ប្រទេសថៃ៖ ស្របពេលដែលកំពុងមានភាពតានតឹងជាមួយកម្ពុជា នាយឧត្តមនាវី មេបញ្ជាការកងទ័ពជើងទឹកថៃ លោក Pairoj Phuangphol បាននិយាយព្រមា.នដោយបើ.កជំហរថា ឆ្នាំនេះគឺជាឆ្នាំប្រយុទ្ធពេញទីរបស់កងទ័ពថៃ។ បន្ថែមលើការអះអាងនេះ ក៏មានការបង្ហើបឲ្យដឹងផងដែរថា ពេលនេះកងទ័ពជើងទឹកថៃនឹងបំប្លែងនាវាដ៏ធំមួយគ្រឿងឲ្យទៅជានាវាផ្ទុកដ្រូនសម្រាប់ប្រយុទ្ធ។

យោងតាមការចុះផ្សាយរបស់ទីភ្នាក់ងារសារព័ត៌មានថៃ Thai News Agency កាលពីថ្ងៃព្រហស្បត្តិ៍ទី២០ ខែវិច្ឆិកាបានឲ្យដឹងថា អគ្គមេបញ្ជាការកងទ័ពជើងទឹកថៃ លោក Pairoj Phuangphol បានបង្ហាញអំពីការប្តេជ្ញាចិត្តរបស់ខ្លួននៅក្នុងឆ្នាំ២០២៥នេះថា គឺជាឆ្នាំនៃការត្រៀមខ្លួនសម្រាប់ប្រយុទ្ធពេញលេញរបស់កងទ័ពជើងទឹកថៃ។ ក្នុងនោះលោកបានឆ្លៀតអួតបន្ថែមថា ឥឡូវនេះទ័ពជើងទឹកថៃត្រៀមធាតុផ្សំសំខាន់ទាំង ៤រួចរាល់ដែលរួមមាន៖ កម្លាំងទ័ព, គ្រឿងសព្វាវុធ, ក្បួនយុទ្ធសាស្ត្រសង្គ្រាម និងការគ្រប់គ្រងលើកងទ័ព»។

មេទ័ពជើងទឹករូបនេះបានសង្កត់ធ្ងន់ថា៖ «បច្ចុប្បន្ន កងទ័ពជើងទឹកថៃ កំពុងរៀបចំខ្លួន ដើម្បីសមយុទ្ធយោធាលើផ្ទៃទឹក ដូច្នេះ នៅពេលដែលស្ថានការណ៍ មានភាពតានតឹងណាមួយកើតឡើង នោះកងទ័ពជើងទឹកថៃ នឹងត្រៀមខ្លួនរួចជាស្រេច នៅក្នុងកម្រិតខ្ពស់»។ ការលើកឡើងរបស់លោក ធ្វើឡើងចំពេលភាពតានតឹងរវាងកម្ពុជា និង ថៃ កំពុងងើបឡើងវិញ បន្ទាប់ពីថៃបានប្រកាសផ្អាកអនុវត្តសេចក្ដីថ្លែងការណ៍រួម និងទាត់ចោលសន្តិភាព។

ដោយឡែកបើយោងតាមការបង្ហោះរបស់អ្នកកាសែតជើងចាស់ម្នាក់ ដែលដកស្រង់សម្ដីរបស់លោក Pairoj បានបង្ហើបឲ្យដឹងថា កងទ័ពជើងទឹកថៃ នឹងយកនាវា Chakri Naruebet បម្រើការជាប៉ុស្តិ៍បញ្ជាការចល័ត សម្រាប់ការការពារព្រំដែនសមុទ្រក្រោម «ផែនការចក្រពង្សភូវនាត (Chakrapong Phuwanart Plan)» ដោយមាននាវាល្បាតផ្លាស់ប្តូរវេនរៀងរាល់ប្រាំមួយខែម្តង។

លើសពីនេះ លោក Pairoj ក៏បានប្រកាសដែរថា ឆ្នាំ២០២៦ នឹងត្រូវក្លាយជា«ឆ្នាំនៃភាពត្រៀមខ្លួនរបស់កងទ័ពជើងទឹក» ជាមួយនឹងការដាក់ពង្រាយ យន្តហោះគ្មានមនុស្សបើក ប្រភេទ UAVs និងយានគ្មានមនុស្សបើកលើផ្ទៃទឹក និងក្រោមទឹក រួមជាមួយនឹងប្រព័ន្ធប្រឆាំងដ្រូន ដើម្បីប្រើក្នុងប្រតិបត្តិប្រយុទ្ធ។

ទោះជាយ៉ាងណា គំនិតនេះនៅស្ថិតក្រោមការសិក្សាបន្ថែម ដោយនាវា Chakri Naruebet នឹងត្រូវដាក់ក្នុងស្ថានភាពប្រុងប្រយ័ត្នខ្ពស់ជាមុនសិន ហើយការចូលទស្សនារបស់សាធារណជនដែលកន្លងមកធ្លាប់អនុញ្ញាតឲ្យចូលទៅបាននោះ ត្រូវបានផ្អាកជាបណ្ដោះអាសន្ន ខណៈដែលវាកំពុងស្ថិតក្រោមការត្រៀមលក្ខណៈប្រយុទ្ធ៕

