សាសនាព្រះពុទ្ធគឺជាប្រភពឬជាបណ្តុំនៃវិធីសាស្រ្តជាច្រើនដែលជួយយើងធ្វើការអភិវឌ្ឍន៏នូវសក្កដានុពលភាពជាមនុស្សអោយបានពេញលេញដោយមានការយល់ដឹងនូវធម្មជាតិនៃសភាវៈពិត។ ព្រះពុទ្ធសាសនាត្រូវបានបង្កើតឡើងអស់រយៈពេល២៥០០ឆ្នាំកន្លងមកហើយ ព្រះពុទ្ធសាសនាបានផ្សព្វផ្សាយដល់ទូទាំងទ្វីបអាស៊ីហើយនៅក្នុងពេលបច្ចុប្បន្ននេះព្រះពុទ្ធសាសនាគឺជាសាសនាចំបងទីបួននៅលើសកលលោកផងដែល។ ដូច្នេះហើយតើប្រទេសណាខ្លះដែលមានអ្នកកាន់សាសនាព្រះពុទ្ធច្រើនជាងគេ? តោះចូលរួមអាននឹងយល់ដឹងទាំងអស់គ្នា៖

១.ប្រទេសកម្ពុជា៖ គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៩៧%ដែលស្មើរនឹង១៣,៨លាននាក់។
២.ប្រទេសថៃ៖ គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៩៤%ដែលស្មើរនឹង៦៤លាននាក់។
៣.ប្រទេសមីយ៉ាន់ម៉ា៖ គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៨៨%ដែលស្មើរនឹង៣៨លាននាក់។
៤.ប្រទេសប៊ូតាន៖ គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៧៥%ដែលស្មើរជាង៥សែននាក់។
៥.ប្រទេសស្រីលង្កា៖ គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៦៩%ដែលស្មើរនឹង១៤,៥លាននាក់។
៦.ប្រទេសជប៉ុន៖គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៦៧%ដែលស្មើរនឹង៨៤លាននាក់។
៧.ប្រទេសឡាវ៖ គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៦៦%ដែលស្មើរនឹង៤,១លាននាក់។
៨.ប្រទេសម៉ុងហ្គោលី៖ គឺជាប្រទេសដែលមានប្រជាជនកាន់សាសនាព្រះពុទ្ធច្រើនជាងគេរហូតទៅដល់៥៥%ដែលស្មើរនឹង១,៥លាននាក់។
៩.ប្រទេសសិង្ហបុរី៖ ក៏ជាប្រទេសដែលមានប្រជាជនកាន់សាសនាព្រះពុទ្ធច្រើនគួរសមដែរ ។
១០.ប្រទេសកូរ៉េខាងត្បូង៖ ក៏ជាប្រទេសដែលមានប្រជាជនកាន់សាសនាព្រះពុទ្ធច្រើនគួរសមដែរ៕

ប្រទេសបារាំង ៖ កាលពីថ្ងៃទី៧ ខែមីនា កន្លងមក មានពលរដ្ឋបារាំងជាង១,២លាននាក់បានចេញមកតវ៉ានៅទូទាំងប្រទេស ដើម្បីប្រឆាំងនឹងផែនការកំណែទម្រង់អាយុចូលនិវត្តន៍របស់ប្រធានាធិបតីបារាំង លោក Emmanuel Macron ដែលនឹងបង្កើនអាយុចូលនិវត្តន៍ពី៦២ឆ្នាំ ទៅ៦៤ឆ្នាំ ។

ការធ្វើបាតុកម្មតវ៉ានេះ គឺជាលើកទី៦ ក្នុងឆ្នាំ២០២៣ ដែលសហជីពការងារបានអំពាវនាវឱ្យគ្រប់ផ្នែកទាំងអស់ចេញមកតវ៉ានៅទូទាំងប្រទេស រួមទាំងប្រមូលផ្តុំគ្នាក្នុងក្រុងធំ Marseille របស់ប្រទេសបារាំងផងដែរ ។ ការប្រមូលផ្តុំគ្នាតវ៉ាប្រឆាំងនឹងផែនការកំណែទម្រង់របស់ប្រធានាធិបតីបារាំងនេះ បានធ្វើឱ្យប៉ះពាល់ដល់ការធ្វើដំណើរតាមរថភ្លើងទាំងអស់ក្នុងប្រទេស រួមទាំងខ្សែរថភ្លើងរវាងប្រទេសផងដែរ ដូចជា សេវាកម្មរថភ្លើងរបស់ Eurostar ។

