ឆេងម៉េងគឺជាជំនឿរបស់ជនជាតិចិនឬអ្នកដែលជាប់ខ្សែស្រឡាយចិន ភាគច្រើនគេសែនឆេងម៉េងចុងខែមីនា និងដើមខែមេសា។ ឆេងម៉េងគឺសំដៅទៅលើពិធីសែនផ្នូរ ពិធីជម្រះចិត្តអោយជ្រះថ្លា ឬការសំអាតផ្នូរជូនដូនតា ដែលជាជនជាតិចិនឬអ្នកជាប់ខ្សែស្រឡាយចិន ដែលនិយមហៅថាការសែនផ្នូររបស់អ្នកមានគុណ ដែលបានចែកឋានទៅ។

គោលបំណងនៃឆេងម៉េងនេះគឺការសុំសេចក្តីសុខចម្រើន រកស៊ីមានបាន និងឡើងបុណ្យស័ក្តិជាដើម។ ប៉ុន្តែឆេងម៉េងមិនអាចសែនផ្ដេសផ្តាសនោះទេ ដូចច្នេះហើយយើងគួរយល់ដឹងខ្លះៗអំពី វិធីសែនឆេងម៉េងដើម្បីយកហេងនៅក្នុងថ្ងៃខាងមុខនេះ។ យោងតាមអ្នកគ្រូណាលីដែលជាគ្រូហុងស៊ុយវិទ្យសាស្ត្រដ៏ល្បីនៅប្រទេសកម្ពុជា បានបញ្ជាក់ថា៖
-ចំពោះអ្នកដែលកើតឆ្នាំរការ៖ ការសែនត្រូវតែរើសបន្តិច ព្រោះឆ្នាំនេះអ្នកអាចនឹងមានបញ្ហាជាច្រើនកើតឡើង ដូច្នេះហើយអ្នកមិនគួរសែននៅថ្ងៃទី៣ ខែមេសា ឆ្នាំ២០២៣នោះទេ ព្រោះថ្ងៃនេះមិនល្អសម្រាប់អ្នកទេ បើអ្នកសែនចំថ្ងៃទី៣នេះ អាចធ្វើអោយអ្នកសយពេញ១ឆ្នាំបាន។ ថ្ងៃល្អសម្រាប់អ្នកគឺថ្ងៃទី៤ ចំពោះអ្នកកើតឆ្នាំរការ ខែរការ ថ្ងៃរការ ក្នុងឆ្នាំនេះរការឆុងនឹងថោះ អ្នកមិនគួរសែនមាន់នោះទេ ។

-ចំពោះអ្នកដែលមានធាតុទឹកនិងដី៖ ថ្ងៃទី៤ ខែមេសា ឆ្នាំ២០២៣ គឺជាថ្ងៃដែលល្អខ្លាំងណាស់សម្រាប់អ្នក ហើយសម្រាប់មនុស្សទូទៅក៏អាចសែននៅថ្ងៃទី៤បានដែរ ព្រោះថ្ងៃនេះគឺល្អសម្រាប់មនុស្សគ្រប់គ្នាតែម្ដង មិនរើសពេលវេលានោះទេ អ្នកចង់សែននៅពេលណាក៏បាន។

-ចំពោះមនុស្សដែលមានធាតុមាស៖ ថ្ងៃទី២ ខែមេសា គឺជាថ្ងៃល្អខ្លាំងណាស់សម្រាប់អ្នក ដូច្នេះអ្នកអាចរើសយកថ្ងៃនេះបាន។
-ចំពោះមនុស្សដែលមានធាតុភ្លើង៖ ថ្ងៃទី២៩ ខែមីនា គឺជាថ្ងៃល្អខ្លាំងណាស់សម្រាប់អ្នកផងដែរ។