ប្រទេសថៃ ៖ តាមការចុះផ្សាយរបស់សារព័ត៌មាន Top News កាលពីវេលាម៉ោងជាង២រសៀល ថ្ងៃទី២០ ខែវិច្ឆិកា ឆ្នាំ២០២៥ មានទូកដឹកអ្នកដំណើរ១គ្រឿងធ្លាយនៅកណ្តាលសមុទ្រពេលទូកនេះដឹកភ្ញៀវទេសចរចំនួន៩២នាក់ រួមទាំងអ្នកធ្វើការលើទូក៥នាក់ ត្រឡប់មកពីកោះគុត ខេត្តត្រាត ។ ហេតុការណ៍នេះបណ្តាលឱ្យភ្ញៀវទេសចរទាំងអស់ភ័.យស្លន់ស្លោយ៉ាងខ្លាំងខ្លា.ចបាត់បង់ជីវិត និងស្រែករកការជួយសង្គ្រោះជាបន្ទាន់ ដោយសារខ្យល់ខ្លាំង និងរលកសមុទ្រខ្ពស់ៗ។

ក្រោយពីទទួលបានសញ្ញាសុំជំនួយបន្ទាន់ពីទូក មជ្ឈមណ្ឌលជាតិគ្រប់គ្រងដែនសមុទ្រប្រទេសថៃបានសហការជាមួយភ្នាក់ងារសង្គ្រោះក្នុងតំបន់ និងអាជ្ញាធរ ដើម្បីបញ្ជូនកម្លាំង និងទូកទៅជួយជម្លៀសភ្ញៀវទេសចរទាំងអស់មកកាន់កំពង់ផែ ដោយរៀបចំកន្លែងសុវត្ថិភាពសម្រាប់ភ្ញៀវទេសចរ ។ បើតាមសេចក្តីរាយការណ៍បឋម គឺគ្មានអ្នករងរបួសធ្ងន់ធ្ងរ ឬបាត់បង់ជីវិតទេ ខណៈសមត្ថកិច្ចបានស្រាវជ្រាវរកមូលហេតុបណ្តាលឱ្យទូកធ្លាយបាត និងវាយតម្លៃការខូចខាត ។

ហេតុការណ៍នេះកើតឡើងនៅបរិវេណកោះក្រាដាត ស្ថិតនៅឆ្ងាយពីកំពង់ផែកោះគុត ប្រមាណ១៥គីឡូម៉ែត្រ ធ្វើឱ្យភ្ញៀវទេសចរលើទូកភ័យស្លន់ស្លោគ្រប់គ្នាពេលកំពុងធ្វើដំណើរត្រឡប់មកពីកោះគុត ខេត្តត្រាត ។ ពេលនេះ ភ្នាក់ងារកំពុងពិនិត្យមើលចំណុចខូចខាត ដោយសារធ្លាយបាតទូកបណ្តាលឱ្យទឹកហូរចូលប្រមាណ ៥០% ។

ភ្ញៀវទេសចរលើទូកមានទាំងជនជាតិថៃ និងជនបរទេសបានពាក់អាវការពារគ្រប់គ្នា ប៉ុន្តែភ្ញៀវទេសចរនៅតែភ័យ ដោយសារនៅចំណុចកើតហេតុមានខ្យល់ខ្លាំង និងរលកសមុទ្រខ្ពស់ៗ ។ ជំហ៊ានដំបូង ភ្នាក់ងារសង្គ្រោះបានជួយជម្លៀសភ្ញៀវទេសចរចេញពីទូកចំនួន៤៣នាក់ នាំមកកាន់កំពង់ផែឡែមស៊ុន នៅឃុំអាវយ៉ៃ ស្រុកមឿង ខេត្តត្រាត បន្ទាប់មក ក៏ជួយសង្គ្រោះភ្ញៀវទេសចរ៤៩នាក់ទៀត រីឯអ្នកធ្វើការលើទូក៥នាក់ ត្រូវបានជួយសង្គ្រោះនាពេលបន្ទាប់ សរុបចំនួន៩៧នាក់មានសុវត្ថិភាពហើយ ។

គួរបញ្ជាក់ថា ទូកនេះបានធ្លាយបាតចំនួន១កន្លែងដែលធ្វើឱ្យទឹកហូរចូលលិចទូកបន្តិចម្តងៗ ហើយភ្ញៀវទេសចរត្រូវបានជួយសង្គ្រោះទាន់ពេលវេលា ។ ប្រសិនបើធ្លាយច្រើនកន្លែងវិញ វានឹងលិចក្នុងទឹកភ្លាមៗតែម្តង មិនអាចជួយជម្លៀសភ្ញៀវទេសចរទេ ៕