ការប្រឆាំងតវ៉ានេះ ក៏បានប៉ះពាល់ដល់សេវាកម្មរថយន្តក្រុងជាច្រើន រួមទាំងជើងហោះហើរផ្សេងៗ ដោយមានការរាយការណ៍ថា កាលពីថ្ងៃទី៧-៨ ខែមីនា កន្លងមក ជើងហោះហើរប្រមាណ៣០% បានផ្អាកការហោះហើររបស់ខ្លួន ខណៈអ្នកគ្រប់គ្រងចរាចរណ៍ផ្លូវអាកាសផ្អាកការងារមកតវ៉ាប្រឆាំង រីឯមន្ត្រីរាជការប្រមាណ២៤% ក៏បានណាត់គ្នាផ្អាកការងារដូចគ្នា ។ លើសពីនេះ អ្នកចូលរួមតវ៉ាប្រឆាំងនឹងផែនការកំណែទម្រង់អាយុចូលនិវត្តន៍ រួមមាន គ្រូបង្រៀន បុគ្គលិកមកពីរោងចក្រចម្រាញ់ប្រេង និងផ្នែកថាមពល បុគ្គលិកប្រមូលសំរាម និងអ្នកបើករថយន្តធំៗ ។

សហជីពការងារ CGT លើកឡើងថា ការផ្គត់ផ្គង់ប្រេងឥន្ធនៈពីរោងចក្រចម្រាញ់ប្រេងនៅទូទាំងប្រទេសបារាំងបានផ្អាកភ្លាមៗ ហើយវាធ្វើឱ្យប៉ះពាល់ដល់ស្ថានីយប្រេងឥន្ធនៈជាច្រើនកន្លែងទៀត បើពលរដ្ឋនៅតែធ្វើបាតុកម្មបែបនេះ ។

មុននេះ ប្រធានាធិបតីបារាំង លោក Emmanuel Macron បានស្នើផែនការកំណែទម្រង់អាយុចូលនិវត្តន៍របស់ពលរដ្ឋ ដោយលោកបានជំរុញឱ្យបង្កើនអាយុចូលនិវត្តន៍ពី៦២ឆ្នាំ ទៅ៦៤ឆ្នាំ និងបង្កើនចំនួនឆ្នាំ ក្នុងការមានសិទ្ធិទទួលបានប្រាក់ចូលនិវត្តន៍ ។ ផែនការកំណែទម្រង់នេះធ្វើឱ្យពលរដ្ឋបារាំងមិនពេញចិត្តជាខ្លាំង ដោយសារពួកគេគិតថា ផែនការកំណែទម្រង់នេះនឹងបង្កើនបន្ទុកដល់ពួកគេ ។

តាមការស្ទង់មតិរបស់ IFOP ឃើញថា មានពលរដ្ឋបារាំងត្រឹមតែ៣២%ប៉ុណ្ណោះ ដែលគាំទ្រផែនការកំណែទម្រង់របស់ប្រធានាធិបតីបារាំង ខណៈការស្ទង់មតិរបស់ ELABE ឃើញថា មានពលរដ្ឋបារាំង៥៦% បានគាំទ្រការប្រមូលផ្តុំគ្នាតវ៉ាប្រឆាំងនឹងផែនការនេះ ៕