ផែនដីរបស់យើងមានតួនាទីយ៉ាងសំខាន់ក្នុងការទ្រទ្រង់ភាវះមានជីវិត រាល់ដំណើរការលើផែនដីទាំងអស់សុទ្ធតែមានសារះសំខាន់សម្រាប់ជីវិតរស់នៅរបស់យើងម្នាក់ៗ។ ដូចច្នេះហើយប្រសិនបើផែនដីរបស់យើងឈប់វិលតើនឹងមានរឿងអ្វីខ្លះកើតឡើង? តោះចូលរួមអានទាំងអស់គ្នា៖
១.ពេលថ្ងៃនឹងវែងជាងពេលយប់៖ នៅពេលផែនដីឈប់វិលរយះពេល៥នាទី នោះពេលថ្ងៃនឹងមានរយះពេលវែងប្រហែលជាមួយឆ្នាំ។
២.អាកាសធាតុប្រែជាអាក្រក់៖ នៅពេលផែនដីឈប់វិលភ្លាម នោះអាកាសធាតុប្លែកៗនឹងកើតមានយ៉ាងច្រើនៅលើផែនដី នៅពេលនោះយើងនឹងមិនអាចឃើញពន្លឺព្រះអាទិត្យនោះទេ។
៣.ស៊ូណាមិនិងទឹកជំនន់ធំៗ៖ នៅពេលផែនដីឈប់វិលភ្លាមនោះទឹកនឹងកើនឡើង ទឹកនិងផែនដី ចាប់ផ្តើមបាត់បង់តុល្យភាព ដែលបណ្តាលអោយស៊ូណាមិនិងទឹកជំនន់កើនឡើងយ៉ាងខ្លាំង នឹងអាចធ្វើអោយមនុស្សសត្វស្លាប់បាន។
៤.បាតុភូតខ្យល់បក់ខ្លាំង៖ កំណើនខ្យល់បក់ក៏មានទំនាក់ទំនងជាមួយផែនដីផងដែរ បើផែនដីឈប់វិលនោះនឹងមានខ្យល់បក់យ៉ាងខ្លាំង ដែលមានល្បឿន១៦០០គីឡូម៉ែតក្នុងមួយម៉ោង។
៥.បាតុភូតទ្វីបរសាត់៖ បើសិនផែនដីឈប់វិលនោះទ្វីបទាំងអស់នឹងដាច់ចេញពីគ្នាឬផ្តុំគ្នាដែលធ្វើអោយមានការប្រែប្រួលសណ្ឋាន។
៦.រដូវផ្លាស់ប្តូរ៖ បើសិនផែនដីឈប់វិល រដូវក៏បានផ្លាស់ប្តូរខុសធម្មតា ដែលជាទូទៅរដូវក្នុងពិភពលោកយើងមាន៤ តែនៅពេលផែនដីឈប់វិលគឺពិភពលោករបស់យើងមិនអាចមានរដូវទេ។
៧.គ្មានប្រមូលផល៖ ពិតណាស់បើសិនផែនដីឈប់វិលអ្វីៗក៏បានប្រែប្រួលដោយសារគ្រោះធម្មជាតិ។
៨.អ្វីៗនឹងផ្លាស់ទីតាំង៖ ផែនដីឈប់វិល វត្ថុនៅទីនោះក៏បានផ្លាស់ប្តូរដោយខ្លួនឯងផងដែរ។
៩.ទឹកត្រូវបាត់បង់ពីផែនដី៖ នៅពេលផែនដីឈប់វិលនោះទឹកនឹងលែងមានដូចមុន ហើយពិភពលោកនឹងជួបគ្រោះរាំងស្ងួត។
១០.ពិភពលោកនឹងឆេះ៖ ដូចដែលយើងបានដឹងហើយ ស្នូលផែនដីរបស់យើងគឺសុទ្ធតែភ្លើង នៅពេលផែនដីឈប់វិលនោះពិភពលោករបស់យើងនឹងឆេះ។

បាត់ដំបង៖ មន្ទីរទេសចរណ៍ខេត្តបាត់ដំបងបានឲ្យដឹងថាស្ថានីយបុរេប្រវត្តិសាស្រ្តល្អាងស្ពាន ជាឈ្មោះរូងភ្នំថ្មកំបោរមួយ ដែលមានទីតាំងស្ថិតនៅ ក្នុងភ្នំទាក់ទ្រាំង ភូមិគីឡូម៉ែត្រ៣៨ ឃុំត្រែង ស្រុករតនមណ្ឌល ខេត្តបាត់ដំបង មានចម្ងាយប្រមាណ ៤០គីឡូម៉ែត្រពីទីរូមខេត្ត បាត់ដំបង តាមបណ្តោយផ្លូវលេខ៥៧ ឆ្ពោះទៅខេត្តប៉ៃលិន។

