន៍ទាយរបស់លោកយាយ Baba Vanka  ថាតើឆ្នាំថ្មីនេះនឹងត្រឹមត្រូវប៉ុណ្ណា?

បន្ទាប់ពីមានការទស្សន៍ទាយដ៏ត្រឹមត្រូវ និងក្លាយជាការពិតរបស់គ្រូទាយពិការភ្នែកលោកយាយ Baba Vanka នៅឆ្នាំ ២០២២  ថាមាន ប្រទេសជាច្រើនរួមទាំងប្រទេសអង់គ្លេសនឹងជួបប្រទះគ្រោះរាំងស្ងួតនៅរដូវក្តៅ ហើយអាស៊ីនឹងមានទឹកជំនន់ភ្លាមៗ បន្ថែមពីនោះលោកយាយបានទស្សន៍ទាយថាមានបុរសម្នាក់នឹងគ្រប់គ្រងពិភពលោកដែលសំដៅដល់ឈ្មោះ “វ្ល៉ាឌីមៀ ពូទីន”៕ ប្រភព៖ ​Thairath