ក្រោយពីផ្អាកឱ្យមនុស្សឆ្លងកាត់តាំងពីឆ្នាំ២០១៦ មកដល់ឆ្នាំ២០២៣ ដោយថាស្ពានមានស្ថានភាពចាស់ ដូច្នេះត្រូវបានជួសជុលឡើងវិញ ដោយអាជ្ញាធរជាតិអប្សរា បានសហការណ៍ជាមួយសាកលវិទ្យាល័យសូហ្វីយ៉ា ប្រទេសជប៉ុន ដើម្បីលើកតម្លៃ រក្សាទម្រង់ដើមរបស់សំណង់បុរាណមួយនេះ ឱ្យមានសភាពរឹងមាំឡើងវិញ។

ភ្ញៀវទេសចរនឹងត្រូវបានអនុញ្ញាតឲ្យធ្វើដំណើរឆ្លងកាត់ស្ពានហាលនេះជាបណ្តោះអាសន្ន ដើម្បីសម្រួលដល់ការចូលទស្សនាប្រាសាទអង្គរវត្តក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ក៏ដូចជាខួបលើកទី១០ នៃអង្គរសង្ក្រាន្ត ចាប់ពីថ្ងៃទី១០ ដល់ថ្ងៃទី២៣ ខែមេសា ឆ្នាំ២០២៣។

ស្ពានហាលចូលប្រាសាទអង្គរវត្តចូលទៅក្នុងរមណីដ្ឋានបុរាណអង្គរ ប្រទេសកម្ពុជា គឺជាស្ពានហាលធ្វើអំពីថ្មភក់ ប្រវែង ៨២០ ហ្វីត ការពារនៅសងខាងដោយគូទឹក ហើយនាំទៅដល់យ៉រនៅច្រកចូលប្រាសាទអង្គរវត្ត។

រមណីដ្ឋានហិណ្ឌូដ៏ល្បីល្បាញត្រូវបានសាងសង់ដោយព្រះបាទសូរ្យវរ្ម័នទី២ ។ ទ្រង់ជាស្តេចនៃអាណាចក្រខ្មែរពីឆ្នាំ ១១១៣ ដល់ ១១៥០។

ប្រាង្គប្រាសាទក្នុងផ្ទៃដី ៤០០ អា ត្រូវបានរចនាឡើងស្រដៀងនឹងកំពូលភ្នំព្រះសុមេរុ (Mount Meru)។ យោងតាមទេវកថាហិណ្ឌូ និងពុទ្ធសាសនា ទីតាំងនោះនៅក្នុងមហាសមុទ្រចក្រវាល (Cosmic Ocean) តំណាងឱ្យមជ្ឈមណ្ឌលនៃសកលលោកទាំងអស់៕

ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ នឹងបន្តដឹកនាំខេត្តព្រះសីហនុ មួយអាណត្តិទៀតក្នុងដែនសមត្ថកិច្ចដដែល។ នេះយោងតាមព្រះរាជក្រឹត្យចុះថ្ងៃទី១១ ខែមេសា ឆ្នាំ២០២៣។

ក្នុងព្រះរាជក្រឹត្យ តែងតាំងមុខតំណែងអភិបាលនៃគណៈអភិបាលខេត្ត សម្រាប់អាណត្តិទី២ ឯកឧត្តម គួច ចំរើន មានឋានន្តរស័ក្តិឧត្តមមន្ត្រី ថ្នាក់លេខ២ អភិបាលនៃគណៈអភិបាល ដោយអាណត្តិទី២គឺចាប់ពីឆ្នាំ២០២៣ ដល់ឆ្នាំ២០២៧។