ខេត្តថាសាក់៖ មនុស្សម្នាររាប់សិបគ្រួសារភ័យស្ល.ន់ស្លោ ប្រញាប់ប្រញាល់រត់ទៅរកទីតាំងសុវត្ថិភាពសឹងមិនចង់ទាន់ ខណៈនៅសុខផ្ទះសម្បែងរបស់ពួកគេដែលនៅជាប់មាត់ទន្លេជាង ៤០ខ្នង បានបា.ក់ស្រុតតាមច្រាំងទន្លេចូលទៅក្នុងទឹកបាត់។ ហេតុការណ៍នេះបានកើតឡើងនៅឃុំថាសាក់ ស្រុកអ៊ុតថៃ ខេត្តអ៊ុតថារ៉ាឌីត ប្រទេសថៃ។

យោងតាមការចុះផ្សាយរបស់សារព័ត៌មាន Khaosod និង Matichon របស់ថៃ នៅថ្ងៃទី២០ ខែវិច្ឆិកា ឆ្នាំ២០២៥ នេះបានឲ្យដឹងថា សហគមន៍ផ្សារ ១០០ ឆ្នាំ នៅខេត្តថាសាក់ ត្រូវបានប្រកាសជាតំបន់គ្រោះមហន្តរាយបន្ទាន់ ដោយអាជ្ញាធរមូលដ្ឋានបានបញ្ជាឲ្យប្រជាពលរដ្ឋធ្វើការជម្លៀសចេញភ្លាមៗ នៅមុនពេលដែលផ្ទះរបស់ពួកគេត្រូវធ្លាក់ចូលក្នុងទឹកទន្លេបន្តិច។

បច្ចុប្បន្ន អាជ្ញាធរបានធ្វើការព័ទ្ធខ្សែរ និងដាក់ស្លាកសញ្ញាហាមឃាត់ មិនឲ្យមានការចេញ-ចូលនៅតំបន់ខាងលើនោះដាច់ខាត ខណៈស្ថានភាពនៃការបាត់ស្រុដីនេះទំនង់ជានឹងកើតមានជាបន្តទៀត ដូច្នេះអាជ្ញាធរត្រូវរកវិធីដោះស្រាយ និងទប់ស្កាត់ជាមុនសិន។

ជាមួយគ្នានេះ ជម្រកបណ្ដោះអាសន្នសម្រាប់ពលរដ្ឋដែលជម្លៀសខ្លួនក៏ត្រូវបានតម្លើង ដោយមនុស្សមានទាំងក្មេង ចាស់ ប្រុសស្រី ប្រមាណជាង ៤០គ្រួសារ កំពុងដង្ហើយរកជំនួយ ព្រោះតែទ្រព្យសម្បត្តិមួយចំនួន និងសម្ភារៈប្រើប្រាស់របស់ពួកគេ ត្រូវបានបា.ក់ធ្លាក់ទៅតាមផ្ទះចូលក្នុងទឹកទន្លេបាត់ទៅហើយ។

តាមការបញ្ជាក់របស់អ្នកជំនាញបានឲ្យដឹងថា ទីតាំងនៅតាមបណ្តោយទន្លេណាន ជាពិសេសត្រង់ចំណុចភូមិឃុំខាងលើនេះ ត្រូវបានប្រកាសថាជាតំបន់គ្រោះថ្នាក់ ចាប់តាំងពីការវា.យប្រហារដោយព្យុះត្រូពិច Bualoi ដោយស្ថានភាពទឹកទន្លេនេះបានបន្តកើនឡើងឥតឈប់ឈរ ហើយហូរច្រោះច្រាំងទន្លេធ្វើឲ្យដាច់បន្តិចម្ដងៗ។ នៅពេលដែលទឹកស្រកទៅវិញ ដីនៅជុំវិញតំបន់នោះក៏បានប្រែក្លាយមានសភាពទន់ ដែលនាំឱ្យមានការដួលរលំ និងការខូចខាតយ៉ាងធ្ងន់ធ្ងរដល់សំណង់ និងហេដ្ឋរចនាសម្ព័ន្ធយ៉ាងទូលំទូលាយ។

ទោះជាយ៉ាងណា វាមិនបានបង្កគ្រោះថ្នាក់ដល់នរណាម្នាក់នោះទេ ហើយពេលនេះអង្គការរដ្ឋបាលខេត្តអ៊ុតថារ៉ាឌិត បានដាក់ពង្រាយគ្រឿងចក្រ និងកម្លាំងមនុស្សជាច្រើននាក់ដើម្បីកាយយកកម្ទេចកម្ទីចេញពីទឹក។ លើសពីនេះ សហគមន៍នេះត្រូវបានប្រកាសជាតំបន់នៃគ្រោះមហន្តរាយបន្ទាន់ ដោយអាជ្ញាធរនឹងមានវិធានការសង្គ្រោះជាបន្តបន្ទាប់៕