ប្រភព ៖ thestandard

មានមនុស្សជាច្រើននៅលើលោកនេះដែលមានជំនឿខុសៗគ្នា យ៉ាងណាមិញសាសនាទាំងអស់សុទ្ធតែទូន្មានអប់រំយើងអោយធ្វើតែអំពើល្អ សុចរិត ត្រឹមត្រូវ។ ដូច្នេះហើយតើសាសនាណាខ្លះដែលមានមនុស្សគោរពប្រតិបត្តតាមច្រើនជាងគេ? សព្វថ្ងៃនេះមានសាសនាធំៗទាំង១០ដែលមានមនុស្សជឿនឹងគោរពប្រតិបត្តតាមច្រើនជាងគេនៅលើពិភពលោកដែលមានដូចជា៖
១.សាសនាគ្រិស្ត៖ ដែលមានអ្នកគោរពប្រតិបត្តតាមច្រើនជាងគេចំនួន ២.៤ ពាន់លាននាក់។
២.សាសនាឥស្លាម៖ ៖ ដែលមានអ្នកគោរពប្រតិបត្តតាមច្រើនជាងគេចំនួន ១.៩ ពាន់លាននាក់។
៣.សាសនាហិណ្ឌូ៖ ៖ ដែលមានអ្នកគោរពប្រតិបត្តតាមច្រើនជាងគេចំនួន ១.២ ពាន់លាននាក់។
៤.សាសនាព្រះពុទ្ធ៖ ៖ ដែលមានអ្នកគោរពប្រតិបត្តតាមច្រើនជាងគេចំនួនជាង ៤០០ លាននាក់។
៥.សាសានាបុរាណចិន ៖ ដែលមានអ្នកគោរពប្រតិបត្តតាមច្រើនជាងគេចំនួនជាង ៣០០ លាននាក់។
៦.ជំនឿពួកជាតិពន្ធ៖ ដែលមានអ្នកគោរពប្រតិបត្តតាមច្រើនជាងគេចំនួន ៣០០ លាននាក់។
៧.សាសនាSikhism ៖ ដែលមានអ្នកគោរពប្រតិបត្តតាមច្រើនជាងគេចំនួនជាង ២០ លាននាក់។
៨.សាសនាJudaism ៖ ដែលមានអ្នកគោរពប្រតិបត្តតាមច្រើនជាងគេចំនួនជាង ១០ លាននាក់។
៩.សាសនាJainism ៖ ដែលមានអ្នកគោរពប្រតិបត្តតាមច្រើនជាងគេចំនួនជាង ៤ លាននាក់។
១០.សាសនាShintoism ៖ ដែលមានអ្នកគោរពប្រតិបត្តតាមច្រើនជាងគេចំនួន ៤ លាននាក់៕

ប្រទេសថៃ ៖ លោក សុមឈួន រតនមាំងក្លាណុន មកពីអគ្គនាយកដ្ឋានអភិវឌ្ឍន៍បសុសត្វ បានធ្វើជាប្រធានក្នុងកិច្ចពិភាក្សាជាមួយតំណាងការិយាល័យវប្បធម៌ និងពាណិជ្ជកម្មតៃវ៉ាន់ប្រចាំប្រទេសថៃ ព្រមទាំងតំណាងការិយាល័យដំណាំ និងសត្វតៃវ៉ាន់ អំពីការបើកទីផ្សារនាំចេញពងមាន់ជាលើកដំបូងពីប្រទេសថៃទៅកាន់តៃវ៉ាន់ ដោយកិច្ចប្រជុំបានពិចារណាពីលក្ខខណ្ឌនៃការនាំចេញ ឯកសារ និងវិធីសាស្ត្រពាក់ព័ន្ធនានា ។

លទ្ធផលនៃកិច្ចប្រជុំពិភាក្សាគ្នានេះ គឺធ្វើតាមគោលនយោបាយរបស់រដ្ឋមន្ត្រីក្រសួងកសិកម្មថៃ លោក ឆ្លឺមឆ័យ ស្រីអន «ផ្ទះបាយថៃទៅកាន់ផ្ទះបាយពិភពលោក ប្រកបដោយសុវត្ថិភាព និងនិរន្តរភាព» ដើម្បីជំរុញកំណែទម្រង់ប្រព័ន្ធស្បៀងអាហារ និងកសិកម្មថៃ ឆ្ពោះទៅរកនិរន្តរភាពដើម្បីកសាងទំនុកចិត្តលើផលិតផលកសិកម្ម និងអាហារថៃ ដោយនាយកដ្ឋានអភិវឌ្ឍន៍បសុសត្វមានតួនាទីពិនិត្យលើផលិតផលបសុសត្វឱ្យមានគុណភាព និងស្តង់ដារ ដើម្បីធានាសុវត្ថិភាពផ្នែកចំណីអាហារដល់អ្នកបរិភោគ ។