សូមរម្លឹកថា ឯកឧត្តម គួច ចំរើន ត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់តែងតាំងជាអភិបាល នៃគណៈអភិបាលខេត្តព្រះសីហនុ ជំនួសឯកឧត្តម យន្ដ មីន កាលពីថ្ងៃទី ២៤ ខែមិថុនា ឆ្នាំ២០១៩ ។ ឯកឧត្តម គួច ចំរើន បានចូលកាន់តំណែងជាផ្លូវការ នៅថ្ងៃទី២៩ ខែមិថុនា ឆ្នាំ២០១៩ ដែលត្រូវផ្ទេរភារកិច្ចពីអភិបាល នៃគណៈអភិបាលខេត្តកំពង់ចាម មកជាអភិបាល នៃគណៈអភិបាលខេត្តព្រះសីហនុ។

ក្រោមការដឹកនាំរបស់ឯកឧត្តម គួច ចំរើន មួយអាណត្តិនៅខេត្តព្រះសីហនុ លោកទទួលបានការសរសើរពីប្រជាពលរដ្ឋយ៉ាងខ្លាំងថាជាអភិបាលគំរូមួយរូប កែប្រែមុខមាត់ខេត្តព្រះសីហនុ ឱ្យកាន់តែស្រស់ស្អាតនិងមានភាពទាក់ទាញ។

គូសបញ្ជាក់ថា មិនត្រឹមតែ ឯកឧត្តម គួច ចំរើន មានមុខតំណែងអភិបាលនៃគណៈអភិបាលខេត្ត សម្រាប់អាណត្តិទី២ ប៉ុណ្ណោះទេ ក្នុងនោះក៏មាន ឯកឧត្តម អ៊ុ រាត្រី នឹងបន្តជាអភិបាល នៃគណៈអភិបាលខេត្តបន្ទាយមានជ័យ មានឋានន្តរស័ក្តិឧត្តមមន្ត្រី ថ្នាក់លេខ៤ ។ ឯកឧត្តម អ៊ុន ចាន់ដា ឋានន្តរស័ក្តិឧត្តមមន្ត្រី ថ្នាក់លេខ២ ជាអភិបាល នៃគណៈអភិបាល ខេត្តកំពង់ចាម៕

ថ្ងៃ​ចូល​ឆ្នាំ​ថ្មី ប្រពៃណី​ជាតិខ្មែរ​យើង​ដែល​ប្រព្រឹត្តិ​ទៅ នៅ​ថ្ងៃ​ទី​១៤-១៥-១៦ ខែមេសា ឆ្នាំ​២០២៣​ខាង​មុខ​នេះ​។ ដូច្នេះ​បងប្អូន​មក​ដឹង​ពី​ទំនាញ​តាម​ថ្ងៃ​សង្ក្រាន្ត​ក្នុង​ឆ្នាំថោះ បញ្ច​ស័ក ទាំងអស់​គ្នា​ថា តើ​ទំនាយ​តាម​ថ្ងៃ​នីមួយ​ៗ​មាន​អ្វីខ្លះ​ល្អ អ្វីខ្លះ​មិនល្អ ដើម្បី​ឱ្យ​បងប្អូន​យើង​បានដឹង​ទាំងអស់​គ្នា​។

យោង​តាម​សៀវភៅ​មហាសង្ក្រាន្ត ដែល​រៀបរៀង​ដោយ​លោកគ្រូ អ៊ឹម បុរិន្ទ បោះពុម្ពផ្សាយ​ឆ្នាំ​២០២៣ នេះ​បានឱ្យ​ដឹង​ថា ហាក់​មានការ​ក្តៅក្រហាយ​ចិត្តច្រើន ខណៈ​ស្រូវ​មិនសូវ​ល្អ​មិនសូវ​អំណោយផល​នោះ​ទេ ក្នុង​នោះ​ផង​ដែរ ទំនាយ​ថ្ងៃ​មហាសង្ក្រាន្ត​ឃើញ​ថា មាន​បញ្ហា​រោគ​ឈឺភ្នែក ។

