ប្រពន្ធធ្វើម្ហូបឆ្ងាញ់ៗពេក Huang Zitao ឡើងគីឡូស្រឺតៗ

យោងតាមប្រព័ន្ធផ្សព្វផ្សាយចិននៅក្នុងកម្មវិធីមួយតារាចម្រៀង និងតារាសម្តែង Huang Zitao បានបង្ហាញថាទម្ងន់បច្ចុប្បន្នរបស់លោកគឺ៩០គីឡូក្រាម។ ទម្ងន់នេះបានធ្វើឱ្យតារាសម្តែង Dylan Wang លាន់មាត់ថា «តើអាពាហ៍ពិពាហ៍ពិតជាធ្វើឱ្យមនុស្សឡើងទម្ងន់ដោយសារសុភមង្គលមែនទេ?»។

ក្រោយមកអំឡុងពេលផ្សាយផ្ទាល់មួយ Huang Zitao បានចែករំលែកដោយស្មោះត្រង់អំពីមូលហេតុនៃការឡើងទម្ងន់របស់ខ្លួនថា «ការធ្វើម្ហូបរបស់ប្រពន្ធខ្ញុំឆ្ងាញ់ណាស់។ ខ្ញុំពិតជារីករាយណាស់ដែលខ្ញុំឡើងទម្ងន់»។ ក្នុងអំឡុងពេលដែលលោកជាសមាជិកក្រុមចម្រៀង EXO Huang Zitao មានទម្ងន់ ៦២ គីឡូក្រាម មានចង្កេះ ៦៦សង់ទីម៉ែត្រ និងត្រូវបានគេស្គាល់ដោយសាររាងកាយស្លីមរបស់ខ្លួន។ ទោះជាយ៉ាងណាក៏ដោយ រូបរាងរបស់លោកបានផ្លាស់ប្តូរគួរឱ្យកត់សម្គាល់ចាប់តាំងពីរៀបការមក។

សាធារណជនចិនកំពុងជជែកវែកញែកយ៉ាងក្តៅគគុកអំពីការផ្លាស់ប្តូររបស់លោក Huang Zitao ដោយបង្ហាញថាវាឆ្លុះបញ្ចាំងពីទស្សនៈខុសគ្នាលើសុភមង្គល អាពាហ៍ពិពាហ៍ សុខភាព និងការរក្សារូបភាពរបស់សិល្បករនាពេលបច្ចុប្បន្ន។ ការរក្សារាងឱ្យល្អឥតខ្ចោះគឺមានសារៈសំខាន់សម្រាប់សិល្បករ ហើយមនុស្សជាច្រើនត្រូវបានរិះគន់នៅពេលដែលពួកគេឡើងទម្ងន់។ ទោះជាយ៉ាងណាក៏ដោយ ការសម្រេចចិត្តរបស់ Huang Zitao ក្នុងឡើងទម្ងន់ដើម្បីសុភមង្គលភាគច្រើនទទួលបានមតិប្រតិកម្មវិជ្ជមាន។
Huang Zitao ក៏បានចែករំលែកដោយស្មោះត្រង់ផងដែរថា «សុខភាពគឺជារឿងសំខាន់បំផុត។ កុំវិនិច្ឆ័យការខិតខំប្រឹងប្រែងរបស់ខ្ញុំដោយទម្ងន់របស់ខ្ញុំ»។ គេដឹងថា Huang Zitao បានចូលរួមក្រុមហាត់ប្រាណជាមួយសិល្បករជាច្រើនដូចជា Huang Xiaoming និង Dylan Wang ។

ទោះបីជាទម្ងន់របស់តារាប្រុសរូបឡើងដល់ ៩០ គីឡូក្រាមក៏ដោយ ភាគរយជាតិខ្លាញ់ក្នុងខ្លួនរបស់លោកនៅតែមានប្រហែល ១២-១៣.៤% ដែលទាបជាងមធ្យមភាគ។ ការផ្លាស់ប្តូររូបភាពរបស់ Huang Zitao ឆ្លុះបញ្ចាំងពីការផ្លាស់ប្តូរនៅក្នុងការរំពឹងទុករបស់សាធារណជនចំពោះសិល្បករស្តែងពី «ចរិតពិត» ហើយត្រូវបានគេពេញចិត្តជាងរូបភាពដ៏ល្អឥតខ្ចោះ។

នៅខែតុលា ឆ្នាំ២០២៥ Huang Zitao និង Xu Yiyang បានប្រារព្ធពិធីមង្គលការរបស់ពួកគេ នៅទីក្រុងប៉េកាំង ប្រទេសចិន។ ពិធីមង្គលការរបស់គូស្នេហ៍នេះគឺជាពិធីដ៏អស្ចារ្យមួយ ដែលរួមមានទាំងពិធីជប់លៀងក្រៅផ្ទះ និងពិធីជប់លៀងធំមួយ។ ទីកន្លែងរៀបការដូចរឿងនិទាននេះបានបង្កឱ្យមានការចាប់អារម្មណ៍យ៉ាងខ្លាំងនៅក្នុងប្រព័ន្ធផ្សព្វផ្សាយ និងនៅលើបណ្តាញសង្គម៕