លើសពីនេះ ប្រទេសថៃនឹងផ្តោតទៅលើកសិដ្ឋានចិញ្ចឹមសត្វមានស្តង់ដារ ការអនុវត្តកសិកម្មល្អ រោងចក្រកែច្នៃមានអនាម័យ ប្រព័ន្ធវិភាគពីគ្រោះថ្នាក់ និងការពិនិត្យផលិតផល ដើម្បីឱ្យស្របតាមច្បាប់របស់ប្រទេសថៃ និងប្រទេសដៃគូពាណិជ្ជកម្មផងដែរ ។

លោក សុមឈួន រតនមាំងក្លាណុន ថ្លែងបន្តថា តៃវ៉ាន់បានជ្រើសរើសការនាំចូលពងមាន់ពីប្រទេសថៃជាលើកដំបូង វាជាដំណឹងល្អសម្រាប់កសិករអ្នកចិញ្ចឹមមាន់របស់ថៃ ដែលពួកគេនឹងមានទីផ្សារនាំចេញថ្មីៗបន្ថែមទៀត ខណៈកាលពីឆ្នាំ២០២២ កន្លងមក ថៃបាននាំចេញពងមាន់ទៅកាន់ហុងកុង និងសិង្ហបុរី ក្នុងចំនួន២៨២លានគ្រាប់ ស្មើនឹងទឹកប្រាក់១.២៣៨លានបាត ។ ការនាំចេញពងមាន់របស់ថៃបានកើនឡើង ដោយសារប្រទេសជិតខាងរបស់ថៃជួបបញ្ហាខ្វះខាតពងមាន់ ខណៈមានការឆ្លងរាតត្បាតជំងឺគ្រុនផ្តាសាយបក្សី ព្រមទាំងដើមទុននៃការផលិតកើនឡើងផងដែរ ។

នាយកដ្ឋានអភិវឌ្ឍន៍បសុសត្វបានចាត់វិធានការបង្ការយ៉ាងតឹងរ៉ឹងប្រឆាំងនឹងជំងឺផ្តាសាយបក្សី ដែលបានធ្វើឱ្យប្រទេសថៃគ្មានការឆ្លងរាតត្បាតជំងឺនេះរយៈពេលជាង១៥ឆ្នាំ ហើយថៃបានក្លាយជាប្រទេសមួយរឹងមាំផ្នែកឧស្សាហកម្មបសុបក្សី និងស៊ុត ដោយថៃអាចផលិតពងមាន់មានគុណភាព សុវត្ថិភាព និងបង្កើតទំនុកចិត្តដល់ប្រទេសដៃគូពាណិជ្ជកម្ម ។ គេរំពឹងថា ថៃនឹងក្លាយជាប្រទេសអាចរក្សាការផលិត និងផ្គត់ផ្គង់ពងមាន់ទៅកាន់ទីផ្សារពិភពលោកកាន់តែច្រើនថែមទៀត ៕

ប្រភព ៖ thansettakij

រាជធានីគួឡាឡាំពួ៖ រហូតមកដល់ពេលនេះ អតីតនាយករដ្ឋមន្រ្ដីម៉ាឡេស៊ី កំពុងតែប្រឈមមុខនឹងការចោទប្រកាន់បទល្មើសថ្មីបន្ថែមទៀត ធ្វើឲ្យសំណុំរឿងចោទប្រកាន់ ដល់រូបគាត់ កើនឡើង ចំនួន៧បទល្មើស ប៉ុន្ដែគាត់នៅតែអះអាង ថា គាត់មិនបានប្រព្រឹត្ដអ្វីខុសនោះឡើយ។

សារព័ត៌មាន Malay Mail បានចេញផ្សាយ កាលពីថ្ងៃចន្ទ ទី១៣ ខែមីនា ឆ្នាំ២០២៣ ថា លោក តាន់ ស្រ៊ី មូសយីដឌីន យ៉ាសស៊ីន (Tan Sri Muhyiddin Yassin) អតីតនាយករដ្ឋមន្រ្ដីម៉ាឡេស៊ី កាលពីថ្ងៃចន្ទ បានស្បថ ថា គាត់មិនមានទោសកំហុស ចំពោះការចោទប្រកាន់ ពីបទលាងលុយកខ្វក់ណាមួយផ្សេងទៀតនោះឡើយ។ ចំណែកការចោទប្រកាន់លើកនេះ ពាក់ព័ន្ធនឹងមូលនិធិ មានទឹកប្រាក់ទំហំ៥លានរីងហ្គីត (លុយរបស់ម៉ាឡេស៊ី) ឬស្មើនឹងប្រហែលជាង១,១៥លានដុល្លារអាមេរិក ដែលធ្វើឲ្យគាត់ រងការចោទប្រកាន់បន្ថែមទៀត កើនឡើង ដល់៧ករណី។