ទំនាញទាំងអស់រួមមាន៖

ទំនាយថ្ងៃមហាសង្ក្រាន្ត៖ ចូលឆ្នាំត្រូវជាថ្ងៃសុក្រ ទំនាយថាស្រូវអង្ករ សណ្តែក ផលដំណាំទាំងឡាយបរិបូណ៌ទឹកច្រើនភ្លៀង-ព្យុះ រន្ទះច្រើន មានរោគឈឺភ្នែក មនុស្សម្នាផង ទាំងឡាយ នឹងមានជម្ងឺស្លាប់ច្រើន ហើយនូវចាញ់ឯខាងកូនក្មេង។ ទេវតានឹងរក្សាមនុស្សផង ទាំងឡាយរស់នៅដោយសេចក្តីសុខមិនមានជម្ងឺដម្កាត់អ្វីឡើយ។ ស្រូវអង្ករបានផលល្អ មនុស្ស នឹងកើតសទ្ធាជឿជាក់កម្ម ផល ធ្វើបុណ្យដាក់ទានដល់ទុរគតជន ។

ទំនាយថ្ងៃវ័នបត៖ វ័នបត ត្រូវនឹងថ្ងៃសៅរ៍ទំនាយថា ស្រូវអង្ករត្រីសាច់ដំណាំផល្ល នឹងថ្លៃនឹងកើតភ្លើងឆេះកណ្តាលទីក្រុង ខុណ្ឌាងនឹងត្រូវទោស ទឹកតិចជាងរាល់ឆ្នាំសមណៈជី ព្រាហ្មណ៍ នឹងក្តៅក្រហាយចិត្ត។

ទំនាយថ្ងៃឡើងស័ក៖ ឡើងស័កត្រូវនឹងថ្ងៃអាទិត្យទំនាយថាថ្នាំនោះព្រះមហាក្សត្រ នឹង រុងរឿង ព្រះតេជ្ជនុភាព និងមានជ័យជំនះលើពពួកសត្រូវគ្រប់ទិសានុទិស។ ស្រូវពុំប្រពៃ។

ពេលវេលាមហាសង្ក្រាន្តៈ ចូលឆ្នាំនៅវេលាម៉ោង៤ល្ងាច នោះព្រះនាងទេធីតាអង្គុយ ពាក់ឆៀងលើពាហណៈ ទំនាយថា បរិជនទាំងឡាយ នឹងមានមរណៈភ័យ (ភ័យព្រោះ សេចក្ដីស្លាប់)មនុស្សផងទាំងឡាយមានអាហារហូបចុកមិនបរិបូណ៌ឡើយ៕

នៅលើភពផែនដីរបស់យើងគឺសំបូរទៅដោយរុក្ខជាតិនិងសត្វជាច្រើនប្រភេទដែលមានលក្ខណៈខុសៗគ្នា ដែលសត្វខ្លះជាសត្វឆ្លាត ខ្លះក៏ជាសត្វដែលមានកម្លាំងខ្លាំង និងខ្លះទៀតក៏ជាប្រភេទសត្វដែលខ្ចិលច្រអូសផងដែរ។ ដូច្នេះហើយថ្ងៃនេះយើងខ្ញុំសូមលើកយកកំពូលសត្វទាំង៩ ដែលខ្ចិលបំផុតលើពិភពលោក ដែលមានដូចជា៖

