ក្រុមគោព្រៃកម្ពុជា នឹងត្រូវធ្វើការធ្ងន់នាល្ងាចនេះ ដោយត្រូវជួបក្រុមខ្លាំងក្នុងតំបន់អាស៊ាន គឺដំរីសឹកថៃ ដោយលេងនៅក្នុងទឹកដីថៃផ្ទាល់ នៃកីឡដ្ឋានThammasat Stadium ខេត្ត Pathum Thani វេលាម៉ោង ៧:៣០នាទីយប់។
សម្រាប់ឈុតធំកម្ពុជាធ្លាប់មានប្រវត្តិជួបថៃតាំងពីឆ្នាំ១៩៥៧ ជំនួប៦លើក កម្ពុជាមិនដែលយកឈ្នះថៃបានឡើងដោយធ្លាប់ស្មើម្ដងនៅឆ្នាំ១៩៧១ លទ្ធផល ១-១ ប្រកួត South East Asian Peninsula Games។
ដោយឡែកនៅល្ងាចនេះ ជាការប្រកួតដ៏សំខាន់ ដោយរវាងកម្ពុជា និងថៃ ក្រុមណាឈ្នះ នឹងមានសិទ្ធឡើងទៅកាន់វគ្គបន្ត នៃពានរង្វាន់ AFF Mitsubishi Electric Cup 2022៕