អតីតនាយករដ្ឋមន្រ្ដីម៉ាឡេស៊ី រូបនេះ កាលពីវេលាម៉ោង៩ព្រឹក ថ្ងៃចន្ទ បានរងនូវការចោទប្រកាន់ ក្រោមច្បាប់ប្រឆាំងនឹងការលាងលុយកខ្វក់, ការប្រឆាំងនឹងការផ្តល់ហិរញ្ញប្បទានភេរវកម្ម និង ដំណើរការសកម្មភាពខុសច្បាប់ ឆ្នាំ២០០១។

លោក Muhyiddin បានអះអាង ចំពោះការកាត់ទោស សម្រាប់បទល្មើសលាងលុយកខ្វក់ ដែលគាត់ត្រូវបានចោទប្រកាន់ ពីការទទួលបានប្រាក់ចំណូល ចំនួន៥លានរីហ្គីត មកពីក្រុមហ៊ុន Bukhary Equity Sdn Bhd ចំពោះសកម្មភាពខុសច្បាប់ ហើយត្រូវបានដាក់បញ្ចូល ទៅក្នុងគណនីរបស់ Parti Pribumi Bersatu នៃធនាគារ AmBank របស់ម៉ាឡេស៊ី។ គាត់ត្រូវបានចោទប្រកាន់ អំពីការប្រព្រឹត្តបទល្មើស នៅសាខាផ្សារទំនើប AmBank នៅថ្ងៃទី៧ ខែមករា ឆ្នាំ២០២២។

ប្រសិនបើត្រូវបានផ្តន្ទាទោស ពីបទឧក្រិដ្ឋកម្មលាងលុយកខ្វក់នោះ អាចនឹងត្រូវប្រឈមមុខនឹងការជាប់ពន្ធនាគារ រហូតដល់១៥ឆ្នាំ និង ពិន័យជាប្រាក់ មិនតិចជាងប្រាំដង នៃផលបូកពីមូលនិធិខុសច្បាប់ ដែលត្រូវបានចោទប្រកាន់ ឬ ៥លានរីងហ្គីត ឬអាចខ្ពស់ជាងនេះ។

លោក អះម៉ាត់ អាក្រាម ហ្គារី (Ahmad Akram Gharib) ព្រះរាជអាជ្ញារងសាធារណៈ បានដាក់ពាក្យសុំធានាឲ្យនៅក្រៅឃុំ នៅក្នុងតុលាការទីក្រុងគួឡាឡាំពួរ (Kuala Lumpur) ពោលគឺបង់ប្រាក់ធានា ចំនួន២លានរីងហ្គីត ជាមួយនឹងការធានា ចំនួនពីរករណីផ្សេងទៀត ហើយលិខិតឆ្លងដែនរបស់គាត់ ក៏ត្រូវប្រគល់ជូនដល់តុលាការផងដែរ។

លោក តាន់ ស្រ៊ី មូសយីដឌីន យ៉ាសស៊ីន (Tan Sri Muhyiddin Yassin) អតីតនាយករដ្ឋមន្រ្ដីម៉ាឡេស៊ី បានថ្លែងទៅកាន់បណ្ដាញផ្សព្វផ្សាយ ខណៈកំពុងរង់ចាំ នៅក្នុងសាលរបស់តុលាការសះអាឡាម (Shah Alam) រដ្ឋសាឡាហ្គ័រ (Selangor) ថា គាត់បានសារភាព ថា គាត់មិនមានកំហុសនោះទេ ហើយថាចៅក្រមបានយល់ព្រម ផ្ទេរសំណុំរឿងនេះ ទៅកាត់តុលាការទីក្រុងគូឡាឡាំពួរ។