១.សត្វKoala៖ គឺជាប្រភេទសត្វដែលខ្ចិលបំផុតលើពិភពលោក សត្វនេះតែងតែចំណាយពេលគេងរហូតទៅដល់២៣ម៉ោងក្នុង១ថ្ងៃ ហើយវាចំណាយពេលក្រោកត្រឹមតែ១ម៉ោង ឬ២ម៉ោងក្នុង១ថ្ងៃនោះទេ ដូច្នេះហើយអាហារប្រចាំថ្ងៃរបស់ពួកវាគឺស្លឹកឈើ។២.សត្វSloth៖ គឺជាសត្វដែលមានចលនាយឺតៗមួយៗ សត្វនេះតែងតែចំណាយពេលគេរហូតទៅដល់២២ម៉ោងក្នុង១ថ្ងៃ សត្វនេះចូលចិត្តដេកលើមេឃឈើ ឬតោងមេឃឈើនៅក្នុងព្រៃត្រូពិក។៣.កណ្តុរOpossum៖ គឺជាសត្វដែលចំណាយពេលគេងរហូតទៅដល់២១ម៉ោងក្នុង១ថ្ងៃ ហើយពួកវានឹងរកកន្លែងមួយដែលផ្តល់អាហារនិងជំរកដែលពួកវាត្រូវការ រួចហើយសត្វទាំងនេះនិងនៅទីនោះរហូតមិនចេញទៅណានោះទេ។៤.ដំរីទឹក៖ សត្វនេះជាធម្មតាវាចំណាយពេលគេងរហូតទៅដល់២០ម៉ោងក្នុង១ថ្ងៃ ហើយវាចូលចិត្តដេកមិនថានៅលើគោកឬក្នុងទឹកនោះទេ ដំរីទឹកតែងតែស៊ីស្មៅជាអាហារហើយភាគច្រើនវាស៊ីស្មៅនៅពេលយប់។៥.ពស់ថ្លាន់៖ គឺជាសត្វដែលមានចលនាយឺតៗ ហើយជាធម្មតាពួកវាចំណាយពេលគេងរហូតទៅដល់១៨ម៉ោងក្នុង១ថ្ងៃ ពស់ថ្លាន់គឺជាសត្វដែលឆាប់អស់កម្លាំងនិងមានពេលខ្លះវាដេករយះពេល១សប្តាហ៍ដើម្បីយកកម្លាំងទៀតផង។៦.សត្វកាំប្រម៉ា៖ ត្រូវបានគេស្គាល់ថាជាសត្វដែលមានបន្លា និងចូលចិត្តស៊ីស្រម៉ោចនិង
កណ្តៀងជាអាហារ។ សត្វនេះមានចលនាយឺតនិងចំណាយពេលគេងរហូតទៅដល់១២ម៉ោងក្នុង១ថ្ងៃ ។៧.សត្វខ្លាឃ្មុំ៖ សត្វនេះចំណាយពេលគេងរហូតទៅដល់១០ម៉ោងក្នុង១ថ្ងៃ នៅពេលក្រោកពីដេកពួកវាចូលចិត្តស៊ីដើមឬស្សីដែលនៅជុំវិញខ្លួនវាជាអាហារ ចំណង់ចំណូលចិត្តវាគឺដេកនិងស៊ីតែប៉ុណ្តោះ។៨.សត្វលលក៖ ជាប្រភេទសត្វដែលចូលចិត្តយកពងខ្លួនឯងទៅដាក់ក្នុងសំបុកសត្វដទៃដូចជា សត្វចាបជាដើម ដើម្បីឱ្យសត្វចាបចិញ្ចឹម ដែលនេះជាវិធីសាស្រ្តដែលគេស្គាល់ថា ផ្ញើកូននិងសំបុកដទៃ។៩.សត្វថ្លែនអណ្តាតខៀវ៖ សត្វនេះមានដើមកំណើតនៅប្រទេសអូស្ត្រាលី ពួកវារស់នៅក្នុងសំបុកសត្វពីងពាងនិងស៊ីសត្វល្អិតៗដែលឆ្លងកាត់វាតែប៉ុណ្តោះ។ ពួកវាមិនចេញទៅណានោះឡើយ ពួកវាចូលចិត្តនៅតែក្នុងសំបុកពីងពាង និងពឹងផ្អែកលើទឹកភ្លៀងនិងទឹកសន្សើមដែលនៅជុំវិញសំបុកនោះតែប៉ុណ្ណោះ៕