ស្ថានីយបុរេប្រវត្តិសាស្រ្ត ល្អាងស្ពាននេះ ត្រូវបានរកឃើញ និងត្រូវបានធ្វើកំណាយលើកដំបូង ដោយលោកស្រី សេស៊ី ម៉ូរ៉េ និង លោក រ៉ូឡង់ ម៉ូរ៉េ នៅទសវត្ស ១៩៦០។ បន្ទាប់មកការស្រាវជ្រាវបានអាក់ខានជាង ៤០ឆ្នាំ។ លុះដល់ឆ្នាំ២០០៩ ទើបមានការស្រាវជ្រាវបន្ត ដែល ធ្វើឡើងតាមរយៈកិច្ចសហប្រតិបត្តិការណ៍ រវាងក្រសួងវប្បធម៏ និងវិចិត្រសិល្បៈ ជាមួយសារមន្ទីរជាតិប្រវត្តិសាស្រ្តធម្មជាតិនៃប្រទេសបារាំង ដែលមានលោក ហេង សុផាឌី និង លោក អ៊ូប៊ែរ ហ្វ័ររេទីយ៉េ ជាអ្នកដឹកនាំ។ ការធ្វើកំណាយជាហូរហែរកន្លងមក បានរកឃើញវត្ថុបុរាណជាច្រើនដូចជា៖ ឧបករណ៍ថ្មបំបែក, ថ្មរំលីង, ភាជន៍, គ្រឿងលម្អកាយ ( អង្កាំ និងកងដៃធ្វើពី ថ្ម និងបន្តោងខ្សែក ធ្វើពីចង្កូមសត្វ ) បំណែកឆ្អឹងសត្វ ព្រមទាំងផ្នូរសព។

លទ្ធផលវិភាគលើវត្ថុបានពីកំណាយ បង្ហាញថា ស្ថានីយល្អាងស្ពាន មានមនុស្សមកតាំងទី បីដំណាក់កាលផ្សេងគ្នា៖ សម័យថ្មបំបែកមានអាយុកាលប្រហែល ៧១០០០ ឆ្នាំ, វប្បធម៏ហាវប៊ីនញៀនមានអាយុចន្លោះពី ១១០០០ ដល់ ៥០០០ ឆ្នាំ និងចុងក្រោយ គឺសម័យថ្មរំលីង មានអាយុប្រហែល ៣០០០ ឆ្នាំ ដោយគេបានយកល្អាងស្ពាន ជាកន្លែងបញ្ចុះសព។

កាលប្រវត្តិទទួលបាននាពេលនេះ គឺធ្វើឡើងតាមវិធីសាស្រ្តបីផ្សេងៗគ្នា ដូចជា៖ (14C, OSL, U-Th) ទៅលើស្រទាប់ដីផ្សេងៗគ្នា ចាប់ពីផ្ទៃខាងលើ រហូតដល់ជម្រៅ៥ ម៉ែត្រ។ រហូតមកទល់ពេលនេះ ល្អាងស្ពានជាស្ថានីយបុរេប្រវត្តិសាស្រ្តតែមួយគត់នៅក្នុងប្រទេសកម្ពុជា ដែលប្រទះឃើញឧបករណ៍ថ្ម នៃ វប្បធម៏ហាវប៊ីនញៀនច្រើនប្រភេទ ហើយស្ថិតក្នុងស្រទាប់ដីជាក់លាក់។

ផ្អែកលើកាលប្រវត្តិ បរិមាណ និងលក្ខណៈនៃឧបករណ៍ថ្មទាំងនោះ ជួយឲ្យយើងយល់បានកាន់តែប្រសើរពីបច្ចេកទេសនៃការផលិតឧបករណ៍ ថ្ម វប្បធម៏ បរិស្ថាន និងបរិបទទូទៅនៃវប្បធម៏ហាវប៊ីនញៀន ព្រមទាំងទំនាក់ទំនងជាមួយសង្គមអ្នកបរបាញ់ និង ប្រមូលអនុផលព្រៃឈើដទៃទៀតនៅតំបន់អាស៊ីអាគ្នេយ៍ដីគោក៕