អតីតនាយករដ្ឋមន្រ្ដីម៉ាឡេស៊ី រូបនេះ កាលពីថ្ងៃសុក្រសប្ដាហ៍មុន បានអះអាង អំពីការកាត់ក្តីលើការចោទប្រកាន់ ចំនួន៦ នៅក្នុងតុលាការទីក្រុង Kuala Lumpur ពោលគឺការចោទប្រកាន់ពីបទពុករលួយចំនួន៤ករណី និង ការចោទប្រកាន់ការលាងលុយ ចំនួន២ករណី។ ចំណែកសំណុំរឿងទាំងនេះ នឹងត្រូវលើកមកជំនុំជម្រះ នៅក្នុងតុលាការគួឡាឡាំពួរ នៅថ្ងៃទី២៦ ខែឧសភា ឆ្នាំ២០២៣៕

ប្រទេសចិន ៖ កាលពីថ្ងៃទី១៣ ខែមីនា កន្លងមក ប្រធានាធិបតីចិន លោក ស៊ី ជិនពីង បានថ្លែងជាលើកដំបូងក្នុងកិច្ចប្រជុំប្រចាំឆ្នាំ ក្រោយពីលោកឡើងកាន់តំណែងជាប្រធានាធិបតីចិន អាណត្តិទី៣ ទៅកាន់គណៈប្រតិភូជិត៣.០០០នាក់នៃសភាជាតិប្រជាជនចិនថា លោកនឹងពង្រឹងសន្តិសុខជាតិ ហើយធ្វើឱ្យកងទ័ពចិនក្លាយជាជញ្ជាំងដែកដ៏រឹងមាំមួយដើម្បីការពារផលប្រយោជន៍របស់ជាតិ ស្របពេលសម្ព័ន្ធភាពរវាងចិន និងអាមេរិកកាន់តែតឹងខ្លាំង ។

លោក ស៊ី ជិនពីង ថ្លែងបន្តថា ស្ថេរភាព គឺជាមូលដ្ឋានគ្រឹះនៃការអភិវឌ្ឍប្រទេស ហើយចិនចាំបាច់ត្រូវមានស្ថេរភាពដើម្បីភាពរីកចម្រើន និងពឹងពាក់ខ្លួនឯងឱ្យបានច្រើន ។ លើសពីនេះ ចិនត្រូវមានបច្ចេកវិទ្យា និងវិទ្យាសាស្ត្រឈានមុខខ្លាំង បន្ទាប់ពីអាមេរិកព្យាយាមរារាំងចិនក្នុងការផលិតបន្ទះឈីប និងបច្ចេកវិទ្យាទំនើបនានា ។ មុននេះ រដ្ឋមន្ត្រីក្រសួងការបរទេសថ្មីរបស់ចិនបានដាស់តឿនថា ការព្យាយាមរបស់អាមេរិកដើម្បីគ្រប់គ្រងផលប្រយោជន៍របស់ចិន នឹងធ្វើឱ្យចិនមានជម្លោះ និងប្រឈមមុខដាក់គ្នាជាមួយអាមេរិក ។

លើសពីនេះ គណបក្សកុម្មុយនិស្តចិននឹងមិនផ្លាស់ប្តូរគោលនយោបាយរួបរួមប្រទេសជាមួយតៃវ៉ាន់ទេ ដូច្នេះ លោក ស៊ី ជិនពីង បញ្ជាក់ថា លោកនឹងដោះស្រាយបញ្ហាជាមួយតៃវ៉ាន់ ព្រមទាំងជំរុញការអភិវឌ្ឍទំនាក់ទំនងឆ្លងដែនដោយសន្តិភាព ប៉ុន្តែលោកនឹងទប់ទល់ការជ្រៀតជ្រែកពីខាងក្រៅ រួមទាំងទប់ទល់នឹងក្រុមបែងចែកទឹកដីនៅតៃវ៉ាន់ផងដែរ ដែលពួកគេចង់ទាមទារឯករាជ្យពីប្រទេសចិន ។

ទោះយ៉ាងណា លោកប្រធានាធិបតីចិនបានបញ្ជាក់ពីភាពចាំបាច់ក្នុងការប្រើប្រាស់គោលនយោបាយ «ប្រទេសមួយ របបពីរ» រួមទាំងហុងកុង និងម៉ាកាវផងដែរ ខណៈស្ថេរភាពនៅហុងកុង និងម៉ាកាវក្នុងរយៈពេលវែង គឺជារឿងសំខាន់មួយដែលជួយឱ្យចិនក្លាយជាប្រទេសរឹងមាំ ៕ ប្រភព ៖ TNN World